1 Timote 1:5 - Caekäcai Kangthae (Lemi)

⁵ Hini särilo üng mawkung lä yng saite na üng lawng lawngtä tea bälung aevaw saite vi. Hini bälung aevaw te na cai saite bälung hai, käsi sa y näkha mäny saite hai kätüng yng saite bälung awng saite khimi na lä dang haw ai.

Asang Khongso New Testament

⁵ Hitiah lok ka paek na-ah kamsakhaih ih loa palungthin kathoeng thung hoitoah kangzo amlunghaih, kasae kahoih panoekhaih kathoeng hoi taanghaih tangtang to ohsak hanah koeh pongah ni.

1 Timote 1:5 ပူးပေါင်းရင်းမြစ်များ

Mathai 12:35

Khimi kähawi lä kähawi-a aedawng te phüng-a, kähawi sa kha älo kähawi ni thui vi ai. Khimi käsi lä hawi y saite aedawng te phüng-a khimi ce tea hawi y sa kha hawi y saite lo ni thui vi ai.

Mathai 5:8

Säthaw tähang bälung käcai hai aepy saite khimi na lä tähang hawi. Äni ce lä Säthaw bung nung ö ai mang.

Angtawtha 15:9

Säthaw lä äni ce bung mä-ai hai täphü kha khai te y. Äni ce lä Isu tea yng te phüng-a, äni ce üng bälung la caiping vi dy.

Angtawtha 23:1

Pawlae lä Sanhendrin kawngci na tea kheng bädiki ea “Kangby jä-ai na ä, kai lä vaini khytä Säthaw üng maw-a, caiping te bälung kaedawng hai-a awng kha kälu sa te vi” näpa.

Angtawtha 24:16

Tukätephüng-a kai lä Säthaw hai khimi ce maw-a, bälung käcai-a awng hethang käni qütä aethaw aesa kha awng te vi.

Pawlae ma Rom märü üng kangkawng tähang tärü saite cae 10:4

Khrista lä Ubädi tea haidae awng y rung khytä sa te phüng-a, Säthaw lä yng saite khimi angxynlyng na tea khimi käcüng-a mäthi vi dy.

Pawlae ma Rom märü üng kangkawng tähang tärü saite cae 12:9

Nang ce üng bälung aevaw saite lä käjüng sa hethang kae y. Hawi y saite na tea lä esäre kha hawi saite tea lä aekhaw ceng ö.

Pawlae ma Rom märü üng kangkawng tähang tärü saite cae 14:15

Nang üng käcakänei phüng-a, nang üng kangby jä-ai na tea bälung hawi hai y dylä, nang üng sa saite na lä bälung aevaw te awng y näkha nang tea mätü te vi. Nang üng yng saite kangby jä-ai tähang Khrista lä dü pa te vi dy. Tukätephüng-a, nang üng ca saite na hai-a äni üng yng saite tea täphra pa hang.

Pawlae ma Rom märü üng kangkawng tähang tärü saite cae 9:1

Khrista üng maw-a kai lä lo mitang thui te vi. Kai lä kaeling kaemae lo thui te y lyng. Kai thui saite lä tüng vi näte Muilaw Käcai ma pyng saite kai üng käsi kähawi mäny saite bälung ma kai tea thui khü te vi.

1 Korin 13:1

Kai lä älawngpre khimi angxynlyng na üng älo na hai Känipre angtawtha na üng älo na aepe haw ngaila, kai üng kangby jä-ai na tea bälung aevaw y dylä, kai üng älo na lä mawng, y dylä qala the te tüng kätyng kae vi.

2 Korin 1:12

Kai ce lä hini phüng aethaw ö te vi. Hini älawngpre-a Säthaw ma py saite käcai hai tüng saite na kai ce lä awng näte kai ma ce üng käsi kähawi sa saite bälung ma thui te vi dy. Nang ce hai mangtä awng khaw te thüng-a ämi lawngtä ma la cy haw y hethang kai ce lä sädi khai ö te vi. Tungaila kai ce lä hini tea khimi ce üng bälunghae saite hai-a sa ö te y. Säthaw üng tähang kähawi hai-a sa ö te vi dy.

Galati 5:22

Muilaw Käcai ma mä-ai tea pyng dylä, äni ma mä-ai tea sa hai saite na lä: bälung aevaw saite, anghawtho saite, awngneng saite, änawngsa saite, bäsai y saite, kähawi sa saite, ae-y nae hawi saite, älo käneng aepe saite, mä-ai ma tea aeküng haw saite na vi. Honi na tea lä Mosi üng Ubädi la elekhei sa y lyng.

Galati 5:6

Mä-ai lä Isu Khrista hai mangtä aesui te kätü-a, lengkhüng täke te hai, täke y te lä, aely leng te y lyng. Khrista tea yng kha mä-ai lä Säthaw hai khimi ce tea bälung aevaw saite lä aely lengky vi.

1 Timote 1:18

Kai üng cäpaw Timothe ä, buisaw phütä na ma nang sa hethang phüng thui rüng vai saite na kätyng kai lä nang tea hini särilo py te vi. Tukätephüng-a Angthang Kähawi tähang kähawi-a aety hethang buisaw na ma thui saite lo na lä nang tea säbawng hai vi ai.

1 Timote 1:19

Nang lä käsi sa y näkha mäny te hai Khrista tea yng khi ba. Khimi phütä lä käsi kähawi mäny saite bälung tea khaisö ö te vi. Tukätephüng-a äni ce lä yng haw ö y vi dy.

1 Timote 3:9

Säthaw lä äni ce tea täphawng saite lo mitang käthu tea äni ce lä yng khi ö hethang kae. Käsi kähawi mänykaw saite bälung hai sa tämang te awng y näkha aedawng saite khimi na-a lawng ö hethang kae.

