1 Korin 4:12 - Caekäcai Kangthae (Lemi)

¹² Kai ce lä ca nei hethang mä-ai ma üng äkö na hai bäsae saite kälu tea sa ö vi. Khimi ce ma kai ce tea täking ngaila, kai ce lä äni ce tea tähang kähawi py ö te vi. Khimi ce ma kai ce tea lä mätang bälaica-a sa ngaila, kai ce lä khung ö te vi.

Asang Khongso New Testament

¹² Angkok angtang hanah ban hoiah kangpho paraiah tok ka sak o. Ang tangoeng o na-ah tahamhoihhaih ka paek pae o; ang pacaekhlaek o na-ah ka pauep o taitu;

1 Korin 4:12 ပူးပေါင်းရင်းမြစ်များ

Mathai 5:11

“Nang ce lä kai leithung hui ö te phüng-a, khimi ce ma nang ce tea käsi thui kha sakälö khü te hai kaeling kaemae thui dylä, nang ce lä tähang hawi.

Mathai 5:44

Tungaila vaihi nang ce tea kai ma: Nang ma ce üng täre na tea bälung aevaw ö. Nang ce tea mätang bälai-a sa saite khimi na tähang aetang pa ö.

Luka 23:34

Isu ma “Üngai ä, Äni ce üng sa tämang saite na bälawi pa kü ba. Ätephüng-a mei nädylä äni ce lä äma ce sa saite na mäny ö y te kae vi” näpa. Tukha reisae na ma lä Isu üng kä-o na tea phui hai sa kha aeri ö xhixae pa vi dy.

Luka 6:28

Nang ce tea täking saite khimi na tea Säthaw ma tähang kähawi py hethang aetang pa. Nang ce tea mätang bälai-a sa saite khimi na tähang aetang pa ö.

Johan 15:20

Nang ce tea kai thui vai saite na aedawng hai ö. ‘Mawsawng lä areng qawng-a lengky y’ näkha näpa. Älawng üng khimi na ma kai tea sakälö khü dylä, nang ce tea la sakälö khü ö vi ai. Äni ce ma kai üng mätu saite lo tängai dylä, nang ce üng mätu saite lo la tängai ö vi ai.

Angtawtha 18:3

Äni ce lä Pawlae kätyng mawiphö hai taipung kälu sa saite khimi na vi. Tukätephüng-a Pawlae lä, äni ce tea ly kha äni ce hai mangtä kälu sa kha awng pa te vi dy.

Angtawtha 20:34

Kai hai kai rawijae na aely ngai saite kä-o nitha hai, käcakänei na dang hethang kai äkö hai kälu sa te tea nang ce lä mäny ö vi.

Angtawtha 7:60

Tupyng-a äni lä khokhö didü kha “Areng ä, äni ce üng kai bung bädü te hunghö na bälawi pa ba” näkha ätüng käleng hai hang pyng ea dü pa vi dy.

Pawlae ma Rom märü üng kangkawng tähang tärü saite cae 12:14

Nang ce tea sakälö khü saite na tea lä Säthaw ma tähang kähawi py hethang aetang pa ö. Äni ce tea lä täking pa ö hang.

Pawlae ma Rom märü üng kangkawng tähang tärü saite cae 12:20

Caekäcai thung-a thui te kätyng, “Nang tea hawi y sa saite na böjo aelang dylä, äni ce tea bö mäcaw pa jo. Äni ce tui aehe dylä, tui mätyng pa jo. Hokä sa dylä, äni ce lä saerae kha äni ce üng älö qawng-a mai aeke thyng te kätyng awng pa ö vi ai” näkha näpa.

Pawlae ma Rom märü üng kangkawng tähang tärü saite cae 8:35

Tupyng dylä Khrista üng bälung aevaw saite thung üng mä-ai bung ämi ma täprei ja haw ai mei. Rai saite, mätangbälai saite, sakälö khü saite, böjo aelang saite, mätang bälai saite, ri hethang hawi saite hai dü saite na ma mä-ai bung lä Khrista bälung aevaw saite thung üng täprei ja haw y lyng.

