1 Korin 14:1 - Caekäcai Kangthae (Lemi)

¹ Nang ma ce üng kangby jä-ai na tea bälung aevaw hethang aethawsa ö. Muilaw Käcai ma py saite sakaw saite na dang hethang nang ce lä ngaiphi saite bälung awng ö. Angcüky-a buisaw lo thui hethang nang ce lä ngaiphi saite bälung awng ö lawi.

Asang Khongso New Testament

¹ Topongah amlunghaih hae lokpui koek ah suem oah. Pakhra langraenawk pongah palungthin to suem oah, lokpui koek ah Sithaw lok taphong thaihaih ih langrae to koeh oah.

1 Korin 14:1 ပူးပေါင်းရင်းမြစ်များ

Pawlae ma Rom märü üng kangkawng tähang tärü saite cae 12:6

Tukä dylä mä-ai angxynlyng na lä Säthaw ma mä-ai tea py saite tähang kähawi kätyng aetawng y sakaw saite na awng ö qi te vi. Mä-ai üng sakaw saite lä Säthaw üng Angthang thui haw saite vi dylä, mä-ai lä mä-ai ma üng yng saite kätyng thui hethang kae.

Pawlae ma Rom märü üng kangkawng tähang tärü saite cae 14:19

Tukä dylä mä-ai lä awngneng hethang hai lawng lawngtä yng saite aethaw awng hethang aesäbawng ö jawjaw he kae.

Pawlae ma Rom märü üng kangkawng tähang tärü saite cae 9:30

Kai ce ma thui hethang ngai saite lä Säthaw üng maw-a cüng hethang aethawsa y saite ceng kälang na tea Säthaw lä cüng vi näkha mäthi te vi. Ätephüng-a mei nädylä äni ce lä Säthaw tea yng ö te vi.

1 Korin 12:1

Kangby jä-ai na ä, kai lä Muilaw Käcai ma mä-ai lawng lawngtä tea py qi saite sakaw saite na phüng nang ce tea mäny hai khaw hethang ngai te vi.

1 Korin 12:31

Nang ce lä kangkawng tea säbawng mang te sakaw saite na dang hethang ngaiphi te bälung awng ö te v. Tudylä kai lä nang ce tea älang kähawiky mätü vi ai.

1 Korin 13:13

Tätang khaw-a lä yng saite, aethang khai saite hai bälung aevaw saite näkha hini äthungtä na lä awng jawjaw ö ai. Hini äthungtä thung-a, bälung aevaw saite lä aesangky vi.

1 Korin 13:2

Kai lä buisaw lo thui haw te läsy, Säthaw üng ho saite lo angxynlyng na tea mänykaw te läsy, bälunghae saite angxynlyng na awng te läsy, me anghung na tea mäthuija haw te khytä yng te awng ngaila, kai üng kangby jä-ai na tea bälung aevaw y dylä, kai lä aetütü kae.

1 Korin 14:22

Tukätephüng-a mäny haw y saite lo na aepe saite lä yng y saite khimi na tähang äsäny vi. Honi lä yng saite khimi na tähang y lyng. Buisaw lo thui te lä yng saite khimi na tähang vi. Yng y saite khimi na tähang y lyng.

1 Korin 14:37

Khimi lawngtä ma äni lä buisaw läsy, äni tea lä Muilaw Käcai ma py saite sakaw saite awng te läsy, näkha dawng dylä vaihi nang ce tea kai ma tärü saite lä Areng üng särilo vi näte äni lä mäny hethang kae.

1 Korin 14:39

Tukätephüng-a kangby jä-ai na ä, buisaw lo na thui haw hethang ngaiphi te bälung awng ö. Nang ce lä mäny haw y saite lo na thui te tea mäkhang ö hang.

1 Korin 16:14

Nang ce sa saite angxynlyng na tea bälung aevaw saite hai sa ö.

Ephesi 1:3

Mä-ai üng Areng Isu Khrista üng Pä-ai Säthaw tea bälaw ö si. Äni lä Khrista hai-a mä-ai tähang Känipre-a Muilaw Käcai aesui saite üng tähang kähawi angxynlyng na py vi.

1 Thesalon 5:20

Buisaw na üng lo na tea lä mäthi y käla awng ö hang ba.

1 Timote 4:14

Nang lä Muilaw Käcai ma py te sa kaw saite tea aedawng ba. Kangkawng üng mätawngky na ma nang qawng-a äkö thyng kha aetang ea Säthaw lä buisaw na üng lo hai-a, nang tea lä Muilaw Käcai üng sa kaw saite py pyng te vi dy.

1 Timote 5:10

Äni lä khimi ce tea säbawng saite khimi vi näte tea khimi kälang na ma lä mäny ö bawi vi. Honi lä caw nade na tea kähawi-a mäsang saite, angvüng angvaw na bung äma üng ing-a lady kha mäkung saite, yng saite na üng äkho na tea mäse saite, mätang saite na tea säbawng saite hai kälu kähawi angxynlyng na sa jawjaw hethang äni lä kae vi.

1 Timote 6:11

Säthaw tea yng saite Timothe ä, nang lä Säthaw hai aesui te vi. Tukätephüng-a nang lä honi angxynlyng na tea aehi ba. Tukha käcüng saite, Säthaw üng kängai-a awng saite, yng saite, bälung aevaw saite, änawngsa saite hai bälung kähawi awng hethang nang lä aethaw aesa ba.

2 Timote 2:22

Nang lä särai anglaw na sa hethang ngaiphi tüng y saite na tea aehi ba. Bälung käcai hai Areng tea cäphaw saite khimi na hai mangtä cüng saite, yng saite, bälung aevaw saite, awngneng saite awng hethang aethawsa ba.

Hebrai 12:14

Khimi angxynlyng na hai mangtä awngneng saite hai-a awng hethang aethawsa ö ba. Caiping saite thung-a hing ö. Caiping y saite khimi ämi la Areng bung nung haw y lyng.

2 Piter 1:7

Säthaw üng aely kängai-a hing saite tea lä nang ce üng yng saite kangby jä-ai na tea bälung aevaw saite hai-a täbawi ö te vi. Yng saite kangby jä-ai na bung bälung aevaw saite khimi angxynlyng na tea bälung aevaw saite hai täbawi ö.

3 Johan 1:11

Kai üng bälung aevaw saite äpy ä, hawi y sa saite khimi na üng kätyng täthei-a lä aetu hang. Tungaila kähawi sa saite khimi kätyng täthei-a lä aetu ba. Kähawi sa saite lawngtä lä Säthaw üng caw nade vi. Kähawi y sa saite lawngtä lä Säthaw bung mäny te y.