1 Korin 15:3 - Caekäcai Kangthae (Lemi)

³ Kai lä kai ma thai khe saite aely kälengky nang ce tea thui täryng te vi dy. Caekäcai thung-a tärü te kätyng, Khrista lä mä-ai üng hunghö na tähang dü pa vi dy.

Asang Khongso New Testament

³ Ka hak ih lokpui parai tiah nangcae khaeah kang thuih patoeng ih loa hi ni: Cabu Kacai thungah tarik ih batih toengah Khrih loa aicae zaehaih pongah a duek;

1 Korin 15:3 ပူးပေါင်းရင်းမြစ်များ

Mathai 26:24

Caekäcai ma tärü te kätyng Kai, Khimi üng Cäpaw, lä dü vi ai. Tungaila Kai, Khimi üng Cäpaw, bung täre na kö thung-a a saite khimi lä tähang si. Honi khimi aepeng y khyry dylä, äni tähang lä hawiky” näkha näpa.

Mathai 26:28

Hini cäpje tui lä awng mang saite khimi na üng hunghö tähang bälawng te kai üng äthi vi. Hini äthi lä Säthaw hai khimi ce säla-a aenai saite vi.

Luka 24:25

Tupyng-a Isu ma änini tea “Nang ni lä äte la dawng kaw hawi y te vi. Säthaw üng buisaw na lo tea yng hethang nang ni lä rae bärai hawi te vi.

Johan 1:29

Khawngdang mang üng käni-a Isu lä äni te mang-a ly te nung kha Johan ma “Älawng khimi ce üng hunghö la pa saite Säthaw üng beram caw tea kheng ö e.

Angtawtha 17:2

Pawlae lä äma sa vävawi te kätyng honi Judae na üng ingkäcai-a ly dy. Aehae te Käni thungtä khytä Caekäcai phüng aedüng ö dy.

Angtawtha 3:18

Tungaila Säthaw lä buisaw na hai-a, thui hai rüng te kätyng-a, Mesia lä mätang bälaica vi ai. Hini kätyng Säthaw ma thui saite lo lä cungrü hai te vi dy.

Angtawtha 8:32

Honi mätawngky phai saite Caekäcai ping-a lä, “Khimi ce ma äni bung beram kätyng ra hethang nähai ö vi. Beram lä ämui ba saite khimi na üng maw-a, sitäri-a awng te kätyng äni lä täbawng aepho y käla awng pa vi.

Pawlae ma Rom märü üng kangkawng tähang tärü saite cae 3:25

Khrista üng dü saite äthi hai-a, Säthaw lä khimi ce üng hunghö na tea bälawi haw hethang Säthaw lä äni bung löci kätyng sa pa vi dy. Khrista üng dü pa saite hai-a Säthaw lä äni ce üng hunghö na tea bälawi pa vi dy. Säthaw ma hikä sa te lä äma üng cüng saite tea mätü khekhe te vi. Jangni üng hai äni lä änawngsa kha khimi ce üng hunghö na tähang dengpy pa te y vi. Tungaila vaihi äni lä äma üng cüng saite mätü hethang Isu Khrista bung hikä dü hai hethang mätaw pa te vi dy. Honi kätyng Säthaw lä äma cüng vi näkha Isu tea yng saite khimi qütä bung lä khimi käcüng-a mäthi te vi dy.

Pawlae ma Rom märü üng kangkawng tähang tärü saite cae 4:25

Mä-ai üng hunghö tähang Säthaw ma Isu bung lä dü hethang a pa te vi. Säthaw lä mä-ai üng hunghö bälawi kha khimi käcüng-a awng haw hethang Khrista bung kädü thung üng mäning haile pa te vi dy.

1 Korin 11:2

Nang ce lä kai bung älang cawngkhang hai aedawng haile kha kai ma mätu pyng saite reitae na kätyng hui ö te phüng-a, kai lä nang ce tea bälaw te vi.

1 Korin 11:23

Areng ma kai tea mätu saite hini lä kai ma nang ce tea mätu rüng pyng te vi dy. Khimi ce ma Areng Isu bung äma üng täre na äkö thung-a a te kärung-a, äni lä täkaw la kha Säthaw tea bälaw pyng-a, täkaw tea täpe ea, “Hini täkaw lä nang ce tähang täpe saite kai üng ätabung vi. Kai tea aedawng haile tyng hethang hini kätyng ca ö jawjaw ba” näkha näpa.