1 Korin 9:6

Ca saite tähang tangkae awng hethang Banaba hai kai ni ma qaitä lä kai ma ni üng äkö na hai-a sa te vi mei.

2 Korin 11:8

Kai lä nang ce tähang kälu sa haw hethang kangkawng kälang na üng tangkae la te vi dy. Nang ce tea säbawng hethang äni ce te üng bäru te vi näkha lawng lawngtä ma thui haw te vi.

Ephesi 4:28

Jangni-a bäru saite khimi lä bäru jawjaw hethang kae y dy. Hini jung-a äni lä äma üng kö na hai aethaw rae kha kälu sa sy. Tudylä khimi kangtang na tea säbawng haw ai mang.

1 Thesalon 2:9

Yng saite kangby jä-ai na ä, kai ce lä nang ce hai awng te thüng-a, aethaw rae bärai te hai kälu sa tätang mei näte nang ce lä aedawng haile tyng ö te vi mei. Säthaw üng Angthang Kähawi thui te kätü-a, kai ce tea mäcaw mänei hethang lä bälungbi hai ö y ma ba. Tukätephüng-a kai ce lä kärung käni kälu sa ö te vi dy.

2 Thesalon 3:8

Tukha ävang py y käla, kai ce lä äjawng-a khimi ce üng bö ca ö te y vi. Honi jüng-a, nang ce lä kai ce tea mäcaw mänei te bälungbi hai y hethang tähang kai ce lä aethawli y käla kärung käni aethaw rae kha kälu sa ö te vi.

1 Timote 4:10

Hini lo phüng-a, mä-ai lä hikä sa hethang aethaw sa ö te vi. Ätephüng-a mei nädylä mä-ai lä hing tätang saite Säthaw tea aethang khai te phüng-a vi. Äni lä khimi angxynlyng na üng Aeqangkung vi. Äni tea yng saite khimi na bung lä aeqang lyng pa te vi.

1 Piter 2:23

Khimi ce ma äni tea käsi prawng te kätü-a, äni lä äte lo käsi haetä la mäthang haile tyng te y vi. Äni lä mätang bälai te kätü-a, khimi ce ma aethüng hai hethang lo thui te y vi. Tungaila äni lä käcüng-a tärae cei saite Säthaw tea aethang khai te kae.

1 Piter 3:14

Tungaila nang ce lä kätüng sa saite phüng-a mätang bälai ea mäteng ma, Säthaw lä nang ce tea tähang kähawi py ai. Säthaw bung mäny y saite na tea lä ri ö hang. Bälung mawng ö hang.

1 Piter 3:9

Nang ce lä käsi sa saite khimi na tea rawithung tha ö hang. Nang ce tea täking saite na tea lä täking haile tyng ö hang. Hini jüng-a, nang ce lä äni ce tea tähang kähawi py pa ö. Ätephüng-a mei nädylä Säthaw lä nang ce bung hini kätyng sa hai hethang re te vi dy. Tudylä, Säthaw lä nang ce tea tähang kähawi py ai mang.

1 Piter 4:19

Tukätephüng-a, Säthaw üng aely kängai phüng-a, mätang bälai saite khimi na lä kähawi sa jawjaw ö hethang kae. Äni ce lä äma ce bung sa saite Säthaw tea cungrü-a ae-y ö hethang kae. Säthaw lä äma üng aedo saite lo kätyng sa te vi.

Judae 1:9

Säthaw üng angtawtha käleng Mikhela mäteng ma hini kätyng sa te y. Äni lä Mosi üng äro aelawng te phüng Setan angra hai älo ae-e hawi te kätü-a, käsi prawng saite älo haetä la thui vawng te y. Tungaila äni ma Setan angra tea “Areng ma nang tea pring te lo thui kae sy” näkha thui kae vi.