1 Piter 4:18 - Caekäcai Kangthae (Lemi)

¹⁸ Caekäcai thung-a, “Khimi käcüng tähang aeqang hethang rae dylä, Säthaw lo tängai y saite khimi na hai hunghö sa saite khimi na lä makä awng ai mei” näkha awng te vi.

Asang Khongso New Testament

¹⁸ Cabu Kacai mah, “Kami kahoihnawk hanah pahlonghaih hnuk hanah a rai parai; Tisoe nahaeloa Sithaw panoek ai kami kazaenawk to kawbangmaw om tih?” tiah a thuih.

1 Piter 4:18 ပူးပေါင်းရင်းမြစ်များ

Luka 15:1

Qengtä-a lä angko cawng saite na hai hunghö sa saite khimi kälang awng mang te na lä Isu üng lo tängai hethang aekäcüng ö dy.

Luka 23:31

Ätephüng-a mei nädylä kai, thingkawng kung kanghing kätyng awng ea khimi ce ma hini na kätyng sa dylä Säthaw lä nang ce thingkawng kung käcei kätyng awng saite khimi tea lä makätangtä dengpy y käla awng vi ai mei” näpa.

Angtawtha 14:22

Märü qütä änini lä Yng saite khimi na hai aeting ea Säthaw üng Angthang Kähawi thui kha Isu tea yng jawjaw hethang aethaw py pa hawi dy. Tukha änini ma “Mä-ai Isu tea yng saite na lä Säthaw üng pre-a kung y te kälang-a, mätangbälai saite na aeting ö vi ai” näkha Yng saite khimi na tea thui pa dy.

Angtawtha 27:24

‘Pawlae ä, ri hang ba. Nang lä Sica sanphrang üng maw-a aedaw he kae. Säthaw üng tähang kähawi phüng-a, nang hai mangtä tui sangphaw aedang saite khimi angxynlyng na bung kädü thung üng aelawi hai vi ai’ näpa.

Angtawtha 27:31

Tukha Pawlae la reisae kälengky hai reisae na tea “Hini tui sangphaw üng kälu sämae ce tui sangphaw qawng-a awng jaw y dylä, nang ce lä aelaw haw y lyng” näpa.

Pawlae ma Rom märü üng kangkawng tähang tärü saite cae 1:18

Hunghö sa saite na hai Säthaw tea tämö khai y saite khimi angxynlyng na tea Säthaw üng kädawtho saite lä khösang mang üng hai mätü vi dy. Honi käsi sa saite na üng älang na lä Säthaw üng Lo mitang khimi kälang tea mäny hai y hethang mäkhangky te vi.

Pawlae ma Rom märü üng kangkawng tähang tärü saite cae 5:6

Mä-ai lä aethawdi te kätü-a, Säthaw lä äma re saite käni-a mä-ai hunghö sa saite khimi na tähang Khrista lä dü pa te vi dy.

Pawlae ma Rom märü üng kangkawng tähang tärü saite cae 5:8

Tungaila Säthaw lä mä-ai tea matangtä bälung aevaw mei näte mätü pyng te vi dy. Mä-ai lä hunghö sa te thüng-a, Khrista lä mä-ai tähang dü pa te vi dy.

1 Korin 10:12

Tukätephüng-a nang ce lä yng te cakhi-a aedaw te vi näkha dawng dylä, aetüng kha nang ce üng yng saite pra y hethang sädi khai ö.

1 Timote 1:9

Säthaw lä khimi cüng saite na tähang Ubädi lä py te y näte mä-ai la mäny ö te by. Säthaw üng Ubädi tängai y saite khimi na, Säthaw tea elekhei saite khimi na, Säthaw tea tämö khai y saite khimi na, hunghö sa jawjaw saite khimi na, Säthaw kängai-a awng y saite khimi na hai Säthaw tea mäny hethang ngai y saite khimi na tähang lä Ubädi py te vi dy. Hini Ubädi lä äma ce üng nä-awi pä-ai na hai khimi kälang na tea bädü saite na, täkübäjang sa saite na, nawngmädi tingtawi, nawngmäcaw tingtawi mangtä i saite na, khimi ce bung ne kha mawsawng tangnae sa hai he khimi kälang na tea jaw saite na, kaeling lo thui saite na, älo mitang thui hethang äni ce aedo pyng saite kätü-a mäteng ma kaeling sa saite na, Säthaw phüng kätüng mätu te tea elekhei sa saite na tähang Säthaw lä Ubädi py te vi.

Hebrai 4:1

Säthaw lä mä-ai tea Äma aehae saite mityng-a kung haw hethang älo aedo te awng vi. Tukätephüng-a nang ce thung üng ämi la Äni üng aehae nae tea mäqaw y hethang sädi khai ö.

Jako 5:6

Nang ce lä khimi käcüng na tea tärae cei hai kha bädü ö te vi dy. Äni lä nang ce tea tärawitha te y vi.

1 Piter 5:8

Nang ce lä aeküng kha canglailing te hai awng ö. Nang ce üng täre Setan angra lä lawng lawngtä tea täphra hethang ämaw ähawng sa saite xangsi täkai kätyng aevi kha mäqang te vi.

2 Piter 3:7

Hini kätyng-a Säthaw lä vaihi awng saite älawng hai käni tea lä äma üng särilo hai-a mai hai täphra hethang khai pa te vi. Äni ce bung lä Säthaw ma äma tea yng y saite na bung tärae cei kha täphra hethang kätü khytä khai pa te vi.

Judae 1:15

Honi lä khimi angxynlyng na lä Säthaw üng lo tängai y saite na hai, äni ce üng käsi sa saite na hai, Säthaw tea tengxyng y käsi prawng saite angxynlyng na tea lä Säthaw ma tärae cei kha dengpy ö ai näkha thui rüng te vi” näkha näpa.