1 Korin 14:3 - Caekäcai Kangthae (Lemi)

³ Tungaila buisaw lo na thui saite khimi lä yng saite na tea säbawng hethang, aethaw py hethang hai äni ce tea bälung bädang hethang aepe te vi.

Asang Khongso New Testament

³ To-e Sithaw lok ka taphongkung loa kami khaeah to a thuih moa kaminawk hanah a bomhaih, thahmaehaih hoi monghaih to a paek.

1 Korin 14:3 ပူးပေါင်းရင်းမြစ်များ

Luka 3:18

Johan lä Angthang Kähawi khimi ce tängai hethang älang cawngkhang na hai thui pa mang vi dy.

Angtawtha 13:15

Mosi üng Ubädi hai buisaw na tärü te cae na phai pyng ea lä, ingkäcai mätawngky na ma äni ce tea “By jä-ai na ä, khimi ce tea aethaw py hethang awng dylä, vaihi älo thui ö” näkha khimi bung mätaw kha äni ce tea thui hai pa dy.

Angtawtha 14:22

Märü qütä änini lä Yng saite khimi na hai aeting ea Säthaw üng Angthang Kähawi thui kha Isu tea yng jawjaw hethang aethaw py pa hawi dy. Tukha änini ma “Mä-ai Isu tea yng saite na lä Säthaw üng pre-a kung y te kälang-a, mätangbälai saite na aeting ö vi ai” näkha Yng saite khimi na tea thui pa dy.

Angtawtha 15:32

Buisaw Judae hai Saila ni lä äni ce tea kätü käsa-a aethaw py pa kha yng te cakhi hai rae vi dy.

Angtawtha 4:36

Josefae näsaite khimi lawngtä la awng vi. Äni lä Levi ceng kaesui vi kha Saipära angrai sälawng üng ly te vi. Angtawtha na ma äni tea Banaba näkha ämüng kangthae mäthi pa dy. (Banaba näsaite ämüng üng phüng lä khimi ce tea aethaw py saite khimi näte vi.) Banaba lä äma üng lai jaw kha angtawtha na maw-a phawisae khai pa vi dy.

Angtawtha 9:31

Honi kätü-a Judae khö, Kalile khö hai Samari khö mityng qütä-a kangkawng na lä awngneng pa vi dy. Kangkawng üng khimi na lä Areng Isu tea ri te bälung hai-a, awng kha Muilaw Käcai ma, äni ce tea säbawng kha aethaw py pa vi. Tukha yng saite na lä awng mang rae pa ö vi dy.

Pawlae ma Rom märü üng kangkawng tähang tärü saite cae 12:8

Mä-ai üng sakaw saite khimi tea aethaw py haw dylä, aethaw py hethang kae. Khimi ce tea säbawng he awng dylä, mäsai y käla säbawng hethang kae. Mä-ai üng sakaw saite lä yng saite na üng mätawngky-a sa hethang dylä, ae-eng kha sa hethang kae. Mä-ai üng sakaw saite hai khimi ce tea bäheng haw vi dylä, anghawtho te hai bäheng hethang kae.

Pawlae ma Rom märü üng kangkawng tähang tärü saite cae 14:19

Tukä dylä mä-ai lä awngneng hethang hai lawng lawngtä yng saite aethaw awng hethang aesäbawng ö jawjaw he kae.

Pawlae ma Rom märü üng kangkawng tähang tärü saite cae 15:2

Mä-ai angxynlyng na lä yng te aethawdi saite kangby jä-ai na üng yng saite ryng hai hethang säbawng ö he kae. Äni ce üng kähawi tähang äni ce tea kawng hai hethang mä-ai lä säbawng ö qi hethang kae.

1 Korin 10:23

Nang ce ma, “Kai ce lä sa hethang ngai saite angxynlyng na tea sa haw ö te vi” näkha nä ö te vi. Tätang khaw vi. Tungaila äte angxynlyng na lä yng saite na tähang aerawi te y lyng. Nang ce ma, “Mä-ai lä äte angxynlyng na sa haw vi” näkha nä ö te vi. Tungaila äte angxynlyng na lä yng saite na tea säbawng ö te y.

1 Korin 14:12

Nang ce lä Muilaw Käcai üng py saite sakaw te na tea ngai ö phi te vi. Tukätephüng-a Khristen kangkawng aethaw awng hai hethang säbawng saite sakaw te na dang he nang ce lä ngaiphi te bälung awng ö.

