1 Korin 1:9 - Caekäcai Kangthae (Lemi)

⁹ Säthaw lä nang ce bung mä-ai üng Areng, äma üng Cäpaw Isu Khrista hai mangtä kangby jä-ai lawng hai hethang re pyng vi dy. Säthaw lä äma üng aedo saite älo kätyng sa te vi.

Asang Khongso New Testament

⁹ A Capa Jesuh Khrih aicae Angraeng hoiah angkomhaih tawn hanah nangcae ka kawkkung Sithaw loa oepthok kaom Sithaw ni.

1 Korin 1:9 ပူးပေါင်းရင်းမြစ်များ

Mathai 24:35

Käni hai älawng lä pra ngaila kai üng älo lä manila pra y vi ai.

Johan 17:21

Äni ce angxynlyng lä bungtä awng hethang aetang te kae. Pä-ai ä, Nang, lä Kai hai aesui kha Kai la nang hai aesui te kätyng, äni ce bung mä-ai ma hai aesui hai jo ba. Tukä ea ni Pä-ai nang ma Kai bung mätaw te älawngpre üng khimi na ma yng hethang kae.

Pawlae ma Rom märü üng kangkawng tähang tärü saite cae 11:17

Olive thingkawng kung kähawi üng cangpre phütä na tea tängang vi dylä, khimi ce lä daithung üng olive kung cangpre na tea lä cangpre kälang na thung-a sätawng kha e vi dy. Nang ce ceng kälang na lä daithung üng olive cangpre na kätyng vi. Jangni-a Säthaw ma Judae khimi na tea aedo saite üng tähang kähawi na vaihi nang ce lä tengxyng y dang ö vi dy.

Pawlae ma Rom märü üng kangkawng tähang tärü saite cae 8:28

Säthaw tea bälung aevaw kha Säthaw lä äma üng mawlang kaedawng kätyng ka saite khimi ce tähang Säthaw ma äte angxynlyng na kähawi-a sa pa te tea mä-ai lä mäny ö vi.

Pawlae ma Rom märü üng kangkawng tähang tärü saite cae 8:30

Tudylä Säthaw lä ka hethang äma aedawng rüng saite na bung ka pa te vi dy. Äni ma ka saite khimi ce tea lä khimi käcüng na-a mäthi kha äma üng phung-ang la äni ce tea py pa vi dy.

Pawlae ma Rom märü üng kangkawng tähang tärü saite cae 9:24

Mä-ai lä äni üng re saite khimi vi. Äni lä mä-ai bung re te kätü-a Judae ceng thung üng khimi na qaitä tea kae y, ceng kälang na thung üng tea la re te by vi.

1 Korin 1:30

Säthaw ma sa te phüng-a, nang ce lä Isu Khrista hai bungtä lawng ö vi dy. Säthaw lä Khrista bung mä-ai tähang bälunghae hai hethang sa te vi dy. Äni hai-a Säthaw ma mä-ai tea khimi käcüng-a dawng te vi. Äni hai-a mä-ai bung lä khimi käcai-a lawng hai vi dy. Äni lä mä-ai üng hunghö sa jawjaw y hethang bälawi te vi dy.

1 Korin 10:13

Hunghö sa hethang the saite nang ce aeting saite lä khimi qütä na la aeting ö te by vi. Säthaw lä äma üng älo aedo saite tea hui khü te phüng-a, bäja haw y te the saite na tea aeting y vi ai. Nang ce lä the saite aeting te kätü-a, bälung cakhi hai hethang Säthaw ma nang ce tea aethaw py vi ai. The saite thung üng Säthaw lä nang ce tähang tho hethang älang la sa rüng vi ai.

1 Korin 10:16

Areng üng kädüngbö ca te üng bynglyng tea mä-ai lä nei te kätü-a, Säthaw tea bälaw ö te vi. Honi kätü-a mä-ai lä Khrista üng äthi mangtä nei kha äni üng dü saite tea aedawng haile tyng ö te vi. Täkaw tea täpe te kätü-a, mä-ai lä Khrista üng ätabung tea mangtä ca ö te vi.

