1 Korin 3:1 - Caekäcai Kangthae (Lemi)

¹ Kai üng kangby jä-ai na ä, kai lä Korin märü-a awng saite kätü-a, nang ce tea lä Muilaw Käcai ma pyng saite khimi na tea thui te kätyng thui haw y. Hini älawngpre üng khimi na tea thui te kätyng, kai lä nang ce tea thui hethang kae. Nang ce üng Khrista tea yng saite lä aethawdi te phüng-a, Khrista tea yng saite üng nade na-a lawng ö te vi rawng.

Asang Khongso New Testament

¹ Naukamzanawk, thuih tangtang nahaeloa Pakhra ka tawn kaminawk khaeah ka thuih batiah nangcae khaeah ka thuii thai ai; hi longnui ih kami batiah hoi Khrihca taanghaih bangah naukta batiah nangcae khaeah ka thuih hanah oh.

1 Korin 3:1 ပူးပေါင်းရင်းမြစ်များ

Mathai 16:23

Isu lä aehawi kha Peterae tea “Nang lä Setan angra kätyng älo thui te kae vi. Kai te üng aehi la. Nang lä kai tea sa tälokhei te vi. Nang lä Säthaw kätyng aedawng y käla khimi ce kätyng aedawng te kae vi” näkha näpa.

Pawlae ma Rom märü üng kangkawng tähang tärü saite cae 7:14

Ubädi lä Säthaw üng Muilaw hai aesui vi näte mä-ai lä mäny ö vi. Tungaila kai lä dü haw saite ätabung hai aesui saite khimi lawng kha hunghö üng mawsawng lawng te vi.

1 Korin 14:20

Kangby jä-ai na ä, nang ce lä ryng y saite nade na kätyng dawng ö hethang kae y. Hunghö sa saite-a lä nade na kätyng awng ö. Tungaila ryng saite khimi na kätyng nang ce lä aedawng ö lawi.

1 Korin 14:37

Khimi lawngtä ma äni lä buisaw läsy, äni tea lä Muilaw Käcai ma py saite sakaw saite awng te läsy, näkha dawng dylä vaihi nang ce tea kai ma tärü saite lä Areng üng särilo vi näte äni lä mäny hethang kae.

1 Korin 2:6

Tungaila yng te ryng saite khimi na tea kai ce lä bälunghae saite angthang na hai thui ö te vi. Hini bälunghae saite lä hini älawngpre üng khimi na üng bälunghae saite hai hini älawngpre tea pyng hethang aenae awng saite na hai aesui te y. Hini älawngpre tea pyng saite mätawngky na üng aenae lä la vi ai.

Galati 6:1

Yng saite kangby jä-ai na ä, khimi lawngtä hunghö sa saite tea nang ce thung üng lawngtä ma nung dylä, Muilaw Käcai hai-a yng ca saite nang ce lä äni tea älang kätüng mang-a bähawi haile tyng pa ba. Äni tea lä älo käneng hai säbawng haile tyng hethang kae. Nang ce la nang ma ce ma hunghö sa y hethang sädi khai ö ba.

Hebrai 5:13

Känö tui qaitä nei saite khimi lä äby kae vi rawng. Käsi hai kähawi näsaite tea lä täphü hethang kaw te y vi rawng.

1 Johan 2:12

Kai üng bälung aevaw saite caw nade na ä, Säthaw ma nang ce üng hunghö na lä Khrista üng phüng-a bälawi vi dy näte phüng kai lä nang ce tea tärü te vi.