1 Korin 5:11 - Caekäcai Kangthae (Lemi)

¹¹ Kai ma thui hethang ngai te lä khimi lawngtä ma, “Kai lä Khristen vi” näkha thui pyng-a, täkübäjang sa kha ae-aw saite, mimi na tea cäphaw saite, khimi ce tea käsi prawng saite, märui saite, kaeling kaemae sa saite na awng dylä, nang ce lä äni hai kangby jä-ai sa hethang kae y. Nang ce lä hini kätyng khimi ce hai bö mäteng mangtä ca ö hang.

Asang Khongso New Testament

¹¹ Ka thuih koehhaih ih loa, taangca ah ka oh toeng ka ti moa nongpa hoi nongpa zaehaih kasah kaminawk, kaoe kaloe ka koeh kaminawk, kraangthoi ka bok kaminawk, mu paqui kaminawk hoi kamqu kaminawk hoiah nangkom o mak ai tiah ka thuih koehhaih ih ni. Tobatih kaminawk hoiah buh mataeng doeh nawnto caa o hmah.

1 Korin 5:11 ပူးပေါင်းရင်းမြစ်များ

Mathai 18:17

Tukha äni lä äni ce üng älo tängai y vi dylä, kangkawng na ma hini phüng thui pa hethang kae. Kangkawng üng älo tängai y vi dylä, Säthaw tea yng y saite khimi kätyng, y dylä, angko cawng saite khimi kähawi y lawngtä kätyng aedawng ö kae.”

Mathai 23:25

“Pharisai hai Ubädi särae na nang ce lä tähang si. Nang ce lä khimi kähawi käjüng aesa ö te vi. Nang ce lä tui bynglyng hai pangkae na tea ärang mang-a mäse ö kae vi. Tungaila nang ce lä hini bynglyng hai pangkae thung üng lawngprae kha mä-ai ma üng kängai hai dang saite na ca ö vi.

Luka 18:11

“Pharisai lä aedaw ea äma phüng hai aetang pa te lä ‘Säthaw ä, kai lä khimi kälang na, kangru na, käsi sa saite na, täkübäjang sa saite na hai honi angko cawng saite khimi kätyng y te phüng-a nang tea kawng bärai ba.

Luka 21:34

“Nang ce lä nei, ca pro te hai bärui si phi te phüng-a bälungli hai tang ö hang. Ätabung tähang bälungbi saite phüng-a la bälungli hai tang ö hang. Hakä awng dylä kai ly haile te kätü käni lä nang ce tea dawng aemang te kätyng aepö y tea ma tyngmu ai to.

Angtawtha 1:15

Kätü käni qae saite kätü-a, Isu tea Yng saite khimi lawng cungvai kuisytä na lä aekäcö ö kha awng ea Peterae lä aedaw kha älo thui pa dy.

Angtawtha 9:17

Tupyng-a Anania lä Sawlae awng saite ing-a ly kha Sawlae tea äkö thyng pa ea “Kangby ä, lolang-a nang tea aetüng pa saite Areng Isu ma kai bung nang tea mätaw te vi dy. Nang üng ämi aevang haile hethang tähang hai, Muilaw Käcai kawi hethang kai bung nang tea mätaw te vi dy” näkha näpa.

Pawlae ma Rom märü üng kangkawng tähang tärü saite cae 13:13

Mä-ai lä kaevang-a hing saite khimi tähang aeteng khaw te kätyng hing ö si. Khimi ce üng jö nei phi kha bärui saite pawi-a qa ö hang. Täkübäjang sa saite na, aejaw aemang saite na, hai dökhaw saite na tea mä-ai lä sa ö hang si.

Pawlae ma Rom märü üng kangkawng tähang tärü saite cae 16:17

Kai üng kangby jä-ai na ä, nang ce tea täphü hethang sa saite khimi tea sädi khai hethang kai lä mäci te vi. Khristen na üng yng saite tea täphra hethang äni ce lä sa ö te vi. Nang ce üng aetu saite na tea elekhei sa kha nang ce tea tämang saite mätu te tea nang ce lä sädi khai ö. Äni ce hai lä kangby jä-ai aesa ö hang.

