1 Korin 2:6 - Caekäcai Kangthae (Lemi)

⁶ Tungaila yng te ryng saite khimi na tea kai ce lä bälunghae saite angthang na hai thui ö te vi. Hini bälunghae saite lä hini älawngpre üng khimi na üng bälunghae saite hai hini älawngpre tea pyng hethang aenae awng saite na hai aesui te y. Hini älawngpre tea pyng saite mätawngky na üng aenae lä la vi ai.

Asang Khongso New Testament

⁶ To-e Ciinghaih tamthang lok hae pakhra bangah kacoeh kaminawk khaeah ni ka taphong. To-e ato ciinghaih ih loa hi long ciinghaih ih na ai, hi longnui ukkungnawk tharahhaih ih na ai; ato tharahhaih ihnawk loa ka boeng duhdu tharahhaih ih ni.

1 Korin 2:6 ပူးပေါင်းရင်းမြစ်များ

Mathai 13:22

Angling thung-a aeqa saite ämöti na lä Säthaw üng lo thai pyng saite khimi na tea thui te vi. Tungaila äni ce lä bälung mawng saite hai tawngnang saite hai ngai saite na phüng-a yng saite lä ryng kha äthai aethai haw y.

Mathai 19:21

Isu ma äni tea “Nang cungrü bawi hethang ngai dylä, ly kha nang üng awng saite angxynglyng na jaw king kha dang saite tangkae khimi kangtang na tea py pa. Hokä sa dylä, nang lä Känipre ingthawng dang ai mang. Honi pyng-a kai leithung hui” näkha näpa.

Mathai 5:48

Tukätephüng-a Känipre üng Pä-ai Säthaw lä cungrü te kätyng nang ce la cungrü-a awng ö jo.

Luka 16:8

“Kätüng khaw-a sa y saite mawsawng kälengky tea äni üng Ingkung ma kähawi thui pa vi dy. Ätephüng-a mei nädylä mawsawng kälengky lä bälunghae te hai sa pa te phüng-a vi. Hini älawngpre üng khimi ce lä Säthaw üng khimi ce qawng-a äma ce äpy na hai aepawng tea lä bälunghae ö ky te vi.

1 Korin 1:28

Säthaw lä khimi ceng kaeneng na hai älawngpre üng khimi na ma mäthi y saite na, aetütü kätyng dawng saite na bung re te vi dy. Ätephüng-a Säthaw ma hikä sa te mei nädylä, älawngpre üng khimi na ma aely leng vi näsaite na tea täkhüja hethang vi.

1 Korin 12:8

Muilaw Käcai ma khimi lawngtä tea lä bälungkähae hai thuikaw saite py vi dy. Lawngtä tea lä äni ma mänykaw saite hai Säthaw üng Angthang Kähawi thuikaw saite py te vi dy.

1 Korin 14:20

Kangby jä-ai na ä, nang ce lä ryng y saite nade na kätyng dawng ö hethang kae y. Hunghö sa saite-a lä nade na kätyng awng ö. Tungaila ryng saite khimi na kätyng nang ce lä aedawng ö lawi.

1 Korin 2:1

Kai üng kangby jä-ai na ä, nang ce üng mityng-a Säthaw üng angthang thui hethang tyng te kätü-a, kai lä älo thuikaw bärai saite, bälungkähae hai nang ce tea thui te y lyng.

1 Korin 2:13

Tukätephüng-a kai ce lä hini phüng na khimi ce tea thui te kätü-a, khimi ce ma mätu te bälunghae saite lo na hai tawng ö te y. Muilaw Käcai ma mä-ai tea mätu te bälunghae saite lo na hai kai ce lä Muilaw Käcai hai aesui saite na tea thui mäcai ö te vi.

1 Korin 2:8

Vaihi dung üng hini älawngpre tea pyng saite mätawngky na lä Säthaw üng bälunghae te hai sa rüng saite mawlang kaedawng tea mänykaw ö y vi. Säthaw ma sa saite na tea mänykaw dylä, äni ce lä phung-ang awng saite mä-ai üng Areng bung thinglang qawng-a saemu hai täheng kha bädü ö y lyng.

1 Korin 3:1

Kai üng kangby jä-ai na ä, kai lä Korin märü-a awng saite kätü-a, nang ce tea lä Muilaw Käcai ma pyng saite khimi na tea thui te kätyng thui haw y. Hini älawngpre üng khimi na tea thui te kätyng, kai lä nang ce tea thui hethang kae. Nang ce üng Khrista tea yng saite lä aethawdi te phüng-a, Khrista tea yng saite üng nade na-a lawng ö te vi rawng.

