1 Korin 2:14 - Caekäcai Kangthae (Lemi)

¹⁴ Muilaw Käcai awng y saite khimi lä Säthaw üng Muilaw ma mä-ai tea mätu saite na tea yng hethang ngai te y vi. Hini mätu saite na lä kangthö lo na vi näkha äni lä dawng kha thaikaw haw y. Ätephüng-a mei nädylä Muilaw Käcai awng saite khimi qaitä ni Muilaw Käcai ma thui hai hethang ngai saite lo tea thaikaw haw te vi.

Asang Khongso New Testament

¹⁴ Ami doeh Pakhra ka tawn ai loa Sithaw Pakhra khae hoi-ih kangzo langrae to hak o thai ai. Tobatih kami mah loa thaih doeh thaihkop thai ai roeroe; kawmawtiah langrae atho ohhaih ih to pakhra bang hoiah khueh panoek thai pongah anih han loa amthuhaih iah oh.

1 Korin 2:14 ပူးပေါင်းရင်းမြစ်များ

Mathai 16:23

Isu lä aehawi kha Peterae tea “Nang lä Setan angra kätyng älo thui te kae vi. Kai te üng aehi la. Nang lä kai tea sa tälokhei te vi. Nang lä Säthaw kätyng aedawng y käla khimi ce kätyng aedawng te kae vi” näkha näpa.

Johan 10:20

Khimi phütä na ma “Äni lä angra kung kha kangthö vi. Ätephüng-a äni lo tea tängai ö te mei” näkha näpa.

Johan 12:37

Isu ma äni ce üng maw-a kamarae na awng mang-a sa pa vi dy. Tungaila äni ce lä Isu tea yng ö pa y vi rawng.

Johan 14:17

Äni lä Säthaw phüng mitang-a aetüng pa saite Muilaw Käcai vi. Älawng üng khimi na lä honi Muilaw Käcai bung bälung thung-a mäkung haw y. Nung y kha äni bung mäny ö y. Tungaila nang ce üng bälung thung-a hini Muilaw Käcai awng jawjaw te phüng-a, nang ce lä äni bung mäny te vi.

Johan 14:26

Pä-ai lä kai üng ämüng hai-a, nang ce tähang mätaw saite säbawng te Kung, Muilaw Käcai lä, nang ce tea angxynlyng na mätu pa ai. Kai thui pyng te na sädi dang hai ai mang.

Johan 15:26

“Säbawng te Kung Muilaw Käcai bung nang ce tähang Kai ma mätaw ai. Hini Muilaw Käcai lä Säthaw phüng mitang khaw-a thui ai. Äni lä Pä-ai te üng ly kha Kai phüng thui pa ai mang.

Johan 5:44

Nang ce lä lawngtä hai lawngtä tea aebälaw hethang ngai ö te kae vi. Tungaila lawngtä xyng awng te Säthaw üng bälaw te dang hethang lä aethaw aesa ö y. Tudylä nang ce lä ätemakä sa kha kai tea yng haw ö ai mei.

Johan 8:43

Ätephüng-a Kai thui saite lo nang ce lä thaikaw ö y te vi mei. Kai thui saite älo nang ce lä thai he ngai y te phüng-a vi.

Angtawtha 16:14

Äni ce thung-a Lidia näsaite nawngmädi lawngtä awng vi. Äni lä Thetaria märü üng ly kha ävang ting saite äsae kangthing na rang kha jaw te nawngmädi lawngtä vi. Äni lä Säthaw tea cäphaw kha awng vi. Pawlae thui saite angthang na tängai khü hethang Areng Isu ma äni üng bälung tea mäny hai va pa vi dy.

Angtawtha 17:18

Epikura üng bälung käcüng aedawng saite hai Satu-i üng bälung käcüng aedawng saite Särae na hai la, Pawlae lä aedüng aethui vi dy. Honi thung üng khimi phütä na ma “Hini lopu lä äte na thui hethang ngai te mei” näkha düng pa. Äkälang khimi na ma “Äni lä ceng kälang na üng angra na phüng thui te ngaw müng” näkha näpa. Ätemakä mei nädylä, Pawlae lä Areng Isu phüng hai äni dü te üng aetha te Angthang Kähawi thui te phüng-a vi.

Angtawtha 17:32

Pawlae ma kädü üng aetha haile te phüng thui te thai ea lä khimi phütä na ma, mänui hai pa ö vi. Tungaila khimi phütä na ma “Nang thui saite phüng, kai ce thai haile tyng hethang ngai rae vi rawng” näkha näpa ö vi.

Angtawtha 18:15

Tungaila hini aedüng aethui saite älo hai ämüng na lä nang ce üng reitae hai aesui te phüng-a, nang ma ce ma aethui ö raw te kae. Kai ma hini phüng tea lä tärae cei hethang ngai y lyng” näkha näpa.

Angtawtha 25:19

Äma ce üng reitae phüng älo ae-e ö vi. Äni ce lä Isu näsaite lawngtä dü te phüng thui ö te vi. Tungaila Pawlae lä Isu lä hing haile tyng vi näkha ae-e vi.