2 Korin 1:18

Säthaw lä älo mitang aepe te kätyng kai lä nang ce tea älo aedo te kätü-a, “Älawng vi” “Älawng y vi” näkha qengtä kätü-a ma thui te y.

Galati 1:15

Tungaila Säthaw lä kai aepeng y te kälang üng hai mäteng ma, äma üng tähang kähawi hai-a kai bung re te vi dy. Äni lä äma üng kälu sa hai hethang kai bung ka te vi.

Galati 2:20

Kai lä Khrista hai mangtä thinglang qawng-a dü pyng te kätyng vi. Kai lä leithung jungtä üng kätyng hing te y vi dy. Vaihi Khrista lä kai üng bälung thung-a hing te vi. Vaihi hing te lä Säthaw üng Cäpaw tea ae-y kha hing te kae. Cäpaw lä kai bung bälung aevaw kha kai tähang äma üng hing saite py vi dy.

Ephesi 3:6

Säthaw üng ho saite mawlang kaedawng lä hini vi. Angthang Kähawi phüng-a, ceng kälang na lä Judae khimi na hai mangtä Säthaw py saite tähang kähawi angxynlyng na lä dang ö by ai. Ceng kälang na hai Judae khimi na lä ätabung haetä kätyng lawng ö te vi. Nang ce ceng kälang na lä Isu Khrista hai-a Säthaw ma Judae khimi na tea aedo saite älo dang ö te by vi.

Kolosa 1:24

Nang ce tähang mätang bälai saite phüng-a vaihi kai lä anghawtho te vi. Khrista lä kai bung mätang bälai hai he ngai te angxynlyng na tähang-a kai lä aerü rüng te vi dy. Khrista üng ätabung kätyng awng saite kangkawng tähang mätang saite tea äma üng aely kängai cungrü hai hethang kai lä mätang te vi.

1 Thesalon 2:12

Nang ce bung Säthaw lä äma üng pre hai phung-ang thung-a qa hethang tähang ka te vi. Tukätephüng-a kai lä nang ce tea Säthaw üng kängai-a hing hethang tähang aethaw py te, bälung bädang te hai mäci jawjaw te vi.

2 Thesalon 2:14

Kai ce üng Angthang Kähawi thui saite hai-a Säthaw lä nang ce bung ka te vi. Mä-ai üng Areng Isu Khrista üng phung-ang tea nang ce lä qa haw hethang nang ce bung ka te vi.

2 Thesalon 3:3

Tungaila Areng lä äma thui pyng saite tea lä sa vävawi te vi. Tukha äni lä nang ce tea aethaw py vi ai. Setan angra ma nang ce tea käsi sa haw y hethang nang ce bung Areng ma aedung pa vi ai.

2 Timote 1:9

Säthaw lä mä-ai bung aeqang kha käcai-a hing hethang ka te vi dy. Äni lä mä-ai üng kähawi sa saite na phüng-a ka te y lyng. Äma ma üng mawlang kaedawng hai tähang kähawi phüng-a vi. Älawng sa y te kälang-a ma, Säthaw lä äma üng tähang kähawi mä-ai tea mätü hethang Isu Khrista bung mätaw te hai-a sa rüng te vi dy.

2 Timote 2:13

Khrista tea mä-ai ae-y khi y ngaila Äni lä mä-ai üng ae-y khü nae-a awng jawjaw ai. Ätephüng-a mei nädylä Äni lä äma üng aedo saite lo tea täphra haw y te phüng-a vi.”

Titas 1:2

Tukätephüng-a äni ce lä dungtäsa hing saite tea aethang khai ö khü te vi. Ätephüng-a mei nädylä Säthaw ma älawng sa y te kälang-a äma üng khimi na lä dungtäsa hing ö ai näkha älo aedo pyng te vi dy. Äni lä manila älo bälai te awng vai y.

