1 Korin 15:4 - Caekäcai Kangthae (Lemi)

⁴ Caekäcai thung-a tärü te kätyng, äni bung ö pyng-a, Säthaw ma ämäthung käni-a la mäning haile tyng pa te vi dy.

Asang Khongso New Testament

⁴ aphum o moa, Cabu Kacai thungah tarik ih batiah, ni thumto na-ah angthawksak let;

1 Korin 15:4 ပူးပေါင်းရင်းမြစ်များ

Mathai 12:40

Jonae lä mawi käleng üng äjo thung-a käni thungtä hai kärung-a rung thungtä awng te vi. Honi kätyng-a Kai, Khimi üng Cäpaw, lä älawng thung-a käni thungtä hai rung thungtä awng by vi ai.

Mathai 16:21

Isu ma äkähui na tea “Honi kätü üng hai aetawng ea kai lä Jerusalem märü-a ly kha mätangbälai te na aeting vi ai. Mätawngky na, mäthykung käleng na, Ubädi särae na ma kai tea mätangca-a sa ö vi ai. Kai bung bädü ö vi ai. Tungaila ämäthung käni pyng-a lä Säthaw ma kai bung mätha haile tyng vi ai” näkha cüngpra-a thui pa dy.

Mathai 20:19

Tupyng-a ceng kälang na üng kö thung-a a ö vi ai. Khimi ce ma Kai bung mänui hai ö vi ai. Ry kha kai bung lä äni ce ma thinglang qawng-a bädü ö vi ai. Tungaila ämäthung käni-a Säthaw ma kai bung mäning haile tyng pa vi ai” näkha näpa.

Marka 9:31

Ätephüng-a mei nädylä Isu lä äkähui na tea älo mätu hethang kätü py he ngai pa te vi. Äni ma “Khimi lawngtä ma Kai, Khimi üng Cäpaw, bung lä täre na kö thung-a a vi ai. Tukha äni ce ma kai bung bädü vi ai. Tungaila käni thungtä pyng dylä kai lä kädü thung üng aetha haile tyng vi ai” näkha thui pa vi dy.

Luka 24:26

Mesia lä hini kä mätangbälai hethang Säthaw üng aely kätyng kae vi. Tupyng-a ni Känipre-a Säthaw lä äni tähang phung-ang käleng py vi ai näte mäny hawi y vi nang mei” näpa.

Luka 24:46

Isu ma äni ce tea “Mosi üng Ubädi-a kai phüng thui saite lä hikä hei. Mesia lä mätang kha dü vi ai. Tupyng-a ämäthung käni-a lä kädü thung üngta hing haile tyng vi ai.

Luka 9:22

Tukha Isu ma äni ce tea “Kai, Khimi üng Cäpaw, lä mätangca hethang kae. Judae na üng mätawngky na, mäthykung käleng na hai Ubädi särae na ma kai tea lä khaisö kha bädü vi ai. Tungaila ämäthung käni-a lä hing kha aetha haile tyng vi ai” näpa.

Johan 19:38

Tupyng-a Arimathia märü üng Josefae lä Isu üng äro la hethang Pilata tea mäkai pa dy. Josefae lä Judae mätawngky na tea ri te phüng-a, Isu leithung kangru-a hui saite lawngtä vi. Pilata ma Isu ro la hethang py pa kha äni lä äro bung nähai pa.

Angtawtha 1:3

Isu lä mätang kha dü pyng ea angtawtha na tea käni ruibälitä ämaw aetüng kha äma lä hing kha awng haile te mäny hethang äma bung mätü leilae pa. Isu lä angtawtha na tea Säthaw üng pre phüng thui pa.

Angtawtha 17:31

Ätephüng-a mei nädylä, Säthaw ma re saite Areng hai-a, älawngpre üng khimi angxynlyng na tea kätüng-a, tärae cei saite kätü lä khai pa pyng te vi dy. Honi kätyng sa hethang, Isu bung kädü thung üng mätha haile te hai-a, khimi angxynlyng na tea sasi mätü te vi dy” näkha näpa.

Pawlae ma Rom märü üng kangkawng tähang tärü saite cae 6:4

Mä-ai lä baptismae la te hai-a Khrista hai mangtä dü kha äni hai mangtä ö te vi. Tukätephüng-a Khrista lä Äpä-ai üng phung-ang hai-a dü te üng hai hing haile tyng te kätyng mä-ai la hing saite kangthae-a hing haw ö te by vi dy.

Kolosa 2:12

Nang ce lä baptismae la te kätü-a, nang ce üng hunghö sa he ngai saite tea Khrista hai mangtä ö pyng te kätyng awng haw vi dy. Äni bung kädü thung üng mätha kha hing hai pa saite Säthaw üng phung-ang tea nang ce lä yng te phüng-a, Khrista hai mangtä dü saite thung üng nang ce la hing haile ö te by vi dy.

Hebrai 13:20

Awngneng py saite Säthaw lä beram rui te Kung käleng lawng saite mä-ai üng Areng Isu tea dü te üng mäning haile tyng pa vi dy. Honi lä Isu Khrista üng äthi hai-a sa te vi. Honi äthi lä dungtäsa aenai saite äsäny vi.

1 Piter 1:11

Äni ce lä yng saite na bung Säthaw aeqang ai näte kätü mäny hethang aethawsa kha aetu ö te vi dy. Äni ce thung-a awng saite Khrista üng Muilaw lä äma üng mätang bälai saite hai phung-ang phüng thui rüng pa te vi dy. Honi lä Muilaw Käcai ma äni ce tea thui saite kätü vi dy.