1 Piter 3:8 - Caekäcai Kangthae (Lemi)

⁸ Kangkhüng-a, kai thui hethang ngai te lä, nang ce lä bälung kaedawng mangtä awng kha aebäheng tingtawi ö lawi. Lawng lawngtä tea Khristen äpy na kätyng bälung aevaw ö. Aebäheng kha aemäneng saite bälung na awng ö ba.

Asang Khongso New Testament

⁸ Aboenghaih iah thuih han koeh ih loa: palungthin vanto ah om oloa poekdawnhaih vanto ah om oah; naukamzanawk batiah amlung oloa longto hoi longto tahmen oloa palung naemhaih hoiah om oah.

1 Piter 3:8 ပူးပေါင်းရင်းမြစ်များ

Mathai 18:33

Kai nang tea bäheng te kätyng nang lä mawsawng tea bäheng hethang aeteng te vi’ näkha näpa.

Luka 10:33

Tupyng-a Samari khimi lawngtä lä äma üng khölawng ly tea honi khimi awng saite-a tyng by te vi. Tukha Samari khimi lä honi khimi känaw bung nung te kätü-a äni tea bäheng phi pa dy.

Angtawtha 2:1

Pengtikos pawi tyng te kätü-a, yng saite angxynlyng na lä mityng kähaetä-a mangtä aekäcö kha awng ö vi.

Angtawtha 27:3

Kädang mang-a kai ce lä Sidon märü-a tyng ö vi dy. Tukha Julia lä Pawlae tea bäheng kha äma aely ngai saite na säbawng haw hethang rawijae na hai aeting hai pa dy.

Angtawtha 28:7

Honi mityng teng üng angrai sälawng-a, mätawngky Publiu üng älawng na lä awng vi. Äni lä kai ce bung ing-a lady kha käni thungtä tütü mäcaw mänei pa te vi.

Angtawtha 4:32

Käyng angxynlyng na lä bälung mangtä aedü kha awng ö vi. Ämi lawngtä la vyngsai angxynlyng na mäsai te awng y käla ma mangtä mäsung ö vi.

Pawlae ma Rom märü üng kangkawng tähang tärü saite cae 12:10

Nang ce lä Khristen kangby jä-ai na lawng lawngtä tea lä bälung aevaw ö. Nang ma ce ma lawng lawngtä tea tämö aemäsang ö.

Pawlae ma Rom märü üng kangkawng tähang tärü saite cae 15:5

Änawngsa saite hai aethaw py saite Säthaw ma nang ce tea säbawng jawjaw sy. Tudylä nang ce lä Isu Khrista üng sa te täthei hui te hai nang ma ce tingtawi lä bungtä awng haw ö ai.

1 Korin 1:10

Kai üng kangby jä-ai na ä, mä-ai üng Areng Isu Khrista ma kai tea äma üng aenae hai thui hethang py vi dy. Nang ce lä lawng lawngtä ae-e ö hethang kae y dy lyng. Kangkawng thung-a aetäphü hethang kae y vi dy. Nang ce lä bälung mangtä, dawng saite la mangtä awng ö lawi näkha kai lä nang ce tea mäci khü te vi dy.

1 Korin 12:26

Kaepreng haetä mätangbälai dylä, kaepreng kälang angxynlyng na la mätangbälai ö tyng te by vi. Khimi phütä ma kaepreng haetä tea bälaw dylä, kaepreng kälang angxynlyng na la anghawtho ö te by vi.

Ephesi 4:2

Nang ce lä kätü qütä-a bälung aemäneng kha äkäneng-a awng ö. Änawngsa te hai lawng lawngtä tea bälung aevaw te hai khung kha awng ö jaw jaw ba.

Ephesi 4:31

Nang ce lä bälung thung-a khai khü te käsi dawng saite na, kädaw rae saite angxynlyng na hai, kädawtho saite, aejaw aemang saite, khimi ce phüng aeqa saite na hai esäre saite angxynlyng na tea lä khaisö ö lawi.

