1 Piter 1:3 - Caekäcai Kangthae (Lemi)

³ Mä-ai üng Areng Isu Khrista üng Pä-ai Säthaw tea kawng te lo thui ö si. Äni lä mä-ai tea tengxyng y bäheng te phüng-a, Isu Khrista bung kädü thung üng mäning haile te hai-a mä-ai tea aepeng saite kangthae py vi dy. Tukätephüng-a mä-ai lä aethang khai saite kanghing awng ö te vi.

Asang Khongso New Testament

³ Aicae Angraeng Jesuh Khrih ih Ampa hoi Sithaw to aicae mah kawn o si! Kawmawtiah a dawnraihaih a lenh pongah Jesuh Khrih duekhaih thung hoitoah angthawksak let ranghoiah hinghaih kangtha to angpaek. Topongah aicae loa kahing oepdoenghaih hoiah koi o moa,

1 Piter 1:3 ပူးပေါင်းရင်းမြစ်များ

Johan 1:13

Honi nade na lä äthi ängang üng kängai-a aepeng te y. Khimi nawngmäcaw üng aely kängai kätyng aepeng te na y. Tukha Säthaw üng kängai-a aepeng te na vi.

Pawlae ma Rom märü üng kangkawng tähang tärü saite cae 12:12

Nang ce üng aethang khai saite phüng-a anghawtho ö. Mätangbälai dylä, änawngsa ö. Kätü qütä aetang ö.

Pawlae ma Rom märü üng kangkawng tähang tärü saite cae 15:13

Nang ce tea aethang khai saite py te Säthaw lä nang ce üng yng te hai-a nang ce tea anghawtho saite angxynlyng hai awngneng saite na py sy. Muilaw Käcai üng haidae hai-a nang ce üng aethang khai saite lä leng rae haw vi dy.

Pawlae ma Rom märü üng kangkawng tähang tärü saite cae 4:25

Mä-ai üng hunghö tähang Säthaw ma Isu bung lä dü hethang a pa te vi. Säthaw lä mä-ai üng hunghö bälawi kha khimi käcüng-a awng haw hethang Khrista bung kädü thung üng mäning haile pa te vi dy.

Pawlae ma Rom märü üng kangkawng tähang tärü saite cae 5:10

Jangni-a mä-ai lä Säthaw üng täre na-a lawng vai ö te vi dy. Tungaila äni üng Cäpaw dü saite hai-a, mä-ai tea äni üng kangby jä-ai na-a bälawng te vi dy. Vaihi mä-ai lä Säthaw üng kangby jä-ai na lawng ö vi dy. Khrista üng hing te hai-a Säthaw lä mä-ai bung aeqang tätang khaw vi ai.

Pawlae ma Rom märü üng kangkawng tähang tärü saite cae 8:11

Isu bung kädü thung mätha haile tyng saite Säthaw üng Muilaw lä nang ce thung-a awng te vi. Honi kätyng Khrista tea dü saite üng mätha haile tyng saite Areng lä nang ce thung-a awng saite äni üng Muilaw hai-a dü haw saite nang ce üng ätabung tea la hing hai vi ai.

Pawlae ma Rom märü üng kangkawng tähang tärü saite cae 8:24

Säthaw ma mä-ai bung aeqang te kätü-a, mä-ai tea hini aethang khai saite py te vi dy. Tungaila mä-ai üng aethang khai saite nung dylä, honi lä tätang aethang khai saite y lyng. Nung pyng saite tea mä-ai lä aethang khai ö te y vi dy.

1 Korin 13:13

Tätang khaw-a lä yng saite, aethang khai saite hai bälung aevaw saite näkha hini äthungtä na lä awng jawjaw ö ai. Hini äthungtä thung-a, bälung aevaw saite lä aesangky vi.

1 Korin 15:20

Tungaila Säthaw ma Khrista bung dü saite üng mäning haile tyng vi dy näte lä tätang khaw vi. Äni lä Säthaw ma dü saite üng mäning te khimi ce thung-a angcüky üng äthai kätyng lawng te vi.

2 Korin 1:3

Mä-ai üng Areng Isu Khrista üng Pä-ai Säthaw tea mä-ai lä bälaw ö si. Äni lä khimi angxynlyng na tea bäheng saite Pä-ai vi. Äni lä khimi ce tea säbawng khaw saite Säthaw vi.

Galati 6:16

Hini lo na tängai saite khimi angxynlyng na tea Säthaw lä awngneng te hai bäheng saite py jaw sy. Äni ce lä Säthaw üng khimi käcüng tätang na vi.

