1 Piter 2:5 - Caekäcai Kangthae (Lemi)

⁵ Nang ce la hing saite lungphö na kätyng by vi. Säthaw lä äma üng Muilaw Käcai hai-a Ingkäcai sa hethang nang ce bung tawng sy. Hini Ingkäcai-a, nang ce la mäthykung käcai na kätyng kälu sa ö by vi ai. Nang ce lä Muilaw Käcai ma mäci saite kätyng löci na sa ö vi ai. Isu Khrista hai-a Säthaw lä nang ce üng löci na tea täla haw vi ai.

Asang Khongso New Testament

⁵ Hlung kahing batiah angzo oah, pakhra sakhaih hanah nangmahcae to patoh oah. Ato hmuenh ah kacai qaihma batiah talawk han ka krah pakhra angbawnhaih to Jesuh Khrih ranghoiah Sithaw khaeah paek oah.

1 Piter 2:5 ပူးပေါင်းရင်းမြစ်များ

Pawlae ma Rom märü üng kangkawng tähang tärü saite cae 12:1

Tukä dylä kai üng kangby jä-ai na ä, Säthaw lä mä-ai tea tengxyng y bäheng te phüng-a kai lä nang ce tea mäci hethang ngai te vi. Hing saite löci mawi kätyng nang ma ce ma Säthaw tea ae-a ö. Äni üng kälu sa hethang hai äni tea kawng hai hethang la ae-a ö. Hini nang ce üng ae-a saite lä Säthaw tea cäphaw tätang te vi.

Pawlae ma Rom märü üng kangkawng tähang tärü saite cae 15:16

Kai lä ceng kälang na tähang kälu sa hethang Khrista Isu üng mawsawng-a lawng vi dy. Säthaw ma kawng hai saite löci mawi käcai lawng hethang kai lä Säthaw üng Angthang Kähawi ceng kälang na tea thui hethang mäthykung lawngtä kätyng sa te vi dy. Muilaw Käcai lä honi na tea Säthaw tähang kälang khai pa te vi.

1 Korin 3:16

Nang ce lä Säthaw üng Ingkäcai kätyng vi näte mäny tätang ö vi. Säthaw üng Muilaw Käcai lä nang ce üng äthung-a awng te vi.

1 Korin 3:9

Kai ni lä Säthaw üng kälu tea sa saite kangby jä-ai na vi. Nang ce la Säthaw üng lai kätyng vi. Nang ce lä Säthaw üng Ingkäcai kätyng by vi.

1 Korin 6:19

Nang ce üng ätabung lä Muilaw Käcai ma aeta saite Ingkäcai vi näte mäny ö te vi. Säthaw lä Muilaw Käcai bung nang ce tea py te vi dy. Nang ce üng ätabung lä nang ma ce üng y vi. Säthaw ma pyng te kae.

2 Korin 6:16

Säthaw üng Ingkäcai hai Säthaw bung mäny y saite khimi na üng cäphaw saite mimi na lä aesui te y vi. Mä-ai lä hing saite Säthaw üng Ingkäcai vi. Säthaw ma, “Kai lä kai ma üng khimi na thung-a aeke kha awng ai. Kai la äni ce üng Säthaw-a lawng kha äni ce la kai üng khimi na-a lawng ö ai” näkha näte vi.

Galati 6:10

Tukätephüng-a mä-ai lä sa haw saite kätü-a, khimi angxynlyng na tähang-a kähawi sa ö si. Mä-ai üng yng saite kangby jä-ai na tähang la kähawi sa pa hethang lä aely lengky te vi.

Filipi 1:11

Isu Khrista ma nang ce tea cüng hai te phüng-a, nang ce lä kälu kähawi na sa haw ö vi ai. Tukätephüng-a khimi ce lä Säthaw üng phung-ang tea bälaw ö ai.

Filipi 2:17

Nang ce üng yng te lä Säthaw tea löci aesa saite kätyng vi. Khimi ce ma kai bung bädü daila awng ai. Kai üng dü saite lä nang ce üng löci aesa te qawng-a bälawng saite Cäpje thai tui kätyng aelawng haw vi ai. Hini kätyng vi dylä kai lä kawng anghawtho vi ai. Kai lä nang ce angxynlyng hai mangtä kawng anghawtho vi ai.

