1 Korin 3:5 - Caekäcai Kangthae (Lemi)

⁵ Pawlae lä ämi mei. Apolo lä ämi mei. Kai ni lawng netä lä Isu Khrista tea nang ce yng hethang säbawng saite Säthaw üng mawsawng na kae. Areng lä mä-ai tea py saite aetawng y te kälu tea mä-ai ni lä sa haw qi hawi te vi.

Asang Khongso New Testament

⁵ Apollo loa ami maw? Paul loa ami maw? Kaicae loa Sithaw ih tamtoeh ah oh o moa nangcae to taangca ah coenghsak hanah pahoi kungnawk ni. Kaicae longto rip hae Angraeng mah paek ih tok to ni sak o.

1 Korin 3:5 ပူးပေါင်းရင်းမြစ်များ

Mathai 25:15

Mawsawng lawngtä tea sui phawisae sang bangtä, kälang lawngtä tea sui phawisae sang netä, hai kälang lawngtä tea be lä sui phawisae sangtä py ö qi pa dy. Äma üng mawsawng na sa haw te kätyng sui phawisae py pa dy. Tupyng-a äni lä khölawng tho vi dy.

Luka 1:2

Khimi ce ma kai ce tea thui saite kätyng äni ce lä tärü ö te vi. Honi khimi ce lä angcü-a äma ce ämi hai hini na nung ö khe te vi. Äni ce lä Säthaw tähang mawsawng sa kha Säthaw üng angthang khimi ce tea thui pa saite na vi.

Johan 3:27

Baptismae Johan ma “Säthaw ma sa te y dylä, khimi ce tea äte la aecyng y lyng.

Angtawtha 18:24

Honi kätü-a Apolo näsaite Judae khimi lawngtä lä Ephesi märü-a tyng pa vi dy. Äni lä Alesanda märü üng vi kha bälung cüng bärai te hai Caekäcai tea lä mäny bärai saite khimi vi.

Angtawtha 19:1

Korin märü-a Apolo awng te thüng-a Pawlae lä khölawng tho kha Kalatia khö hai Prukia pre cäqeng kha aeke prei pyng-a, Ephesi märü-a tyng vi dy. Honi märü-a äni lä Yng saite khimi phütä na hai aeting vi.

Pawlae ma Rom märü üng kangkawng tähang tärü saite cae 15:16

Kai lä ceng kälang na tähang kälu sa hethang Khrista Isu üng mawsawng-a lawng vi dy. Säthaw ma kawng hai saite löci mawi käcai lawng hethang kai lä Säthaw üng Angthang Kähawi ceng kälang na tea thui hethang mäthykung lawngtä kätyng sa te vi dy. Muilaw Käcai lä honi na tea Säthaw tähang kälang khai pa te vi.

1 Korin 12:28

Kangkawng thung-a Säthaw lä kaepreng na tea äma ce üng mityng py pyng te vi dy. Angcüky üng na tea äni lä angtawtha na-a khai te vi. Äbaeni üng na tea lä buisaw na, ämäthung üng na lä Säthaw üng mätu saite särae na-a khai ö vi dy. Honi pyng-a lä cangxei te na sa haw saite khimi na, honi pyng dylä känaw käsaw tea hawi sa haw saite na, khimi kälang na tea säbawng haw saite na, kangkawng tea bähawi saite na hai mäny haw y saite lo cawngkhang thui haw saite na tea äma ce üng mityng-a py pa vi dy.

1 Korin 16:12

Vaihi kai lä nang ce tea mä-ai üng kangby jä-ai Apolo phüng thui ai. Kai lä äni tea kangby jä-ai kälang na hai mangtä nang ce tea ly hethang mäci leilae te vi dy. Tungaila äni lä vaihi kätü-a nang ce tea ly hethang lä ngai te y vi rawng. Äni lä nang ce tea hawikhaw saite kätü-a ly vi ai.

1 Korin 3:10

Säthaw ma kai tea py saite tähang kähawi hai-a kai lä ing kähawi sakaw bärai saite kälu tea sa te vi. Kai lä Korin märü-a Angthang Kähawi thui kha Isu tea nang ce yng hethang säbawng te vi dy. Hini kätyng kai lä Säthaw üng ing aenyng nae sa vi dy. Hini pyng-a kai ma aetawng saite hini ing tea Khristen kangby jä-ai kälang na lä sa ö jawjaw te vi dy. Tungaila mä-ai angxynlyng na makä Säthaw üng ing tea sa hethang kae mei näte kähawi-a dawng ö qi hethang kae.

1 Korin 3:22

Kai, Pawlae, Apolo hai Peterae ce lä nang ce tea säbawng hethang Säthaw ma py saite särae na vi. Säthaw lä älawng qawng-a awng saite angxynlyng nang ce tähang äkähawi na lawng hai hethang sa vi dy. Nang ce hing saite hai dü saite tea la, Säthaw lä nang ce üng hawi saite tähang sa vi ai. Vaihi awng saite angxynlyng na, vaimaw mang-a awng saite na tea Säthaw lä nang ce tähang kähawi sa vi ai. Säthaw ma hini angxynlyng na lä nang ce tea py pyng vi dy.

