1 Piter 1:12 - Caekäcai Kangthae (Lemi)

¹² Äni ce üng kälu lä äma ce tähang y käla, nang ce tähang vi näte Säthaw ma hini buisaw na tea täphawng pa te vi dy. Känipre üng mätaw saite Muilaw Käcai üng haidae hai-a, Angthang Kähawi thui saite angtawtha na te mang hai vaihi nang ce lä thai pyng saite phüng na, äni ce lä thui ö te vi dy. Hini phüng na tea lä Känipre üng angtawtha na mäteng ma mäny hethang ngai ö te by vi.

Asang Khongso New Testament

¹² Ahi tahmanawk ih toksakhaih loa angmahcae hanih hoihhaih ih na ai moa nangmahcae hoihhaih hanih ni tito Sithaw mah taphong boah. Ato hmuennawk kawng a thuih o ih to van bang hoitoah patoeh ih Cai Pakhra hmuensak thaihaih ih hoiah Tamthang Kahoih ka taphongkung laicaenawk khae hoitoah vaihi na thaih o ih hae ni.

1 Piter 1:12 ပူးပေါင်းရင်းမြစ်များ

Mathai 11:25

Tupyng-a Isu ma “Ä-ai ä, käni hai älawng üng Areng nang tea kai bälaw mang. Ätephüng-a mei nädylä nang lä bälungkähae na tähang ho saite phüng na nade kätyng awng saite khimi na tea täphawng pa te phüng-a vi.

Mathai 11:27

“Kai pä-ai ma kai tea haidae hai bälungkähae py king vi dy. Ämi lawngtä lä Säthaw üng cäpaw näte mäny y. Pä-ai lawngtä xyng ni mäny te kae vi. Äpä-ai näte ämi lä mäny y. Kai, Äni üng Cäpaw, ma mäny hai he ngai saite khimi phütä na lä Ä-ai tea mäny ö dy.

Mathai 16:17

Isu ma äni tea “Jonae üng cäpaw Simon ä, nang lä tähang hawi. Makäte phüng-a mei nädylä hini kätüng phüng lä khimi ma nang tea mätu te y, Känipre-a Kai üng Pä-ai ma nang tea mäny hai te vi.

Marka 16:15

Isu ma äni ce tea “Nang ce lä älawngpre qütä-a ly kha khimi angxynlyng na tea Angthang Kähawi thui ö.

Luka 15:10

Tängai ö. Honi kätyng khimi hunghö lawngtä ae-ui dylä Säthaw hai äma üng angtawtha na lä kawng ö phi te vi” näpa.

Luka 2:26

Muilaw Käcai ma Simon tea “Nang dü y kälang-a Areng üng Mesia bung nung vi ai” näkha thui rüng pa te vi dy.

Luka 9:6

Tupyng-a angtawtha na lä tho kha vang qütä aevi prei ea Angthang Kähawi thui te hai naw saite na tea hawi sa pa ö dy.

Johan 15:26

“Säbawng te Kung Muilaw Käcai bung nang ce tähang Kai ma mätaw ai. Hini Muilaw Käcai lä Säthaw phüng mitang khaw-a thui ai. Äni lä Pä-ai te üng ly kha Kai phüng thui pa ai mang.

Angtawtha 10:44

Hikä Peterae thui ea Muilaw Käcai lä angthang thai saite khimi na tea tyng pa vi dy.

Angtawtha 16:10

Hini kä äsämai bung Pawlae nung pyng-a, qengtäma kai ce lä Makedonia khö-a ly hethang aerü ö vi dy. Ätephüng-a mei nädylä Makedonia khö üng khimi na tea Isu üng Angthang Kähawi thui hethang kai ce bung Säthaw ma mätaw te vi näkha kai ce lä aedawng ö te phüng-a vi.

Angtawtha 2:33

Säthaw ma Isu bung äma üng bangtang mang-a khai kha Äpä-ai ma aedo saite Muilaw Käcai tea äni lä dang vi dy. Nang ce vaihi nung kha thai saite lä Areng ma mä-ai tea py saite äni üng lasawng vi.

Angtawtha 4:31

Äni ce aetang pyng ea äni ce awng saite mityng aehüng pa vi. Äni ce angxynlyng Muilaw Käcai hai kawi kha Säthaw üng älo thui vawng ö phi vi dy.

Angtawtha 4:8

Tukha Peterae lä Muilaw Käcai kawi te lolang mätü pa te hai äni ce tea “Judae na üng mätawngky na ä, ämi üng ämüng hai sa hawi te mei.

Angtawtha 8:25

Tupyng-a änini lä Areng Isu üng phüng nung khe saite na hai, Säthaw üng Angthang phüng thui hawi pyng tea lä, Peterae ni Johan lä Jerusalem märü mang-a, vawi haile tyng hawi vi dy. Vawi saite lolang jungtä awng mang saite Samari vang na thung-a, Angthang Kähawi thui pa hawi dy.

Pawlae ma Rom märü üng kangkawng tähang tärü saite cae 1:15

Tukätephüng-a kai lä Rom märü-a awng saite nang ce tea la Angthang Kähawi thui hethang tengxyng y ngai bärai te by vi.

Pawlae ma Rom märü üng kangkawng tähang tärü saite cae 1:17

Säthaw lä mä-ai tea makä sa kha khimi käcüng-a mäthi ai mei näte Angthang Kähawi hai mätü te vi. Honi lä angcü üng hai kangkhüng khytä yng saite hai-a dang te vi. Caekäcai thung-a, “Khimi käcüng lawngtä lä yng saite hai-a dungtäsa hing ai” näkha awng vi.

