1 Piter 1:7 - Caekäcai Kangthae (Lemi)

⁷ Hini käny saite na lä nang ce üng yng saite tätang vi näte tea mätü ai. Khimi ce lä pra haw saite sui tea mäteng ma mai hai säny kha mäcai ö te vi. Nang ce üng yng saite lä hini sui qawng-a ävang tingky te vi. Tukätephüng-a nang ce üng yng saite lä mätang bälai te hai-a käny dylä, nang ce üng yng saite lä cakhi ö vi ai. Nang ce lä hini kätyng yng dylä, Isu Khrista ly haile te kätü-a Säthaw ma nang ce tea bälaw vi ai. Tukha äni lä nang ce tea phung-ang hai tämö käleng khai saite na py vi ai.

Asang Khongso New Testament

⁷ Hi patang khanghaih ih mah patoephaih loa nangcae taanghaih ih to tangtang hoi tangtang ai to panoek hanih ni. Kamro thai koi sui mataeng doeh hmai pongah tanoek ah oh, ato batiah sui ponghdoeh atho kaom pahlai zawt nangcae taanghaih ih to pauep thai hanah tanoek tacak han oh toeng. Topacoengah Jesuh Khrih amtuenghaih Ni ah saphawhaih hoi lensawkhaih hoi khangzahaih loa nangcae nuiah oh na soe.

1 Piter 1:7 ပူးပေါင်းရင်းမြစ်များ

Mathai 19:28

Isu ma äkähui na tea “Tängai ö, Säthaw ma äte angxynglyng na tea kangthae sa te kätü-a Kai, Khimi üng Cäpaw, lä Kai üng phung-ang awng saite aety nae qawng-a aety kha angxynglyng na bung pyng vi ai. Honi kätü-a Kai üng äkähui na lä nang ce la aety nae na qawng-a aety kha Isrelae ceng hawlai netä na tea pyng ö vi ai.

Mathai 25:21

Ingkung ma ‘Nang sa te lä hawi bärai te vi. Nang lä bälungkähae saite mawsawng kähawi vi. Nang lä sui phawisae äjecäcaw tea kätüng-a rui pa te vi. Tukätephüng-a kai ma nang tea hini qawng-a cang y, awng mang-a rui hethang py ai. Ly lawi, kai hai mangtä kawng anghawtho hawi si dy’ näkha näpa.

Mathai 25:23

Ingkung ma ‘Nang sa te lä hawi bärai vi. Nang lä kätüng-a sa khü saite mawsawng kähawi vi. Nang lä sui phawisae äjecäcaw tea kätüng-a rui pa te vi. Tukätephüng-a kai ma nang tea hini qawng-a cang y awng mang-a rui pa hethang py ai. Ly lawi, kai hai mangtä kawng anghawtho hawi si dy’ näkha näpa.

Luka 12:33

Nang ma ce üng pyng saite ingthawng na jaw ea khimi kangtang na tea tangkae py ö. Hini kätyng mö haw y saite phawisae-i na nang ma ce tähang sa ö dy. Theru bäru haw y, dengkeng ma ca haw y kha tenglei y saite ingthawng nang ce tähang Känipre-a awng ai.

Luka 17:30

Kai, Khimi üng Cäpaw, ly haile te kätü-a lä honi kätyng awng by vi ai.

Johan 12:26

Kai üng mawsawng sa he ngai dylä kai leithung hui hethang kae. Kai awng te mityng-a lä kai üng mawsawng la awng by ai. Kai üng mawsawng na tea lä, Kai üng Pä-ai ma tämö mäsang vi ai.

Johan 5:44

Nang ce lä lawngtä hai lawngtä tea aebälaw hethang ngai ö te kae vi. Tungaila lawngtä xyng awng te Säthaw üng bälaw te dang hethang lä aethaw aesa ö y. Tudylä nang ce lä ätemakä sa kha kai tea yng haw ö ai mei.

Angtawtha 8:20

Tungaila Peterae ma “Nang lä Säthaw üng lasawng bung tangkae hai rang he aedawng te phüng-a, nang ma üng tangkae hai mangtä nang lä pra sy.

