1 Korin 4:5 - Caekäcai Kangthae (Lemi)

⁵ Tukätephüng-a Säthaw ma khai saite kätü tyng y te kälang-a lä, khimi ce tea tärae cei ö hang. Areng tyng haile te kätü-a, ämi lä kähawi-a sa mei, sa y mei, näte Areng ma thui vi ai. Äni lä käving thung-a ho saite na kaevang-a täphawng vi ai. Areng ma khimi ce lä äma ce üng bälung thung-a dawng saite na khimi qütä tea mäny hai vi ai. Honi kätü-a, Säthaw lä khimi qütä tea äma ce hai aeteng khaw te kätyng bälaw qi pa vi ai.

Asang Khongso New Testament

⁵ Topongah atue mah phak ai nahlanah ami doeh lokcaek o hmah. Hnukkhuem lokcaekhaih ih loa Angraeng angzoh na-ah om tih; anih mah khoving thungih hawk ihnawk boih to aanghaih thungah tacawt haih ueloa kami mah palungthin thungah tamqu lamah amsakhaih ihnawk taphong boih tih. Topacoengah mi boiboih mah hnuk hanih kating pakoehhaih ih to Sithaw khae hoitoah hak o tih.

1 Korin 4:5 ပူးပေါင်းရင်းမြစ်များ

Mathai 10:26

“Tukätephüng-a nang ce lä honi khimi ce tea ri ö hang. Khimi ce ma täphung saite na tea Säthaw ma lä täphawng vi ai. Ho saite amäjy tea khimi ce lä mäny ö vi ai.

Mathai 24:30

Tupyng-a Kai, Khimi üng Cäpaw, lä ly ai dy näsaite mätü te kamarae lä khösang-a aetüng vi ai. Älawngpre angxynlyng na üng khimi na lä ri te phüng-a raw ö vi ai. Tukha Kai, Khimi üng Cäpaw, lä haidae hai phung-ang hai khö angnüng qawng mang ly te khimi na ma nung ö ai.

Mathai 24:46

Ingkung ma vawi haile te kätü-a äni ma thui te kätyng mawsawng kälengky üng sa khü te nung dylä, mawsawng kälengky lä tähang hawi.

Mathai 25:21

Ingkung ma ‘Nang sa te lä hawi bärai te vi. Nang lä bälungkähae saite mawsawng kähawi vi. Nang lä sui phawisae äjecäcaw tea kätüng-a rui pa te vi. Tukätephüng-a kai ma nang tea hini qawng-a cang y, awng mang-a rui hethang py ai. Ly lawi, kai hai mangtä kawng anghawtho hawi si dy’ näkha näpa.

Mathai 25:23

Ingkung ma ‘Nang sa te lä hawi bärai vi. Nang lä kätüng-a sa khü saite mawsawng kähawi vi. Nang lä sui phawisae äjecäcaw tea kätüng-a rui pa te vi. Tukätephüng-a kai ma nang tea hini qawng-a cang y awng mang-a rui pa hethang py ai. Ly lawi, kai hai mangtä kawng anghawtho hawi si dy’ näkha näpa.

Luka 6:37

“Khimi ce tärae cei ö hang. Tudylä nang ce tea Säthaw ma cei y ai mang. Khimi ce tea äpre py ö hang. Tudylä Säthaw ma nang ce tea la äpre py y ai mang. Khimi ce üng hunghö tea bälawi ö. Tudylä nang ce üng hunghö tea Säthaw ma bälawi ai.

Johan 21:22

Isu ma “Kai cäqa haile tyng te khytä, äni tea hing hethang kai ngai hai dylä, nang üng aely y lyng. Nang lä kai leithung-a hui lawi” näkha näpa.

Johan 21:23

Honi älo phüng-a, “Honi äkähui dü hethang y dy” näkha thui rungrang saite angthang lä äkähui na säla-a aethangdü pa vi dy. Tungaila Isu lä “Hini äkähui lä dü y dy” näkha thui te y “Kai cäqa haile te kätü khytä, äni tea hing hai hethang kai ngai dylä nang üng aely y lyng” näkha thui te kae.

Johan 5:44

Nang ce lä lawngtä hai lawngtä tea aebälaw hethang ngai ö te kae vi. Tungaila lawngtä xyng awng te Säthaw üng bälaw te dang hethang lä aethaw aesa ö y. Tudylä nang ce lä ätemakä sa kha kai tea yng haw ö ai mei.

Pawlae ma Rom märü üng kangkawng tähang tärü saite cae 14:4

Khimi lawng lawngtä üng mawsawng na tea tärae cei hethang lä nang tähang aeteng te y vi. Honi mawsawng na lä kähawi sa mei, sa y mei, näte tea äma ce üng ingkung ma kheng ai mang. Äni ce lä kähawi-a sa ö ai. Ätephüng-a mei nädylä Areng lä äni ce sa saite tea säbawng haw te phüng-a vi.

