1 Korin 1:8 - Caekäcai Kangthae (Lemi)

⁸ Kangteng khytä yng te cakhi haw hethang nang ce tea Säthaw lä säbawng vi ai. Tukätephüng-a mä-ai üng Areng Isu Khrista tyng haile te kätü-a lä, ämi lawngtä ma la nang ce tea hunghö awng näkha cy haw y vi ai.

Asang Khongso New Testament

⁸ Aicae Angraeng Jesuh Khrih ih Ni ah zaenethaih ih oh han aiah Angraeng mah aboeng khoekto kangcak ta-ah na ohsak tih.

1 Korin 1:8 ပူးပေါင်းရင်းမြစ်များ

Luka 17:24

Anglaw säde ea khöteng täki haetä mang üng haita kälang pheitä mang-a aevang hai te kätyng lä Kai, Khimi üng Cäpaw, ly haile te kätü-a lä honi kä awng by vi ai.

Luka 17:30

Kai, Khimi üng Cäpaw, ly haile te kätü-a lä honi kätyng awng by vi ai.

Pawlae ma Rom märü üng kangkawng tähang tärü saite cae 14:4

Khimi lawng lawngtä üng mawsawng na tea tärae cei hethang lä nang tähang aeteng te y vi. Honi mawsawng na lä kähawi sa mei, sa y mei, näte tea äma ce üng ingkung ma kheng ai mang. Äni ce lä kähawi-a sa ö ai. Ätephüng-a mei nädylä Areng lä äni ce sa saite tea säbawng haw te phüng-a vi.

Pawlae ma Rom märü üng kangkawng tähang tärü saite cae 16:25

Säthaw üng phung-ang tea mä-ai lä bälaw ö si. Isu Khrista üng Angthang Kähawi tea kai ma thui te kätyng Säthaw lä nang ce üng yng saite cakhi hai hethang sa haw te vi. Honi Angthang Kähawi lä jangni üng khösäning leithung jungtä ho kha vaihi täphawng saite lo mitang vi.

Pawlae ma Rom märü üng kangkawng tähang tärü saite cae 8:19

Säthaw ma sa saite käni, älawng hai khöteng täki angxynlyng lä Säthaw ma aetüng hethang äma üng caw nade na tea tengxyng y aedawng rawng ö te vi.

1 Korin 3:13

Isu Khrista ly haile te kätü-a, äni lä Säthaw ma py saite kälu tea, mä-ai lä kähawi-a sa mei, sa y mei näte mätü king vi ai. Honi käni-a, Khrista lä khimi qütä na üng kälu tea mai hai mäcae kha honi kälu lä ävang ting mei, ting y mei näte mätü vi ai.

1 Korin 5:5

Nang ce lä hini khimi bung Setan angra üng äkö thung-a, a hethang kae. Äni üng ätabung tea Setan ma mätangbälai hai te phüng-a, äni lä ae-ui haw te vi. Tupyng-a Areng ly haile te kätü-a lä äni bung aeqang vi ai.

2 Korin 1:13

Kai ce lä nang ce ma thaikaw kha phai haw saite qaitä nang ce tea tärü khaw te vi dy. Vaihi nang ce lä angxynlyng na tea thaikaw y ngaila, känitä-a lä kai ce üng angxynlyng na tea nang ce lä thaikaw ai näte kai ce lä aethang khai ö te vi. Tupyng-a mä-ai üng Areng Isu Khrista ly haile te kätü-a, nang ce phüng-a kai ce lä aethaw haw te kätyng kai ce phüng-a nang ce la aethaw ö haw ai.

2 Korin 1:21

Säthaw äma khekhe lä kai ce hai nang ce tea Khrista-a bungtä lawng hai mei kha yng te cakhi hai hethang sa pa vi dy. Äni ma mä-ai bung lä re kha khai lyng pa te vi dy.

Ephesi 5:27

Areng lä äma üng kangkawng tähang dü pa te vi dy. Tukätephüng-a äni lä äma üng kangkawng angxynlyng na tea ämaw äcae hawi hai bawi kha äma üng maw-a nähai bawi haw te vi dy. Hikä sa te phüng-a äma üng kangkawng lä khimi üng mimai kätyng aeje te, pawprae te la awng y vi ai dy. Honi kangkawng lä caiping kha cungrü bawi vi ai.

