1 Timote 1:9 - Caekäcai Kangthae (Lemi)

^9-10 Säthaw lä khimi cüng saite na tähang Ubädi lä py te y näte mä-ai la mäny ö te by. Säthaw üng Ubädi tängai y saite khimi na, Säthaw tea elekhei saite khimi na, Säthaw tea tämö khai y saite khimi na, hunghö sa jawjaw saite khimi na, Säthaw kängai-a awng y saite khimi na hai Säthaw tea mäny hethang ngai y saite khimi na tähang lä Ubädi py te vi dy. Hini Ubädi lä äma ce üng nä-awi pä-ai na hai khimi kälang na tea bädü saite na, täkübäjang sa saite na, nawngmädi tingtawi, nawngmäcaw tingtawi mangtä i saite na, khimi ce bung ne kha mawsawng tangnae sa hai he khimi kälang na tea jaw saite na, kaeling lo thui saite na, älo mitang thui hethang äni ce aedo pyng saite kätü-a mäteng ma kaeling sa saite na, Säthaw phüng kätüng mätu te tea elekhei sa saite na tähang Säthaw lä Ubädi py te vi.

Asang Khongso New Testament

⁹ To-e pakuem poe hanih loa tawklok hae kami kahoih han-iah sak ih na ai ni, tawklok ka phrae kaminawk hoi zaehaih ka sah kaminawk, Sithaw khangzahaih ka tawn ainawk hoi kami kazaenawk, bokhaih bang hoi pakhra bangah tiadoeh ka sah ainawk, amno ampa ka humnawk, kami ka humnawk,

1 Timote 1:9 ပူးပေါင်းရင်းမြစ်များ

Mathai 10:21

“Khimi ce lä kangby jä-ai tingtawi dü hethang tähang ae-a ö ai. Äpä-ai ma äcäpaw bung a ai. Äcäpaw ni äcänung lä änä-awi ni äpä-ai tea engleng sa kha bädü hethang a vi ai.

Pawlae ma Rom märü üng kangkawng tähang tärü saite cae 1:30

Äni ce lä khimi ce üng phüng käsi thui saite, Säthaw tea esäre saite, khimi ce tea mäthi y sa saite, bälungleng saite hai aethaw saite na vi. Äni ce lä hawi y saite älang na dawng ö te kae. Änä-awi äpä-ai na üng lo na tängai ö y saite na vi.

Pawlae ma Rom märü üng kangkawng tähang tärü saite cae 4:13

Säthaw lä Abraham hai äni üng caw nade na tea älawngpre py ai näkha älo aedo pa vi dy. Honi aedo te lä, Abraham lä Ubädi tängai te phüng-a y. Äni lä Säthaw tea yng kha Säthaw ma äni tea khimi käcüng-a mäthi te phüng-a, Säthaw ma äni tea älo aedo te vi dy.

Pawlae ma Rom märü üng kangkawng tähang tärü saite cae 5:20

Khimi ce lä äma ce üng hunghö sa saite na tengxyng y nung rae haw hethang Säthaw lä Mosi hai-a Ubädi py pa te vi. Tungaila hunghö sa te nyng saite kätü-a lä Säthaw üng tähang kähawi lä awng mang rae te vi.

Pawlae ma Rom märü üng kangkawng tähang tärü saite cae 6:14

Hunghö lä nang ce tea pyng hai hang. Ätephüng-a mei nädylä nang ce lä Ubädi thung-a awng te kätyng hing hethang ngai y dy. Nang ce lä Säthaw üng tähang kähawi hai-a awng ö te phüng-a vi.

Galati 3:19

Hokä dylä ätephüng-a, Säthaw lä Ubädi py te vi mei. Säthaw lä khimi tea hunghö sa vi näte mätü hethang Ubädi py be te vi. Älo aedo saite Abraham üng kaepreng tyng te khytä xyng Ubädi lä aenae awng te kae vi. Säthaw lä Känipre üng angtawtha na hai Mosi tea Ubädi py te vi. Mosi lä Säthaw hai khimi säla-a äsäla sa pa saite kung na vi.

Galati 5:18

Tukätephüng-a Muilaw Käcai ma nang ce tea lang mätü dylä, Mosi üng Ubädi lä nang ce tea pyng y dy.

2 Thesalon 2:8

Honi pyng-a Ubädi tea elekhei sa saite Kung lä tho ai. Tungaila Areng Isu ly haile be te kätü-a lä, särilo haetä hai Ubädi tea elekhei sa saite Kung tea täphra vi ai. Tukha Isu lä phung-ang hai ly kha Ubädi tea elekhei sa saite Kung tea haidae awng y king hethang sa pa vi ai.

1 Timote 4:7

Säthaw hai aesui y saite cäkae kangrüng na tea lä aehi tätang khü ba. Honi jüng-a Säthaw üng ngai te hai hing hethang nang lä aetu ba.

1 Timote 6:20

Timothe ä, Säthaw ma nang tea ae-y kha sa hethang py saite kälu tea kähawi-a rui ba. Säthaw hai aesui y saite lo, aetütü saite lo, ävang ting y saite lo na tea aehi ba. Säthaw phüng tea elekhei sa kha kätüng y mätu saite bälunghae te na näkha näsaite na hai nang lä älo aepe kha kätü byng hai hang ba.