Pawlae ma Rom märü üng kangkawng tähang tärü saite cae 2:1

Kai üng Judae kangby jä-ai ä, nang lä ceng kälang na tea tärae cei te vi mei. Nang lä khimi kälang na tea la tärae cei te lä tämang vi dy. Nang lä khimi kälang na tea tärae cei kha honi kätyng hunghö sa dylä nang ma tea nang ma tärae aecei te hai aetawng vi ai.

Pawlae ma Rom märü üng kangkawng tähang tärü saite cae 2:16

Tudylä kai ma thui saite Angthang Kähawi kätyng Säthaw lä Isu Khrista hai-a khimi ce üng kangru-a dawng saite na tea tärae cei te Käni lä hini kä tyng vi ai.

Pawlae ma Rom märü üng kangkawng tähang tärü saite cae 2:29

Judae khimi tätang lä Säthaw ma äma hai aesui näte mäny hai hethang äni üng bälung thung-a äsäny sa te vi. Honi lä Ubädi ma sa haw te y. Säthaw üng Muilaw Käcai ma sa haw te kae vi. Honi khimi tea lä khimi kälang na ma bälaw y ngaila, Säthaw lä äni tea bälaw vi ai.

Pawlae ma Rom märü üng kangkawng tähang tärü saite cae 2:7

Kähawi sa jawjaw te hai, Säthaw ma py te bälaw saite hai, ämüng leng saite hai dungtäsa kähing na ha saite khimi tea lä Säthaw ma dungtäsa kähing py vi ai.

1 Korin 1:7

Nang ce lä bälung aethaw awng bärai te hai mä-ai üng Areng Isu Khrista tyng haile te kätü tea aering ö te vi. Nang ce aering ö te kätü-a, Muilaw Käcai hai aesui kha sakaw saite angxynlyng na tea lä Säthaw ma py te vi dy.

1 Korin 11:16

Tungaila khimi lawngtä lä hini phüng-a älo ae-e hethang ngai dylä, mä-ai hai Säthaw üng kangkawng na thung-a reitae kälang na awng y vi näkha kai lä thui te vi.

1 Korin 11:26

Nang ce lä hini täkaw ca kha hini bynglyng thung üng cäpje tui nei saite kätü qütä, Areng tyng haile te khytä äni üng dü saite phüng thui ö te vi.

1 Korin 15:23

Tungaila khimi qütä lä Säthaw üng khai rüng saite kätyng-a dü saite thung üng hing haile ai. Angcüky-a Säthaw ma Khrista bung lä dü saite thung üng mäning haile tyng te vi dy. Honi pyng dylä, Khrista ly haile te kätü-a, äni hai aesui saite khimi na lä dü saite thung üng hing haile tyng ö ai.

1 Korin 3:13

Isu Khrista ly haile te kätü-a, äni lä Säthaw ma py saite kälu tea, mä-ai lä kähawi-a sa mei, sa y mei näte mätü king vi ai. Honi käni-a, Khrista lä khimi qütä na üng kälu tea mai hai mäcae kha honi kälu lä ävang ting mei, ting y mei näte mätü vi ai.

1 Korin 3:14

Khimi lawngtä üng kälu tea mai ma kang y dylä, Khrista lä hini kälu sa saite kung tea ävang py vi ai.

1 Korin 3:8

Ämöti mäthu saite khimi hai tui baw saite khimi lä kälu mawlang kaedawng mangtä hai sa hawi te vi. Säthaw lä änini tea änini üng sa saite kälu tähang-a ävang py vi ai.

2 Korin 10:18

Ätephüng-a mei nädylä, khimi lawngtä ma äma üng phüng aethaw saite tea Säthaw lä ngai te y. Areng lä äma khekhe tea bälaw saite khimi na xyngtä tea ni ngai te kae vi.

2 Korin 10:9

Kai ma tärü saite cae na hai-a nang ce tea ri hai hethang ngai te vi näkha dawng ö hang.

2 Korin 4:2

Kai ce lä saerae hethang hai ho hethang hawi khaw saite kälu angxynlyng na tea khaisö ö vi dy. Kai ce lä ämi tea la kaeling sa te y kha Säthaw üng älo lä aemäqa te y vi. Kai ce lä lo mitang tea thui phrang ö te vi. Hini kätyng Säthaw üng maw-a cüng vi näte khimi angxynlyng na üng bälung thung-a mäny haw ö te vi.

