1 Korin 15:2 - Caekäcai Kangthae (Lemi)

² Kai ma nang ce tea thui pyng saite lä Angthang Kähawi tea nang ce yng khi ö dylä, Säthaw ma Angthang Kähawi hai-a nang ce bung aeqang ai. Hokä y dylä nang ce üng yng saite lä aetütü-a lawng ö te vi.

Asang Khongso New Testament

² Nangcae khaeah kang thuih o ih lok loa Tamthang kahoih ni. Ato tamthang lok to kacak ta-ah na patawn o nahaeloa pahlong ah om o tih. Kacak ah na patawn o ai nahaeloa nangcae taanghaih ih loa azompui ah om tih.

1 Korin 15:2 ပူးပေါင်းရင်းမြစ်များ

Luka 8:13

Älung qawng-a aeqa te ämöti na lä Säthaw lo thai kha kawng bärai te hai yng praw saite khimi na tea thui te vi. Tungaila Säthaw lo äni ce üng bälung thung-a cakhi y te phüng-a tänaetä yng ö te kae. Mätangca saite aeting te kätü-a lä yng jawjaw ö y vi dy.

Angtawtha 2:47

Äni ce lä Säthaw tea bälaw te hai, khimi angxynlyng na maw-a mimai dang ö vi. Tukha Areng Isu ma käni qütä khimi ce bung aeqang kha yng saite na lä aepu rae pa vi dy.

Angtawtha 8:13

Simon äma mäteng ma yng kha Philip te üng baptismae la by vi dy. Tukha äni lä Philip leithung mityng qütä-a hui vi dy. Äni lä kamarae käleng na nung te phüng-a, cangxei phi pa te vi.

Pawlae ma Rom märü üng kangkawng tähang tärü saite cae 1:16

Kai lä Angthang Kähawi tähang aejae te y. Honi Angthang Kähawi yng saite angxynlyng na tea aeqang hethang lä Säthaw üng haidae vi. Honi Angthang Kähawi lä angcüky-a Judae khimi na tähang hai honi pyng-a lä ceng kälang khimi ce tähang by vi.

Pawlae ma Rom märü üng kangkawng tähang tärü saite cae 11:22

Hikä dylä Säthaw lä khimi tea matangtä bäheng kha matangtä dengpy te tea mä-ai lä mäny haw ö te vi. Äni lä äma tea aekö haile tyng saite khimi tea dengpy te vi. Tungaila äni üng bäheng te tea ae-y saite nang ce khimi ceng kälang na bung lä Säthaw ma bäheng jawjaw vi ai. Nang ce ma Säthaw üng bäheng saite tea ae-y jawjaw y dylä, nang ce tea lä Säthaw ma cangpre kätyng tängang ö by vi ai.

1 Korin 1:18

Khimi phütä na lä Khrista üng thinglang qawng-a dü saite angthang tea kangthö lo na kae näkha dawng ö vi. Hini khimi ce tea lä Säthaw ma täphra vi ai. Tungaila Säthaw ma aeqang saite mä-ai tähang, hini angthang lä Säthaw üng haidae awng vi.

1 Korin 1:21

Säthaw üng bälunghae saite mawlang kaedawng hai-a khimi ce lä äma ce üng bälunghae saite hai manila Säthaw tea mäny haw ö y näkha Säthaw lä aedawng khü te vi. Säthaw üng mawlang kaedawng lä mä-ai thui saite Khrista üng bälunghae y te Angthang tea yng saite khimi na bung äni ma aeqang saite na tea näte vi.

1 Korin 11:2

Nang ce lä kai bung älang cawngkhang hai aedawng haile kha kai ma mätu pyng saite reitae na kätyng hui ö te phüng-a, kai lä nang ce tea bälaw te vi.

1 Korin 15:14

Säthaw ma Khrista bung dü saite thung üng mäning haile y dylä, mä-ai thui saite angthang hai nang ce üng Khrista tea yng saite lä ävang käting y-a lawng te vi.

2 Korin 2:15

Mä-ai lä Säthaw tähang Khrista üng löci mui kähawi kätyng vi. Mä-ai lä Säthaw ma aeqang saite khimi na hai dengpy saite khimi na thung-a aehö saite ämui kätyng vi.