Ephesi 1:17

Kai lä mä-ai üng Areng Isu Khrista üng Säthaw, phung-ang aesang saite Pä-ai, tea aetang te vi. Nang ce tea Muilaw Käcai üng bälunghae saite hai täphawng saite py hethang äni tea kai lä aetang te vi. Nang ce lä äni tea mäny ö rae ai mang.

Ephesi 1:3

Mä-ai üng Areng Isu Khrista üng Pä-ai Säthaw tea bälaw ö si. Äni lä Khrista hai-a mä-ai tähang Känipre-a Muilaw Käcai aesui saite üng tähang kähawi angxynlyng na py vi.

Ephesi 1:7

Isu Khrista üng dü saite hai äthi phüng-a Säthaw lä mä-ai üng hunghö na bälawi kha mä-ai bung lawi hai te vi dy. Säthaw üng tähang kähawi lä tengxyng y leng bärai vi. Äni lä tähang kähawi hai-a mä-ai tea bälung kähae py kha äte angxynlyng na tea mäny hai king te vi dy.

Ephesi 2:4

Tungaila Säthaw lä mä-ai bung bälung aevaw phi kha mä-ai tea lä bäheng bärai te vi.

Ephesi 3:20

Mä-ai mäkai saite hai aedawng haw saite qawng-a, Säthaw lä awng mang-a py rae haw vi ai. Ätephüng-a mei nädylä äni üng haidae lä mä-ai üng bälung thung-a kälu sa te vi dy.

Kolosa 1:23

Nang ce lä Angthang Kähawi tea yng jawjaw kha khimi käcüng-a lawng ö hethang kae. Angthang Kähawi thai ea dang saite aethang khai te üng nang ce lä aemäqaja hethang kae ö te y. Nang ce thai pyng saite hini Angthang Kähawi lä älawngpre mityng qütä awng saite khimi na tea thui pa ö. Kai, Pawlae, lä honi Angthang Kähawi üng mawsawng lawng te vi dy.

Kolosa 1:27

Säthaw lä ceng kälang na tähang äma sa saite na matangtä cangxei hethang hawi mei näte äma üng khimi na tea mäny hai pa ö vi dy. Hokä sa saite lä khimi kälang na näsaite nang ce thung-a, Khrista la awng dy näte vi. Tukätephüng-a Säthaw üng phung-ang aesang saite tea nang ce la dang haw ai näkha aethang khai haw te vi.

1 Thesalon 1:3

Mä-ai üng Pä-ai Säthaw maw-a nang ce üng yng kha sa saite kälu tea kai ce lä aedawng haile jawjaw ö te vi. Nang ce üng bälung aevaw saite hai, kälang na tea aethaw rae kha säbawng saite hai, mä-ai üng Areng Isu Khrista tea aethang khai khü te phüng na tea kai ce lä aedawng haile jawjaw ö te vi.

1 Thesalon 4:13

Yng saite kangby jä-ai na ä, yng kha dü saite khimi na phüng nang ce tea kai ce lä mäny hai he ngai ö te vi. Ätephüng-a mei nädylä nang ce lä yng y käla aethang khai saite awng y te khimi na kätyng bälungsi hai hethang kai ce lä ngai te y vi.

2 Thesalon 2:16

Mä-ai üng Areng Isu Khrista hai Pä-ai Säthaw ma mä-ai tea bälung aevaw kha tähang kähawi hai-a, dungtäsa aethaw dang saite hai aethang khai saite py te vi. Mä-ai üng Pä-ai Säthaw lä nang ce üng bälung na tea aethaw py kha hawi saite angxynlyng na thui hethang hai, kälu sa khü jawjaw ö hethang säbawng sy.

1 Timote 1:14

Mä-ai üng Areng lä kai tea tengxyng y tähang kähawi py te vi dy. Kai la äni tea yng kha khimi kälang na tea bälung aevaw haw hethang sa te by vi dy. Ätephüng-a mei nädylä kai lä Isu Khrista hai bungtä awng te vi dy.

Titas 2:13

Mä-ai lä hikä awng te thüng-a, mä-ai tea kawng hai saite aethang khai te tea aering ö te vi. Honi lä mä-ai üng kaesangky Säthaw hai Aeqangkung Isu Khrista lä äma üng phung-ang hai aetüng ai te tea vi.

Hebrai 3:6

Tungaila Khrista lä Säthaw üng Cäpaw kätyng ae-y khü saite hai äma üng ing angxynlyng na tea pyng te vi. Mä-ai lä ri y te bälung awng kha mä-ai ma üng aethang khai saite Khrista tea ae-y khü dylä, mä-ai lä Säthaw üng ing hai äma üng khimi na vi.

Jako 1:18

Äni lä äma üng mawlang kaedawng kätyng lo mitang hai-a mä-ai tea hing saite kangthae py te vi dy. Ätephüng-a mei nädylä, äni lä mä-ai bung äma sa saite na thung-a, angcüky mityng-a py hethang ngai te vi.