2 Korin 5:10

Mä-ai angxynlyng lä Khrista ma tärae cei hethang äni üng maw-a aedaw ö hethang kae. Hini älawngpre-a mä-ai lä awng te thüng-a, mä-ai sa saite aeteng khaw te ävang na, y dylä Säthaw lä mä-ai tea dengpy vi ai.

1 Thesalon 5:2

Ätephüng-a mei nädylä Areng ly hethang kätü lä, kärung-a theru kätyng ly ai näsaite nang ce lä mäny ö phi te phüng-a vi.

Hebrai 4:13

Säthaw üng maw-a lä äte haetä la ho hethang dang y lyng. Säthaw üng sa saite angxynlyng na lä äma üng maw-a aephawng king te vi. Mä-ai ma üng sa te angxynlyng phüng na Säthaw üng maw-a thui mäcai king hethang kae.

Jako 4:11

Yng saite kangby jä-ai na ä, lawng lawngtä üng phüng aeqa ö hang. Äma üng kangby jä-ai na phüng aeqa saite, y dylä tärae cei saite khimi lä Säthaw üng Ubädi phüng tea aeqa kha tärae cei saite khimi-a lawng te vi dy. Nang ce ma Ubädi tea tärae cei dylä, Ubädi tea tängai ö y te vi dy. Nang ce lä Ubädi tea tärae cei saite khimi na-a lawng ö te vi dy.

Jako 5:7

Yng saite kangby jä-ai na ä, tukätephüng-a Areng ly haile te khytä aering ö. Lai sa saite na lä älawng üng ävang ting saite äthai na dang te khytä, angcü hai kangkhüng üng khö tui na tea khung kha aering te phüng aedawng ö.

Jako 5:9

Yng saite kangby jä-ai na ä, nang ma ce tingtawi khimi phüng aethui ö hang. Hokä y dylä, Areng lä nang ce tea tärae cei vi ai. Tärae cei saite kung lä thokhae teng-a aedaw te vi dy.

1 Piter 1:7

Hini käny saite na lä nang ce üng yng saite tätang vi näte tea mätü ai. Khimi ce lä pra haw saite sui tea mäteng ma mai hai säny kha mäcai ö te vi. Nang ce üng yng saite lä hini sui qawng-a ävang tingky te vi. Tukätephüng-a nang ce üng yng saite lä mätang bälai te hai-a käny dylä, nang ce üng yng saite lä cakhi ö vi ai. Nang ce lä hini kätyng yng dylä, Isu Khrista ly haile te kätü-a Säthaw ma nang ce tea bälaw vi ai. Tukha äni lä nang ce tea phung-ang hai tämö käleng khai saite na py vi ai.

1 Piter 5:4

Beram rui te kung kälengky Khrista ly haile te kätü-a, nang ce lä phung-ang leng bärai saite ävang käting dang ö ai. Hini üng ang saite lä manila aemai y vi ai.

2 Piter 3:12

Nang ce lä Khrista ly haile te käni tea aering kha honi käni tyng dawde hethang aethawsa ö. Honi käni-a Säthaw lä khösang tea mai hai täphra vi ai. Hini mai üng käbi hai-a khösang üng käni, law hai tengpaw na lä qawng ö vi ai.

2 Piter 3:4

Äni ce ma, “Khrista lä ly haile tyng hethang älo aedo te y vi mei. Äni lä ma-a mei. Tungaila mä-ai üng kangsi kangjaw na lä dü pyng saite kätü üng hai aetawng kha Säthaw ma älawng sa te kätü üng hai ätete angxynlyng na lä hini kätyng awng jawjaw te vi rawng” näkha thui ö vi ai.

Judae 1:14

Adam üng hai aetawng kha dung säritä pyng üng Eno lä hini äphüng cangkhawng-a ma äni ce tea thui rüng saite lo lä, “Areng lä äma üng sangrui-a awng mang saite angtawtha käcai na hai mangtä ly ö ai.

Lokphong 1:7

Tängai ö. Äni lä khö angnüng qawng na mang ly ai. Äni bung khimi qütä ma nung ai. Äni tea täri hai thung saite khimi na mäteng ma nung ö ai. Älawngpre üng khimi angxynlyng na lä äni tea ri kha raw sung ö ai. Honi lä tätang khaw-a tyng vi ai. Amen.

Lokphong 20:12

Tukha khimi kädü aely leng saite na hai leng y saite angxynlyng na lä areng aety nae maw-a aedaw ö te tea kai lä nung vi. Känipre angtawtha na lä cae-u na tea pä-awng pa ö vi dy. Honi pyng-a cae-u kälang haetä pä-awng te tea kai lä nung vi dy. Hini lä dungtäsa kähing dang te na üng ämüng tärü saite cae-u vi. Dü saite na lä honi cae-u na thung-a tärü te kätyng äni ce sa saite na tea Säthaw lä tärae cei pa vi dy.