1 Korin 8:1 - Caekäcai Kangthae (Lemi)

¹ Vaihi mä-ai lä Säthaw bung mäny y saite khimi na ma mimi na tea löci sa saite mawi phüng thui ö si. Mä-ai angxynlyng na lä hini tea mäny saite bälung awng näte nang ce lä thui haw ö vi. Mäny saite khimi phütä na tea bälung leng ö te vi. Tungaila mä-ai Khristen na tingtawi bälung aevaw dylä, mä-ai ma tingtawi aethaw aepy ö te vi.

Asang Khongso New Testament

¹ Kraangthoi bokhaih ih caknaek kawng ca hoiah nang tarik o ih to vaihi kang thuih o han: “Aicae boih mah panoekhaih ih hae tawnh o” tiah thuih o ih to ahmaan parai. To-e ato batih panoekhaih ih mah kami to amoeksak, to-e amlunghaih ih mah loa kami to a qoenghsak.

1 Korin 8:1 ပူးပေါင်းရင်းမြစ်များ

Angtawtha 15:10

Ätephüng-a nang ce lä Säthaw tea käny hethang ngai ö te vi mei. Mä-ai kangsi na läsy, mä-ai ma läsy, phaw haw y saite müngkäli tea ätephüng-a, ceng kälang üng Yng saite khimi na tea phaw hai ö te vi mei.

Angtawtha 15:29

Mimi tea löci sa saite mawi ca hang. Äthi lä ca hang. Känawngjang tära kha ra saite üng ängang lä ca hethang kae y. Aepawng y käla nawngpui nawngpaw kätyng awng vai y. Hini na tea aehi dylä hawiky te vi dy. Nawsaw hawi ö sy” näkha awng te vi.

Angtawtha 21:25

Yng saite ceng kälang khimi na tähang cae tärü pyng vi dy. Honi cae thung-a hini kätyng thui vi. Mimi tea löci sa saite mawi ca hang. Äthi la nei hethang kae y. Känawngjang tära kha ra saite üng ängang la ca hethang kae y. Aepawng y käla nawngpui nawngpaw kätyng awng vai y,” näkha näpa.

Pawlae ma Rom märü üng kangkawng tähang tärü saite cae 11:25

Kangby jä-ai na ä, kai lä Säthaw üng ho saite na nang ce tea mäny hai hethang ngai te vi. Tudylä nang ce lä nang ma ce tea, “Mä-ai lä tengxyng y bälunghae vi dy” näkha dawng ö y ai dy. Honi ho saite lä hini kätyng vi. Isrelae khimi na üng bälung tangkö saite lä dungtäsa aekang y lyng. Ceng kälang na thung üng Säthaw tea yng saite na cungrü te khytä kae vi.

Pawlae ma Rom märü üng kangkawng tähang tärü saite cae 12:16

Yng saite khimi qütä hai bälung mangtä aedü ö. Aethaw ö hang. Mätang saite khimi hai kangby jä-ai na aesa ö. Mä-ai ma tea mä-ai ma bälunghae te vi näkha aedawng ö hang.

Pawlae ma Rom märü üng kangkawng tähang tärü saite cae 14:10

Tukätephüng-a nang lä ätephüng-a mä-ai üng Khristen kangby jä-ai na tea tärae cei te vi mei. Nang lä ätephüng-a mä-ai üng Khristen kangby jä-ai na tea mäthi y te vi mei. Mä-ai angxynlyng na lä tärae cei saite Säthaw üng maw-a aedaw hethang kae ö vi ai.

Pawlae ma Rom märü üng kangkawng tähang tärü saite cae 14:14

Ätete käcakänei la pawprae y lyng näte Areng Isu hai bungtä te phüng-a, kai lä mäny khü te vi dy. Tungaila khimi lawngtä ma käcakänei phütä tea pawprae vi näkha dawng dylä, honi käcakänei lä äni üng tähang poprae kha äni lä ca hethang kae y vi dy.

