1 Piter 5:8 - Caekäcai Kangthae (Lemi)

⁸ Nang ce lä aeküng kha canglailing te hai awng ö. Nang ce üng täre Setan angra lä lawng lawngtä tea täphra hethang ämaw ähawng sa saite xangsi täkai kätyng aevi kha mäqang te vi.

Asang Khongso New Testament

⁸ Hruekhrue ta-ah om oah, acoe hoiah om oah! Nangcae ih misa Diabol loa sandeih kahang batiah a hangh moa pa-aeh hanih kami to pakrong lamhoi amkaeh tuek.

1 Piter 5:8 ပူးပေါင်းရင်းမြစ်များ

Mathai 13:39

Aeca möti hi saite täre lä Setan angra tea thui te vi. Caw ae saite kätü lä hini älawngpre byng saite kätü tea thui te vi. Caw ae saite khimi na lä Säthaw üng angtawtha na vi.

Mathai 24:42

“Tukätephüng-a aerü rüng kha aering ö. Nang ce üng Areng lä mata kätü-a ly ai mei näte nang ce lä mäny ö y.

Mathai 25:41

“Tupyng-a Kai Sanphrang lä bangrawi mang üng awng saite na tea ‘Säthaw ma nang ce tea tähang käsi py ai. Kai te üng tho pa öng la. Säthaw ma Setan angra hai äma üng äkähui na tähang sa rüng pa saite dungtäsa mai thung-a ly pa öng la’ näkha näpa.

Mathai 4:1

Tupyng-a Isu bung Muilaw ma daithung kärang-a nähai kha Setan angra ma Isu tea hunghö sa hethang the pa vi dy.

Mathai 4:11

Tukha Setan angra lä Isu te üng thoja pa dy. Säthaw üng angtawtha na ma äni tea ly kha säbawng pa dy.

Marka 4:15

Khimi phütä lä lolang hai aetawng vi. Äni ce lä Säthaw lo thai te hai Setan angra lä ly praw kha äni ce bälung thung üng awng saite Säthaw üng lo tea la pa vi.

Luka 21:34

“Nang ce lä nei, ca pro te hai bärui si phi te phüng-a bälungli hai tang ö hang. Ätabung tähang bälungbi saite phüng-a la bälungli hai tang ö hang. Hakä awng dylä kai ly haile te kätü käni lä nang ce tea dawng aemang te kätyng aepö y tea ma tyngmu ai to.

Luka 21:36

Kähawi-a kheng ö rüng. Tyng he awng saite angxynlyng söpra te na thung üng aelaw haw hethang aetang ö. Tukha dylä nang ce lä Kai, Khimi üng Cäpaw, maw-a aedaw haw hethang aetang ö” näpa.

Luka 22:31

“Simon, Simon, caw aelai te kätyng nang ce tea käny hethang Setan angra lä Säthaw tea mäkai pyng te vi dy.

Johan 8:44

Nang ce üng pä-ai lä Setan angra kae vi. Tukha nang ce pä-ai üng aely kängai kätyng nang ce lä sa hethang aethawsa ö te vi. Setan angra lä angcü üng hai ma khimi bädü te kae vi. Äni tea älo mitang lä awng te y vi kha älo kaeling thui te lä äma üng rawraw kae vi. Äni lä khimi älo kaeling na üng pä-ai kae vi.

2 Korin 2:11

Setan angra ma mä-ai tea bäja haw y hethang kai ce lä hini kätyng sa hethang kae ö te vi. Mä-ai lä Setan angra üng käsi mawlang kaedawng tea mäny te vi.

Ephesi 4:27

Nang ce üng kädawtho jawjaw te hai Setan angra ma nang ce tea pyng hethang py ö hang.

Ephesi 6:11

Nang ce lä Säthaw ma py saite täre aevyng angxynlyng na tea aelawng ö. Tudylä Setan angra üng hawi y saite kaedawng na tea nang ce lä aedung haw ö ai mang.

1 Timote 2:15

Nawngmädi na lä caw na aepeng te hai-a aeqang te dang ö vi ai. Äni ce lä Isu Khrista tea yng saite, khimi ce tea bälung aevaw saite, cai saite hai khimi ce ämi kaepi-a Säthaw üng kängai-a hing jawjaw dylä Säthaw ma äni ce bung aeqang pa ö ai.

1 Timote 2:9

Nawngmädi na tea la khimi ce üng ämi kaepi-a hai khimi qütä äni ce tea tämö khai he kaeteng-a aekhu aena hai hethang kai lä ngai te vi. Äni ce üng äsang na lä kanglai pro-a aesa ö hang. Äni ce lä sui na, khawisäling kälung na hai ävang ting bärai saite kä-o, nitha na la aemäthy hethang kae ö y.

1 Timote 3:11

Honi kätyng-a mätawngky na üng änawngpui na lä khimi ce ma tämö khai saite nawngmädi na lawng ö hethang kae. Khimi ce phüng käsi thui rungrang hethang kae y. Äni ce lä äma ce tea aeküng hethang kae. Kätü qütä khimi ce üng ae-y nae hawi saite nawngmädi na lawng ö hethang kae.