2 Korin 1:12

Kai ce lä hini phüng aethaw ö te vi. Hini älawngpre-a Säthaw ma py saite käcai hai tüng saite na kai ce lä awng näte kai ma ce üng käsi kähawi sa saite bälung ma thui te vi dy. Nang ce hai mangtä awng khaw te thüng-a ämi lawngtä ma la cy haw y hethang kai ce lä sädi khai ö te vi. Tungaila kai ce lä hini tea khimi ce üng bälunghae saite hai-a sa ö te y. Säthaw üng tähang kähawi hai-a sa ö te vi dy.

2 Korin 13:11

Kai üng kängby jä-ai na ä, kangkhüng üng cibai sa saite lo lä nang ce lä nawsaw hawi kha anghawtho ö sy. Cungrü hethang aethawsa ö. Kai ma nang ce tea thui pyng saite tea tängai ea bälung haetä awng kha awngneng te hai-a ma awng ö. Hini kätyng nang ce sa dylä, bälung aevaw te hai awngneng te käpy Kung, Areng Säthaw, lä nang ce hai mangtä awng ai.

2 Korin 4:3

Kai ce thui saite Angthang Kähawi tea ho dylä, Säthaw ma täphra saite na tähang ho te vi.

2 Korin 4:4

Hini älawngpre tea pyng saite Setan lä yng y saite khimi na üng bälung kaedawng na tea ving hai pa te vi. Tukätephüng-a äni ce lä Khrista phüng Angthang Kähawi üng phung-ang aesang saite kaevang tea nung haw ö y. Khrista lä Säthaw hai aetawng khaw te vi.

Ephesi 2:2

Nang ce lä hini älawngpre üng khimi na kätyng hunghö sa ö te vi dy. Khösang-a awng kha haidae awng te angra na bung pyng saite Setan angra tea hui ö vi dy. Hini Setan angra lä Säthaw lo tängai y saite khimi na bung hawi y saite mang-a bähawi jawjaw vi.

Kolosa 1:28

Kai ce lä Khrista üng Angthang khimi qütä tea thui ö vi. Säthaw ma py saite bälung kähae hai kai ce lä khimi qütä tea mäcü ö te vi. Khrista hai mangtä aede hethang khimi qütä lä Säthaw maw-a tyng te kätü-a cungrü hai hethang kai ce lä honi kätyng sa ö te vi.

Kolosa 4:12

Nang ce üng lawngtä Khrista Isu üng mawsawng Epaphra, la nang ce tea cibai sa te lo thui by vi. Nang ce tähang äni lä aetang jawjaw pa te vi. Nang ce üng yng saite cakhi hethang Säthaw üng sa pa saite na tea nang ce mäny hethang äni ma aetang jawjaw pa te vi dy.

Hebrai 5:14

Tungaila bö ang na lä ryng saite khimi na tähang kae. Äni ce lä käsi hai kähawi tea täphü kaw hethang aetu ö pyng te vi dy.

Hebrai 6:1

Tukätephüng-a angcü üng Khrista phüng mätu saite na tea khaisö kha yng te ryng hai hethang mätu saite na tea mä-ai lä ly ö si. Mä-ai üng yng saite aenyng nae tea lä mätu haile tyng hethang aely ngai te y lyng.

Jako 3:15

Hokä bälunghae saite lä Säthaw te üng tho te y. Säthaw üng Muilaw lä mä-ai tea hini kätyng bälunghae hai te y vi. Honi bälunghae hai saite lä älawngpre hai aesui kha Setan angra te üng tho te kae.

Jako 3:2

Mä-ai angxynlyng na lä tämang saite cawngkhang na sa ö te vi. Älo hai thui tämang y saite khimi dylä cungrü te vi. Äni lä äma üng ätabung angxynlyng na tea aeküng haw te vi.

1 Piter 5:10

Nang ce lä tänaetä mätang bälai pyng-a, tähang kähawi angxynlyng na üng Säthaw lä nang ce tea yng te cakhi hai kha aethaw awng hai ea cungrü hai ö vi ai. Äni lä Isu Khrista hai-a äma üng dungtäsa phung-ang thung-a qa hethang nang ce bung re te vi dy.