Pawlae ma Rom märü üng kangkawng tähang tärü saite cae 14:19

Tukä dylä mä-ai lä awngneng hethang hai lawng lawngtä yng saite aethaw awng hethang aesäbawng ö jawjaw he kae.

Pawlae ma Rom märü üng kangkawng tähang tärü saite cae 14:22

Nang lä hini phüng tea yng te lä nang üng Säthaw hai aesui saite kae vi. Mä-ai ma üng sa saite na lä tüng vi näkha yng kha käsi kähawi mäny saite bälung cai te khimi lä tähang hawi vi.

Pawlae ma Rom märü üng kangkawng tähang tärü saite cae 14:3

Äte angxynlyng na tea ca saite khimi lä ca y saite khimi tea mäthi y sa ö hang. Angrang na tea qaitä ca saite khimi la angxynlyng na ca saite khimi tea tärae cei ö hang. Ätephüng-a mei nädylä khimi qütä tea Säthaw lä lady bawi te vi.

Pawlae ma Rom märü üng kangkawng tähang tärü saite cae 15:14

Kai üng kangby jä-ai na ä, nang ce lä hawi saite na hai bälunghae saite angxynlyng na awng näte kai lä ae-y khü te vi. Nang ce lä nang ma ce tingtawi aemätu haw ö te vi.

1 Korin 1:5

Nang ce lä Khrista hai bungtä te phüng-a, Säthaw lä nang ce tea ngai saite angxynlyng na cungrü-a py pyng te vi dy. Säthaw lä nang ce tea äma üng Angthang Kähawi khimi kälang na tea thuikaw saite hai bälunghae saite angxynlyng na py te vi dy.

1 Korin 10:15

Kai lä bälunghae saite khimi na kätyng nang ce tea thui te vi. Kai thui saite lo tüng dylä, nang ce lä dawng ö.

1 Korin 10:28

Tungaila khimi lawngtä ma nang ce tea, “Honi ängang lä mimi tea löci sa pyng saite mawi vi” näkha nädylä, honi tea nang ce lä ca hethang kae y. Nang ce tea thui pa saite hini khimi üng käsi kähawi mäny saite bälung tähang nang ce lä ca ö hang.

1 Korin 14:20

Kangby jä-ai na ä, nang ce lä ryng y saite nade na kätyng dawng ö hethang kae y. Hunghö sa saite-a lä nade na kätyng awng ö. Tungaila ryng saite khimi na kätyng nang ce lä aedawng ö lawi.

1 Korin 15:34

Lo mitang phüng tea kähawi-a dawng kha nang ce üng tämang saite lang mang-a hui jawjaw ö vi hang lawi. Kai lä nang ce thung-a Säthaw bung mäny y saite khimi na awng vi näte thui hethang kae. Hini phüng-a nang ce lä saerae hethang kae ö te vi.

1 Korin 4:10

Kai ce lä Khrista tähang sa te phüng-a, khimi ce ma kai ce tea kangthö na näkha dawng ö te vi. Tungaila nang ce lä Khrista hai bungtä te phüng-a, bälungkähae awng vi näkha nang ce lä aedawng ö te vi. Kai ce tea haidae awng y. Nang ce lä ätete angxynlyng na sa hethang haidae awng näkha aedawng ö te vi. Khimi ce ma mä-ai tea mäthi y ngaila, nang ce tea äni ce lä tämö khai ö te vi.

1 Korin 4:18

Nang ce thung üng phütä na lä aethaw ö te vi. Kai lä Korin märü-a tyng haile y lyng näkha nang ce la dawng ö te vi.

1 Korin 4:6

Kangby jä-ai na ä, nang ce tea hae haetä mätu hethang kai hai Apolo phüng kai ma thui pyng te vi dy. Nang ce lä Caekäcai thung üng thui saite tea thaikaw hethang aely ngai te vi. Honi lo Caekäcai thung-a, “Tärü saite mätu nae tea nang ce lä hui kha äte kälang na tea sa ö hang” näkha awng vi. Nang ce hui saite särae lä särae kälang qawng-a kawky näkha bälaw hethang kae y.

