1 Korin 13:2 - Caekäcai Kangthae (Lemi)

² Kai lä buisaw lo thui haw te läsy, Säthaw üng ho saite lo angxynlyng na tea mänykaw te läsy, bälunghae saite angxynlyng na awng te läsy, me anghung na tea mäthuija haw te khytä yng te awng ngaila, kai üng kangby jä-ai na tea bälung aevaw y dylä, kai lä aetütü kae.

Asang Khongso New Testament

² Kai loa lokthuih thaihaih ih langrae to ka tawnh langla cadoehsoe, panoekhaih ih cungri hoi loktamqu kathuk kaning boiboih thaih thaihaih ih to ka tawnh langla cadoehsoe, mae angthuiisak thaihaih ih taanghaih khoekto ka tawnh langla cadoehsoe, amlunghaih ka tawn ai nahaeloa kai loa tidoeh na ai ni.

1 Korin 13:2 ပူးပေါင်းရင်းမြစ်များ

Mathai 13:11

Isu ma äni ce tea “Säthaw ma pre pyng saite phüng ho saite na nang ce tea mäny hai dy. Tungaila khimi kälang na tea lä mäny hai y.

Mathai 17:20

Isu ma äni ce tea “Ätephüng-a mei nädylä nang ce lä kai tea yng te di vi. Tängai ö, nang ce üng yng saite angmawi mö kaesüng jetä kätyng awng dylä, nang ce ma hini me anghung tea ‘Hini mityng üng hani mityng-a aethui lawi nädylä hani me anghung lä aethui vi ai.’ Nang yng dylä, äte angxynlyng na sa haw king vi.

Mathai 21:19

Isu lä lolang teng-a awng saite thaidö kungtä bung nung kha ha-a ly dy. Tungaila äkung qawng-a ärang na qaitä awng te nung pa. Tukha Isu ma “Nang lä manila äthai aethai haile haw hang sy” näkha thaidö kung tea thui pa dy. Tupyng-a qengtä ma thaidö kung lä cei raw pa vi dy.

Mathai 21:21

Tupyng-a Isu ma “Tängai ö. Nang ce lä tätang mang mei näte bälung kaedawng awng y käla yng dylä, thaidö kung tea kai sa te kätyng sa haw ö vi ai. Honi qawng-a cang y me anghung tea la ‘Nang ma ma bung aethui kha pangle tui thung-a aekäde ja la’ näkha thui te kätyng awng vi ai.

Angtawtha 13:1

Antioh kangkawng thung-a lä buisaw na hai särae na awng vi. Äni ce lä Banaba, khimi kangnung näsaite Simon, Sarene khö üng Lucia, Herodae hai mangtä ryng saite Manen hai Sawlae ce vi.

Pawlae ma Rom märü üng kangkawng tähang tärü saite cae 11:25

Kangby jä-ai na ä, kai lä Säthaw üng ho saite na nang ce tea mäny hai hethang ngai te vi. Tudylä nang ce lä nang ma ce tea, “Mä-ai lä tengxyng y bälunghae vi dy” näkha dawng ö y ai dy. Honi ho saite lä hini kätyng vi. Isrelae khimi na üng bälung tangkö saite lä dungtäsa aekang y lyng. Ceng kälang na thung üng Säthaw tea yng saite na cungrü te khytä kae vi.

Pawlae ma Rom märü üng kangkawng tähang tärü saite cae 15:14

Kai üng kangby jä-ai na ä, nang ce lä hawi saite na hai bälunghae saite angxynlyng na awng näte kai lä ae-y khü te vi. Nang ce lä nang ma ce tingtawi aemätu haw ö te vi.

Pawlae ma Rom märü üng kangkawng tähang tärü saite cae 16:25

Säthaw üng phung-ang tea mä-ai lä bälaw ö si. Isu Khrista üng Angthang Kähawi tea kai ma thui te kätyng Säthaw lä nang ce üng yng saite cakhi hai hethang sa haw te vi. Honi Angthang Kähawi lä jangni üng khösäning leithung jungtä ho kha vaihi täphawng saite lo mitang vi.

1 Korin 11:4

Nawngmäcaw lawngtä lä äma üng älö aekhu ea aetang kha buisaw lo na thui dylä, äni lä Khrista tea mäthi y te vi.

1 Korin 12:28

Kangkawng thung-a Säthaw lä kaepreng na tea äma ce üng mityng py pyng te vi dy. Angcüky üng na tea äni lä angtawtha na-a khai te vi. Äbaeni üng na tea lä buisaw na, ämäthung üng na lä Säthaw üng mätu saite särae na-a khai ö vi dy. Honi pyng-a lä cangxei te na sa haw saite khimi na, honi pyng dylä känaw käsaw tea hawi sa haw saite na, khimi kälang na tea säbawng haw saite na, kangkawng tea bähawi saite na hai mäny haw y saite lo cawngkhang thui haw saite na tea äma ce üng mityng-a py pa vi dy.

1 Korin 13:1

Kai lä älawngpre khimi angxynlyng na üng älo na hai Känipre angtawtha na üng älo na aepe haw ngaila, kai üng kangby jä-ai na tea bälung aevaw y dylä, kai üng älo na lä mawng, y dylä qala the te tüng kätyng kae vi.

