1 Korin 6:9 - Caekäcai Kangthae (Lemi)

^9-10 Säthaw bung mäny saite khimi na lä Säthaw üng pyng saite pre hai aesui y näte nang ce lä kähawi-a mäny ö te vi. Nang ce lä mä-ai ma tea kaeling kaemae sa ö hethang kae y. Täkübäjang sa saite khimi na, mimi tea cäphaw saite na, nawngpui, nawngpaw kälang na hai i saite na, nawngmäcaw tingtawi i saite na, bäru saite na, ae-aw saite na, bärui saite na, käsi prawng saite na lä Säthaw üng pre pyng saite hai aesui ö te y vi.

Asang Khongso New Testament

⁹ Kami kahoih ai loa Sithaw Poenghaih to a toep thai mak ai tito hoihdak ta-ah na panoek o. Nangmahcae hoi nangmahcae o angling o hmah; nongpui nongpa zaehaih ka sahnawk, kraangthoi ka boknawk, pazang ka sah ka sinnawk, nongpui hoi nongpui zaehaih ka sahnawk, nongpa hoi nongpa zaehaih ka sahnawk,

1 Korin 6:9 ပူးပေါင်းရင်းမြစ်များ

Mathai 19:29

Khimi lawngtä lä Kai üng ämüng phüng-a ing, la, kangby jä-ai, kangpraw, ticaw, nä-awi, pä-ai, cäpaw cänung, na bung khaisö dylä, vaihi dung-a ma phü cungvaitä dang rae vi ai. Vaimaw mang-a lä dungtäsa hing saite dang vi ai rawng.

Mathai 25:34

Tupyng-a Kai Sanphrang ma kai üng bangtang mang-a awng saite na tea ‘Ly ö lawi, Kai üng Pä-ai Säthaw üng tähang kähawi dang saite na ä, älawng sa angcü te kätü üng hai ma nang ce tähang sa rüng saite pre tea kung kha pyng ö lawi.

Luka 21:8

Tukha Isu ma äni ce tea “Nang ce tea khimi ce ma kaeling kaemae sa y hethang kähawi-a kheng ö rüng. Ätephüng-a mei nädylä khimi ce ma ‘Kai lä Mesia dy’ näkha thui ö vi ai. Y dylä ‘Mesia tyng hethang kätü lä aenai dy’ näkha äni ce thui ö be ai rawng. Tungaila äni ce tea nang ce lä yng ö hang.

Angtawtha 20:32

“Nang ce bung Säthaw üng äkö thung-a a te vi dy. Säthaw üng tähang kähawi ma nang ce tea säbawng vi ai. Säthaw üng tähang kähawi phüng-a, nang ce üng yng saite cakhi haw ö vi ai. Tukäte hai-a Säthaw üng khimi käcai qütä tähang khai rüng saite tähang kähawi lä nang ce dang ö vi dy.

Angtawtha 24:25

Tungaila Pawlae lä Säthaw maw-a, käcüng saite phüng hai, bälung üng kängai saite aeküng hethang phüng hai, Säthaw ma tärae cei te kätü tyng hethang phüng na thui pa ea lä aecörae mätawngky Feli lä ri phi vi dy. Äni ma, “Vaihi nang lä ly haw dy. Kai ma aevaw saite käni-a nang bung ka haile ai mang ba” näpa.

Pawlae ma Rom märü üng kangkawng tähang tärü saite cae 1:18

Hunghö sa saite na hai Säthaw tea tämö khai y saite khimi angxynlyng na tea Säthaw üng kädawtho saite lä khösang mang üng hai mätü vi dy. Honi käsi sa saite na üng älang na lä Säthaw üng Lo mitang khimi kälang tea mäny hai y hethang mäkhangky te vi.

1 Korin 15:33

Khimi ce ma nang ce tea kaeling kaemae sa ö hang sy. Khimi ce üng thui saite lä, “Hawi y saite kangby jä-ai na ma nang ce üng aeme aeqa saite kähawi tea täphra te vi” näkha näte lä tüngkhaw te vi.

1 Korin 15:50

Kangby jä-ai na ä, kai thui hethang ngai te lä, äthi ängang awng saite ätabung la Säthaw üng pyng saite pre thung-a qa haw y. Rawng saite ätabung lä dungtäsa hing te dang haw y lyng.

1 Korin 3:16

Nang ce lä Säthaw üng Ingkäcai kätyng vi näte mäny tätang ö vi. Säthaw üng Muilaw Käcai lä nang ce üng äthung-a awng te vi.

1 Korin 5:1

Nang ce thung-a lawngtä lä täkübäjang sa vi näte khimi ce ma kai tea thui khü te vi. Säthaw bung mäny y saite na mäteng ma hini kätyng täkübäjang sa y lyng. Nang ce thung-a lawngtä lä änä-awitaw hai i vi näte kai lä thai te vi.

1 Korin 5:10

Kai ma Säthaw bung mäny y saite khimi na lä täkübäjang sa saite na, bädö saite na, kaeling kaemae sa saite na hai mimi na tea cäphaw ö saite na vi näkha thui te y lyng. Nang ce lä hini khimi ce tea aehi dylä, hini älawngpre üng tho ö hethang kae.