1 Korin 1:18

Khimi phütä na lä Khrista üng thinglang qawng-a dü saite angthang tea kangthö lo na kae näkha dawng ö vi. Hini khimi ce tea lä Säthaw ma täphra vi ai. Tungaila Säthaw ma aeqang saite mä-ai tähang, hini angthang lä Säthaw üng haidae awng vi.

1 Korin 1:21

Säthaw üng bälunghae saite mawlang kaedawng hai-a khimi ce lä äma ce üng bälunghae saite hai manila Säthaw tea mäny haw ö y näkha Säthaw lä aedawng khü te vi. Säthaw üng mawlang kaedawng lä mä-ai thui saite Khrista üng bälunghae y te Angthang tea yng saite khimi na bung äni ma aeqang saite na tea näte vi.

1 Korin 1:23

Tungaila kai ce lä thinglang qawng-a bädü saite Khrista üng Angthang tea thui ö vi. Judae khimi na lä hini Angthang tea thai hethang ngai ö y. Ceng kälang khimi na lä hini Angthang tea aetütü kae näkha dawng ö vi.

1 Korin 1:25

Khimi phütä na lä thinglang qawng-a dü saite Khrista üng angthang tea kangthö lo näkha dawng ö vi. Tungaila Säthaw lä khimi angxynlyng na qawng-a bälunghaeky vi. Khimi phütä na lä Säthaw ma Khrista bung thinglang qawng-a dü hai te phüng-a, Säthaw lä haidae awng y näkha dawng ö vi. Tungaila Säthaw lä haidae awng saite khimi na qawng-a haidae awngky vi dy.

1 Korin 15:44

Ö saite ätabung lä hini älawng hai aesui saite ätabung vi. Säthaw ma mäning haile saite ätabung lä, Muilaw Käcai hai aesui saite ätabung vi. Älawng hai aesui saite ätabung awng dylä, Muilaw Käcai hai aesui saite ätabung la awng te vi.

1 Korin 15:46

Hini älawng hai aesui saite ätabung lä angcüky-a awng te vi dy. Honi pyng-a Muilaw Käcai hai aesui saite ätabung lä tyng te vi.

1 Korin 2:12

Säthaw lä hini älawngpre-a khimi ce üng älang kaedawng saite kätyng mä-ai tea py te y. Äni lä äma üng Muilaw mä-ai tea py te vi dy. Tukätephüng-a Säthaw ma mä-ai tea py saite angxynlyng na mä-ai lä mäny haw ö te vi.

1 Korin 3:1

Kai üng kangby jä-ai na ä, kai lä Korin märü-a awng saite kätü-a, nang ce tea lä Muilaw Käcai ma pyng saite khimi na tea thui te kätyng thui haw y. Hini älawngpre üng khimi na tea thui te kätyng, kai lä nang ce tea thui hethang kae. Nang ce üng Khrista tea yng saite lä aethawdi te phüng-a, Khrista tea yng saite üng nade na-a lawng ö te vi rawng.

Jako 3:15

Hokä bälunghae saite lä Säthaw te üng tho te y. Säthaw üng Muilaw lä mä-ai tea hini kätyng bälunghae hai te y vi. Honi bälunghae hai saite lä älawngpre hai aesui kha Setan angra te üng tho te kae.

1 Johan 2:20

Tungaila Khrista lä äma üng Muilaw Käcai tea nang ce tähang py kha nang ce angxynlyng na lä lo mitang tea mäny ö king te vi dy.

1 Johan 2:27

Nang ce tea lä Khrista ma Muilaw Käcai py te vi dy. Honi Muilaw Käcai lä nang ce üng bälung thung-a awng jawjaw ö te vi. Tukätephüng-a nang ce tea lä lo mitang phüng khimi kälang na ma mätu hethang ngai y dy lyng. Muilaw Käcai ma nang ce tea angxynlyng phüng na mätu te vi dy. Äni üng mätu saite na lä mitang khaw te vi. Kaeling kaemae thui te y lyng. Muilaw Käcai üng mätu saite nang ce lä tängai kha Khrista hai bungtä awng ö lawi.

1 Johan 5:20

Säthaw üng Cäpaw lä hini älawngpre-a ly kha mä-ai tea mänykaw saite py te vi dy. Tukätephüng-a Säthaw tätang tea mä-ai lä mäny haw ö te vi. Mä-ai lä äni üng Cäpaw Isu Khrista hai bungtä awng te phüng-a, vaihi mä-ai lä Säthaw tätang hai bungtä awng ö te by vi. Hini lä Säthaw tätang vi. Äni lawngtä xyng ni khimi ce tea dungtäsa kähing py haw te kae.

Judae 1:19

Hini na lä nang ce tea aetäphü hai saite na vi. Äni ce lä äma ce üng ngaiphi tüng y saite na thung-a hui hai kha Muilaw Käcai tea yng y saite khimi na kae.