1 Piter 2:9 - Caekäcai Kangthae (Lemi)

⁹ Tungaila nang ce lä Säthaw ma re saite khimi na, Sanphrang üng mäthykung na, cai saite khimi na hai, Säthaw hai aesui saite khimi na vi. Äni ma nang ce bung lä käving thung üng käthoja kha äma üng cangxei saite kaevang thung-a khai vi dy. Tukätephüng-a nang ce lä Säthaw üng cangxei saite kälu phüng tea thui haw ö te vi.

Asang Khongso New Testament

⁹ To-e nangcae loa qoih ih caeng kami, Sangpahrang ih qaihma, kacai caeng kami, Sithaw angmah ih kaminawk ah na oh o. Vinghaih thung hoitoah angmah ih dawnrai aanghaih thungah ka kawkkung Sithaw mah ih dawnraihaih hmuen a sakhaih ihnawk to thuih taphong hanah nangcae to ang qoih o.

1 Piter 2:9 ပူးပေါင်းရင်းမြစ်များ

Mathai 5:16

Honi kätyng nang ce üng kaevang khimi ce maw-a aevang sy. Tukä dylä, khimi ce lä nang ce üng kälu kähawi nung kha Känipre-a awng saite nang üng Pä-ai tea bälaw ö ai.

Luka 1:79

Mesia lä hunghö käving thung-a awng saite khimi na hai, dü he ri saite khimi na tea kaevang py kha Säthaw üng Angthang kätüng thui pa ai. Äni lä mä-ai tea awngneng saite lolang thung-a ly hethang bähawi pa vi ai” näkha Zakhari lä thui pa.

Johan 17:19

Äni ce lä Säthaw tähang mä-ai ma bung aepy hethang tähang-a, Kai lä äni ce tähang Kai ma bung aemäthy ping te vi dy.

Angtawtha 20:28

Tukätephüng-a nang ce lä mä-ai ma ce tea sädi hai awng ö. Muilaw Käcai ma nang ce tähang a saite kangkawng tea kähawi-a rui ö. Beram rui saite Kung ma beram rui te kätyng nang ce lä, Säthaw üng kangkawng tea kähawi-a, rui kha kheng ö. Ätephüng-a mei na dylä, Säthaw lä äma üng Cäpaw thi hai-a honi kangkawng bung rang te vi.

Angtawtha 26:18

Nang lä ceng kälang khimi na üng ämi tea aevang hai pa he kae. Äni ce bung käving thung üng hai kaevang mang-a aekö hai lawi. Tukha Setan angra üng haidae thung üng hai Säthaw te mang-a, tyng hai hethang kae. Äni ce lä kai tea yng te phüng-a, Säthaw ma äni ce üng hunghö na bälawi pa ai. Säthaw ma re saite khimi na thung-a, awng haw hethang mityng py ai. Hini kä aelawng hethang kai lä nang bung mätaw te vi.’

Angtawtha 26:28

Akripa Sanphrang ma “Nang lä hikä kätü dawi tea kai bung Khristen aelawng hai hethang bäleng haw he aepö vi nang mei” näpa.

Pawlae ma Rom märü üng kangkawng tähang tärü saite cae 9:24

Mä-ai lä äni üng re saite khimi vi. Äni lä mä-ai bung re te kätü-a Judae ceng thung üng khimi na qaitä tea kae y, ceng kälang na thung üng tea la re te by vi.

1 Korin 3:17

Khimi lawngtä ma Säthaw üng Ingkäcai tea täphra dylä, Säthaw lä honi khimi tea täphra vi ai. Ätephüng-a mei nädylä, Säthaw üng Ingkäcai lä caiping te phüng-a vi. Nang ma ce khekhe lä Säthaw üng Ingkäcai lawng ö te vi.

Ephesi 1:14

Mä-ai lä Muilaw Käcai bung dang te phüng-a, Säthaw lä äma älo aedo saite kähawi na py ai näte mä-ai lä mäny haw khaw ai. Säthaw lä äma üng khimi lawng saite mä-ai bung aeqang king hethang kätü-a, äni lä mä-ai tea tähang kähawi na py king vi ai. Säthaw lä leng bärai te phüng-a äni tea mä-ai lä bälaw ö si.