1 Korin 3:7

Ämöti mäthu saite hai tui baw saite lä aely leng te y. Säthaw qaitä ni aely lengky vi. Äni lä äkung tea ryng hai hethang sa te vi.

1 Korin 9:17

Kai lä Angthang Kähawi thui hethang kai ma üng aely kängai kätyng re dylä, kai lä ävang dang hethang kae. Tungaila Säthaw lä kai tea hini kälu sa hethang särilo py kha kai lä äni üng lo tea tängai khü te vi.

2 Korin 11:23

Äni ce lä Khrista üng mawsawng na mei. Kai lä hawiky saite mawsawng vi. Kai lä kangthö kätyng älo aepe te vi. Kai lä äni ce qawng-a cang y Khrista üng kälu mäsaexa te hai sa vi dy. Kai tea lä äni ce qawng-a cang y thawng thung-a pä-ung leilae te vi dy. Khimi ce ma kai tea lä äni ce qawng-a cang y boky te vi dy. Kai lä äni ce qawng-a cang y dü saite hai aeting leilae te vi.

2 Korin 3:3

Khrista khekhe ma hini cae tea tärü kha kai ce hai-a tha te vi. Hini cae lä caetui hai tärü te y. Hing saite Säthaw üng Muilaw Käcai hai tärü te vi. Honi lä kälung phei na qawng-a tärü te y. Khimi ce üng bälung thung-a tärü te vi.

2 Korin 3:6

Säthaw äma khekhe lä kai ce tea älo aenai saite kangthae üng mawsawng lawng hethang sakaw saite py vi dy. Honi älo aenai saite lä tärü saite ubädi hai aetawng te y. Honi lä Muilaw Käcai üng aenai saite lo vi. Tärü saite Ubädi lä mä-ai bung dü saite mang-a tha kha Muilaw Käcai lä mä-ai tea kähing py te vi.

2 Korin 4:1

Säthaw üng bäheng saite hai-a äni ma kai ce tea hini kälu sa hai hethang py vi dy te phüng-a, kai ce lä aethawdi ö te y vi.

2 Korin 4:5

Kai ce lä kai ma ce üng phüng na tea thui ö te y. Kai ce lä “Isu Khrista lä khimi angxynlyng na üng Areng vi näte hai kai ce lä Isu hai-a nang ce üng mawsawng na lawng ö vi” näte thui ö te vi.

2 Korin 4:7

Kai ce lä sui tangkae awng saite sätüng na kätyng vi. Hini hai-a kai ce lä äte angxynlyng na qawng-a lengky saite haidae lä Säthaw hai aesui te vi näte mätü te vi. Hini lä kai ce hai aesui te y.

2 Korin 5:18

Hini angxynlyng na tea lä Säthaw ma sa te vi dy. Mä-ai lä Khrista hai-a Säthaw üng täre na lawng saite üng hai äni üng kängby jä-ai na-a lawng ö vi dy. Tudylä äni ma mä-ai tea lä khimi kälang na bung la Säthaw üng kängby jä-ai na lawng hai by hethang kälu py te vi dy.

2 Korin 6:1

Kai ce lä nang ce hai Säthaw üng kälu mangtä sa saite kängby jä-ai na lawng te phüng-a, nang ce tea mäci he ngai ö te vi. Säthaw ma nang ce angxynlyng tea tähang kähawi py vi dy. Tukätephüng-a Säthaw üng tähang kähawi tea aetütü-a lawng hai hethang lä sa ö hang.

2 Korin 6:4

Kai ce lä Säthaw üng mawsawng na lawng vi näte älang cawngkhang hai-a mätü ö te vi. Kai ce lä mätang bälai saite, rae saite na, xhuxa saite na hai aeting te kätü-a, änawngsa kha khung ö te vi.

Ephesi 3:7

Säthaw lä äma üng tähang kähawi hai haidae hai-a kai tea hini Angthang Kähawi thui hethang mawsawng-a bälawng te vi dy.

Kolosa 1:23

Nang ce lä Angthang Kähawi tea yng jawjaw kha khimi käcüng-a lawng ö hethang kae. Angthang Kähawi thai ea dang saite aethang khai te üng nang ce lä aemäqaja hethang kae ö te y. Nang ce thai pyng saite hini Angthang Kähawi lä älawngpre mityng qütä awng saite khimi na tea thui pa ö. Kai, Pawlae, lä honi Angthang Kähawi üng mawsawng lawng te vi dy.

Kolosa 1:25

Säthaw lä kai bung äma üng lo cungrü hai hethang, nang ce tea äma üng Angthang Kähawi thui hai hethang mätaw te vi. Tukätephüng-a kai lä kangkawng üng mawsawng lawng te vi dy.

1 Timote 1:12

Mä-ai üng Areng Isu Khrista tea kai lä kawng te lo thui dy. Äni lä kai tea aethaw py te vi. Äni üng kälu sa hethang re kha ae-y haw saite khimi lawngtä kätyng-a kai bung aedawng hai pa te phüng-a vi.

1 Piter 4:10

Khimi qütä tea lä Säthaw ma py te sakaw saite cawngkhang na awng qi ö te vi. Nang ce üng sakaw saite na lä khimi kälang na tea säbawng hethang kähawi-a rui khü saite khimi na kätyng tawng ö qi hethang kae.