2 Timote 1:3

Kai lä kai üng kangsi kangjaw na kätyng käsi kähawi mäny saite bälung käcai hai Säthaw tea cäphaw kha nang tähang kawng hai te vi. Kärung käni nang tea ämaw aedawng te hai kai lä nang tähang aetang jawjaw te vi.

2 Timote 1:5

Nang üng yng tätang saite tea kai lä aedawng haile te vi. Nang üng kangsi nä-awi Lo-i, hai nang nä-awi Euni ni lä Isu Khrista tea yng te cakhi hawi te vi. Nang la vaihi änini kätyng yng te cakhi by vi näte kai lä ae-y khü te vi.

2 Timote 2:22

Nang lä särai anglaw na sa hethang ngaiphi tüng y saite na tea aehi ba. Bälung käcai hai Areng tea cäphaw saite khimi na hai mangtä cüng saite, yng saite, bälung aevaw saite, awngneng saite awng hethang aethawsa ba.

Titas 1:15

Khimi käcai na tähang lä äte angxynlyng na lä cai bawi te vi. Tungaila pawprae-a awng kha Säthaw tea yng y saite na tähang lä äte angxynlyng na la cai te awng bi y. Ätephüng-a mei nädylä äni ce lä käsi lang-a dawng jawjaw kha äni ce üng bälung kaedawng lä hawi te, hawi y te, tea mänykaw ö te y vi.

Hebrai 10:22

Tukätephüng-a mä-ai lä Säthaw üng äteng-a mitang khaw saite bälung, yng khü te hai ly ö si. Khrista üng äthi lä mä-ai üng käsi kähawi mäny saite bälung kaedawng na tea mäcai pa te phüng-a, mä-ai üng sa saite hunghö na tea lä aedawng ö vi hang lawi. Mä-ai üng ätabung na tea lä tui käcai hai mäse pang vi dy.

Hebrai 13:18

Kai ce tähang aetang ö jawjaw ba. Kai ce lä kai ma ce üng käsi kähawi mäny saite bälung kaedawng tea mänysy ö te vi. Kai ce lä kätü angxynlyng na tea kätüng khaw-a sa hethang ngai ö te vi.

Hebrai 9:14

Tungaila Khrista üng äthi lä hini qawng-a cang y sa haw te vi. Äni lä dungtäsa Muilaw hai-a äma ma löci sa te vi dy. Äni lä Säthaw tähang cungrü-a löci aesa saite vi dy. Tukätephüng-a äni üng äthi lä tengxyng y haidae awng kha mä-ai üng käsi kähawi mänykaw saite bälung kaedawng na tea ävang ting y saite reitae thung üng cai hai te vi. Vaihi mä-ai lä Säthaw kähing tea mawsawng sa haw ö te vi dy.

Jako 4:8

Nang ce lä Säthaw äteng-a ly dylä, äni la nang ce äteng-a ly by ai. Hunghö sa saite nang ce lä nang ma ce üng sa saite na cai hai ö lawi. Yng vawng y saite nang ce lä cai saite kaedawng awng ö lawi.

1 Piter 1:22

Nang ce üng lo mitang tängai saite hai-a, nang ce lä käcai na-a lawng ö te vi dy. Tukha nang ce lä nang ma ce üng yng saite äpy kälang na tea bälung aevaw khaw ö te vi. Lawng lawngtä tea bälung mäke hai bälung aevaw ö lawi.

1 Piter 3:16

Käsi kähawi mäny saite nang ce üng bälung tea käcai-a khai ö. Tudylä, nang ce üng Khrista leithung hui te phüng-a aeme aeqa saite kähawi tea käsi thui saite khimi na lä saerae ö vi ai.

1 Piter 3:21

Hini tui lä baptismae phüng tea thui te äsäny vi dy. Vaihi Säthaw ma nang ce tea lä baptismae hai-a aeqang te vi. Baptismae üng tui lä nang ce üng ätabung üng pawprae saite na tea mäse te y. Nang ce lä baptismae la te hai käsi kähawi mäny saite bälung käcai hai-a Säthaw tea älo aedo ö te vi. Honi baptismae phüng-a Isu Khrista üng aetha haile tyng saite hai-a Säthaw lä mä-ai bung aeqang te vi.

1 Piter 4:8

Äte angxynlyng na üng aely lengky te lä, lawng lawngtä tea bälung aevaw tätang saite vi. Ätephüng-a mei nädylä, nang ce üng bälung aevaw saite lä awng mang te hunghö na tea bälawi haw te vi.

2 Piter 1:7

Säthaw üng aely kängai-a hing saite tea lä nang ce üng yng saite kangby jä-ai na tea bälung aevaw saite hai-a täbawi ö te vi. Yng saite kangby jä-ai na bung bälung aevaw saite khimi angxynlyng na tea bälung aevaw saite hai täbawi ö.

1 Johan 3:10

Tukätephüng-a Säthaw üng caw nade na hai Setan angra üng caw nade na näte tea lä hini kätyng-a mäny haw ö vi. Kätüng sa y saite khimi na, yng saite rawijae na tea bälung aevaw y saite na lä Säthaw üng caw nade na y lyng.

1 Johan 3:23

Hini Säthaw üng Ubädi-a äma üng Cäpaw Isu Khrista vi näte yng kha lawng lawngtä tea mä-ai lä bälung aevaw hethang kae.

1 Johan 3:3

Khrista tea aethang khai rüng saite khimi angxynlyng na lä Khrista lä caiping te kätyng mä-ai ma tea mä-ai ma aemäcai hethang kae.