Ephesi 1:6

Säthaw üng leng bärai saite tähang kähawi phüng-a mä-ai lä äni tea bälaw hethang kae te vi. Äma üng bälung aevawky saite Cäpaw üng sa te phüng-a, äni lä mä-ai tea hini tähang kähawi mäsai y käla py pyng te vi dy.

Ephesi 3:21

Khimi ce lä kangkawng thung-a, Isu Khrista hai-a Säthaw üng leng bärai saite phung-ang tea nung haw ö te vi. Tukätephüng-a mä-ai lä dungtäsa Säthaw tea bälaw ö si. Amen.

Filipi 3:14

Khrista Isu te mang hai-a, Säthaw ma kai bung Känipre-a ka saite lä kai üng ävang käting vi dy. Tukätephüng-a kai lä aethawsa kha aehui jawjaw te vi.

Kolosa 1:13

Säthaw lä mä-ai bung käving ma pyng saite thung üng aeqang te vi dy. Äni lä mä-ai bung äma üng bälung aevaw saite Äcäpaw üng pre thung-a nähai ö vi dy.

2 Timote 1:9

Säthaw lä mä-ai bung aeqang kha käcai-a hing hethang ka te vi dy. Äni lä mä-ai üng kähawi sa saite na phüng-a ka te y lyng. Äma ma üng mawlang kaedawng hai tähang kähawi phüng-a vi. Älawng sa y te kälang-a ma, Säthaw lä äma üng tähang kähawi mä-ai tea mätü hethang Isu Khrista bung mätaw te hai-a sa rüng te vi dy.

Titas 2:14

Äni lä mä-ai bung hunghö angxynlyng na üng aelawi hethang hai, äma üng khimi käcai hai khimi khekhe-a bälawng pa hethang vi dy. Tukha ätete kähawi sa hai hethang dawng khü saite na aelawng hai hethang äma ma mä-ai tähang aepy te vi dy.

1 Piter 1:2

Jangni üng hai ma Pä-ai Säthaw lä nang ce bung mäny kha re ea Äma üng Muilaw Käcai ma nang ce tea cai hai te vi dy. Tukätephüng-a nang ce lä Isu Khrista üng lo tängai kha äma üng äthi hai-a nang ce lä cai ö te vi dy. Säthaw ma nang ce tea lä tähang kähawi hai awngneng saite cungrü-a py sy.

1 Piter 2:5

Nang ce la hing saite lungphö na kätyng by vi. Säthaw lä äma üng Muilaw Käcai hai-a Ingkäcai sa hethang nang ce bung tawng sy. Hini Ingkäcai-a, nang ce la mäthykung käcai na kätyng kälu sa ö by vi ai. Nang ce lä Muilaw Käcai ma mäci saite kätyng löci na sa ö vi ai. Isu Khrista hai-a Säthaw lä nang ce üng löci na tea täla haw vi ai.

1 Piter 4:11

Thuikaw saite khimi na lä Säthaw üng angthang thui hethang kae. Khimi kälang tea säbawng saite khimi na lä Säthaw üng aethaw hai-a säbawng hethang kae. Tudylä, nang ce sa saite angxynlyng na hai khimi ce lä Isu Khrista hai-a Säthaw tea bälaw haw ö ai. Äni üng haidae hai phung-ang lä dungtäsa awng jawjaw sy. Amen.

Lokphong 1:6

Isu lä mä-ai tea sanphrang kätyng pyng hethang hai mäthykung na kätyng äma üng Pä-ai Säthaw tea mawsawng sa hethang khai pa te vi. Äni tea phung-ang hai haidae lä dungtäsa awng jawjaw sy. Amen.

Lokphong 20:6

Hikä kädü üng aetha angcü saite thung-a qa saite na lä tengxyng y tähang hawi kha caiping ö vi dy. Äni ce lä äbaeni dü saite tea aeting y dy lyng. Äni ce lä Säthaw hai Khrista üng mäthykung na-a lawng kha Khrista hai mangtä säning sangtä pre pyng ö vi ai.

Lokphong 5:10

Nang ma äni ce bung lä mäthykung na kätyng mä-ai üng Säthaw tea mawsawng sa hethang hai sanphrang na kätyng älawngpre tea pyng ö ai” näpa.