2 Korin 6:1

Kai ce lä nang ce hai Säthaw üng kälu mangtä sa saite kängby jä-ai na lawng te phüng-a, nang ce tea mäci he ngai ö te vi. Säthaw ma nang ce angxynlyng tea tähang kähawi py vi dy. Tukätephüng-a Säthaw üng tähang kähawi tea aetütü-a lawng hai hethang lä sa ö hang.

Galati 3:4

Nang ce lä Angthang Kähawi yng te phüng-a mätang bälai saite awng mang ö te vi dy. Nang ce üng mätang bälai saite lä aetütü y te vi näte kai lä aethang khai te vi.

Ephesi 2:8

Khrista tea yng te phüng-a äma üng bäheng saite hai-a, Säthaw ma nang ce bung aeqang vi dy. Nang ce üng aethawsa saite phüng-a, äni lä nang ce bung aeqang te y. Äni lä nang ce bung äjawng-a aeqang te vi.

Kolosa 1:23

Nang ce lä Angthang Kähawi tea yng jawjaw kha khimi käcüng-a lawng ö hethang kae. Angthang Kähawi thai ea dang saite aethang khai te üng nang ce lä aemäqaja hethang kae ö te y. Nang ce thai pyng saite hini Angthang Kähawi lä älawngpre mityng qütä awng saite khimi na tea thui pa ö. Kai, Pawlae, lä honi Angthang Kähawi üng mawsawng lawng te vi dy.

2 Thesalon 2:15

Tukätephüng-a yng saite kangby jä-ai na ä, nang ce üng yng saite lä ca ö khi ba. Kai ce lä nang ce tea älo hai läsy, cae hai läsy, mätu pyng saite na tea lä yng khü jawjaw ö ba.

2 Timote 1:9

Säthaw lä mä-ai bung aeqang kha käcai-a hing hethang ka te vi dy. Äni lä mä-ai üng kähawi sa saite na phüng-a ka te y lyng. Äma ma üng mawlang kaedawng hai tähang kähawi phüng-a vi. Älawng sa y te kälang-a ma, Säthaw lä äma üng tähang kähawi mä-ai tea mätü hethang Isu Khrista bung mätaw te hai-a sa rüng te vi dy.

Hebrai 10:23

Khimi ce maw-a mä-ai thui saite aethang khai te tea lä cakhi-a süng ö si. Ätephüng-a mei nädylä Säthaw ma älo aedo saite tea sa khü hethang mä-ai lä ae-y haw ö te phüng-a vi.

Hebrai 2:1

Tukätephüng-a mä-ai lä thai saite lo mitang tea kähawi-a tängai ö khü hethang kae. Tukä y dylä mä-ai üng yng saite lä laja vi ai.

Hebrai 3:14

Mä-ai lä angcü üng yng te kätyng kangteng khytä Säthaw tea bälung ae-y khü kha awng dylä, Säthaw ma Khrista tea py hethang awng saite thung-a mä-ai lä qa ö te by vi.

Hebrai 3:6

Tungaila Khrista lä Säthaw üng Cäpaw kätyng ae-y khü saite hai äma üng ing angxynlyng na tea pyng te vi. Mä-ai lä ri y te bälung awng kha mä-ai ma üng aethang khai saite Khrista tea ae-y khü dylä, mä-ai lä Säthaw üng ing hai äma üng khimi na vi.

Hebrai 4:14

Mä-ai tea Säthaw üng Cäpaw Isu näsaite Mäthykung Kälengky lawngtä awng vi. Äni lä Käni na mang cäqeng kha Säthaw üng maw-a tyng te vi. Tukätephüng-a mä-ai lä täbawng hai aepho kha yng saite tea lä cakhi-a aekhaw ö si.

Jako 2:14

Yng saite kangby jä-ai na ä, khimi lawngtä lä yng näkha thui ea hawi saite kälu na sa y dylä, honi lä äma tähang ävang ting te y vi. Hini kätyng yng saite lä äma tea aeqang haw y lyng.

Jako 2:17

Honi kätyng Isu Khrista tea yng ngaila, hawi saite kälu na sa y dylä, yng saite lä kädü kae vi.

Jako 2:26

Muilaw awng y saite ätabung lä kädü kätyng-a, kälu na sa y käla yng saite lä kädü kae vi.