1 Timote 1:4 - Caekäcai Kangthae (Lemi)

⁴ Kangsi kangjaw na cäkae kangrüng thung-a tenglei y thui saite na hai ceng kaesui kaebeng na phüng, kätü bärawng kha thui y hethang äni ce tea nang lä särilo hai mäkhang ba. Hini na phüng-a khimi ce lä aejaw aemang ö te vi. Hini na lä äni ce ma yng te hai-a Säthaw üng kälu sa hethang säbawng haw te y.

Asang Khongso New Testament

⁴ Angaekhaih ih khueh tacawtsakkung ruicinawk hoi saezanawk ih ahmin cazin kasawk puipui romramnawk to vah ving hanah thui pae oah. Tobatih hmuennawk mah Sithaw amsakhaih ih to akoepsak thai ai; taanghaih hoiah ni Sithaw amsakhaih ih to panoek thai.

1 Timote 1:4 ပူးပေါင်းရင်းမြစ်များ

2 Korin 1:12

Kai ce lä hini phüng aethaw ö te vi. Hini älawngpre-a Säthaw ma py saite käcai hai tüng saite na kai ce lä awng näte kai ma ce üng käsi kähawi sa saite bälung ma thui te vi dy. Nang ce hai mangtä awng khaw te thüng-a ämi lawngtä ma la cy haw y hethang kai ce lä sädi khai ö te vi. Tungaila kai ce lä hini tea khimi ce üng bälunghae saite hai-a sa ö te y. Säthaw üng tähang kähawi hai-a sa ö te vi dy.

Ephesi 3:2

Kai lä nang ce ceng kälang na tea Angthang Kähawi thui hethang Säthaw ma kai tea äma üng tähang kähawi hai-a py saite kälu lä nang ce thai tätang ö pyng te vi dy.

1 Timote 3:16

Ho ea khai saite na tea Säthaw ma mä-ai tea täphawng saite na lä cangxei hethang hawi bärai vi. Honi tea ämi ma eja haw y lyng. Khrista lä khimi cüngtang-a aelawng vi dy. Muilaw Käcai hai-a mä-ai tea Isu lä Säthaw üng Cäpaw tätang vi näkha mätü vi dy. Äni bung lä Känipre angtawtha na ma nung ö vi dy. Äni üng angtawtha na lä äni üng phüng ceng qütä na tea thui ö te vi dy. Hini älawngpre mityng qütä üng khimi na lä Äni tea yng ö dy. Säthaw ma Äni bung lä Känipre-a nähaija vi dy.

1 Timote 4:7

Säthaw hai aesui y saite cäkae kangrüng na tea lä aehi tätang khü ba. Honi jüng-a Säthaw üng ngai te hai hing hethang nang lä aetu ba.

1 Timote 6:11

Säthaw tea yng saite Timothe ä, nang lä Säthaw hai aesui te vi. Tukätephüng-a nang lä honi angxynlyng na tea aehi ba. Tukha käcüng saite, Säthaw üng kängai-a awng saite, yng saite, bälung aevaw saite, änawngsa saite hai bälung kähawi awng hethang nang lä aethaw aesa ba.

1 Timote 6:20

Timothe ä, Säthaw ma nang tea ae-y kha sa hethang py saite kälu tea kähawi-a rui ba. Säthaw hai aesui y saite lo, aetütü saite lo, ävang ting y saite lo na tea aehi ba. Säthaw phüng tea elekhei sa kha kätüng y mätu saite bälunghae te na näkha näsaite na hai nang lä älo aepe kha kätü byng hai hang ba.

2 Timote 2:14

Hini mätu saite na yng te khimi na tea aedawng haile hethang thui pa. Älo älawngsai na phüng lawngtä hai lawngtä ae-e y hethang Säthaw üng maw-a äni ce tea sädi py pa ba. Honi ae-e saite lä aetütü kae. Tängai saite khimi na üng yng te tea täphra hai xyng te kae vi.

2 Timote 2:22

Nang lä särai anglaw na sa hethang ngaiphi tüng y saite na tea aehi ba. Bälung käcai hai Areng tea cäphaw saite khimi na hai mangtä cüng saite, yng saite, bälung aevaw saite, awngneng saite awng hethang aethawsa ba.

2 Timote 2:23

Ae-e aetütü saite lo hai älo kangthö na tea thung-a lä qa hang ba. Ätephüng-a mei nädylä honi lo na hai khimi ce lä aejaw aemang hai saite vi näte nang lä thaikaw te phüng-a vi.

2 Timote 4:4

Khimi ce lä älo mitang tea tängai hethang ngai ö y ai. Tukha äni ce lä tüng y saite cäkae kangrüng na tea tängai ö ai.

Titas 1:1

Hini cae lä Säthaw üng mawsawng hai Isu Khrista üng angtawtha saite kai, Pawlae, ma tärü te vi. Säthaw ma re saite khimi na üng yng te aethaw awng hethang hai äni ce lä Isu üng mätu saite älo mitang tea mäny rae hethang Säthaw ma kai bung mätaw te vi. Tukha äni ce lä Säthaw tea tämö khai te mätü te älang-a awng ö ai.

Titas 1:14

Tukha äni ce lä Judae na üng aesyng y saite cäkae kangrüng na hai älo mitang tea e saite khimi nae üng särilo na tea lä khaisö ö hethang kae.

Titas 3:9

Tungaila nang lä khimi ce hai aetütü-a älo ae-e saite, kangsi kangjaw na üng phüng tärü saite, aejaw aemang saite, Mosi üng Ubädi phüng-a aejaw aemang saite na tea lä aehi ba. Ätephüng-a mei nädylä hini na lä ävang ting te y. Aetütü kae vi.

Hebrai 13:9

Angthang Kähawi y käla äte cawngkhang kätüng y kangthae mätu saite na tea hui y hethang nang ce lä sädi khai ö. Säthaw üng tähang kähawi hai-a mä-ai üng bälung thung-a aethaw awng hai hethang lä hawi ö te vi. Judae khimi na üng reitae kätyng ca hethang lä ävang ting te y vi.

2 Piter 1:16

Mä-ai üng Areng Isu Khrista lä haidae hai äma üng ly haile ai näte nang ce tea kai ce ma thui te kätü-a, khimi ce ma thui saite cäkae na tea thui te y lyng. Tungaila kai ce lä kai ma ce üng ämi hai Khrista üng phung-ang käleng tea nung khe ö te vi dy.