1 Korin 14:17

Nang ce üng Säthaw tea bälaw saite lä hawi ngaila, nang ce hai mangtä awng saite khimi na tähang lä ävang ting te y vi.

1 Korin 14:26

Kangby jä-ai na ä, kai thui hethang ngai te lä hini vi. Nang ce lä Säthaw tea cäphaw hethang mangtä aecö te kätü-a, lawngtä lä ae-awi thui, lawngtä lä Säthaw lo mätu, lawngtä lä äma tea Säthaw ma aetüng hai saite phüng thui, lawngtä lä mäny haw y saite lo hai angthang thui kha lawngtä ma lä mäny haw y saite lo tea thui mäcai pa te vi. Hini sakaw saite angxynlyng na lä kangkawng tea säbawng hethang tawng he kae.

1 Korin 14:31

Nang ce angxynlyng lä buisaw lo na, lawngtä pyng-a lawngtä thui haw ö te vi. Tukha nang ce angxynlyng lä mäny haw kha aethaw dang ö ai.

1 Korin 8:1

Vaihi mä-ai lä Säthaw bung mäny y saite khimi na ma mimi na tea löci sa saite mawi phüng thui ö si. Mä-ai angxynlyng na lä hini tea mäny saite bälung awng näte nang ce lä thui haw ö vi. Mäny saite khimi phütä na tea bälung leng ö te vi. Tungaila mä-ai Khristen na tingtawi bälung aevaw dylä, mä-ai ma tingtawi aethaw aepy ö te vi.

2 Korin 1:4

Äni lä mä-ai üng mätang bälai saite angxynlyng na thung-a mä-ai tea säbawng te vi. Tukätephüng-a mä-ai la mätang bälai saite na khimi ce aeting te kätü-a, äni ce tea säbawng haw ö te vi. Säthaw lä mä-ai tea säbawng te kätyng mä-ai la äni ce tea säbawng haw ö te by vi.

2 Korin 2:7

Tungaila vaihi lä äni tea hunghö bälawi kha aethaw py hethang kätü vi. Nang ce ma hini kätyng sa ö y dylä, äni lä bälungsi xüng kha aethawsi ea äma üng yng saite tea khaisö vi ai.

Ephesi 4:29

Älo aetütü saite na hai khimi kälang na tea naw rung khytä aepe ö hang. Honi jüng-a, khimi kälang na aethaw dang saite lo na nang ce lä aepe ö. Thai saite na tähang aesäbawng saite lo na aepe ö ba.

Ephesi 6:22

Tukätephüng-a kai lä äni bung nang ce tea mätaw te vi dy. Tudylä kai ce lä makä awng mei näte nang ce mäny haw hethang hai nang ce tea äni ma aethaw py haw hethang vi.

Kolosa 4:8

Kai ma äni bung nang ce tea mätaw te lä kai ce üng angthang thui king hethang hai nang ce tea aethaw py hethang tähang vi.

1 Thesalon 2:11

Äpä-ai lä caw nade na tea rui te kätyng, kai ce la nang ce tea rui qi te nang ce ma mäny ö te by vi.

1 Thesalon 2:3

Kai ce lä sa tämang kha cai y te kaedawng hai mäci te y. Kai ce lä ämi tea la kaeling sa hethang aethaw aesa te y lyng.

1 Thesalon 3:2

Hi-a kai ce awng te thüng-a, mä-ai üng kangby Timothe bung nang ce tea kai ce lä mätaw te vi dy. Äni lä Khrista üng Angthang Kähawi thui tea kai ce hai mangtä Säthaw üng kälu sa te vi. Nang ce üng yng saite na tea säbawng hethang hai aethaw py hethang äni bung kai ce ma mätaw te vi.

1 Thesalon 4:1

Kangkhüng-a lä yng saite kangby jä-ai na ä, nang ce lä Säthaw üng kängai-a makä sa kha awng ai mei näsaite phüng, kai ce lä mätu ö pyng te vi dy. Tätang khaw, nang ce lä hini kätyng awng ö te vi. Mä-ai lä Areng Isu hai bungtä te phüng-a, nang ce lä Säthaw üng kängai-a aeme aeqa rae hethang mäteng ma awng hethang kai ce lä vaihi aesi aebai kha mäci ö te vi.

1 Thesalon 4:18

Tukätephüng-a kai ma thui pyng saite phüng hai nang ce lä lawng lawngtä tea aethaw aepy ö ba.

2 Thesalon 3:12

Hokäti khimi ce tea kai ce lä äma ce ca nei haw hethang tähang-a, kälu tea khüsälü-a sa haile tyng hethang Areng Isu Khrista ma py saite aenae hai-a thui kha mäci ö te dy.