Pawlae ma Rom märü üng kangkawng tähang tärü saite cae 10:15

Tudylä Säthaw üng Angthang Kähawi thui hethang khimi ce bung Säthaw ma mätaw y dylä, makä sa kha äni ce lä Angthang Kähawi thui haw ö ai mei. Caekäcai thung-a thui te lä, “Angthang Kähawi thui saite khimi na üng ly saite äkho na lä tengxyng y cangxei he hawi vi” näkha nä vi.

1 Korin 2:10

Tungaila Säthaw lä äma üng Muilaw Käcai hai-a honi ho saite na mä-ai tea mäny hai te vi dy. Muilaw Käcai lä äte angxynlyng na tea täphawng kha Säthaw ma ho saite mawlang kaedawng tea la täphawng ea mä-ai tea mäny hai vi dy.

2 Korin 1:22

Tukha mä-ai lä Säthaw hai aesui vi näte mätü hethang äni lä mä-ai üng bälung thung-a Muilaw Käcai py kha mä-ai tea äsäny sa pa vi dy. Hini aedo saite lo lä khawngdüng-a Säthaw ma mä-ai tea py khaw hethang awng saite tähang kähawi na vi.

2 Korin 6:6

Kai ce lä bälung cai saite, mänykaw saite, änawngsa saite hai khimi ce tea säbawng saite bälung hai-a Säthaw üng mawsawng na näte mätü ö te vi dy. Muilaw Käcai lä kai ce üng äthung-a aeta kha kai ce üng tätang bälung aevaw saite hai la vi.

Galati 1:12

Khimi te üng hini angthang kai lä dang te y. Ämi ma la kai tea mätu te y. Isu Khrista ma kai tea aetüng hai te kae.

Galati 1:16

Kai lä khimi ceng kälang na tea Khrista üng Angthang Kähawi thui hethang Säthaw lä äma üng Cäpaw bung aetüng hai pa vi dy. Honi kätü-a, kai lä ämi hai la älo aedüng aethui te y lyng.

Ephesi 3:10

Hikä sa saite lä Säthaw üng cangxei te bälung kähae na tea vaihi lä yng saite kangkawng hai-a käni khösang-a haidae leng saite angra na hai angtawtha angxynlyng na tea mäny hai pa hethang vi dy.

1 Thesalon 2:9

Yng saite kangby jä-ai na ä, kai ce lä nang ce hai awng te thüng-a, aethaw rae bärai te hai kälu sa tätang mei näte nang ce lä aedawng haile tyng ö te vi mei. Säthaw üng Angthang Kähawi thui te kätü-a, kai ce tea mäcaw mänei hethang lä bälungbi hai ö y ma ba. Tukätephüng-a kai ce lä kärung käni kälu sa ö te vi dy.

1 Timote 3:16

Ho ea khai saite na tea Säthaw ma mä-ai tea täphawng saite na lä cangxei hethang hawi bärai vi. Honi tea ämi ma eja haw y lyng. Khrista lä khimi cüngtang-a aelawng vi dy. Muilaw Käcai hai-a mä-ai tea Isu lä Säthaw üng Cäpaw tätang vi näkha mätü vi dy. Äni bung lä Känipre angtawtha na ma nung ö vi dy. Äni üng angtawtha na lä äni üng phüng ceng qütä na tea thui ö te vi dy. Hini älawngpre mityng qütä üng khimi na lä Äni tea yng ö dy. Säthaw ma Äni bung lä Känipre-a nähaija vi dy.

Hebrai 11:13

Hini khimi angxynlyng na lä dü saite kätü khytä Säthaw tea yng ö jawjaw vi dy. Äni ce lä Säthaw üng aedo saite na dang y ngaila, kähanglaw mang xyng Säthaw üng aedo saite na tea nung kha anghawtho ö vi dy. Äni ce lä hini älawngpre-a angvüng na kätyng ing, la käla ly rungrang saite na kae vi näkha thui ö vi dy.

Hebrai 2:4

Äni üng khimi na ma mitang khaw te angthang mätü hethang Säthaw lä cangxei saite na hai kamarae cawngkhang na sa te vi. Äni lä äma üng aely kängai kätyng Muilaw Käcai üng sakaw saite na hai-a äma üng khimi na tea py pa te vi dy.

Hebrai 4:2

Jangni-a Aikuta pre üng tho ea ly saite Isrelae khimi na kätyng mä-ai lä Säthaw üng Angthang Kähawi thai ö te by vi dy. Tungaila honi angthang lä äni ce tähang ävang ting te y lyng. Ätephüng-a mei nädylä äni ce lä angthang thai te kätü-a, yng te hai lady ö y te phüng-a vi.

1 Piter 1:25

Tungaila Säthaw üng lo lä dungtäsa awng te vi.” Hini älo lä khimi ce ma nang ce tea thui saite Angthang Kähawi vi dy.

1 Piter 4:6

Tukätephüng-a vaihi dü pyng saite na tea äni ce lä Angthang Kähawi thui pyng ö te vi dy. Tukha Säthaw lä khimi angxynlyng na kätyng äni ce tea äma ce üng älawngpre-a awng te thüng-a, sa te kätyng tärae cei vi ai. Tungaila äni ce lä Muilaw Käcai hai-a, Säthaw hai mangtä dungtäsa hing haw ö ai.

Lokphong 5:11

Tupyng-a kai lä kheng kha täsawngtä hai sangrui-a to lei y rung khytä nyng saite Känipre angtawtha na üng ätüng thai vi dy. Äni ce lä areng üng aety nae, hing saite me bälitä na hai mätawngky na tea sävenglü vi dy.