1 Timote 2:5 - Caekäcai Kangthae (Lemi)

⁵ Ätephüng-a mei nädylä Säthaw lä lawngtä xyng awng kae. Khimi ce hai Säthaw säla-a aede hethang sa haw pa saite Kung lä Khrista Isu lawngtä xyng kae vi.

Asang Khongso New Testament

⁵ Kawmawtiah Sithaw loa maeto khueh ah oh moa kami hoi Sithaw salak ah angdaehhaih ka sah kami longto a oh.

1 Timote 2:5 ပူးပေါင်းရင်းမြစ်များ

Mathai 1:1

Hini lä Isu Khrista üng ärui äceng phüng tärü te cae vi. Isu lä sanphrang Davidae üng kaesui kaebeng vi. Sanphrang Davidae lä Abraham üng kaesui vi.

Mathai 1:23

Buisaw Isaia ma “Anglaw käcai lä äjopawng ea cäpaw aepeng ai. Khimi ce ma Emanuela näkha ka ö ai.” Honi älawngsai lä “Säthaw lä mä-ai hai mangtä awng” näte vi näkha näpa.

Luka 14:22

Tukha mawsawng ma ‘Ingkung ä, nang ma thui te kätyng kai lä sa pyng te vi dy. Tungaila mityng lä aekawng mang vi rawng’ näpa.

Johan 1:14

Älo lä khimi-a aelawng kha kai ce tea bälung aevaw te hai Säthaw üng bälung kähawi mitang khü-a mätü ea mä-ai hai mangtä awng. Kai ce lä äni üng phung-ang nung ö dy. Hini phung-ang lä Pä-ai Säthaw ma Cäpaw lawngtä xyng tea py saite phung-ang vi.

Johan 17:3

Dungtäsa hing saite näte lä Säthaw tätang lawngtä xyng tea mäny te hai, Nang, Säthaw, ma mätaw saite Kai, Isu Khrista, bung mäny te tea näte vi.

Angtawtha 4:12

Honi Isu ma qaitä ni khimi ce bung aeqang haw te kae. Älawng qawng-a awng saite khimi na tähang Säthaw lä Isu lawngtä xyng bung mätaw te vi” näkha Peterae ma thui pa.

Pawlae ma Rom märü üng kangkawng tähang tärü saite cae 1:3

Hini Angthang Kähawi lä Säthaw üng Cäpaw, mä-ai üng Areng Isu Khrista üng phüng vi. Äni lä khimi-a aelawng kha Davidae kaesui kaebeng thung üng vi.

Pawlae ma Rom märü üng kangkawng tähang tärü saite cae 10:12

Judae khimi na hai ceng kälang na lä äte la lang te awng y. Säthaw lä khimi angxynlyng na üng Areng mangtä vi te phüng-a, aetang saite qütä na tea lä Äni ma tengxyng y tähang kähawi py pa te vi.

1 Korin 8:4

Tukätephüng-a kai lä nang ce tea mimi na tea löci sa pyng te mawi ca saite phüng, thui hethang ngai. Mimi hai aesui saite äte khömang la älawng-a awng y näte hai Säthaw lä lawngtä xyng awng näte tea mä-ai yng saite na lä mäny ö te vi.

1 Korin 8:6

Tungaila mä-ai tähang lä Säthaw lawngtä xyng kha äni lä mä-ai üng Pä-ai vi. Äni lä äte angxynlyng na tea sa vi dy. Äni tähang mä-ai lä hing ö te vi. Mä-ai tähang Areng lawngtä xyng awng kha äni lä mä-ai üng Areng Isu Khrista vi. Säthaw lä äte angxynlyng na tea äni hai-a sa vi dy. Äni hai-a mä-ai lä Säthaw tähang hing ö te vi.

Galati 3:20

Äsäla sa te kung näte lä kangkawng haetä xyng tähang kälu sa te y lyng. Äni lä kangkawng känetä tähang kälu sa te vi. Tungaila Abraham tea älo aedo saite Säthaw lä lawngtä xyng awng te kae.

Ephesi 4:6

Pä-ai Säthaw lawngtä xyng tea mä-ai angxynlyng na lä cäphaw ö te kae vi. Äni lä mä-ai angxynlyng na tea pyng te vi. Äni lä mä-ai angxynlyng na thung-a aeta kha mä-ai hai-a kälu sa te vi.

1 Timote 6:13

Hing hethang äte angxynlyng na py saite Säthaw hai Pontia Pilata mätawngky üng maw-a älo mitang tho saite Isu Khrista üng maw-a, nang tea kai lä särilo thui te vi.

Hebrai 12:24

Säthaw hai khimi ce üng säla-a aenai saite kangthae tea aerü rüng saite lä Isu tea tyng te vi dy. Nang ce lä Isu üng käthüng saite äthi tea tyng ö vi dy. Honi äthi lä Abela üng äthi qawng-a hawiky saite älo tea thui vi.

Hebrai 7:25

Tukätephüng-a Isu hai-a Säthaw tea ly saite khimi na bung lä dungtäsa cungrü-a aeqang haw bawi ö te vi. Ätephüng-a mei nädylä äni lä khimi ce bung aeqang he Säthaw tea aetang haw jawjaw hethang dungtäsa hing te vi dy.

Hebrai 8:6

Tungaila vaihi Säthaw lä Isu bung mäthykung sa hai hethang re te vi dy. Isu üng kälu sa saite na lä hini älawngpre-a awng saite mäthykung na qawng-a aely lengky vi. Honi kätyng Säthaw hai äni üng khimi na säla-a Isu üng aenai saite lo lä aenai saite Kangrüng qawng-a hawiky vi. Ätephüng-a nädylä honi aenai saite lo Kangthae lä hawiky saite älo aedo saite na qawng-a aenyng te phüng-a vi.

Hebrai 9:15

Tukätephüng-a Khrista lä Säthaw hai khimi ce säla-a kangthae aenai saite vi. Tudylä Säthaw ma ka saite khimi angxynlyng na lä Säthaw üng aedo saite dungtäsa tähang kähawi tea dang haw ö te vi. Khrista lä angcü üng aenai saite täkui-a hunghö sa saite khimi na bung bälawi hethang dü pa te vi dy te phüng-a, honi kätyng lawng te vi dy.

1 Johan 2:1

Kai üng caw nade na ä, hunghö sa y hethang hini cae thung-a nang ce tea kai lä tärü te vi. Tungaila khimi lawngtä hunghö sa dylä, Pä-ai maw-a mä-ai üng jüng-a mäkai pa hethang lawngtä awng vi. Äni lä cüng saite Isu Khrista vi.

Lokphong 1:13

Honi maibung kaesang na säla-a lä Khimi üng Cäpaw kätyng kai lä nung vi. Äni lä äma üng äkho-a tyng khytä kä-o käsa aelawng vi. Äni üng tatärang-a lä sui khabai aemäkhing te kai lä nung vi dy.