1 Piter 5:9 - Caekäcai Kangthae (Lemi)

⁹ Nang ce üng yng te cakhi kha äni tea aedung ö. Ätephüng-a mei nädylä hini älawngpre angxynlyng na üng yng saite äpy na lä nang ma ce kätyng mätang bälai saite na tea nang ce lä mäny ö te vi.

Asang Khongso New Testament

⁹ Nangcae ih taanghaih to angcaksak oloa anih to tuh oah, kawmawtiah nangcae ih taangca ampui to hi longnui bum boih ah tobatih patang khanghaih to a tongh o toeng tito na panoek o

1 Piter 5:9 ပူးပေါင်းရင်းမြစ်များ

Luka 22:32

Tungaila nang üng yng saite pra y hethang kai lä aetang pa dy. Kai tea nang ae-y haile te kätü-a lä nang ma ce üng kangby jä-ai na tea aethaw py haile tyng pa jo” näpa.

Johan 16:33

Nang ce lä Kai hai aesui kha awngneng hethang tähang hini phüng na Kai thui pyng te vi dy. Nang ce lä älawngpre-a mätangca saite na aeting ö vi ai. Tungaila aethaw aela kha awng ö. Kai lä älawngpre tea bäja te vi dy” näkha näpa.

Angtawtha 14:22

Märü qütä änini lä Yng saite khimi na hai aeting ea Säthaw üng Angthang Kähawi thui kha Isu tea yng jawjaw hethang aethaw py pa hawi dy. Tukha änini ma “Mä-ai Isu tea yng saite na lä Säthaw üng pre-a kung y te kälang-a, mätangbälai saite na aeting ö vi ai” näkha Yng saite khimi na tea thui pa dy.

1 Korin 10:13

Hunghö sa hethang the saite nang ce aeting saite lä khimi qütä na la aeting ö te by vi. Säthaw lä äma üng älo aedo saite tea hui khü te phüng-a, bäja haw y te the saite na tea aeting y vi ai. Nang ce lä the saite aeting te kätü-a, bälung cakhi hai hethang Säthaw ma nang ce tea aethaw py vi ai. The saite thung üng Säthaw lä nang ce tähang tho hethang älang la sa rüng vi ai.

Ephesi 4:27

Nang ce üng kädawtho jawjaw te hai Setan angra ma nang ce tea pyng hethang py ö hang.

Ephesi 6:16

Hini na cang y, nang ce üng Säthaw tea yng saite lä cakhi-a süng ö. Hini lä reisae na üng khöpui kätyng vi. Hini khöpui hai-a Setan ma kae te maikang saite bälaw cung tea nang ce lä bädü haw ö ai.

Kolosa 2:5

Kai üng ätabung lä nang ce hai hanglaw ngaila, bälung kaedawng-a lä nang ce hai mangtä awng jawjaw te vi. Nang ce lä bälung mangtä awng ea Khrista tea yng te leng phi ö te vi näkha mäny te phüng-a kai lä anghawtho bärai vi.

1 Thesalon 3:3

Ätephüng-a äni bung mätaw te mei nädylä, hini mätang bälai saite na aeting te phüng-a nang ce thung üng lä ämi lawngtä la yng saite aene hai y hethang vi. Hini kä mätang bälai saite aeting te na lä Säthaw üng aely kängai vi näte nang ce lä mäny ö dy.

1 Timote 6:12

Täre aety jawjaw saite reisae kähawi kätyng, nang lä Khrista tea yng jawjaw ba. Säthaw ma nang tea dungtäsa hing saite dang hai hethang ka te vi. Tudylä dungtäsa hing saite tea nang lä cakhi-a süng khü ba. Nang lä khimi ce maw-a Khrista tea yng saite phüng thui pyng te vi dy.

2 Timote 3:12

Tätang khaw-a thui si nädylä, Isu Khrista hai bungtä awng te hai-a Säthaw üng bälung kängai-a sa saite khimi qütä lä sakälö khü saite aeting khaw ai.

2 Timote 4:7

Kai lä kähawi-a aety pyng te vi dy. Aehui saite pawi-a la kai lä kangteng khytä aehui te khüng pyng te vi dy. Kai lä yng saite tea aekhaw khü te vi dy.

Hebrai 11:33

Äni ce lä yng te hai-a pre na tea täre aety kha bäja haw ö vi dy. Äni ce lä tüng saite na sa kha Säthaw üng aedo saite na dang ö vi dy. Äni ce lä xangsi täkai täbawng tea pä-üng pa te vi dy.

Hebrai 12:8

Säthaw lä caw nade angxynlyng na tea pring te vi. Äni ma nang ce tea pring y nädylä, nang ce lä äni hai aesui saite caw nade na y. Nang ce lä bäjangcaw na kae vi.

Jako 4:7

Tukätephüng-a Säthaw üng aely kängai-a hui ö. Setan angra te üng aedung ö. Hini kätyng sa dylä, Setan angra lä nang ce te üng aehuija vi ai.

1 Piter 1:6

Tukätephüng-a nang ce lä tengxyng y anghawtho ö lawi ba. Nang ce lä vaihi älang cawngkhang na hai, mätang bälai saite hai säny saite aeting te phüng-a, tänaetä tähang bälungsi ö te vi.

1 Piter 2:21

Säthaw lä nang ce tea hini kätyng sa hai hethang re te vi dy. Khrista lä nang ce tähang mätang bälai hai pa te vi dy. Äni lä nang ce tähang aetu nae vi. Äni üng kho lawi na tea nang ce lä bäjui hethang kae.

1 Piter 3:14

Tungaila nang ce lä kätüng sa saite phüng-a mätang bälai ea mäteng ma, Säthaw lä nang ce tea tähang kähawi py ai. Säthaw bung mäny y saite na tea lä ri ö hang. Bälung mawng ö hang.

1 Piter 4:13

Tungaila Khrista üng mätang bälai saite thung-a, nang ce lä qa te phüng-a, anghawtho ö ba. Tudylä Khrista üng phung-ang täphawng te kätü-a, nang ce lä anghawtho rae haw ö vi ai.

Lokphong 1:9

Kai lä nang ce üng kangby jä-ai Johan vi. Isu üng äkähui qütä aeting saite mätang bälai te tea nang ce kätyng kai la aeting kha änawngsa te by vi. Khrista bung Sanphrang-a khai saite äma üng äkähui qütä lä mätang bälai saite aeting hethang kae. Kai lä Isu phüng hai Säthaw üng Angthang thui te phüng-a, khimi ce ma kai bung lä Patmos angrai sälawng-a tha te vi dy.

Lokphong 6:11

Tupyng-a äni ce angxynlyng tea lä kä-o kanglung py qi kha tänaetä aehae hethang thui pa vi dy. Äni ce kätyng bädü hethang awng saite Areng üng mawsawng kälang na hai kangby jä-ai kälang na cungrü te y rytä äni ce lä sitäri-a aering hethang kae ö vi dy.

Lokphong 7:14

Kai ma äni tea, “Areng ä, Nang lä mäny vi” näkha mäthang vi dy. Äni ma kai tea, “Hini khimi na lä sakälö khü phi saite na aeting kha bäja ö saite na vi. Äni ce lä äma ce üng kä-o na tea Beram caw üng äthi hai mäcai ping ö pyng saite na vi dy.