1 Korin 5:2

Nang ce lä saerae kha bälungsi hethang awng ngaila, aethaw ö lae te vi. Hini khimi bung lä nang ma ce thung üng mäthoja hethang kae.

1 Korin 5:6

Nang ce lä nang ma ce üng kangkawng phüng tea aethaw hethang hawi te y. Caekäcai thung-a, “Täkaw aepae saite aesi äjecäcaw lä täkaw awngmang-a aepae hai vi” näte tea nang ce lä aedawng haile ö. Honi kätyng, hunghö sa saite hini khimi lä awng mang saite khimi na tea hunghö sa haw hai te by vi.

1 Korin 8:2

Äte angxynlyng na mäny hethang äma ma dawng saite khimi lawngtä lä äma mäny hethang kae saite tea mäny te y vi rawng.

1 Korin 8:4

Tukätephüng-a kai lä nang ce tea mimi na tea löci sa pyng te mawi ca saite phüng, thui hethang ngai. Mimi hai aesui saite äte khömang la älawng-a awng y näte hai Säthaw lä lawngtä xyng awng näte tea mä-ai yng saite na lä mäny ö te vi.

1 Korin 8:7

Tungaila khimi qütä lä honi tea mäny y. Khimi phütä na lä vaihi khytä mimi cäphaw saite reitae na tea tämang haw ö te y vi. Tukätephüng-a äni ce lä mimi na tea löci sa pyng saite mawi ca dylä, mimi na hai aesui vi näkha vaihi khytä äni ce lä dawng ö te vi. Äni ce üng käsi kähawi mäny saite bälung lä aethawdi te phüng-a, äni ce lä mimi na tea löci sa pyng saite mawi ca te lä äma ce tea pawprae hai te vi näkha äni ce lä dawng ö te vi.

Ephesi 4:16

Khrista lä äma üng ätabung kaesui kaepreng angxynlyng na tea kaebäla-a mangtä käcüng te vi. Ätabung aela xhixae y hethang mä-ai lä aesätawng saite ähu ähawng hai aethaw rui na kätyng vi. Ätabung angxynlyng na üng kaesui kaepreng angxynlyng na äma ce üng kälu sa qi dylä ätabung angxynlyng na lä ryng kha aethaw awng te hai ätabung kaepreng tingtawi bälung aevaw ö qi te vi.

Kolosa 2:18

Särae kälang na lä sa tämang te hai aemäneng kha Känipre üng angtawtha na tea cäphaw hethang mätu pa te vi. Äni ce üng the saite mang-a hui ö hang ba. Honi kätyng hui dylä, nang ce üng aeqang saite vang lä laja ö ai. Honi särae na lä äsämai mang aetüng te phüng-a, Säthaw üng Angthang tea hawihai pailai thaikaw te vi näkha näte lä äni ce üng käjüng aesa ö saite na kae. Äni ce lä khimi ce üng kaedawng hai thui ea aethaw ö vi dy. Tungaila äni ce aethaw hai nae lä äte haetä la awng y lyng.

Lokphong 2:14

Tungaila kai lä nang ce tea hae haetä cy hethang awng vi. Nang ce thung-a phütä na lä Balam üng mätu saite lo tea hui ö vi. Jangni-a Balam lä Balak tea Isrelae khimi na bung hunghö sa hai hethang the pa te vi. Äni lä mimi na tea löci sa saite löci mawi na ca hethang hai täkübäjang sa hethang Isrelae khimi na tea the pa ö te vi dy.

Lokphong 2:20

Tungaila kai lä nang ce tea hae haetä cy hethang awng vi. Jangni-a sanphrang üng nawngpui Jerebel hai aetawng saite nawngmädi käsi tea nang ce lä änawngsa ö te vi. Äni lä äma tea Säthaw üng buisaw nawngmädi-a aengang vi. Äni lä kai üng mawsawng na bung mimi na tea löci sa saite löci mawi na ca kha täkübäjang sa hai hethang mätu pa ö te vi.