1 Timote 1:4

Kangsi kangjaw na cäkae kangrüng thung-a tenglei y thui saite na hai ceng kaesui kaebeng na phüng, kätü bärawng kha thui y hethang äni ce tea nang lä särilo hai mäkhang ba. Hini na phüng-a khimi ce lä aejaw aemang ö te vi. Hini na lä äni ce ma yng te hai-a Säthaw üng kälu sa hethang säbawng haw te y.

1 Timote 4:13

Kai tyng te khytä, Säthaw üng Caekäcai tea yng saite khimi na maw-a, phai pa, thui pa te hai mätu hethang kätü aela ba.

1 Timote 6:2

Ingkung na lä yng saite na dylä, äni ce lä Khrista phüng-a kangby jä-ai na lawng by vi dy näkha tämö khai y käla awng ö hang. Äni ce lä äma ce üng ingkung na tähang mawsawng kälu sa rae hethang mäteng ma kae ö te vi. Äni ce üng kälu hai-a ävang dang te khimi na lä yng saite na hai Khrista hai-a bälung aevaw saite na lawng ö vi dy. Hini älo na nang ma äni ce tea mätu kha mäci pa ö ba.

2 Timote 4:2

Angthang Kähawi thui ba. Kätü na hawi te läsy, hawi y te läsy, nang lä Säthaw üng lo thui hethang aerü rüng lawi ba. Khimi ce üng sa tämang te kätü-a, nang lä äni ce tea thui pa. Käsi sa te khimi na tea pring pa. Kätüng sa saite khimi na tea aethaw py pa. Honi kälu angxynlyng na tea nang lä änawngsa bärai te hai mätu te hai-a sa ba.

Titas 1:9

Äni lä mä-ai mätu pyng te Angthang Kähawi tea süng khü hethang kae. Honi angthang lä älo mitang kha lang te awng y vi näte äni lä yng khü haw te vi. Tukäte hai-a äni lä khimi kälang na tea aethaw py kha aesyng saite lo mätu haw ai. Aesyng saite mätu te tea elekhei sa saite khimi na üng sa tämang saite tea mätü haw pa hethang kae.

Titas 2:15

Yng saite na tea hini ätete cawngkhang na mätu pa. Äni ce tea aethaw py te hai aenae awng saite angxynlyng na hai pring pa. Ämi lawngtä ma la nang tea mäthi y te awng hang sy.

Titas 2:6

Hini kätyng särai na tea lä äma ce ma kähawi-a aeküng hethang mäci pa ö.

Titas 2:9

Mawsawng na tea lä ingkung na üng lo na tängai jawjaw hethang mätu pa. Äma ce üng ingkung na üng kängai sa hethang hai älo qa y hethang la mätu pa.

Hebrai 10:25

Khimi phütä na lä kangkawng üng khimi na aecöqu saite thung-a ly ö y vi dy. Tungaila mä-ai lä mangtä aecöqu jawjaw ö si. Areng tyng haile hethang käni lä aenai vi dy te phüng-a, mä-ai angxynlyng na lä aethaw aepy te qawng-a cang y aethaw aepy linglawng rae ö si.

Hebrai 13:22

Kangby jä-ai na ä, kai üng aethaw py saite angthang tea änawng käsa hai tängai hethang kai lä nang ce tea mäci te vi. Kai lä nang ce tea cae kädawi hai-a tärü vi dy.

Hebrai 3:13

Honi jüng-a nang ce thung üng ämi la hunghö üng kaeling kaemae-a qa kha bälung tangkö y hethang käni qütä lawng lawngtä tea aesäbawng ö. Isu Khrista ly haile te kätü khytä hini kätyng sa ö ba.

1 Piter 5:12

Kai lä yng khü saite Khristen kangby jä-ai kätyng mäthi saite Saila ma säbawng te hai-a, hini cae kädawi nang ce tea tärü te vi dy. Kai lä nang ce tea aethaw py hethang tärü te vi. Hini lä Säthaw üng tähang kähawi tätang vi näkha kai lä thui he ngai te vi. Nang ce lä hini tähang kähawi tea yng khü ö ba.

Judae 1:20

Tudylä kai üng ngai bärai saite äpy na ä, nang ce lä nang ma ce üng caiping-a yng saite qawng-a aenüng kha mä-ai ma tea bälung aethaw aela ö lawi ba. Muilaw Käcai üng haidae hai-a aetang ö.