2 Timote 2:16

Nang lä Säthaw tea tämö khai y saite lo, aetütü ävang ting y saite lo thui saite na tea aehi ba. Hokä thui saite khimi na lä Säthaw tea mäny y saite khimi na kätyng lawng rae ö vi ai.

2 Timote 3:2

Khimi ce lä äma ce tea xyng hai äma ce üng tangkae tea bälung aevaw ö ai. Äni ce lä aethaw te hai bälungleng kha khimi ce phüng käsi thui ö ai. Änä-awi äpä-ai üng lo tängai ö y ai. Säbawng saite khimi na tea kawng te lo thui y te hai, Säthaw tea tämö khai ö y ai.

Titas 1:10

Ätephüng-a mei nädylä kangkawng üng mätawngky lo na tängai y saite na lä awng mang vi. Äni ce lä älo aetütü na thui rungrang te hai yng saite na tea tämang hai te vi. Yng saite khimi qütä na lä lengkhüng täke hethang kae näkha thui te khimi na thung-a awng ö ky te vi.

Titas 1:16

Äni ce lä täbawng mang Säthaw tea mäny vi näkha thui ngaila aeme aeqa saite hai lä Äni tea aephae ö te vi. Äni ce lä känyng hethang hawi saite na hai kähawi sakaw y saite na kae vi.

Titas 1:6

Kangkawng üng mätawngky lawngtä lä khimi ce ma cy saite awng haw y hethang kae. Äni lä nawngpui lawngtä xyng ni awng he kae. Äni ce üng caw nade na la yng saite khimi na-a lawng hethang kae. Äni üng caw nade na lä deirei te hai älo aetängai y saite na kätyng-a khimi ce ma cy haw y hethang kae.

Titas 3:3

Mä-ai la jangni-a lä kaerö te hai älo aetängai vai y saite na by vi. Tukha khimi ce lä mä-ai tea lolang tämang hai ö te vi. Mä-ai lä jangni-a ngaiphi tüng y saite cawngkhang na mang-a hui hethang aepä-üng haw ö y. Mä-ai lä kawng saite hai bädö saite amäjy angxynlyng na tea mawsawng na lawng te vi dy. Mä-ai lä kätü qütä käsi sa kha khimi ce tea pä-e ö te vi. Khimi ce lä mä-ai tea esäre kha mä-ai la äni ce tea esäre ö tyng te by vi dy.

Hebrai 11:31

Nawngmädi kangdei Raha lä yng te phüng-a, Säthaw üng lo tängai y saite khimi na hai mangtä dü y. Ätephüng-a mei nädylä Isrelae khimi na üng sämeng na tea kähawi-a lady pa te phüng-a vi.

Hebrai 12:16

Nang ce thung-a ämi la täkübäjang sa y hethang sädi khai ö. Esawka lä äcälöky üng tähang kähawi tea ang kaephi hai aeleng ja te vi. Hini kätyng Säthaw tea mäthi y sa hang.

1 Piter 2:7

Hini lungphö lä yng saite nang ce tähang ävang ting te vi. Tungaila yng y saite khimi na tähang Caekäcai thung-a tärü te lä, “Ing sa saite kung na ma hini lungphö tea khaisö ngaila, aely lengky saite lungphö-a bälawng vi dy” näkha awng te vi.

1 Piter 3:20

Honi lä cangkhawng-a Säthaw üng lo tängai y saite khimi na üng muilaw na vi. Honi thüng-a Novae üng tui sangphaw sa te kätü-a Säthaw lä änawngsa kha aering te vi. Tui sangphaw thung üng khimi äje cäcaw lawng täjaetä xyng bung lä Säthaw ma tui cäqing üng aeqang haw pa vi dy.

1 Piter 4:18

Caekäcai thung-a, “Khimi käcüng tähang aeqang hethang rae dylä, Säthaw lo tängai y saite khimi na hai hunghö sa saite khimi na lä makä awng ai mei” näkha awng te vi.

Judae 1:15

Honi lä khimi angxynlyng na lä Säthaw üng lo tängai y saite na hai, äni ce üng käsi sa saite na hai, Säthaw tea tengxyng y käsi prawng saite angxynlyng na tea lä Säthaw ma tärae cei kha dengpy ö ai näkha thui rüng te vi” näkha näpa.

Lokphong 21:8

Tungaila bälung bähawrö saite na, yng y saite na, känyng hethang hawi saite na, khimi tea bädü saite na, täkübäjang sa saite na, angra üng haidae hai sa saite na, mimi tea cäphaw saite na hai kaeling kaemae sa saite angxynlyng na bung lä kai ma keng maipui tuilipui thung-a kädephae vi ai. Hini lä äbaeni üng dü saite vi” näpa.

Lokphong 22:15

Tungaila märü üng ärang mang-a lä hini hunghö sa te hai-a ui kätyng mä-ai ma tea pawprae-a awng saite na vi. Äni ce lä angra haidae hai käsi sa saite na, täkübäjang sa saite na, khimi bädü saite na, mimi tea cäphaw saite na, kaeling thui saite na-a lawng ö vi.