1 Korin 10:14

Tukätephüng-a kangby jä-ai na ä, nang ce lä äni ce ma cäphaw saite mimi na tea aehi ö.

1 Korin 11:21

Nang ce lä ca te kätü-a, kangby jä-ai na tea aering y käla ma, nang ce lä langmaw-a nang ma ce üng bö ca ö te vi. Tukätephüng-a khimi phütä na lä böjo aelang kha khimi phütä na lä bärui ö te vi.

1 Korin 5:13

Kangkawng üng ärang-a awng saite khimi na tea lä Säthaw ma tätang tärae cei vi ai. Caekäcai thung-a honi phüng thui te lä, “Hawi y saite khimi bung lä nang ce thung üng mäthoja la” näkha awng vi.

1 Korin 6:6

Hini kätyng sa te jüng-a, Khristen lawngtä lä äma üng kangby jä-ai sa tämang kha cy hethang yng y saite tärae käcei kung tea ly te vi. Yng y saite tärae cei te kung tea ly kha tärae mädü hai ö te vi.

1 Korin 6:9

Säthaw bung mäny saite khimi na lä Säthaw üng pyng saite pre hai aesui y näte nang ce lä kähawi-a mäny ö te vi. Nang ce lä mä-ai ma tea kaeling kaemae sa ö hethang kae y. Täkübäjang sa saite khimi na, mimi tea cäphaw saite na, nawngpui, nawngpaw kälang na hai i saite na, nawngmäcaw tingtawi i saite na, bäru saite na, ae-aw saite na, bärui saite na, käsi prawng saite na lä Säthaw üng pre pyng saite hai aesui ö te y vi.

1 Korin 7:12

Yng saite khimi kälang na tea kai lä älo thui hethang ngai. Hini särilo lä Areng te üng y. Hini lä kai te üng vi. Yng saite nawngpaw lawngtä lä yng y saite nawngpui lawngtä hai ingthawng sa vi nä mai si. Änawngpui lä änawngpaw hai mangtä awng hethang ngai dylä, änawngpaw lä äni hai aekhai hethang kae y.

1 Korin 7:15

Tungaila yng y saite änawngpui y dylä, änawngpaw lä yng saite änawngpui y dylä, änawngpaw hai aekhai he ngai dylä, yng saite khimi lä honi tea mäkhang hethang kae te y. Yng y saite kangby jä-ai lä äma üng yng saite kangby jä-ai hai aekhai dylä, yng saite khimi lä honi ingthawng sa saite üng aelawi te vi. Säthaw lä mä-ai bung awngneng-a hing hai hethang ngai te vi.

1 Korin 8:11

Hini kangby jä-ai tähang Khrista lä dü pa te vi dy. Tungaila äni üng yng saite lä aethawdi te phüng-a, nang ce üng mänykaw saite ma äni üng yng saite tea lä täphra vi ai.

Galati 2:12

Peterae tyng angcü te kätü-a, äni lä ceng kälang yng saite na hai mangtä nei ca vävawi te vi. Tungaila Jaeko üng kangby jä-ai na Jerusalem märü üng tyng pyng te kätü-a, Peterae lä yng saite ceng kälang na hai aeprei kha ca nei pa vi. Ätephüng-a mei nädylä yng saite na lä lengkhüng täke hethang aely lengky vi näkha thui saite na ma äni tea käsi prawng ai näte ri te phüng-a vi.

Ephesi 5:18

Nang ce üng aeme aeqa te tea pra hai saite jö na tea lä nei ngae ö hang. Honi jüng-a Muilaw Käcai üng haidae lä nang ce tea pyng jawjaw sy.