Hebrai 10:23

Khimi ce maw-a mä-ai thui saite aethang khai te tea lä cakhi-a süng ö si. Ätephüng-a mei nädylä Säthaw ma älo aedo saite tea sa khü hethang mä-ai lä ae-y haw ö te phüng-a vi.

Hebrai 11:11

Abraham hai änawngpui Sara ni lä mätawng phi hawi vi dy. Sara lä nawngmädi kätung kämai kae vi. Tungaila Säthaw lä äma üng älo aedo te kätyng sa ai näkha Abraham lä yng khü te phüng-a, äcäpaw lawngtä bung dang vi dy.

Hebrai 2:17

Tukätephüng-a äni lä älang qütä-a äma üng khimi na kätyng aetawng hethang kae te vi. Hini kätyng äni lä mä-ai tea bäheng kha Säthaw üng ae-y khü saite Mäthykung Kälengky-a lawng haw te vi. Tukätephüng-a Säthaw lä khimi ce üng hunghö na tea bälawi haw te vi.

Hebrai 3:1

Säthaw ma re saite yng te kangby jä-ai na ä, Areng Isu üng äphüng aedawng ö lawi. Äni bung lä mä-ai üng thui te yng saite üng Mäthykung Kälengky lawng hethang Säthaw ma mätaw te vi dy.

Hebrai 3:14

Mä-ai lä angcü üng yng te kätyng kangteng khytä Säthaw tea bälung ae-y khü kha awng dylä, Säthaw ma Khrista tea py hethang awng saite thung-a mä-ai lä qa ö te by vi.

Hebrai 6:18

Säthaw lä äma üng älo aedo saite kätü-a täking saite lo la thui pa te vi dy. Honi känetä lä mäqa haw y saite na vi. Säthaw lä kaeling kaemae sa haw y te phüng-a, mä-ai lä Säthaw tea bälung ae-y khü ö te vi. Säthaw ma mä-ai bung aedung hai hethang äni tea aehui ö te vi. Säthaw ma py te aethang khai saite tea mä-ai lä kähawi-a süng khü hethang aethaw dang ö te vi.

1 Piter 5:10

Nang ce lä tänaetä mätang bälai pyng-a, tähang kähawi angxynlyng na üng Säthaw lä nang ce tea yng te cakhi hai kha aethaw awng hai ea cungrü hai ö vi ai. Äni lä Isu Khrista hai-a äma üng dungtäsa phung-ang thung-a qa hethang nang ce bung re te vi dy.

1 Johan 1:3

Kai ce nung kha thai saite na nang ce tea la thui te ö by vi. Hokä ea ni mä-ai lä mangtä rawijae aesa hethang dang ö ai. Mä-ai lä Pä-ai Säthaw hai Äcäpaw Isu Khrista hai rawijae aesa ö saite na vi.

1 Johan 1:7

Tungaila Säthaw lä kaevang-a awng te kätyng mä-ai la kaevang-a awng nädylä, mä-ai lä lawng lawngtä tea rawijae sa ö te vi dy. Säthaw üng Cäpaw Isu üng äthi lä mä-ai üng hunghö angxynlyng na tea mäcai pang te vi dy.

1 Johan 4:13

Säthaw lä mä-ai tea äma üng Muilaw bung py te phüng-a, äni lä mä-ai hai bungtä awng kha mä-ai la äni hai bungtä awng saite tea mä-ai lä mäny haw ö te vi.

Lokphong 19:11

Tupyng-a Känipre aepä-awng te tea kai lä nung kha ho-a lä Cäphö Kanglung metä awng vi. Honi qawng-a aedang saite üng ämüng lä Yng cakhi saite hai lo mitang vi. Äni üng tärae cei te hai täre tea aety saite na lä tüngkhaw vi.