Pawlae ma Rom märü üng kangkawng tähang tärü saite cae 2:10

Tungaila angcüky-a Judae khimi na, honi pyng-a ceng kälang na thung üng kähawi sa saite khimi angxynlyng na tea Säthaw lä äma tea bälaw saite, ämüng leng saite hai awngneng saite na py pa vi ai.

Pawlae ma Rom märü üng kangkawng tähang tärü saite cae 2:29

Judae khimi tätang lä Säthaw ma äma hai aesui näte mäny hai hethang äni üng bälung thung-a äsäny sa te vi. Honi lä Ubädi ma sa haw te y. Säthaw üng Muilaw Käcai ma sa haw te kae vi. Honi khimi tea lä khimi kälang na ma bälaw y ngaila, Säthaw lä äni tea bälaw vi ai.

Pawlae ma Rom märü üng kangkawng tähang tärü saite cae 2:7

Kähawi sa jawjaw te hai, Säthaw ma py te bälaw saite hai, ämüng leng saite hai dungtäsa kähing na ha saite khimi tea lä Säthaw ma dungtäsa kähing py vi ai.

Pawlae ma Rom märü üng kangkawng tähang tärü saite cae 8:19

Säthaw ma sa saite käni, älawng hai khöteng täki angxynlyng lä Säthaw ma aetüng hethang äma üng caw nade na tea tengxyng y aedawng rawng ö te vi.

1 Korin 3:13

Isu Khrista ly haile te kätü-a, äni lä Säthaw ma py saite kälu tea, mä-ai lä kähawi-a sa mei, sa y mei näte mätü king vi ai. Honi käni-a, Khrista lä khimi qütä na üng kälu tea mai hai mäcae kha honi kälu lä ävang ting mei, ting y mei näte mätü vi ai.

1 Korin 4:5

Tukätephüng-a Säthaw ma khai saite kätü tyng y te kälang-a lä, khimi ce tea tärae cei ö hang. Areng tyng haile te kätü-a, ämi lä kähawi-a sa mei, sa y mei, näte Areng ma thui vi ai. Äni lä käving thung-a ho saite na kaevang-a täphawng vi ai. Areng ma khimi ce lä äma ce üng bälung thung-a dawng saite na khimi qütä tea mäny hai vi ai. Honi kätü-a, Säthaw lä khimi qütä tea äma ce hai aeteng khaw te kätyng bälaw qi pa vi ai.

Jako 1:12

Khimi lawngtä lä the saite hai käny saite aeting te kätü-a, äni üng yng saite cakhi dylä, äni lä anghawtho haw vi. Ätephüng-a mei nädylä Säthaw ma honi na tea bäja pyng saite khimi bung lä ävang käting dungtäsa hing saite py ai. Säthaw lä äma tea bälung aevaw saite khimi na tea lä ävang käting dungtäsa hing saite py hethang älo aedo te vi.

1 Piter 1:13

Tukätephüng-a nang ma ce tea aeküng kha kälu tähang nang ma ce üng bälung kaedawng na tea lä aerü rüng ö lawi. Isu Khrista ly haile te kätü-a, nang ce tea tähang kähawi py ai näte nang ce lä cungrü-a aethang khai jawjaw ö lawi.

1 Piter 1:5

Kangkhüng üng käni-a, Säthaw lä äma üng aeqang saite täphawng te kätü khytä, nang ce üng yng saite phüng-a äma üng haidae hai-a nang ce bung aedung pa vi dy.

1 Piter 2:4

Nang ce lä Säthaw Ingkäcai üng hing saite lungphö Khrista tea ly ö te vi. Khimi ce lä äni bung khaisö ngaila, Säthaw ma äni bung lä re kha ävang käting-a mäthi te vi.

1 Piter 2:7

Hini lungphö lä yng saite nang ce tähang ävang ting te vi. Tungaila yng y saite khimi na tähang Caekäcai thung-a tärü te lä, “Ing sa saite kung na ma hini lungphö tea khaisö ngaila, aely lengky saite lungphö-a bälawng vi dy” näkha awng te vi.

