1 Piter 3:16 - Caekäcai Kangthae (Lemi)

¹⁶ Käsi kähawi mäny saite nang ce üng bälung tea käcai-a khai ö. Tudylä, nang ce üng Khrista leithung hui te phüng-a aeme aeqa saite kähawi tea käsi thui saite khimi na lä saerae ö vi ai.

Asang Khongso New Testament

¹⁶ To-e ato to na thuih o na-ah tuinom hoihhaih hoi khangzahaih hoiah pathim oah. Nangcae ih kasae kahoih panoekhaih ih to caisak oah, totiah na oh o nahaeloa Khrih ih hnukbang ah na oh o batih toengah nangcae ih tuinuenh hoihhaih to kasae ah ka thui kaminawk to mah a thuih o haih ih pongah a zat o lat tih.

1 Piter 3:16 ပူးပေါင်းရင်းမြစ်များ

Mathai 5:11

“Nang ce lä kai leithung hui ö te phüng-a, khimi ce ma nang ce tea käsi thui kha sakälö khü te hai kaeling kaemae thui dylä, nang ce lä tähang hawi.

Angtawtha 24:16

Tukätephüng-a kai lä Säthaw hai khimi ce maw-a, bälung käcai-a awng hethang käni qütä aethaw aesa kha awng te vi.

Angtawtha 28:22

Tungaila nang hai aesui saite hini kangkawng phüng ae-e kha mityng qütä-a thui saite na kai ce lä thai vi. Tukätephüng-a nang üng yng saite phüng na kai ce lä thai hethang ngai vi” näpa.

Pawlae ma Rom märü üng kangkawng tähang tärü saite cae 9:1

Khrista üng maw-a kai lä lo mitang thui te vi. Kai lä kaeling kaemae lo thui te y lyng. Kai thui saite lä tüng vi näte Muilaw Käcai ma pyng saite kai üng käsi kähawi mäny saite bälung ma kai tea thui khü te vi.

2 Korin 1:12

Kai ce lä hini phüng aethaw ö te vi. Hini älawngpre-a Säthaw ma py saite käcai hai tüng saite na kai ce lä awng näte kai ma ce üng käsi kähawi sa saite bälung ma thui te vi dy. Nang ce hai mangtä awng khaw te thüng-a ämi lawngtä ma la cy haw y hethang kai ce lä sädi khai ö te vi. Tungaila kai ce lä hini tea khimi ce üng bälunghae saite hai-a sa ö te y. Säthaw üng tähang kähawi hai-a sa ö te vi dy.

2 Korin 4:2

Kai ce lä saerae hethang hai ho hethang hawi khaw saite kälu angxynlyng na tea khaisö ö vi dy. Kai ce lä ämi tea la kaeling sa te y kha Säthaw üng älo lä aemäqa te y vi. Kai ce lä lo mitang tea thui phrang ö te vi. Hini kätyng Säthaw üng maw-a cüng vi näte khimi angxynlyng na üng bälung thung-a mäny haw ö te vi.

1 Timote 1:19

Nang lä käsi sa y näkha mäny te hai Khrista tea yng khi ba. Khimi phütä lä käsi kähawi mäny saite bälung tea khaisö ö te vi. Tukätephüng-a äni ce lä yng haw ö y vi dy.

1 Timote 1:5

Hini särilo üng mawkung lä yng saite na üng lawng lawngtä tea bälung aevaw saite vi. Hini bälung aevaw te na cai saite bälung hai, käsi sa y näkha mäny saite hai kätüng yng saite bälung awng saite khimi na lä dang haw ai.

2 Timote 1:3

Kai lä kai üng kangsi kangjaw na kätyng käsi kähawi mäny saite bälung käcai hai Säthaw tea cäphaw kha nang tähang kawng hai te vi. Kärung käni nang tea ämaw aedawng te hai kai lä nang tähang aetang jawjaw te vi.

Titas 2:8

Nang lä khimi ce ma cy haw y hethang älo kätüng saite mätu pa ba. Tukäte hai-a nang tea elekhei-a sa hethang ngai saite na lä saerae lae ö vi ai. Ätephüng-a mei nädylä, äni ce lä mä-ai tea käsi thui hethang dang haw ö pa y te phüng-a vi.

Hebrai 13:18

Kai ce tähang aetang ö jawjaw ba. Kai ce lä kai ma ce üng käsi kähawi mäny saite bälung kaedawng tea mänysy ö te vi. Kai ce lä kätü angxynlyng na tea kätüng khaw-a sa hethang ngai ö te vi.

Hebrai 9:14

Tungaila Khrista üng äthi lä hini qawng-a cang y sa haw te vi. Äni lä dungtäsa Muilaw hai-a äma ma löci sa te vi dy. Äni lä Säthaw tähang cungrü-a löci aesa saite vi dy. Tukätephüng-a äni üng äthi lä tengxyng y haidae awng kha mä-ai üng käsi kähawi mänykaw saite bälung kaedawng na tea ävang ting y saite reitae thung üng cai hai te vi. Vaihi mä-ai lä Säthaw kähing tea mawsawng sa haw ö te vi dy.

1 Piter 2:12

Säthaw tea mäny y saite khimi na thung-a nang ce lä cy y rung khytä hing ö. Tudylä äni ce lä nang ce tea sa tämang hethang cy ngaila, nang ce üng kälu kähawi na tea lä nung haw ö ai. Hini hai-a, äni ce lä Areng ly haile te käni-a Säthaw tea bälaw haw ö ai.

1 Piter 2:15

Kälu kähawi na sa saite lä Säthaw üng aely kängai vi. Hokä sa saite hai-a, nang ce lä äte la mänykaw y saite khimi na üng älo aetütü te na tea lä sitäri hai haw ö te vi.

1 Piter 2:19

Nang ce lä Säthaw üng aely kängai mäny te phüng-a, sa tämang y käla mätang bälai ö dylä, Säthaw lä nang ce tea tähang kähawi py vi ai.

1 Piter 3:21

Hini tui lä baptismae phüng tea thui te äsäny vi dy. Vaihi Säthaw ma nang ce tea lä baptismae hai-a aeqang te vi. Baptismae üng tui lä nang ce üng ätabung üng pawprae saite na tea mäse te y. Nang ce lä baptismae la te hai käsi kähawi mäny saite bälung käcai hai-a Säthaw tea älo aedo ö te vi. Honi baptismae phüng-a Isu Khrista üng aetha haile tyng saite hai-a Säthaw lä mä-ai bung aeqang te vi.

1 Piter 4:4

Nang ce lä vaihi kähawi-a hing y kha Säthaw bung mäny y saite khimi na hai vaihi aesätawng y te phüng-a, äni ce lä cangxei ö te vi dy. Tukätephüng-a äni ce lä nang ce tea käsi prawng ö te vi.