1 Korin 3:23 - Caekäcai Kangthae (Lemi)

²³ Nang ce lä Khrista hai aesui ö te vi. Khrista lä Säthaw hai aesui te vi.

Asang Khongso New Testament

²³ Nangcae loa Khrih iah na oh o moa Khrih loa Sithaw ih ni.

1 Korin 3:23 ပူးပေါင်းရင်းမြစ်များ

Mathai 17:5

Tungaila Peterae lä hini lo kä thui te thüng-a khö angnüng kanglung lä tho kha äni ce tea bu pa dy. Tukha khö angnüng thung mang tho te ätüng lä “Hini lä kai ma bälung aevaw saite Kai üng Cäpaw vi. Äni lä kai tea anghawtho hai te vi. Äni üng älo tängai ö” näkha näpa.

Johan 17:18

Pä-ai, Nang, ma Kai bung älawngpre-a, mätaw te kätyng Kai ma äni ce bung la älawngpre-a mätaw te by dy.

Johan 17:21

Äni ce angxynlyng lä bungtä awng hethang aetang te kae. Pä-ai ä, Nang, lä Kai hai aesui kha Kai la nang hai aesui te kätyng, äni ce bung mä-ai ma hai aesui hai jo ba. Tukä ea ni Pä-ai nang ma Kai bung mätaw te älawngpre üng khimi na ma yng hethang kae.

Pawlae ma Rom märü üng kangkawng tähang tärü saite cae 14:8

Mä-ai üng hing saite khimi na lä Areng tea bälaw hethang hing ö te kae. Mä-ai üng dü saite la khimi ce ma Areng tea bälaw hethang dü ö te kae. Mä-ai üng hing saite hai dü saite lä Areng hai aesui te kae vi.

1 Korin 11:3

Tungaila nawngmäcaw qütä üng älö lä Khrista vi näte kai lä nang ce tea mäny hai hethang ngai te vi. Nawngmädi qütä üng älö lä äma üng nawngpaw vi. Khrista üng älö lä Säthaw vi.

1 Korin 15:23

Tungaila khimi qütä lä Säthaw üng khai rüng saite kätyng-a dü saite thung üng hing haile ai. Angcüky-a Säthaw ma Khrista bung lä dü saite thung üng mäning haile tyng te vi dy. Honi pyng dylä, Khrista ly haile te kätü-a, äni hai aesui saite khimi na lä dü saite thung üng hing haile tyng ö ai.

1 Korin 15:28

Säthaw lä äte angxynlyng na Khrista üng pyng saite täkui-a khai pyng-a, äcäpaw äma khekhe la Säthaw üng pyng saite täkui-a khai vi ai. Honi kätyng Säthaw lawngtä xyng ni äte angxynlyng na tea Areng kätyng pyng vi ai.

1 Korin 7:22

Nang ce lä mawsawng tangnae lawng te kätü-a Säthaw ma nang ce bung ka vi dylä, Areng Isu Khrista hai-a vaihi nang lä khimi kaelawi kätyng lawng vi dy. Honi kätyng Säthaw ma khimi kaelawi bung ka vi dylä, äni lä vaihi Khrista hai aesui kha äni lä Khrista üng mawsawng tangnae-a lawng te vi.

1 Korin 8:6

Tungaila mä-ai tähang lä Säthaw lawngtä xyng kha äni lä mä-ai üng Pä-ai vi. Äni lä äte angxynlyng na tea sa vi dy. Äni tähang mä-ai lä hing ö te vi. Mä-ai tähang Areng lawngtä xyng awng kha äni lä mä-ai üng Areng Isu Khrista vi. Säthaw lä äte angxynlyng na tea äni hai-a sa vi dy. Äni hai-a mä-ai lä Säthaw tähang hing ö te vi.

2 Korin 10:7

Nang ce lä ärang mang kheng kha ämaw äcae haetä tea xyng nung ö te vi. Nang ce thung üng phütä lä äma ma tea Khrista üng äkähui vi näkha ae-y khü dylä, äni lä Khrista hai aesui te kätyng kai ce la Khrista hai aesui ö te vi näkha dawng te lä hawi khaw te vi.

Galati 3:29

Nang ce lä Khrista üng khimi na lawng ö te phüng-a, Abraham üng caw nade na vi dy. Säthaw lä Abraham tea aedo saite älo kätyng-a nang ce tea lä tähang kähawi py ai.

Galati 5:24

Isu Khrista hai aesui saite na lä äma ce üng ngaiphi tüng y saite bälung na tea thinglang qawng-a täheng te by vi dy. Tukätephüng-a äni ce üng ngaiphi tüng y saite lä äni ce tea pyng haw y dy.

Ephesi 1:10

Khai rüng saite kätü tyng khaw tea äni ma Känipre-a hai älawngpre-a awng saite angxynlyng na tea lä Khrista üng aenae täkui-a mangtä khai ö ai näsaite lä äni üng mawlang kaedawng vi.