Ephesi 5:5

Täkü bäjang sa saite khimi na, cai y saite na, ae-aw te bälung awng saite na lä Säthaw hai Khrista üng pre-a kung haw y lyng näte nang ce lä mäny hethang kae. Ae-aw te bälung awng saite na lä mimi tea cäphaw te kätyng by vi.

Kolosa 3:5

Tudylä nang ce lä bädö saite bälung üng kängai-a hui ö hang ba. Täkübäjang sa saite na, cai y saite na, deirei saite na, ngaiphi tüng y sa hethang ngai saite na, ae-aw saite bälung na awng ö vi hang lawi. (Ae-aw saite bälung näte lä mimi tea cäphaw te kätyng by vi.)

2 Thesalon 3:14

Nang ce thung-a kai ce ma hini cae hai tärü kha thui pyng saite lo tängai y te khimi awng dylä, äni lä ämi mei näte khimi qütä tea mäny hai khü kha äni hai lä rawijae aesa ö hang ba. Tudylä hikä sa te hai-a äni lä saerae ai mang.

2 Thesalon 3:6

Yng saite kangby jä-ai na ä, aethawli saite na hai mätu pyng te lo na tängai y käla yng saite khimi angxynlyng na tea lä aehi ö. Hini täru te lo lä mä-ai üng Areng Isu Khrista üng py saite aenae hai-a, nang ce tea kai ce lä thui ö te vi dy.

1 Timote 3:3

Äni lä Cäpje tui neipro hethang kae y. Aejaw aemang rungrang hethang y käla bälung kähawi awng te hai awng pü he kae. Tangkae tea ngai ngae he kae y.

1 Timote 6:5

Hini kätüng y mätu saite särae na lä äma ce tingtawi ae-e hethang ngai jawjaw kha tüng te, tüng y te tea mäny haw y saite khimi na vi dy. Äni ce lä Säthaw phüng mätu saite lä tangkae dang hethang älang haetä vi näkha aedawng ö te vi.

2 Johan 1:10

Khimi lawngtä lä Khrista üng mätu saite kätyng y käla kälang mätu lae saite na hai nang ce tea tyng dylä honi khimi bung lä nang ce üng ing-a mäkung hang. Äni bung la yng saite äpy kätyng lady hang ba.

Lokphong 2:14

Tungaila kai lä nang ce tea hae haetä cy hethang awng vi. Nang ce thung-a phütä na lä Balam üng mätu saite lo tea hui ö vi. Jangni-a Balam lä Balak tea Isrelae khimi na bung hunghö sa hai hethang the pa te vi. Äni lä mimi na tea löci sa saite löci mawi na ca hethang hai täkübäjang sa hethang Isrelae khimi na tea the pa ö te vi dy.

Lokphong 2:20

Tungaila kai lä nang ce tea hae haetä cy hethang awng vi. Jangni-a sanphrang üng nawngpui Jerebel hai aetawng saite nawngmädi käsi tea nang ce lä änawngsa ö te vi. Äni lä äma tea Säthaw üng buisaw nawngmädi-a aengang vi. Äni lä kai üng mawsawng na bung mimi na tea löci sa saite löci mawi na ca kha täkübäjang sa hai hethang mätu pa ö te vi.

Lokphong 21:8

Tungaila bälung bähawrö saite na, yng y saite na, känyng hethang hawi saite na, khimi tea bädü saite na, täkübäjang sa saite na, angra üng haidae hai sa saite na, mimi tea cäphaw saite na hai kaeling kaemae sa saite angxynlyng na bung lä kai ma keng maipui tuilipui thung-a kädephae vi ai. Hini lä äbaeni üng dü saite vi” näpa.

Lokphong 22:15

Tungaila märü üng ärang mang-a lä hini hunghö sa te hai-a ui kätyng mä-ai ma tea pawprae-a awng saite na vi. Äni ce lä angra haidae hai käsi sa saite na, täkübäjang sa saite na, khimi bädü saite na, mimi tea cäphaw saite na, kaeling thui saite na-a lawng ö vi.