Filipi 1:10

Tukätephüng-a nang ce lä kähawiky saite re haw ö ai. Tukha Khrista tyng haile saite käni-a, nang ce lä cai kha khimi ce ma cy haw ö y ai mang.

Filipi 1:6

Nang ce thung-a hini kälu kähawi aetawng hai saite Säthaw lä Isu Khrista ly haile te käni tyng y rytä, hini kälu tea khüng rung khytä sa vi ai näte kai lä ae-y khü te vi.

Kolosa 1:22

Tungaila vaihi Säthaw üng Cäpaw lä khimi-a aelawng kha dü te hai-a nang ce lä Säthaw hai aede haile tyng vi dy. Ätephüng-a Säthaw ma hikä sa te mei nädylä nang ce bung äma maw-a ka te thüng-a, nang ce lä caiping ea hunghö awng y, sa tämang y saite thung-a awng haw hethang tähang vi.

Kolosa 2:7

Äni tea nang ce üng angjüng lä ru kha awng ö ba. Äni üng lo tea tängai khü kha hing ö. Epaphra hai äni üng rawijae na ma nang ce tea mätu te kätyng, nang ce üng yng saite lä ca te qawng-a ca khi ö rae ba. Säthaw tea kawng te lo thui kha bälaw jawjaw ö ba.

1 Thesalon 3:13

Säthaw ma nang ce tea bälung cakhi saite aethaw py sy. Tudylä mä-ai üng Areng Isu Khrista hai äni tea yng saite angxynlyng na mangtä ly haile te kätü-a, nang ce lä mä-ai üng Pä-ai Säthaw üng maw-a caiping kha cy nae awng ö y vi ai. Amen.

1 Thesalon 5:2

Ätephüng-a mei nädylä Areng ly hethang kätü lä, kärung-a theru kätyng ly ai näsaite nang ce lä mäny ö phi te phüng-a vi.

2 Thesalon 2:2

Khimi phütä na lä Areng üng Käni lä tyng rüng vi dy näkha thui ö vi. Khimi ce lä buisaw na üng lo, y käla, kai ce ma thui te lo na, y käla, cae tärü te phüng na thui ö vi ai. Hikä thui te thai dylä, nang ce lä jahaw-a bälung mawng kha aethüng y hethang nang ce tea aesi aebai kha kai ce lä thui hethang ngai ö te vi.

2 Thesalon 3:3

Tungaila Areng lä äma thui pyng saite tea lä sa vävawi te vi. Tukha äni lä nang ce tea aethaw py vi ai. Setan angra ma nang ce tea käsi sa haw y hethang nang ce bung Areng ma aedung pa vi ai.

2 Timote 1:12

Tukätephüng-a kai lä thawng thung-a mätang bälai saite na aeting jawjaw vi. Tungaila kai lä aejae y lyng. Ätephüng-a mei nädylä kai ma yng saite Khrista bung kai lä mäny te phüng-a vi. Khrista lä äma ly haile te Käni khytä kai tea a saite Angthang Kähawi tea aedung hai haw ai näte kai lä ae-y khü te vi.

2 Timote 1:18

Tärae cei saite Käni-a lä Areng ma Onesiphora tea lä bäheng sy. Ephesi märü-a äni lä kai tea makä tangtä säbawng mei näte nang lä kähawi-a mäny khe te vi.

1 Piter 5:10

Nang ce lä tänaetä mätang bälai pyng-a, tähang kähawi angxynlyng na üng Säthaw lä nang ce tea yng te cakhi hai kha aethaw awng hai ea cungrü hai ö vi ai. Äni lä Isu Khrista hai-a äma üng dungtäsa phung-ang thung-a qa hethang nang ce bung re te vi dy.

2 Piter 3:10

Areng lä ämi lawngtä la aedawng y te kätü-a, theru kätyng ly haile vi ai. Honi käni-a khösang lä ätüng käleng hai laja kha khösang-a awng saite angxynlyng na tea lä maikang kha pra hai king vi ai. Älawng hai älawng qawng-a awng saite angxynlyng na lä la king ö vi ai.

2 Piter 3:14

Tukätephüng-a, kai üng bälung aevaw te tea yng saite kangby jä-ai na ä, nang ce lä hini angxynlyng na tea aering ö te phüng-a, cy y hethang, cai hethang Säthaw hai awngneng hethang aethawsa ö.