1 Piter 4:12

Yng saite rawijae na ä, nang ce lä mätang bälai saite hai-a nawphi saite käny te phüng tea lä cangxei ö hang. Nang ce tea langsei-a tyng saite na tea lä dawng ö hang.

1 Piter 4:13

Tungaila Khrista üng mätang bälai saite thung-a, nang ce lä qa te phüng-a, anghawtho ö ba. Tudylä Khrista üng phung-ang täphawng te kätü-a, nang ce lä anghawtho rae haw ö vi ai.

1 Piter 5:1

Kai ma khekhe lä kangkawng üng mätawngky vi kha nang ce thung üng kangkawng mätawngky na tea mäci te vi. Kai lä Khrista üng mätang bälai saite na tea nung khe kha thui te vi. Säthaw ma Khrista üng phung-ang täphawng te kätü-a, hini phung-ang thung-a kai lä qa vi ai.

2 Piter 1:1

Hini cae lä Isu Khrista üng mawsawng hai angtawtha lawng saite, kai, Simon Peterae, te üng vi. Kai lä Säthaw hai mä-ai üng Aeqangkung Isu Khrista üng cüng saite hai-a kai ce kätyng yng te ävang käting dang saite na tea cae tärü te vi.

2 Piter 1:4

Äni üng phung-ang hai hawi saite hai-a äma lä mä-ai tea lengphi saite hai ävang käting älo aedo saite na py te vi dy. Tukätephüng-a äni üng älo aedo saite na hai-a nang ce lä hini älawngpre üng ngaiphi tüng y saite hai-a täphra saite üng aelawi kha Säthaw üng käcüng aeme aeqa saite kätyng nang ce üng käcüng-a aeme aeqa saite thung-a la awng haw ö vi ai.

2 Piter 3:14

Tukätephüng-a, kai üng bälung aevaw te tea yng saite kangby jä-ai na ä, nang ce lä hini angxynlyng na tea aering ö te phüng-a, cy y hethang, cai hethang Säthaw hai awngneng hethang aethawsa ö.

Judae 1:24

Säthaw lä aethaw leng phi te phüng-a nang ce tea aetüng y rung khytä säbawng haw te vi. Nang ce tea sa tämang saite üng cai hai kha anghawtho phi saite hai-a äma üng phung-ang awng saite maw-a nähai haw te vi.

Lokphong 1:7

Tängai ö. Äni lä khö angnüng qawng na mang ly ai. Äni bung khimi qütä ma nung ai. Äni tea täri hai thung saite khimi na mäteng ma nung ö ai. Älawngpre üng khimi angxynlyng na lä äni tea ri kha raw sung ö ai. Honi lä tätang khaw-a tyng vi ai. Amen.

Lokphong 2:10

Nang ce üng mätang bälai tyng hethang awng saite tea lä ri ö hang. Tängai ö. Setan angra ma nang ce thung üng phütä na tea lä thawng thung-a kädephae te hai-a käny ö ai. Nang ce lä käni hawtä mätang bälai saite aeting ö ai. Dü te khytä yng te ca ö khi ba. Tudylä nang ce tea dungtäsa hing saite sanphrang üng lökhu kätyng ävang käting kai ma py ai.

Lokphong 3:10

Nang ce lä änawngsa hethang kai üng särilo tea tängai ö te vi dy. Tukätephüng-a kai lä älawng qawng-a khimi qütä tea käny hethang mätang bälai tyng te kätü-a nang ce bung lä kai ma aedung hai ai.

Lokphong 3:18

Tudylä nang ce lä Säthaw üng maw-a tawngnang hethang mai hai mäcai pyng saite sui tea kai te üng rang hethang nang ce tea kai lä thui he ngai te vi. Nang ce üng aekhu aena nae awng y saite tea saerae y hethang kai te üng kä-o kanglung käcai tea rang ö. Nang ce üng ämi nung hethang ämi aemäcai nae aesi la rang ö ba.