1 Korin 9:23 - Caekäcai Kangthae (Lemi)

²³ Kai lä Angthang Kähawi aethang hai dü hethang hini kätyng sa te vi. Kai lä Angthang Kähawi hai-a dang saite tähang kähawi khimi qütä tea dang hai hethang ngai te vi.

Asang Khongso New Testament

²³ Tamthang kahoih tahamhoihhaih ih to pazet patoeng hanah kai loa tamthang lok hanih ah hi boiboih hae ka sak.

1 Korin 9:23 ပူးပေါင်းရင်းမြစ်များ

Marka 8:35

Khimi lawngtä lä mä-ai ma üng hing saite tea aeqang he ngai dylä honi khimi lä dungtäsa dü vi ai. Kai hai Angthang Kähawi tähang dü hai saite khimi tea lä Säthaw ma dungtäsa hing te py vi ai.

Pawlae ma Rom märü üng kangkawng tähang tärü saite cae 11:17

Olive thingkawng kung kähawi üng cangpre phütä na tea tängang vi dylä, khimi ce lä daithung üng olive kung cangpre na tea lä cangpre kälang na thung-a sätawng kha e vi dy. Nang ce ceng kälang na lä daithung üng olive cangpre na kätyng vi. Jangni-a Säthaw ma Judae khimi na tea aedo saite üng tähang kähawi na vaihi nang ce lä tengxyng y dang ö vi dy.

1 Korin 9:12

Nang ce lä Khrista üng kälu sa saite khimi kälang na tea säbawng dylä, kai ce tea la nang ce lä säbawng he kae khaw ö te vi. Tungaila kai ce lä nang ce ma säbawng hethang kae saite tea kai ce lä la ö te y. Kai ce lä Khrista üng Angthang Kähawi tea mäkhang y hethang awng te phüng-a, mätangbälai saite na thung-a awng ö te vi.

1 Korin 9:22

Kai lä yng te aethawdi saite khimi na hai mangtä awng dylä, äni ce Khrista tea yng ö hethang kai lä yng te aethawdi saite khimi lawngtä kätyng awng te vi. Tudylä äni ce lä Khrista tea yng ö vi ai. Khimi phütä na ätemakä hai la yng haw hethang kai lä khimi cawngkhang na kätyng awng te by vi.

1 Korin 9:24

Aehui te aepreng saite thung-a aehui saite khimi na lä awng mang-a ngaila, ävang lä khimi lawngtä xyng dang te kae vi näte nang ce lä mäny ö vi. Tukätephüng-a nang ce lä ävang dang hethang aehui ö.

2 Korin 2:4

Jangni üng cae tärü te kätü-a, kai lä bälungbi, bälung mawng kha minaw tui na rui te vi dy. Kai üng mawlang kaedawng lä nang ce tea bälungsi hai hethang y. Tungaila kai lä nang ce tea makätangtä bälung aevaw mei näte tea mäny hai hethang ngai te vi.

Galati 2:5

Nang ce lä Angthang Kähawi üng lo mitang tea yng jawjaw haw hethang äni ce üng lo tea kai ce lä tänaetä mäteng ma tängai ö y lyng.

2 Timote 2:10

Tukätephüng-a Säthaw ma re saite khimi na üng yng hethang tähang kai lä mätang bälai te angxynlyng na tea khung jawjaw te vi. Honi hai-a khimi ce lä Isu Khrista tea yng kha dungtäsa phung-ang hai aeqang saite dang haw ö ai.

2 Timote 2:6

Aethaw rae ea lai sa te khimi lawngtä lä angcü-a cawbi cawthai na dang hethang kae te vi.

Hebrai 3:1

Säthaw ma re saite yng te kangby jä-ai na ä, Areng Isu üng äphüng aedawng ö lawi. Äni bung lä mä-ai üng thui te yng saite üng Mäthykung Kälengky lawng hethang Säthaw ma mätaw te vi dy.

Hebrai 3:14

Mä-ai lä angcü üng yng te kätyng kangteng khytä Säthaw tea bälung ae-y khü kha awng dylä, Säthaw ma Khrista tea py hethang awng saite thung-a mä-ai lä qa ö te by vi.

1 Piter 5:1

Kai ma khekhe lä kangkawng üng mätawngky vi kha nang ce thung üng kangkawng mätawngky na tea mäci te vi. Kai lä Khrista üng mätang bälai saite na tea nung khe kha thui te vi. Säthaw ma Khrista üng phung-ang täphawng te kätü-a, hini phung-ang thung-a kai lä qa vi ai.

1 Johan 1:3

Kai ce nung kha thai saite na nang ce tea la thui te ö by vi. Hokä ea ni mä-ai lä mangtä rawijae aesa hethang dang ö ai. Mä-ai lä Pä-ai Säthaw hai Äcäpaw Isu Khrista hai rawijae aesa ö saite na vi.