1 Timote 1:3 - Caekäcai Kangthae (Lemi)

³ Makedonia khö-a kai ly he aetawng te kätü-a, nang lä Ephesi märü-a awng hethang mäci te vi. Ätephüng-a mei nädylä nang lä kaesyng y-a mätu saite särae na tea mäkhang hethang särilo thui haw ai.

Asang Khongso New Testament

³ Masidonia prae bangah ka caeh na-ah lok kang taquk o batih toengah Efesa vang ah oh hanah kang koeh o. Toah to tanghaih kungpui kahmaan ai ka patukkung thoemto oh moa ato kaminawk to patuk aiah toenghsak hanah thui pae oah.

1 Timote 1:3 ပူးပေါင်းရင်းမြစ်များ

Angtawtha 18:19

Ephesi märü-a tyng saite kätü-a, Pawlae ma Prekila ni Akuila lä märü-a, awng hai pa vi dy. Pawlae lä Judae na üng ingkäcai-a kung kha Judae khimi na hai älo aedüng aethui vi dy.

Angtawtha 18:21

Tungaila Pawlae lä “Säthaw ma aely ngai vi dylä, nang ce tea kai ly haile tyng ai mang” näkha tui sangphaw-a paw kha Ephesi märü üng tho ja pa vi dy.

Pawlae ma Rom märü üng kangkawng tähang tärü saite cae 15:26

Makedonia khö hai Käri pre üng Khristen kangkawng na lä Jerusalem märü-a awng saite mätangbälai-a yng saite Judae khimi na tea säbawng hai hethang kawng te hai tangkae na py pa vi dy.

Pawlae ma Rom märü üng kangkawng tähang tärü saite cae 16:17

Kai üng kangby jä-ai na ä, nang ce tea täphü hethang sa saite khimi tea sädi khai hethang kai lä mäci te vi. Khristen na üng yng saite tea täphra hethang äni ce lä sa ö te vi. Nang ce üng aetu saite na tea elekhei sa kha nang ce tea tämang saite mätu te tea nang ce lä sädi khai ö. Äni ce hai lä kangby jä-ai aesa ö hang.

2 Korin 11:4

Khimi lawngtä lä nang ce tea ly kha kai ce ma Isu phüng thui saite hai aetawng y saite phüng thui dylä, nang ce lä anghawtho kha tängai ö te vi. Y dylä Säthaw ma nang ce tea py saite Muilaw hai aetawng y saite phüng tea khimi lawngtä ma thui dylä, nang ce lä lady ö vi. Nang ce yng saite hai aetawng y saite Angthang Kähawi tea khimi lawngtä ma thui dylä, nang ce lä jahaw-a yng ö vi.

Ephesi 4:14

Tupyng-a mä-ai lä nade na kätyng y lyng. Kaesyng y-a mätu saite hai kaeling kaemae sa saite na lä mä-ai tea the haw ö y dy. Mä-ai lä aeli pui hai tuileng ma bäja rungrang saite bälawng haetä kätyng y vi dy.

Filipi 2:24

Kai ma khekhe lä qae y tea ma nang ce tea ly haw hethang Areng tea kai lä ae-y te vi.

1 Timote 4:11

Kai ma tärü pyng saite lo na yng saite khimi na tea mätu kha tängai hethang särilo hai thui pa.

1 Timote 4:6

Nang lä hini kai üng täru te lo yng saite khimi na tea mätu dylä nang lä Isu Khrista üng mawsawng kähawi-a aelawng ai mang. Nang lä nang ma üng yng saite hai tängai kha mätu saite kähawi hai Säthaw ma nang tea aethaw py vi ai.

1 Timote 5:7

Hini täru saite lo na yng saite khimi na tea la thui pa jo. Tudylä äni ce tea ämi lawngtä ma la sa tämang saite awng näkha cy haw y ai mang.

1 Timote 6:10

Tangkae phawisae tea bälung aevaw te lä käsi angxynlyng na üng älangdüng vi. Khimi phütä na lä tangkae dang hethang ngai phi te phüng-a, äma ce yng saite na tea kädephae ö te vi. Äni ce lä mä-ai ma tea aeteng hai thung te kätyng nawphi rung khytä sa ö te vi.

1 Timote 6:17

Vaini älawngpre-a tawngnang saite khimi na tea bälung leng y hethang särilo hai thui pa. Äni ce lä äma ce üng tangkae na qawng-a ae-y y hethang thui pa. Tangkae lä la dawde haw te phüng-a vi. Honi jüng-a äni ce lä Säthaw tea ae-y hethang kae. Äni lä mä-ai kawng hethang angxynlyng na mäsai y käla, awngmang-a py te vi.

1 Timote 6:3

Khimi phütä na lä tüng y saite älo na mätu ö vi. Honi na lä mä-ai üng Areng Isu Khrista ma mätu saite älo mitang na hai aebäla te y. Kätüng mätu saite na lä Säthaw üng kängai hing saite na tea säbawng ö te vi.

2 Timote 1:18

Tärae cei saite Käni-a lä Areng ma Onesiphora tea lä bäheng sy. Ephesi märü-a äni lä kai tea makä tangtä säbawng mei näte nang lä kähawi-a mäny khe te vi.

2 Johan 1:7

Kaeling kaemae sa te awng mang saite na lä hini älawngpre mityng qütä-a tyng ö vi dy. Isu Khrista lä khimi-a aelawng kha hini älawngpre-a tyng saite tea äni ce lä aephae ö te vi. Honi kätyng thui saite khimi lä kaeling kaemae thui kha Khrista üng täre Kälengky-a aelawng te vi.

Lokphong 2:14

Tungaila kai lä nang ce tea hae haetä cy hethang awng vi. Nang ce thung-a phütä na lä Balam üng mätu saite lo tea hui ö vi. Jangni-a Balam lä Balak tea Isrelae khimi na bung hunghö sa hai hethang the pa te vi. Äni lä mimi na tea löci sa saite löci mawi na ca hethang hai täkübäjang sa hethang Isrelae khimi na tea the pa ö te vi dy.

Lokphong 2:20

Tungaila kai lä nang ce tea hae haetä cy hethang awng vi. Jangni-a sanphrang üng nawngpui Jerebel hai aetawng saite nawngmädi käsi tea nang ce lä änawngsa ö te vi. Äni lä äma tea Säthaw üng buisaw nawngmädi-a aengang vi. Äni lä kai üng mawsawng na bung mimi na tea löci sa saite löci mawi na ca kha täkübäjang sa hai hethang mätu pa ö te vi.