2 Korin 5:21

Khrista lä manila äte hunghö sa vai te y vi. Tungaila Säthaw lä mä-ai üng tähang-a äni tea lä hunghö awng te kätyng mäthi te vi dy. Tukätephüng-a mä-ai lä Khrista hai bungtä awng ö dylä, Säthaw ma mä-ai tea lä khimi käcüng-a mäthi vi ai.

Galati 1:12

Khimi te üng hini angthang kai lä dang te y. Ämi ma la kai tea mätu te y. Isu Khrista ma kai tea aetüng hai te kae.

Galati 1:4

Mä-ai üng Pä-ai Säthaw aely kängai-a mä-ai üng hunghö sa te phüng-a, Isu Khrista lä dü pa te vi dy. Hini hai-a käsi kaedawng saite hai kähawi y sa saite khimi na kätyng awng y hethang äni lä mä-ai bung aeqang te vi.

Galati 3:13

Khrista lä mä-ai tähang angsawi lawi te hai-a, Ubädi üng angsawi lawi te üng mä-ai bung lä äni ma bälawi pa te vi dy. Hini phüng Caekäcai thung-a tärü te lä, “Thinglang qawng-a täheng kha mädü pa saite khimi qütä lä Säthaw üng angsawi lawi saite vi” näkha awng te vi.

Ephesi 1:7

Isu Khrista üng dü saite hai äthi phüng-a Säthaw lä mä-ai üng hunghö na bälawi kha mä-ai bung lawi hai te vi dy. Säthaw üng tähang kähawi lä tengxyng y leng bärai vi. Äni lä tähang kähawi hai-a mä-ai tea bälung kähae py kha äte angxynlyng na tea mäny hai king te vi dy.

Ephesi 5:2

Khrista lä mä-ai tea bälung aevaw kha mä-ai tähang dü pa te kätyng-a khimi kälang na tea la bälung aevaw ö lawi. Khrista lä äma üng hing saite lä löci aesa hethang Säthaw tea py pa te vi dy. Honi löci lä Säthaw tähang ämui hawi te vi.

Hebrai 5:1

Säthaw lä mäthykung kälengky qütä bung äma üng khimi na thung üng re te vi. Äni bung lä khimi ce üng jüng-a Säthaw tea mawsawng sa hethang khai pa te vi dy. Äni lä khimi ce üng hunghö na tähang Säthaw tea löci na sa kha lasawng na py pa hethang vi.

Hebrai 5:3

Äni lä äma ma khekhe la aethawdi te phüng-a khimi ce üng hunghö na tähang cang y äma üng hunghö na tähang la löci sa hethang kae te by vi.

1 Piter 1:11

Äni ce lä yng saite na bung Säthaw aeqang ai näte kätü mäny hethang aethawsa kha aetu ö te vi dy. Äni ce thung-a awng saite Khrista üng Muilaw lä äma üng mätang bälai saite hai phung-ang phüng thui rüng pa te vi dy. Honi lä Muilaw Käcai ma äni ce tea thui saite kätü vi dy.

1 Piter 2:24

Mä-ai üng hunghö na phüng-a, Khrista äma lä thinglang qawng-a mätang bälai pa te vi dy. Tukätephüng-a mä-ai lä khimi kädü kätyng hunghö sa hethang kae ö y dy. Mä-ai lä cüng saite tähang hing ö hethang kae. Äni üng tämaw na hai-a, nang ce üng tämaw na lä thae king ö te vi dy.

1 Piter 3:18

Mä-ai üng hunghö angxynlyng na tähang Khrista lä qengtä dü pa te vi dy. Äni lä nang ce bung Säthaw tea nähai hethang cüng saite lawngtä lä cüng y saite na tähang dü pa te vi dy. Khimi ce ma äni üng ätabung tea bädü ngaila, Säthaw lä äni bung Muilaw Käcai hai-a mäning haile tyng pa vi dy.

1 Johan 2:2

Mä-ai üng hunghö na tea Säthaw ma bälawi hethang Khrista äma lä löci sa saite mawi-a aelawng vi dy. Äni lä mä-ai üng hunghö qaitä tähang kae y, hini älawngpre-a awng saite khimi angxynlyng na üng hunghö na tähang la löci aesa saite by vi.

Lokphong 1:5

Isu Khrista lä sasi thui khü kha ae-y nae hawi khaw saite Kung vi. Säthaw ma äni bung lä kädü thung üng mätha angcü pa te vi. Äni lä älawngpre üng sanphrang angxynlyng na tea pyng saite Kung vi. Isu Khrista lä mä-ai tea bälung aevaw kha äma üng äthi hai-a mä-ai üng hunghö na aelawi hai te vi dy.