1 Korin 5:11

Kai ma thui hethang ngai te lä khimi lawngtä ma, “Kai lä Khristen vi” näkha thui pyng-a, täkübäjang sa kha ae-aw saite, mimi na tea cäphaw saite, khimi ce tea käsi prawng saite, märui saite, kaeling kaemae sa saite na awng dylä, nang ce lä äni hai kangby jä-ai sa hethang kae y. Nang ce lä hini kätyng khimi ce hai bö mäteng mangtä ca ö hang.

1 Korin 6:18

Täkübäjang sa ö hang. Khimi ma sa saite hunghö kälang qütä lä äma üng ätabung ärang mang üng kae vi. Tungaila täkübäjang sa saite khimi üng hunghö lä äma üng ätabung tea sa tämang te vi dy.

1 Korin 6:19

Nang ce üng ätabung lä Muilaw Käcai ma aeta saite Ingkäcai vi näte mäny ö te vi. Säthaw lä Muilaw Käcai bung nang ce tea py te vi dy. Nang ce üng ätabung lä nang ma ce üng y vi. Säthaw ma pyng te kae.

1 Korin 9:24

Aehui te aepreng saite thung-a aehui saite khimi na lä awng mang-a ngaila, ävang lä khimi lawngtä xyng dang te kae vi näte nang ce lä mäny ö vi. Tukätephüng-a nang ce lä ävang dang hethang aehui ö.

2 Korin 12:21

Nang ce tea tyng haile te kätü-a, nang ce üng maw-a kai üng Säthaw ma kai bung aemäneng hai ai näte kai lä bälung mawng te vi. Tudylä jangni üng hai ma hunghö sa kha ae-ui y käla vaihi khytä hunghö sa saite khimi awng mang te tähang bälung nawphi ai näkha kai lä bälung mawng te vi. Nang ce thung üng khimi awng mang saite na lä pawprae saite, täkübäjang sa saite, hai ngaiphi tüng y saite na awng kha ae-ui ö y te phüng-a kai lä bälungsi vi ai.

Galati 6:7

Mä-ai ma tea kaeling sa raw ö hang. Säthaw üng dengpy saite tea lä mäthi y hethang kae y. Säthaw lä Khimi lawngtä tea äma üng hi saite ämöti kätyng-a äthai ae hai tyng vi ai.

Kolosa 3:5

Tudylä nang ce lä bädö saite bälung üng kängai-a hui ö hang ba. Täkübäjang sa saite na, cai y saite na, deirei saite na, ngaiphi tüng y sa hethang ngai saite na, ae-aw saite bälung na awng ö vi hang lawi. (Ae-aw saite bälung näte lä mimi tea cäphaw te kätyng by vi.)

Hebrai 12:14

Khimi angxynlyng na hai mangtä awngneng saite hai-a awng hethang aethawsa ö ba. Caiping saite thung-a hing ö. Caiping y saite khimi ämi la Areng bung nung haw y lyng.

Hebrai 12:16

Nang ce thung-a ämi la täkübäjang sa y hethang sädi khai ö. Esawka lä äcälöky üng tähang kähawi tea ang kaephi hai aeleng ja te vi. Hini kätyng Säthaw tea mäthi y sa hang.

Hebrai 13:4

Khimi angxynlyng na lä ingthawng sa te tea tämö khai ö hethang kae. Nawngpui ni nawngpaw lä lawng lawngtä tea bälung ae-y khü hethang kae. Säthaw lä khimi kälang na üng nawngpui nawngpaw na hai sa tämang kha täkübäjang sa saite na tea lä deng py vi ai.

Jako 1:16

Kai üng bälung aevaw saite kangby jä-ai na ä, ämi ma la nang ce tea kaeling kaemae sa ö hang sy.

1 Johan 3:7

Kai üng caw nade na ä, nang ce tea ämi ma la the haw y hang sy. Käcüng tea sa saite khimi na ni Säthaw maw-a khimi käcüng kätyng aelawng ö te vi. Hini khimi na lä Säthaw maw-a Khrista kätyng cüng saite na vi dy.

Lokphong 21:8

Tungaila bälung bähawrö saite na, yng y saite na, känyng hethang hawi saite na, khimi tea bädü saite na, täkübäjang sa saite na, angra üng haidae hai sa saite na, mimi tea cäphaw saite na hai kaeling kaemae sa saite angxynlyng na bung lä kai ma keng maipui tuilipui thung-a kädephae vi ai. Hini lä äbaeni üng dü saite vi” näpa.

Lokphong 22:15

Tungaila märü üng ärang mang-a lä hini hunghö sa te hai-a ui kätyng mä-ai ma tea pawprae-a awng saite na vi. Äni ce lä angra haidae hai käsi sa saite na, täkübäjang sa saite na, khimi bädü saite na, mimi tea cäphaw saite na, kaeling thui saite na-a lawng ö vi.