1 Korin 2:1 - Caekäcai Kangthae (Lemi)

¹ Kai üng kangby jä-ai na ä, nang ce üng mityng-a Säthaw üng angthang thui hethang tyng te kätü-a, kai lä älo thuikaw bärai saite, bälungkähae hai nang ce tea thui te y lyng.

Asang Khongso New Testament

¹ Naukamzanawk, nangcae khaeah kangzoh moa Sithaw ih loktamqu loktang lok to ka taphong na-ah thaih panoek han karai loknawk hoi kami thoemkophaih bangih lok to ka patoh ai.

1 Korin 2:1 ပူးပေါင်းရင်းမြစ်များ

Angtawtha 20:21

Aedawng mäkhüng ea Säthaw tea aekö haile hethang hai mä-ai üng Areng Isu tea yng hethang, kai lä Judae khimi na hai Käri khimi na tea la kähawi-a thui pa te vi.

Angtawtha 22:18

Äsämai thung-a Areng bung nung ea ‘Jerusalem märü üng tho praw lawi. Hini märü üng khimi na lä kai üng phüng nang thui te na tängai ö y lyng’ näpa.

Pawlae ma Rom märü üng kangkawng tähang tärü saite cae 16:18

Äni ce lä mä-ai üng Areng Isu Khrista üng kälu sa saite na ö y lyng. Äma ce üng ngai saite na tea dang hethang sa ö te kae. Äni ce lä älo käneng na, mäthaw saite älo na hai khimi bälung kähawi na tea kaeling kaemae sa ö te vi.

Pawlae ma Rom märü üng kangkawng tähang tärü saite cae 16:25

Säthaw üng phung-ang tea mä-ai lä bälaw ö si. Isu Khrista üng Angthang Kähawi tea kai ma thui te kätyng Säthaw lä nang ce üng yng saite cakhi hai hethang sa haw te vi. Honi Angthang Kähawi lä jangni üng khösäning leithung jungtä ho kha vaihi täphawng saite lo mitang vi.

1 Korin 1:17

Khrista lä baptismae py hai hethang kai bung mätaw te y. Äni üng Angthang Kähawi khimi ce tea thui hai hethang kai bung mätaw te vi dy. Kai lä Angthang Kähawi thui te thüng-a, khimi ce üng bälungkähae lo hai-a thui te y lyng. Kai ma hini kätyng thui dylä, Khrista üng thinglang qawng-a dü saite angthang lä haidae awng haw y lyng.

1 Korin 1:6

Hini hai-a kai ce ma thui saite Khrista üng Angthang Kähawi lä mitang vi näte Säthaw lä nang ce tea mätü te vi dy.

1 Korin 2:13

Tukätephüng-a kai ce lä hini phüng na khimi ce tea thui te kätü-a, khimi ce ma mätu te bälunghae saite lo na hai tawng ö te y. Muilaw Käcai ma mä-ai tea mätu te bälunghae saite lo na hai kai ce lä Muilaw Käcai hai aesui saite na tea thui mäcai ö te vi.

1 Korin 2:4

Kai lä nang ce tea Säthaw üng angthang thui te kätü-a, kai ma üng bälunghae saite hai thui te y vi. Nang ce tea the saite lo na tawng kha thui te y lyng. Kai lä nang ce tea Muilaw Käcai üng haidae mätü hethang ngai te vi dy.

1 Korin 2:7

Kai ce ma thui te bälunghae saite lä Säthaw ma ho te bälunghae saite vi. Angcü üng hai ma Säthaw lä khimi ce tea hini bälunghae saite mätü te y vi. Säthaw lä hini älawngpre sa y te kälang üng hai ma, äni üng bälunghae saite hai-a mä-ai tea phung-ang py hethang sa rüng pyng te vi dy.

2 Korin 10:10

Khimi phütä ma, “Pawlae lä äma üng cae na hai aenae mätü kha tengxyng y haidae awng te vi. Tungaila äma khekhe lä kai ce üng maw-a tyng te kätü-a, äni lä aethawdi kha älo na thui lä aetütü kae vi” näkha thui ö te vi.

2 Korin 11:6

Kai lä älo thuikaw phi saite y ngaila, ätete na mäny haw hethang bälungkähae awng te vi. Hini lä kai ce ma älang cawngkhang na hai nang ce tea mäny hai rüng ö pyng te vi dy.

2 Thesalon 1:10

Areng Isu ly haile be te kätü-a, Äni tea yng saite khimi angxynlyng na lä tämö khai ea cangxei kha bälaw ö ai. Kai ce ma thui saite Äni üng angthang tea nang ce lä yng te phüng-a, hini khimi ce thung-a nang ce la qa ö by vi ai.

1 Timote 1:11

Hini mätu saite kätüng lä cangxei saite Säthaw üng phung-ang phüng Angthang Kähawi hai mangtä aebäla te vi. Hini lä Säthaw ma kai tea sa hai saite kälu vi dy.

2 Timote 1:8

Tukätephüng-a mä-ai üng Areng Isu phüng khimi ce tea thui hethang aejae hang ba. Äni üng tähang thawng thung-a pä-ung saite kai tähang la aejae hang. Angthang Kähawi tähang mätang bälaica saite thung-a kai hai mangtä mätang hethang awng rüng ba. Säthaw lä nang tea haidae py ai mang.

1 Johan 4:14

Mä-ai üng Pä-ai Säthaw lä hunghö ma pyng saite khimi qütä tähang Äcäpaw bung Aeqangkung kätyng hini älawngpre-a mätaw saite tea nung kha mä-ai lä thui ö te vi.

Lokphong 1:2

Johan lä äma nung saite angxynlyng na thui te vi dy. Hini lä Säthaw te mang üng lo angthang hai Isu Khrista hai-a täphawng saite lo mitang vi.

Lokphong 1:9

Kai lä nang ce üng kangby jä-ai Johan vi. Isu üng äkähui qütä aeting saite mätang bälai te tea nang ce kätyng kai la aeting kha änawngsa te by vi. Khrista bung Sanphrang-a khai saite äma üng äkähui qütä lä mätang bälai saite aeting hethang kae. Kai lä Isu phüng hai Säthaw üng Angthang thui te phüng-a, khimi ce ma kai bung lä Patmos angrai sälawng-a tha te vi dy.

Lokphong 19:10

Kai lä äni tea cäphaw hethang äni üng maw-a aebo vi dy. Tungaila äni ma, “Tukä lä sa hang. Kai lä nang ce hai yng saite kälang na kätyng mawsawng lawngtä by vi. Äni ce lä Isu üng täphawng saite lo mitang tea hui saite na kae vi. Säthaw tea phai cäphaw kae. “Isu Khrista üng täphawng saite lo mitang lä buisaw na tea thui hai pa te vi” näkha thui vi dy.