1 Korin 13:3

Kai tea awng saite vyngsai angxynlyng na mätang saite khimi na tea py king te läsy, löci mawi kätyng maisawi hethang kai ma üng ätabung tea mäteng ma aepy te läsy, kai üng kangby jä-ai na tea bälung aevaw y dylä, kai lä äte ävang la dang y lyng.

1 Korin 13:8

Bälung aevaw saite khimi lä dungtäsa bälung aevaw haw te vi. Tungaila buisaw lo thuikaw saite na, mäny haw y saite lo thuikaw saite na hai mänykaw saite angxynlyng na lä khimi ce ma tawng ö y vi ai dy.

1 Korin 14:29

Buisaw lo na tea khimi lawng netä y dylä, lawng thungtä thui ö sy. Khimi kälang na ma hini buisaw lo na hai thui saite lä Muilaw Käcai hai thui mei, thui y mei, näte dawng ö khü sy.

1 Korin 14:39

Tukätephüng-a kangby jä-ai na ä, buisaw lo na thui haw hethang ngaiphi te bälung awng ö. Nang ce lä mäny haw y saite lo na thui te tea mäkhang ö hang.

1 Korin 14:4

Mäny haw y saite lo na aepe saite khimi lä äma ma aethaw dang hethang aepe te vi. Buisaw lo thui saite lawngtä lä kangkawng angxynlyng na aethaw dang hethang thui te vi.

1 Korin 15:51

Kai lä ho saite phüng nang ce tea thui te vi. Mä-ai angxynlyng na lä dü ö y vi ai. Tungaila Säthaw lä mä-ai angxynlyng na üng ätabung tea mäqa vi ai.

1 Korin 16:22

Khimi lawngtä lä Areng tea bälung aevaw y dylä, äni lä täking aelawi sy. Mä-ai üng Areng ä, ly lawi ba.

1 Korin 4:1

Kai ce lä Khrista üng mawsawng na näte nang ce lä dawng hethang kae. Säthaw lä äma üng ho saite angthang khimi ce tea thui hethang kai ce bung mätaw vi dy.

1 Korin 7:19

Khimi lawngtä lengkhüng täke te, täke y te lä aely leng te y. Säthaw üng lo tängai hethang xyng ni aely lengky te kae vi.

1 Korin 8:4

Tukätephüng-a kai lä nang ce tea mimi na tea löci sa pyng te mawi ca saite phüng, thui hethang ngai. Mimi hai aesui saite äte khömang la älawng-a awng y näte hai Säthaw lä lawngtä xyng awng näte tea mä-ai yng saite na lä mäny ö te vi.

2 Korin 12:11

Kai lä kangthö kätyng sa vi dy. Tungaila nang ce lä kai tea hini kätyng sa hai te vi dy. Nang ce lä kai tea bälaw hethang kae saite khimi na vi. Kai lä Säthaw üng maw-a aely leng y saite khimi lawng ngaila, nang ce ma aesangky-a mäthi saite angtawtha na kätyng aely leng te lawngtä by vi.

Galati 5:16

Kai thui hethang ngai te lä: nang ce lä Muilaw Käcai ma bähawi te kätyng hing ö ba. Honi kätyng awng dylä ngaiphi tüng y saite mang-a nang ce lä hui hethang ngai ö y ai dy mang.

Galati 5:22

Muilaw Käcai ma mä-ai tea pyng dylä, äni ma mä-ai tea sa hai saite na lä: bälung aevaw saite, anghawtho saite, awngneng saite, änawngsa saite, bäsai y saite, kähawi sa saite, ae-y nae hawi saite, älo käneng aepe saite, mä-ai ma tea aeküng haw saite na vi. Honi na tea lä Mosi üng Ubädi la elekhei sa y lyng.

Galati 6:3

Khimi lawngtä lä aely leng y ea ma, äma tea aely lengky-a aekhai dylä, äma tea kaeling aesa raw te kae vi.

Ephesi 3:4

Hini tea phai te kätü-a Khrista üng ho saite angthang kai thaikaw saite tea nang ce la mäny ö ai mang.

Ephesi 6:19

Kai tähang la aetang pa jo ba. Säthaw üng ho saite Angthang Kähawi tea mäny hai hethang hai kai lä ri y käla ma thui te kätü qütä-a, Säthaw ma kai tea py te aebäla saite lo thui haw hethang aetang pa ö jo.

Kolosa 1:26

Jangni-a Säthaw lä äma üng mawlang kaedawng khimi ce tea mäny hethang py y ngaila, äni üng khimi na tea vaihi lä täphawng pa vi dy.

1 Timote 3:16

Ho ea khai saite na tea Säthaw ma mä-ai tea täphawng saite na lä cangxei hethang hawi bärai vi. Honi tea ämi ma eja haw y lyng. Khrista lä khimi cüngtang-a aelawng vi dy. Muilaw Käcai hai-a mä-ai tea Isu lä Säthaw üng Cäpaw tätang vi näkha mätü vi dy. Äni bung lä Känipre angtawtha na ma nung ö vi dy. Äni üng angtawtha na lä äni üng phüng ceng qütä na tea thui ö te vi dy. Hini älawngpre mityng qütä üng khimi na lä Äni tea yng ö dy. Säthaw ma Äni bung lä Känipre-a nähaija vi dy.

1 Johan 4:8

Äpy na tea bälung aevaw y saite lä Säthaw tea mäny y. Ätephüng-a mei nädylä Säthaw lä bälung aevaw saite Kung lawng te phüng-a vi.