1 Korin 12:8 - Caekäcai Kangthae (Lemi)

⁸ Muilaw Käcai ma khimi lawngtä tea lä bälungkähae hai thuikaw saite py vi dy. Lawngtä tea lä äni ma mänykaw saite hai Säthaw üng Angthang Kähawi thuikaw saite py te vi dy.

Asang Khongso New Testament

⁸ Pakhra loa kami longto khaeah ciinghaih hoiah lokthuih thai ih to a paek moa kalah longto khaeah ato Pakhra toengtoeng to mah panoekhaih hoiah lokthuih thai ih to a paek.

1 Korin 12:8 ပူးပေါင်းရင်းမြစ်များ

Mathai 13:11

Isu ma äni ce tea “Säthaw ma pre pyng saite phüng ho saite na nang ce tea mäny hai dy. Tungaila khimi kälang na tea lä mäny hai y.

Angtawtha 6:3

By jä-ai na ä, nang ce thung üng khimi lawng säritä bung re ö lawi. Äni ce lä Muilaw Käcai kawi te hai, bälung cüng te hai, khimi ce ma äni ce tea tämö khai saite na-a lawng hethang kae. Hini kälu sa hethang äni ce tea kai ce ma py pa ai mang.

Pawlae ma Rom märü üng kangkawng tähang tärü saite cae 15:14

Kai üng kangby jä-ai na ä, nang ce lä hawi saite na hai bälunghae saite angxynlyng na awng näte kai lä ae-y khü te vi. Nang ce lä nang ma ce tingtawi aemätu haw ö te vi.

1 Korin 1:30

Säthaw ma sa te phüng-a, nang ce lä Isu Khrista hai bungtä lawng ö vi dy. Säthaw lä Khrista bung mä-ai tähang bälunghae hai hethang sa te vi dy. Äni hai-a Säthaw ma mä-ai tea khimi käcüng-a dawng te vi. Äni hai-a mä-ai bung lä khimi käcai-a lawng hai vi dy. Äni lä mä-ai üng hunghö sa jawjaw y hethang bälawi te vi dy.

1 Korin 1:5

Nang ce lä Khrista hai bungtä te phüng-a, Säthaw lä nang ce tea ngai saite angxynlyng na cungrü-a py pyng te vi dy. Säthaw lä nang ce tea äma üng Angthang Kähawi khimi kälang na tea thuikaw saite hai bälunghae saite angxynlyng na py te vi dy.

1 Korin 13:2

Kai lä buisaw lo thui haw te läsy, Säthaw üng ho saite lo angxynlyng na tea mänykaw te läsy, bälunghae saite angxynlyng na awng te läsy, me anghung na tea mäthuija haw te khytä yng te awng ngaila, kai üng kangby jä-ai na tea bälung aevaw y dylä, kai lä aetütü kae.

1 Korin 13:8

Bälung aevaw saite khimi lä dungtäsa bälung aevaw haw te vi. Tungaila buisaw lo thuikaw saite na, mäny haw y saite lo thuikaw saite na hai mänykaw saite angxynlyng na lä khimi ce ma tawng ö y vi ai dy.

1 Korin 14:26

Kangby jä-ai na ä, kai thui hethang ngai te lä hini vi. Nang ce lä Säthaw tea cäphaw hethang mangtä aecö te kätü-a, lawngtä lä ae-awi thui, lawngtä lä Säthaw lo mätu, lawngtä lä äma tea Säthaw ma aetüng hai saite phüng thui, lawngtä lä mäny haw y saite lo hai angthang thui kha lawngtä ma lä mäny haw y saite lo tea thui mäcai pa te vi. Hini sakaw saite angxynlyng na lä kangkawng tea säbawng hethang tawng he kae.

1 Korin 14:6

Kangby jä-ai na ä, kai lä nang ce tea ly kha mäny haw y saite lo cawngkhang aepe dylä, nang ce tähang äte la ävang ting te y. Säthaw ma kai tea mätü pyng saite phüng, äni ma py pyng saite bälunghae te phüng, buisaw lo, y dylä mätu saite lo phüng na kai thui dylä, nang ce tähang ävang ting te vi.

1 Korin 2:11

Khimi üng bälung thung-a awng saite kaedawng angxynlyng na tea lä ämi la mäny haw y. Mä-ai ma üng bälung qaitä ni mä-ai ma üng dawng saite na tea mäny haw te vi. Honi kätyng, Säthaw üng bälung thung-a awng saite na tea mäny saite lawngtä lä äma üng Muilaw kae vi.

1 Korin 2:16

Caekäcai thung-a tärü te lä, “Ämi la Areng üng bälung thung-a dawng saite tea mäny haw y. Ämi lawngtä la Säthaw tea mätu haw y lyng” näkha awng te vi. Tungaila mä-ai yng saite khimi na lä Khrista kätyng aedawng ö te vi.

2 Korin 1:12

Kai ce lä hini phüng aethaw ö te vi. Hini älawngpre-a Säthaw ma py saite käcai hai tüng saite na kai ce lä awng näte kai ma ce üng käsi kähawi sa saite bälung ma thui te vi dy. Nang ce hai mangtä awng khaw te thüng-a ämi lawngtä ma la cy haw y hethang kai ce lä sädi khai ö te vi. Tungaila kai ce lä hini tea khimi ce üng bälunghae saite hai-a sa ö te y. Säthaw üng tähang kähawi hai-a sa ö te vi dy.

2 Korin 11:6

Kai lä älo thuikaw phi saite y ngaila, ätete na mäny haw hethang bälungkähae awng te vi. Hini lä kai ce ma älang cawngkhang na hai nang ce tea mäny hai rüng ö pyng te vi dy.

2 Korin 2:14

Mä-ai üng Säthaw tea mä-ai bälaw ö si. Säthaw lä mä-ai bung Khrista üng bäja saite pawi-a qa hai jawjaw hethang phüng-a vi. Mä-ai ly saite mityng qütä-a, Säthaw lä Khrista üng Angthang Kähawi thui hai jawjaw te vi. Honi lä ämui kähawi kätyng lawng hai hethang vi.

2 Korin 4:6

Säthaw ma, “Käving thung-a kaevang awng sy” näkha thui vi dy. Hini Säthaw lä mä-ai üng bälung na thung-a la äni üng kaevang aevang hai te vi dy. Tukätephüng-a Isu Khrista üng mimai-a mä-ai lä Säthaw üng phung-ang tea nung kha mäny haw ö te vi.

2 Korin 6:6

Kai ce lä bälung cai saite, mänykaw saite, änawngsa saite hai khimi ce tea säbawng saite bälung hai-a Säthaw üng mawsawng na näte mätü ö te vi dy. Muilaw Käcai lä kai ce üng äthung-a aeta kha kai ce üng tätang bälung aevaw saite hai la vi.

2 Korin 8:7

Nang ce lä tengxyng y äte angxynlyng na-a tawngnang ö vi. Nang ce üng yng saite, älo thuikaw saite, mänykaw saite, säbawng he ngai saite bälung hai kai ce tea bälung aevaw saite na awng ö vi dy. Tukätephüng-a nang ce lä hini bälung aevaw saite üng kälu tähang bäsai y käla py hai hethang kai ce lä ngai hai ö te vi.