1 Piter 1:13

Tukätephüng-a nang ma ce tea aeküng kha kälu tähang nang ma ce üng bälung kaedawng na tea lä aerü rüng ö lawi. Isu Khrista ly haile te kätü-a, nang ce tea tähang kähawi py ai näte nang ce lä cungrü-a aethang khai jawjaw ö lawi.

1 Piter 1:21

Nang ce lä Khrista hai-a Säthaw tea yng ö te vi. Säthaw ma Khrista bung lä kädü thung üng mätha haile tyng kha äni tea phung-ang py pa vi dy. Tukätephüng-a nang ce lä Säthaw tea yng kha aethang khai tätang ö te vi.

1 Piter 1:23

Nang ce lä hing kha dungtäsa Säthaw üng lo hai-a aepeng kangthae ö te vi. Hini aepeng kangthae saite lä tänaetä ma pra saite y. Nang ce lä dungtäsa hing saite Kung üng caw nade na lawng ö te vi.

1 Piter 2:2

Kangthae aepeng saite äby na lä känö tui aehe ö te vi. Hini kätyng Muilaw Käcai ma py saite känö tui tätang tea nang ce lä aehe ö jo. Honi känö tui tätang nei te hai-a Säthaw üng aeqang saite cungrü pyng te kätü-a, nang ce lä ryng haw ö te vi.

1 Piter 3:15

Nang ce lä bälung thung-a Khrista tea Areng kätyng cäphaw ö. Khimi ce ma nang ce tea aethang khai saite phüng na düng dylä, khimi qütä tea mäthang hethang awng rüng jawjaw ö ba. Tungaila tämö khai kha älo käneng hai mäthang ö ba.

1 Piter 3:21

Hini tui lä baptismae phüng tea thui te äsäny vi dy. Vaihi Säthaw ma nang ce tea lä baptismae hai-a aeqang te vi. Baptismae üng tui lä nang ce üng ätabung üng pawprae saite na tea mäse te y. Nang ce lä baptismae la te hai käsi kähawi mäny saite bälung käcai hai-a Säthaw tea älo aedo ö te vi. Honi baptismae phüng-a Isu Khrista üng aetha haile tyng saite hai-a Säthaw lä mä-ai bung aeqang te vi.

1 Piter 3:5

Jangni-a Säthaw tea aethang khai saite nawngmädi käcai na lä hini kätyng äma ce tea aemäthy ö te vi. Äni ce lä änawngpaw üng lo na tea tängai ö vi dy.

1 Johan 2:29

Khrista lä cüng vi näsaite tea nang ce lä mäny ö vi. Tukätephüng-a kätüng-a sa saite khimi angxynlyng na lä äni üng caw nade na näte nang ce lä mäny ö haw te vi.

1 Johan 3:3

Khrista tea aethang khai rüng saite khimi angxynlyng na lä Khrista lä caiping te kätyng mä-ai ma tea mä-ai ma aemäcai hethang kae.

1 Johan 3:9

Säthaw üng caw nade na lawng saite lä hunghö na tea sa jawjaw ö y lyng. Säthaw üng hing saite lä äni ce äthung-a awng te phüng-a vi. Säthaw lä äni ce üng Äpä-ai vi te phüng-a hunghö na sa haw jawjaw y dy lyng.

1 Johan 4:7

Kai üng bälung aevaw saite yng saite rawijae na ä, bälung aevaw saite lä Säthaw te üng tho te phüng-a, mä-ai lä lawng lawngtä tea bälung aevaw tingtawi ö si ba. Khimi lawngtä lä äma üng yng saite rawijae na tea bälung aevaw vi dylä Säthaw üng caw nade-a lawng kha äni lä Säthaw bung mäny vi.

1 Johan 5:1

Isu lä Mesia näkha yng saite khimi qütä na lä Säthaw üng caw nade na vi. Äpä-ai bung bälung aevaw saite khimi qütä lä äcaw na tea la bälung aevaw ö bawi te by vi.

1 Johan 5:18

Säthaw üng caw nade na lä hunghö tea sa jawjaw y te mä-ai lä mäny ö te vi. Säthaw üng Cäpaw lä äni ce bung aedung hai pa te phüng-a Setan lä honi khimi tea käsi sa haw y lyng.

1 Johan 5:4

Ätephüng-a mei nädylä Säthaw üng caw nade na qütä lä hini älawngpre üng hawi y saite na tea bäja haw ö te phüng-a vi. Mä-ai lä Isu Khrista tea yng te phüng-a, hini älawngpre üng hawi y saite na tea bäja haw ö te vi dy.