Filipi 4:18

Vaihi kai lä nang ce tha saite angxynlyng na dang te vi dy. Kai lä vaihi aely ngai te qawng-a cang y awng vi dy. Nang ce ma Epaprodita te mang hai-a tha saite na kai lä dang vi dy. Honi na lä kai tähang tengxyng y bälai hai mang te vi. Nang ce üng säbawng te lä Säthaw üng maw-a mui üng saite rimui kätyng löci aesa saite na lawng te vi. Honi na lä Säthaw tea kawng hai te vi.

Kolosa 3:17

Nang ce lä kälu sa te hai, älo thui saite angxynlyng na hai Areng Isu üng jüng-a sa pa ö. Areng Isu hai-a nang ce lä Säthaw tea kawng te lo thui jawjaw ö ba.

1 Timote 3:15

Ätephüng-a mei nädylä kai qae mai dylä, Säthaw üng engthung khaw lawng saite kangkawng-a, yng saite na makä sa kha awng ö ai mei näte nang tea mäny hai hethang kai lä ngai te vi. Ing aeling hai aenyng nae lä ing tea ca hai te vi. Honi kätyng kangkawng lä Säthaw üng älo mitang ma cakhi hai te vi dy.

Hebrai 3:6

Tungaila Khrista lä Säthaw üng Cäpaw kätyng ae-y khü saite hai äma üng ing angxynlyng na tea pyng te vi. Mä-ai lä ri y te bälung awng kha mä-ai ma üng aethang khai saite Khrista tea ae-y khü dylä, mä-ai lä Säthaw üng ing hai äma üng khimi na vi.

1 Piter 2:9

Tungaila nang ce lä Säthaw ma re saite khimi na, Sanphrang üng mäthykung na, cai saite khimi na hai, Säthaw hai aesui saite khimi na vi. Äni ma nang ce bung lä käving thung üng käthoja kha äma üng cangxei saite kaevang thung-a khai vi dy. Tukätephüng-a nang ce lä Säthaw üng cangxei saite kälu phüng tea thui haw ö te vi.

1 Piter 4:11

Thuikaw saite khimi na lä Säthaw üng angthang thui hethang kae. Khimi kälang tea säbawng saite khimi na lä Säthaw üng aethaw hai-a säbawng hethang kae. Tudylä, nang ce sa saite angxynlyng na hai khimi ce lä Isu Khrista hai-a Säthaw tea bälaw haw ö ai. Äni üng haidae hai phung-ang lä dungtäsa awng jawjaw sy. Amen.

1 Piter 4:17

Säthaw üng ingthung-a tärae cei saite kätü aetawng hethang lä aenai vi dy. Mä-ai tea tärae cei saite aetawng dylä, Säthaw üng Angthang Kähawi yng y saite khimi na lä tähang si ö vi ai.

Lokphong 1:6

Isu lä mä-ai tea sanphrang kätyng pyng hethang hai mäthykung na kätyng äma üng Pä-ai Säthaw tea mawsawng sa hethang khai pa te vi. Äni tea phung-ang hai haidae lä dungtäsa awng jawjaw sy. Amen.

Lokphong 20:6

Hikä kädü üng aetha angcü saite thung-a qa saite na lä tengxyng y tähang hawi kha caiping ö vi dy. Äni ce lä äbaeni dü saite tea aeting y dy lyng. Äni ce lä Säthaw hai Khrista üng mäthykung na-a lawng kha Khrista hai mangtä säning sangtä pre pyng ö vi ai.

Lokphong 3:12

Bäja saite äni bung lä kai üng Säthaw Ingkäcai ing aeling-a lawng hai ai. Äni lä Ingkäcai ärang mang-a manila tho y lyng. Kai lä äma qawng-a Kai üng Säthaw üng ämüng hai, Kai üng Säthaw üng märü ämüng, Jerusalem kangthae, tea tärü ai. Hini Jerusalem märü kangthae lä Kai üng Säthaw Känipre te mang üng cäqa vi. Kai la äni qawng-a Kai üng ämüng kangthae tärü by ai.

Lokphong 5:10

Nang ma äni ce bung lä mäthykung na kätyng mä-ai üng Säthaw tea mawsawng sa hethang hai sanphrang na kätyng älawngpre tea pyng ö ai” näpa.