1 Timote 3:2

Tukätephüng-a äni lä khimi ce ma cy haw y hethang kae. Äni lä änawngpui lawngtä xyng ni awng he kae. Äni lä äma tea aeküng saite, bälunghae saite hai hing hethang kae. Khimi ce ma tämö khai saite khimi-a lawng te hai angvüng angvaw na tea lady kha mäcaw mänei hethang kae. Khimi ce tea la Säthaw üng angthang hawi hai pailai mätu kaw saite khimi lawng hethang kae.

2 Timote 4:17

Tungaila Areng Isu lä kai äteng-a mangtä awng hai kha aethaw py te vi dy. Tukätephüng-a Khrista üng Angthang Kähawi tea honi mityng-a awng saite ceng kälang khimi angxynlyng na thai hethang kai lä thui king haw vi dy. Khrista ma kai bung lä kädü khaw üng aeqang pa te vi dy.

Titas 1:8

Honi jüng-a äni lä angvüng angvaw na bung lady te hai kähawi sa hethang ngai saite khimi-a lawng he kae. Äni lä äma tea aeküng te hai bälung kähawi khai saite hai, bälung cai saite hai, cülä-ü-a awng saite khimi-a lawng hethang kae.

Titas 2:12

Säthaw lä tähang kähawi hai-a, mä-ai tea äma üng kängai y-a aeme aeqa saite na khai sö hethang mätu te vi. Säthaw bung mäny y saite khimi na üng ngaiphi tüng y saite na tea hui y hethang mä-ai lä aetu ö te vi. Hini älawng qawng-a awng te kätü-a, mä-ai tea aeküng kha cüng saite hai Säthaw üng kängai-a hing hethang la aetu ö te vi.

Titas 2:2

Nawngmäcaw mätawng na lä äma ce ma aeküng hethang, khimi ce ma tämö khai hethang, bälung kätüng awng ö hethang kae. Äni ce lä yng cakhi te hai bälung aevaw te awng kha änawngsa hethang kae.

Titas 2:4

Hini kätyng äni ce lä nawngmädi anglaw na tea äma ce üng nawngpaw na hai caw nade na tea bälung aevaw ö hethang mätu he kae.

Titas 2:6

Hini kätyng särai na tea lä äma ce ma kähawi-a aeküng hethang mäci pa ö.

Jako 4:7

Tukätephüng-a Säthaw üng aely kängai-a hui ö. Setan angra te üng aedung ö. Hini kätyng sa dylä, Setan angra lä nang ce te üng aehuija vi ai.

1 Piter 1:13

Tukätephüng-a nang ma ce tea aeküng kha kälu tähang nang ma ce üng bälung kaedawng na tea lä aerü rüng ö lawi. Isu Khrista ly haile te kätü-a, nang ce tea tähang kähawi py ai näte nang ce lä cungrü-a aethang khai jawjaw ö lawi.

1 Piter 4:7

Hini älawngpre teng hethang kätü lä aenai vi dy. Tukätephüng-a nang ma ce tea aeküng kha canglailing te hai awng ö. Tudylä nang ce lä aetang haw ö ai.

Lokphong 12:10

Honi pyng-a käni khösang üng ätüng käleng kai ma thai te lä, “Vaihi Säthaw üng aeqang saite lä tyng vi dy. Vaihi Säthaw lä Sanphrang kätyng äma üng haidae mätü vi dy. Vaihi äni üng Mesia lä äma üng aenae mätü vi dy. Ätephüng-a mei nädylä Säthaw maw-a aedaw kha yng saite na tea kärung käni cy saite lawngtä bung lä käni khösang mang üng mäthoja pa te phüng-a vi.

Lokphong 12:12

Tukätephüng-a käni khösang na hai äqawng-a awng saite angxynlyng na ä, anghawtho ö lawi. Älawng hai pangle lä tähang si bärai na ly. Ätephüng-a mei nädylä Setan angra lä nang ce tea cäqa pyng te vi dy. Äni üng kätü lä äje cäcaw xyng awng saite tea äni lä mäny te phüng-a, tengxyng y kädawtho vi dy” näkha nä vi.

Lokphong 12:9

Setan angra näsaite Näka käleng lä cangkhawng üng bärui hai äma üng kangby jä-ai na lawng vai saite Känipre angtawtha na bung lä mangtä Säthaw ma älawng qawng-a käde phae pa ö vi dy. Äni lä älawngpre angxynlyng-a awng saite khimi na tea kaeling kaemae sa vi dy.

Lokphong 20:10

Tupyng-a Säthaw lä äni ce tea kaeling kaemae sa saite Setan angra bung keng hai maikang saite tuilipui thung-a kädephae vi dy. Honi mityng-a lä mawikäsi hai äma üng buisaw käjüng aesa saite ni bung la kädephae pyng te by vi dy. Äni ce lä kärung käni dungtäsa naw mätang saite aeting jawjaw ö vi ai.

Lokphong 20:2

Äni lä Näka cangkhawng üng bärui bung ne kha säning sangtä tähang süng rui hai mäkhing ea khai pa vi dy. Honi lä Setan angra vi.