1 Piter 2:16 - Caekäcai Kangthae (Lemi)

¹⁶ Nang ce lä khimi kaelawi na kätyng hing ö lawi. Tungaila nang ce üng kaelawi saite na tea lä hunghö täphung hethang tawng ö hang. Säthaw üng mawsawng na kätyng nang ce lä hing ö ba.

Asang Khongso New Testament

¹⁶ Kaloih kami batiah om oah; to-e nangcae loihhaih ih to hoihhaih ai ih khuk haih hmoep hanah patoh o hmah.

1 Piter 2:16 ပူးပေါင်းရင်းမြစ်များ

Mathai 23:13

“Pharisai hai Ubädi särae na ä, nang ce lä tähang si vi. Nang ce lä khimi kähawi käjüng aesa ö te vi. Khimi ce lä Säthaw pre-a kung haw y hethang nang ce lä kätho aekhae ö vi. Tungaila nang ma ce lä kung y ta ma kung hethang aethawsa saite na tea mäkhang pa ö vi.

Johan 15:22

Kai ly kha äni ce tea thui y dylä, äni ce üng hunghö lä äni ce tea awng jawjaw hethang y. Äni ce lä äma ce sa saite hawi y, näte mäny näkha thui haw y.

Pawlae ma Rom märü üng kangkawng tähang tärü saite cae 6:18

Nang ce lä hunghö ma pyng saite üng aelawi kha Säthaw üng cüng saite mawsawng na lawng ö te vi dy.

Pawlae ma Rom märü üng kangkawng tähang tärü saite cae 6:22

Tungaila vaihi nang ce lä hunghö üng pyng saite thung üng aelawi kha Säthaw üng mawsawng na-a lawng ö te vi. Nang ce üng dang saite ävang lä Säthaw ma nang ce tea cai hai kha honi pyng-a lä dungtäsa hing saite py te vi.

1 Korin 7:22

Nang ce lä mawsawng tangnae lawng te kätü-a Säthaw ma nang ce bung ka vi dylä, Areng Isu Khrista hai-a vaihi nang lä khimi kaelawi kätyng lawng vi dy. Honi kätyng Säthaw ma khimi kaelawi bung ka vi dylä, äni lä vaihi Khrista hai aesui kha äni lä Khrista üng mawsawng tangnae-a lawng te vi.

Galati 5:1

Mä-ai aelawi hethang Khrista ma aeqang pyng te vi dy. Tukätephüng-a nang ce lä mawsawng na-a aelawng haile tyng y hethang ca khü ö he kae.

Galati 5:13

Yng saite kangby jä-ai na ä, Säthaw lä nang ce üng ngaiphi tüng y saite tea hui hethang py te y vi. Honi jüng-a nang ce üng aelawi saite hai-a, lawng lawngtä tea bälung aevaw te hai aesäbawng ö hethang kae.

Ephesi 6:6

Nang ce üng ingkung ma nang ce tea kheng te kätü-a mimai dang hethang qaitä y vi. Nang ce lä Säthaw üng aely kängai-a nang ma ce üng bälung mäke angxynlyng na hai Khrista üng mawsawng na kätyng sa ö.

Kolosa 3:24

Areng Isu lä nang ce üng kälu sa te tähang ävang py ai näsaite tea lä mäny ö. Areng lä äma üng khimi na tähang sa rüng saite ävang na nang ce tea py ai. Nang ce ma mawsawng sa tätang khaw saite Areng lä Khrista vi.

1 Thesalon 2:5

Nang ce ma mäny te kätyng, kai ce lä nang ce tea mäthaw te lo thui vai ö te y. Kai ce lä tangkae dang hethang tähang-a Säthaw lo käjüng sa kha thui te y. Hikä kai ce ma kätüng thui saite tea Säthaw la mäny khe te vi.

Jako 1:25

Tungaila khimi lawngtä lä Säthaw üng cungrü saite Ubädi tea khüsälü-a kheng kha tängai ea Ubädi thung-a awng saite na tämang y käla sa jawjaw dylä, Säthaw ma äni tea lä tähang kähawi na py vi ai. Ätephüng-a mei nädylä, Ubädi lä mä-ai tea bälawi saite phüng-a vi.

Jako 2:12

Khimi ce tea aelawi hai saite Ubädi kätyng nang ce lä Säthaw ma tärae cei saite khimi na kätyng älo aepe kha sa ö ba.

2 Piter 2:19

Äni ce lä hini khimi na tea Säthaw üng Ubädi tängai jawjaw y käla ma aelawi haw te vi näkha älo aedo ö te vi. Tungaila käjüng sa saite särae äma ce khekhe lä äma ce tea täphra saite aeme aeqa te na üng mawsawng tangnae-a lawng ö te vi dy. Ätephüng-a mei nädylä, khimi lawngtä lä äma tea pyng saite üng mawsawng tangnae lawng te vi.

Judae 1:4

Ätephüng-a mei nädylä Säthaw lo tängai y saite khimi phütä na lä nang ce thung-a kangru mang kung ö te vi ba. Äni ce lä Säthaw üng tähang kähawi phüng-a äma ce üng ngaiphi tüng y saite kätyng awng haw vi näkha mätu ö te vi. Äni ce lä mä-ai üng Areng hai Ingkung lawngtä xyng awng saite Isu Khrista tea aephae ö vi. Äni ce tea lä Säthaw ma dengpy ai näkha jangni üng hai ma tärü rüng pyng te vi dy.