1 Korin 3:18 - Caekäcai Kangthae (Lemi)

¹⁸ Nang ma ce thung üng ämi lawngtä la mä-ai ma tea kaeling sa hethang kae y. Nang ce thung üng khimi lawngtä lä älawngpre üng älang na kätyng mä-ai ma tea khimi bälunghae te vi näkha dawng dylä, äni lä äma tea kangthö kätyng aedawng hethang kae te vi. Hokä dawng dylä, Säthaw ma ni äni tea bälunghae saite py haw te vi.

Asang Khongso New Testament

¹⁸ Ami doeh angmah hoi angmah to angling hmah na soe. Ami doeh nangcae salak thungah hi longnui ih tawk batih toengah ka cing tiah dawn nahaeloa kami kacing tangtang ah oh hanah kami kamthu ah coeng na soe.

1 Korin 3:18 ပူးပေါင်းရင်းမြစ်များ

Mathai 13:22

Angling thung-a aeqa saite ämöti na lä Säthaw üng lo thai pyng saite khimi na tea thui te vi. Tungaila äni ce lä bälung mawng saite hai tawngnang saite hai ngai saite na phüng-a yng saite lä ryng kha äthai aethai haw y.

Mathai 18:4

Khimi lawngtä lä hini nade kätyng bälung aemäneng ea ni Säthaw üng pre-a lengky vi ai.

Marka 10:15

Tängai ö, nade na kätyng Säthaw üng pre pyng te tea ngai y saite khimi lä pre thung-a kung haw y lyng” näpa.

Luka 18:17

Tängai ö. Hini nade na la Säthaw tea sanphrang kätyng lady ö te vi. Hini nade na kätyng sa y saite khimi lawngtä lä Säthaw üng pre thung-a kung haw y lyng” näpa.

Luka 21:8

Tukha Isu ma äni ce tea “Nang ce tea khimi ce ma kaeling kaemae sa y hethang kähawi-a kheng ö rüng. Ätephüng-a mei nädylä khimi ce ma ‘Kai lä Mesia dy’ näkha thui ö vi ai. Y dylä ‘Mesia tyng hethang kätü lä aenai dy’ näkha äni ce thui ö be ai rawng. Tungaila äni ce tea nang ce lä yng ö hang.

Pawlae ma Rom märü üng kangkawng tähang tärü saite cae 11:25

Kangby jä-ai na ä, kai lä Säthaw üng ho saite na nang ce tea mäny hai hethang ngai te vi. Tudylä nang ce lä nang ma ce tea, “Mä-ai lä tengxyng y bälunghae vi dy” näkha dawng ö y ai dy. Honi ho saite lä hini kätyng vi. Isrelae khimi na üng bälung tangkö saite lä dungtäsa aekang y lyng. Ceng kälang na thung üng Säthaw tea yng saite na cungrü te khytä kae vi.

Pawlae ma Rom märü üng kangkawng tähang tärü saite cae 12:16

Yng saite khimi qütä hai bälung mangtä aedü ö. Aethaw ö hang. Mätang saite khimi hai kangby jä-ai na aesa ö. Mä-ai ma tea mä-ai ma bälunghae te vi näkha aedawng ö hang.

1 Korin 15:33

Khimi ce ma nang ce tea kaeling kaemae sa ö hang sy. Khimi ce üng thui saite lä, “Hawi y saite kangby jä-ai na ma nang ce üng aeme aeqa saite kähawi tea täphra te vi” näkha näte lä tüngkhaw te vi.

1 Korin 3:17

Khimi lawngtä ma Säthaw üng Ingkäcai tea täphra dylä, Säthaw lä honi khimi tea täphra vi ai. Ätephüng-a mei nädylä, Säthaw üng Ingkäcai lä caiping te phüng-a vi. Nang ma ce khekhe lä Säthaw üng Ingkäcai lawng ö te vi.

1 Korin 4:10

Kai ce lä Khrista tähang sa te phüng-a, khimi ce ma kai ce tea kangthö na näkha dawng ö te vi. Tungaila nang ce lä Khrista hai bungtä te phüng-a, bälungkähae awng vi näkha nang ce lä aedawng ö te vi. Kai ce tea haidae awng y. Nang ce lä ätete angxynlyng na sa hethang haidae awng näkha aedawng ö te vi. Khimi ce ma mä-ai tea mäthi y ngaila, nang ce tea äni ce lä tämö khai ö te vi.

1 Korin 6:9

Säthaw bung mäny saite khimi na lä Säthaw üng pyng saite pre hai aesui y näte nang ce lä kähawi-a mäny ö te vi. Nang ce lä mä-ai ma tea kaeling kaemae sa ö hethang kae y. Täkübäjang sa saite khimi na, mimi tea cäphaw saite na, nawngpui, nawngpaw kälang na hai i saite na, nawngmäcaw tingtawi i saite na, bäru saite na, ae-aw saite na, bärui saite na, käsi prawng saite na lä Säthaw üng pre pyng saite hai aesui ö te y vi.

Galati 6:3

Khimi lawngtä lä aely leng y ea ma, äma tea aely lengky-a aekhai dylä, äma tea kaeling aesa raw te kae vi.

Galati 6:7

Mä-ai ma tea kaeling sa raw ö hang. Säthaw üng dengpy saite tea lä mäthi y hethang kae y. Säthaw lä Khimi lawngtä tea äma üng hi saite ämöti kätyng-a äthai ae hai tyng vi ai.

Ephesi 5:6

Älo pawngpang na hai-a nang ce tea kaeling kaemae sa te na tea lä yng ö hang. Äqawng-a thui saite na kätyng hunghö na sa te phüng-a, Säthaw ma äma üng lo tängai y saite na tea lä qae y tea ma dengpy vi ai.

2 Timote 3:13

Käsi sa te hai kaeling sa te khimi na lä sa tämang ö rae ai mang. Äni ce lä khimi ce tea kaeling sa te kätyng khimi kälang na ma la äni ce tea kaeling sa ö by ai.

Titas 3:3

Mä-ai la jangni-a lä kaerö te hai älo aetängai vai y saite na by vi. Tukha khimi ce lä mä-ai tea lolang tämang hai ö te vi. Mä-ai lä jangni-a ngaiphi tüng y saite cawngkhang na mang-a hui hethang aepä-üng haw ö y. Mä-ai lä kawng saite hai bädö saite amäjy angxynlyng na tea mawsawng na lawng te vi dy. Mä-ai lä kätü qütä käsi sa kha khimi ce tea pä-e ö te vi. Khimi ce lä mä-ai tea esäre kha mä-ai la äni ce tea esäre ö tyng te by vi dy.

Jako 1:22

Nang ce lä Säthaw üng lo tea tängai te qaitä y käla sa hethang kae. Khimi lawngtä ma tängai kha sa y dylä, äni lä äma tea kaeling kaemae aethui raw te vi.

Jako 1:26

Khimi lawngtä lä Säthaw tea yng te kätyng sa saite tea dawng kha äma üng täbawng tea aeküng y dylä, äni lä äma tea kaeling kaemae sa te vi. Äni üng sa saite lä Säthaw üng maw-a ävang ting y.

1 Johan 1:8

Mä-ai lä hunghö awng y näkha thui dylä, mä-ai ma tea kaeling kaemae sa ö te kae. Säthaw üng lo mitang lä mä-ai üng bälung thung-a awng y.