1 Korin 12:9 - Caekäcai Kangthae (Lemi)

⁹ Mangtä Muilaw Käcai ma khimi lawngtä tea yng phi hethang py te vi dy. Khimi kälang lawngtä tea lä äni ma nawsaw hawi sa hethang haidae py vi dy.

Asang Khongso New Testament

⁹ Ato Pakhra toengtoeng mah kami longto khaeah taanghaih a paek moa kalah longto khaeah ngoina hoihsak thaihaih ih to a paek.

1 Korin 12:9 ပူးပေါင်းရင်းမြစ်များ

Mathai 10:8

Naw saite khimi na tea hawi sa pa ö. Dü saite khimi na tea la mäning haile tyng pa ö. Ängang käsi mang kha naw saite khimi na bung la hawi sa pa. Khimi thung-a kung saite angra na bung la mätho pa ö. Nang ce lä ävang py y käla ma naw te hawi sa pa hethang haidae dang pyng te vi dy. Tukha ävang la y käla khimi ce tea säbawng pa ö.

Mathai 21:21

Tupyng-a Isu ma “Tängai ö. Nang ce lä tätang mang mei näte bälung kaedawng awng y käla yng dylä, thaidö kung tea kai sa te kätyng sa haw ö vi ai. Honi qawng-a cang y me anghung tea la ‘Nang ma ma bung aethui kha pangle tui thung-a aekäde ja la’ näkha thui te kätyng awng vi ai.

Marka 16:18

Äni ce lä bärui na bung süng ngaila sy, dü hai saite aesi nei ö te läsy, äni ce tea lä äte käsi la tyng haw y lyng. Känaw käsaw awng saite khimi na qawng-a äni ce üng äkö na thyng kha känaw käsaw na lä hawi ö vi ai” näkha näpa.

Marka 6:13

Angra awng mang te na bung la mätho ö dy. Känaw käsaw awng saite na tea lä situi hai bäjö kha naw te na tea hawi sa pa ö dy.

Luka 10:9

Ho-a awng saite khimi känaw käsaw na tea hawi sa pa ö. Tukha khimi ce tea ‘Säthaw üng pre lä nang ce tähang vi’ näkha thui pa ö.

Luka 9:2

Tupyng-a Isu ma äni ce tea Säthaw üng pre phüng thui hethang hai naw saite khimi na tea hawi sa hethang mätaw pa.

Angtawtha 10:38

Nazare märü üng Isu lä Säthaw te mang üng Muilaw Käcai hai haidae dang te phüng nang ce lä mäny ö vi. Säthaw lä äni hai mangtä awng te phüng-a, äni lä mityng qütä-a ly kha kähawi sa ea khimi ce bung naw hawi hai te vi. Angra kung te khimi ce thung üng mätho kha Setan angra üng haidae thung mang üng äni ce bung bälawi pa vi dy.

Angtawtha 5:15

Tukätephüng-a khimi ce lä känaw na bung nähai ö pa vi. Peterae lä lolang-a aeke te kätü-a, naw saite na khimi ce üng ätabung qawng-a Peterae üng kaekhui tyng hethang tähang-a aejawng nae na hai khimi känaw na bung lolang qawng-a khai ö vi dy.

1 Korin 12:28

Kangkawng thung-a Säthaw lä kaepreng na tea äma ce üng mityng py pyng te vi dy. Angcüky üng na tea äni lä angtawtha na-a khai te vi. Äbaeni üng na tea lä buisaw na, ämäthung üng na lä Säthaw üng mätu saite särae na-a khai ö vi dy. Honi pyng-a lä cangxei te na sa haw saite khimi na, honi pyng dylä känaw käsaw tea hawi sa haw saite na, khimi kälang na tea säbawng haw saite na, kangkawng tea bähawi saite na hai mäny haw y saite lo cawngkhang thui haw saite na tea äma ce üng mityng-a py pa vi dy.

1 Korin 12:30

Angxynlyng na lä känaw käsaw kähawi sa haw saite na y, angxynlyng na lä mäny y te lo cawngkhang aepe saite khimi na y, angxynlyng na lä mäny haw y saite lo cawngkhang na khimi kälang na tea thaikaw haw hethang thui mäcai tyng haw saite khimi na y vi.

1 Korin 13:2

Kai lä buisaw lo thui haw te läsy, Säthaw üng ho saite lo angxynlyng na tea mänykaw te läsy, bälunghae saite angxynlyng na awng te läsy, me anghung na tea mäthuija haw te khytä yng te awng ngaila, kai üng kangby jä-ai na tea bälung aevaw y dylä, kai lä aetütü kae.

2 Korin 4:13

Caekäcai thung-a, “Kai lä yng te phüng-a, thui te vi” näkha tärü te vi. Hini kätyng aetawng saite yng te hai kai ce lä Angthang Kähawi thui ö te vi.

Ephesi 2:8

Khrista tea yng te phüng-a äma üng bäheng saite hai-a, Säthaw ma nang ce bung aeqang vi dy. Nang ce üng aethawsa saite phüng-a, äni lä nang ce bung aeqang te y. Äni lä nang ce bung äjawng-a aeqang te vi.

Hebrai 11:33

Äni ce lä yng te hai-a pre na tea täre aety kha bäja haw ö vi dy. Äni ce lä tüng saite na sa kha Säthaw üng aedo saite na dang ö vi dy. Äni ce lä xangsi täkai täbawng tea pä-üng pa te vi dy.