1 Piter 4:3 - Caekäcai Kangthae (Lemi)

³ Jangni-a nang ce lä Säthaw bung mäny y saite khimi na kätyng awng te kätü tea awng mang-a bärawng ngae ö te vi dy. Nang ce lä täkübäjang sa saite na, ngaiphi tüng y-a hui saite na, bärui ngae saite na, pawi sa kha nei, ca ngae saite na, Säthaw ma känyng saite mimi tea cäphaw saite na kätyng awng ö te vi dy.

Asang Khongso New Testament

³ Zanghnii ah Sithaw panoek ainawk mah a sak han koeh o ih to na sak o hoiah atue to na patoh o boah. Nangcae hinghaih to khet kahoih ai hinghaih, takngan koehhaih, mu paquihaih, nongpui nongpa zaesakhaih, poicak kungah hnawh lamhhaih, panuet kaom kraangthoi bokhaih to na sak o.

1 Piter 4:3 ပူးပေါင်းရင်းမြစ်များ

Marka 7:22

khimi bung bädü saite na, bälung üng kaengai mängae y saite na, käsi sa saite na, älo bälai te na, älokäqo thui saite na, pä-e saite na, khimi üng säri tea täphra saite na, bälungleng saite na, aethaw saite na vi.

Angtawtha 17:30

Jangni-a khimi ce ma Säthaw bung mäny y ngaila äni lä bälung käsa hai awng te vi. Vaihi lä mityng qütä-a khimi ce aedawng mäkhüng hethang hai, äni tea aekö haile tyng hai hethang äni lä losai py te vi.

Pawlae ma Rom märü üng kangkawng tähang tärü saite cae 13:13

Mä-ai lä kaevang-a hing saite khimi tähang aeteng khaw te kätyng hing ö si. Khimi ce üng jö nei phi kha bärui saite pawi-a qa ö hang. Täkübäjang sa saite na, aejaw aemang saite na, hai dökhaw saite na tea mä-ai lä sa ö hang si.

1 Korin 12:2

Nang ce lä Säthaw bung mäny ö y te kätü-a, Setan lä nang ce tea lang tämang hai hethang älo aepe haw y saite mimi na tea cäphaw hethang the te tea nang ce lä mäny ö pyng te vi dy.

1 Korin 6:11

Angcü üng hai ma nang ce thung üng khimi phütä lä honi kätyng käsi na sa ö te vi. Tungaila Säthaw lä nang ce üng hunghö na tea bäse pang kha cai hai te vi. Areng Isu Khrista hai Säthaw üng Muilaw hai-a nang ce lä Säthaw üng maw-a khimi käcüng-a lawng ö vi dy.

2 Korin 12:21

Nang ce tea tyng haile te kätü-a, nang ce üng maw-a kai üng Säthaw ma kai bung aemäneng hai ai näte kai lä bälung mawng te vi. Tudylä jangni üng hai ma hunghö sa kha ae-ui y käla vaihi khytä hunghö sa saite khimi awng mang te tähang bälung nawphi ai näkha kai lä bälung mawng te vi. Nang ce thung üng khimi awng mang saite na lä pawprae saite, täkübäjang sa saite, hai ngaiphi tüng y saite na awng kha ae-ui ö y te phüng-a kai lä bälungsi vi ai.

Galati 5:19

Ngaiphi tüng y saite bälung üng sa saite na lä: nawngpui nawngpaw kätyng mangtä i saite na, paesu paenai cawngkhang sa saite na, nawngmäcaw nawngmädi mangtä i hethang ngai te bälung awng saite na, mimi na tea cäphaw saite na, khimi ce tea ädawi hai käsi sa saite na, esäre saite na, aejaw aemang saite na, pä-e te bälung awng saite na, kädaw rae saite na, ae-aw saite na, aetäphü te bälung awng saite na, kangkawng sa lyky saite na, mä-ai ma tingtawi aepä-e saite na, jö nei ngae saite na, pawi qütä ly kha nei ca ngae saite na hai kälang hawi y sa saite na vi. Honi na kätyng sa saite khimi na lä Säthaw pre üng tähang kähawi dang haw y lyng. Kai lä jangni-a thui pyng te kätyng vaihi la sädi py te vi.

Ephesi 5:18

Nang ce üng aeme aeqa te tea pra hai saite jö na tea lä nei ngae ö hang. Honi jüng-a Muilaw Käcai üng haidae lä nang ce tea pyng jawjaw sy.

1 Thesalon 4:5

Säthaw tea mäny y saite na kätyng ngaiphi tüng y saite mang-a hui ö hang.

Titas 3:3

Mä-ai la jangni-a lä kaerö te hai älo aetängai vai y saite na by vi. Tukha khimi ce lä mä-ai tea lolang tämang hai ö te vi. Mä-ai lä jangni-a ngaiphi tüng y saite cawngkhang na mang-a hui hethang aepä-üng haw ö y. Mä-ai lä kawng saite hai bädö saite amäjy angxynlyng na tea mawsawng na lawng te vi dy. Mä-ai lä kätü qütä käsi sa kha khimi ce tea pä-e ö te vi. Khimi ce lä mä-ai tea esäre kha mä-ai la äni ce tea esäre ö tyng te by vi dy.

1 Piter 1:14

Nang ce lä älo tängai saite Säthaw üng caw nade na kätyng hing hethang kae. Vaihi nang ce lä nang ma ce üng ngaiphi tüng y saite bälung kätyng hui ö hang. Honi lä Säthaw bung nang ce mäny y te kätü-a, sa saite kae.

Judae 1:4

Ätephüng-a mei nädylä Säthaw lo tängai y saite khimi phütä na lä nang ce thung-a kangru mang kung ö te vi ba. Äni ce lä Säthaw üng tähang kähawi phüng-a äma ce üng ngaiphi tüng y saite kätyng awng haw vi näkha mätu ö te vi. Äni ce lä mä-ai üng Areng hai Ingkung lawngtä xyng awng saite Isu Khrista tea aephae ö vi. Äni ce tea lä Säthaw ma dengpy ai näkha jangni üng hai ma tärü rüng pyng te vi dy.