Ephesi 4:32

Nang ce lä nang ma ce tingtawi aebäheng kha bälung aevaw ö ba. Säthaw lä Isu Khrista üng phüng-a nang ce üng hunghö na bälawi te kätyng-a, hunghö na tea nang ma ce tingtawi la aebälawi ö.

Filipi 2:3

Nang ce lä mä-ai ma üng kängai qaitä kaedawng hai aethaw te bälung awng kha äte haetä la sa ö hang. Khimi kälang na lä nang ce qawng-a hawiky näte kaedawng hai bälung aemäneng kha awng ö.

Filipi 3:16

Ätemakä läsy, Säthaw ma mä-ai tea mätü pyng saite kätyng mä-ai lä sa kha awng ö hethang kae.

Kolosa 3:12

Nang ce lä Säthaw ma re saite khimi na vi. Säthaw lä nang ce bung bälung aevaw kha khimi käcai-a bälawng te vi dy. Tukätephüng-a nang ce lä bäheng te, änawng hawi te, aemäneng te, bälung äkäneng awng saite hai änawngsa saite na hai-a awng ö.

Hebrai 13:1

Khristen kangby jä-ai na kätyng-a lawng lawngtä tea bälung aevaw jawjaw ö ba.

Jako 2:13

Khimi lawngtä lä äma üng kangby jä-ai na tea bäheng y dylä, Säthaw ma tärae cei te kätü-a, äni tea la bäheng y by ai. Bäheng saite lä tärae cei saite qawng-a haidae awngky te vi.

Jako 3:17

Tungaila Säthaw te üng tho saite bälung kähae lä angcüky-a cai te vi. Honi lä awngneng saite, bälung hawi saite, khimi kälang na tähang aedawng kaw pa saite, bäheng saite hai kälu kähawi sa saite na vi. Honi lä khimi ce üng mimai kheng te hai käjüng sa te awng y.

Jako 5:11

Änawngsa kha khung saite khimi na tea Säthaw ma tähang kähawi py vi näkha thui te nang ce ma mäny ö te vi. Nang ce lä Joba üng änawngsa saite phüng thai ö pyng te vi dy. Areng ma kangkhüng-a äni tea säbawng saite phüng nang ce lä thai ö pyng te vi dy. Areng lä bälung äkäneng hai khimi ce tea bäheng te vi.

1 Piter 1:22

Nang ce üng lo mitang tängai saite hai-a, nang ce lä käcai na-a lawng ö te vi dy. Tukha nang ce lä nang ma ce üng yng saite äpy kälang na tea bälung aevaw khaw ö te vi. Lawng lawngtä tea bälung mäke hai bälung aevaw ö lawi.

1 Piter 2:17

Nang ce lä khimi qütä tea tämö khai ö. Yng saite äpy na tea bälung aevaw ö ba. Säthaw tea ri kha sanphrang tea tämö khai ö.

1 Piter 5:5

Honi kätyng, nang ce anghyngli na ä, nang ma ce üng mätawngky na üng älo na tängai hethang kae. Nang ce lä bälung aemäneng kha awng ö. Caekäcai thung-a, “Säthaw lä aethaw saite khimi na tea elekhei sa te vi. Tungaila aemäneng saite khimi na tea lä tähang kähawi py te vi” näkha nä vi.

2 Piter 1:7

Säthaw üng aely kängai-a hing saite tea lä nang ce üng yng saite kangby jä-ai na tea bälung aevaw saite hai-a täbawi ö te vi. Yng saite kangby jä-ai na bung bälung aevaw saite khimi angxynlyng na tea bälung aevaw saite hai täbawi ö.

1 Johan 3:14

Mä-ai lä mä-ai ma üng yng saite rawijae na tea bälung aevaw te phüng-a dü saite üng hai hing saite mang-a aekae saite tea mäny ö vi. Mä-ai ma rawijae na tea bälung aevaw y saite khimi na lä kädü üng haidae täkui-a awng te ö kae vi rawng.