1 Korin 7:23 - Caekäcai Kangthae (Lemi)

²³ Säthaw lä nang ce tähang ävang py kha nang ce bung rang vi dy. Tukätephüng-a nang ce lä khimi ce üng mawsawng tangnae na lawng ö hang.

Asang Khongso New Testament

²³ Nangcae loa Sithaw mah atho hoiah qanh ih boah ni; topongah kami ih misong ah coeng o hmah lai ah.

1 Korin 7:23 ပူးပေါင်းရင်းမြစ်များ

Mathai 6:24

“Ämi mawsawng la ingkung lawng netä üng kälu sa mei haw y. Honi kä sa dylä, lawngtä tea tämö khai kha lawngtä tea lä mäthi y vi ai. Ingkung lawngtä tea esäre kha kälang lawngtä tea lä bälung aevaw ai. Nang lä qengtä ma Säthaw hai älawngpre üng tangkae tähang mawsawng sa mei haw y lyng.

Angtawtha 20:28

Tukätephüng-a nang ce lä mä-ai ma ce tea sädi hai awng ö. Muilaw Käcai ma nang ce tähang a saite kangkawng tea kähawi-a rui ö. Beram rui saite Kung ma beram rui te kätyng nang ce lä, Säthaw üng kangkawng tea kähawi-a, rui kha kheng ö. Ätephüng-a mei na dylä, Säthaw lä äma üng Cäpaw thi hai-a honi kangkawng bung rang te vi.

1 Korin 6:20

Säthaw lä nang ce bung ävang py kha rang te vi dy. Tukätephüng-a nang ce lä Säthaw üng phung-ang leng hethang nang ma ce üng ätabung tea tawng ö hethang kae.

Galati 2:4

Tukä ea la yng te kätyng käjüng sa saite khimi phütä na lä Tita bung lengkhüng täke hai hethang ngai ö te vi. Honi khimi ce lä Isu Khrista hai-a, kai ce üng aelawi saite mäny hai hethang kangkawng thung-a kangru mang kung ö te vi. Äni ce lä mä-ai bung Judae khimi na üng reitae tea hui hai kha mawsawng kätyng lawng haile hethang ngai ö te vi.

Titas 2:14

Äni lä mä-ai bung hunghö angxynlyng na üng aelawi hethang hai, äma üng khimi käcai hai khimi khekhe-a bälawng pa hethang vi dy. Tukha ätete kähawi sa hai hethang dawng khü saite na aelawng hai hethang äma ma mä-ai tähang aepy te vi dy.

1 Piter 3:18

Mä-ai üng hunghö angxynlyng na tähang Khrista lä qengtä dü pa te vi dy. Äni lä nang ce bung Säthaw tea nähai hethang cüng saite lawngtä lä cüng y saite na tähang dü pa te vi dy. Khimi ce ma äni üng ätabung tea bädü ngaila, Säthaw lä äni bung Muilaw Käcai hai-a mäning haile tyng pa vi dy.

Lokphong 5:9

Tukha äni ce lä ae-awi kangthae thui ö vi dy. “Nang lä honi cae ang-yng la hethang hai, cakhi saite dengki na tea täphra hethang aeteng khaw vi. Ätephüng-a mei nädylä, khimi ce lä nang bung bädü kha nang üng löci aesa saite hai ceng qütä, älo cawngkhang aepe saite qütä, älawng qawng üng pre qütä awng saite na üng khimi na bung lä Säthaw tähang rang vi dy.