1 Piter 4:7 - Caekäcai Kangthae (Lemi)

⁷ Hini älawngpre teng hethang kätü lä aenai vi dy. Tukätephüng-a nang ma ce tea aeküng kha canglailing te hai awng ö. Tudylä nang ce lä aetang haw ö ai.

Asang Khongso New Testament

⁷ Tiboih boih aboenghaih tue loa a hnai boah. Nangcae loa khophoeh o thai hanah aimah hoi aimah amquem o aloa acoe aha oah.

1 Piter 4:7 ပူးပေါင်းရင်းမြစ်များ

Mathai 24:42

“Tukätephüng-a aerü rüng kha aering ö. Nang ce üng Areng lä mata kätü-a ly ai mei näte nang ce lä mäny ö y.

Mathai 25:13

“Ätephüng-a nang ce lä Kai, Khimi üng Cäpaw, ly hethang kätü käni mäny y te phüng-a aering rüng kha awng ö.

Luka 21:34

“Nang ce lä nei, ca pro te hai bärui si phi te phüng-a bälungli hai tang ö hang. Ätabung tähang bälungbi saite phüng-a la bälungli hai tang ö hang. Hakä awng dylä kai ly haile te kätü käni lä nang ce tea dawng aemang te kätyng aepö y tea ma tyngmu ai to.

Luka 21:36

Kähawi-a kheng ö rüng. Tyng he awng saite angxynlyng söpra te na thung üng aelaw haw hethang aetang ö. Tukha dylä nang ce lä Kai, Khimi üng Cäpaw, maw-a aedaw haw hethang aetang ö” näpa.

Luka 22:46

Isu ma äni ce tea “Nang ce lä ätephüng-a i ö qu te vi mei” näkha düng pa. “Aetha kha aetang ö lawi baw. Tudylä nang ce lä hunghö sa te khytä bärawi bäleng saite aeting y ai mang” näkha näpa.

Pawlae ma Rom märü üng kangkawng tähang tärü saite cae 12:12

Nang ce üng aethang khai saite phüng-a anghawtho ö. Mätangbälai dylä, änawngsa ö. Kätü qütä aetang ö.

1 Korin 15:24

Honi pyng-a kangkhüng kätü lä tyng ai. Khrista lä haidae awng saite angra angxynlyng na, Känipre angtawtha na hai älawngpre tea pyng saite angra käleng na üng aenae na tea täphra vi ai. Tupyng-a Khrista lä äma üng pyng hethang haidae lä Äpä-ai Säthaw tea a ai.

1 Korin 7:29

Kangby jä-ai na ä, Säthaw üng kälu sa hethang kätü lä awng mang y vi näte kai thui hethang ngai te vi. Nawngpui awng saite yng te khimi lawngtä lä änawngpui awng y te kätyng awng hethang kae.

Ephesi 6:18

Kätü qütä-a Muilaw Käcai üng bähawi te kätyng aetang ö ba. Nang ce tähang äte angxynlyng na säbawng hethang Säthaw tea aetang ö ba. Hini kätyng sa haw hethang nang ce lä canglailing-a awng ö. Säthaw üng khimi angxynlyng na tähang aethawsi y käla ma aetang ö jawjaw pa ba.

Filipi 4:5

Nang ce üng bälung käneng tea khimi angxynlyng na maw-a mätü ö. Areng ly haile he kätü lä aenai dy.

Kolosa 4:2

Aetang te mäqaw ö hang. Aetang te kätü-a lä aethawli y käla ma Säthaw tea kawng te lo thui jawjaw ö ba.

2 Timote 4:5

Tungaila, Timothe ä, nang ma tea nang ma kätü qütä aeküng hethang kae. Mätang bälai te kätü-a, nang lä änawngsa ba. Angthang Kähawi thui ba. Säthaw ma py saite kälu angxynlyng na tea nang lä sa king ba.

Titas 2:12

Säthaw lä tähang kähawi hai-a, mä-ai tea äma üng kängai y-a aeme aeqa saite na khai sö hethang mätu te vi. Säthaw bung mäny y saite khimi na üng ngaiphi tüng y saite na tea hui y hethang mä-ai lä aetu ö te vi. Hini älawng qawng-a awng te kätü-a, mä-ai tea aeküng kha cüng saite hai Säthaw üng kängai-a hing hethang la aetu ö te vi.

Hebrai 10:25

Khimi phütä na lä kangkawng üng khimi na aecöqu saite thung-a ly ö y vi dy. Tungaila mä-ai lä mangtä aecöqu jawjaw ö si. Areng tyng haile hethang käni lä aenai vi dy te phüng-a, mä-ai angxynlyng na lä aethaw aepy te qawng-a cang y aethaw aepy linglawng rae ö si.

Hebrai 9:26

Tudylä älawngpre sa angcü te kätü üng hai Isu lä mätang bälaica jawjaw hethang kae. Tungaila vaihi lä hini älawngpre angxynlyng na byng hethang aenai te kätü-a, äni lä qengtä hai ma tho kha äma ma bung löci aesa ea khimi ce angxynlyng üng hunghö na tea mäcai ping pa vi dy.

1 Piter 1:13

Tukätephüng-a nang ma ce tea aeküng kha kälu tähang nang ma ce üng bälung kaedawng na tea lä aerü rüng ö lawi. Isu Khrista ly haile te kätü-a, nang ce tea tähang kähawi py ai näte nang ce lä cungrü-a aethang khai jawjaw ö lawi.

1 Piter 3:7

Nawngpaw na ä, hini kätyng nang ma ce hai mangtä awng saite nawngpui na phüng mänykaw kha khüsälü-a dawng khü ö lawi. Nang ce kätyng aethaw awng y saite nawngpui na tea äpy na kätyng tämö khai ö. Ätephüng-a mei nädylä Säthaw lä nang ce hai nang ma ce üng nawngpui na tea hing saite kangthae mangtä py ö vi ai. Hini kätyng nang ce sa dylä, nang ce üng aetang saite na tea Säthaw lä mäthang vi ai.

1 Piter 5:8

Nang ce lä aeküng kha canglailing te hai awng ö. Nang ce üng täre Setan angra lä lawng lawngtä tea täphra hethang ämaw ähawng sa saite xangsi täkai kätyng aevi kha mäqang te vi.

Lokphong 16:15

Areng ma, “Tängai ö, kai lä theru kätyng ly ai. I aelaw kha äma üng kä-o aelawng rüng saite khimi lä tähang hawi. Ätephüng-a mei nädylä äni lä khimi ce üng maw-a khawngjawng-a aeke te y käla saerae te dang hai y vi ai” näpa.