1 Korin 1:7 - Caekäcai Kangthae (Lemi)

⁷ Nang ce lä bälung aethaw awng bärai te hai mä-ai üng Areng Isu Khrista tyng haile te kätü tea aering ö te vi. Nang ce aering ö te kätü-a, Muilaw Käcai hai aesui kha sakaw saite angxynlyng na tea lä Säthaw ma py te vi dy.

Asang Khongso New Testament

⁷ Topongah aicae Angraeng Jesuh Khrih kamtueng hankoi to zing o na-ah na hnuk o han ai-ih tahamhoihhaih maeto boe doeh om mak ai.

1 Korin 1:7 ပူးပေါင်းရင်းမြစ်များ

Mathai 25:1

“Honi kätü-a, Säthaw üng pre pyng saite lä hini kätyng vi. Qengtä-a anglaw lawng hawtä na äma ce üng maibung na süng kha nawngpui la saite särai hai aeting hethang ly ö dy.

Luka 12:36

Aepawng pawi haetä üng vawi saite äni ce üng ingkung tea kätho pä-awng praw he aering rüng saite mawsawng na kätyng awng ö.

Luka 17:30

Kai, Khimi üng Cäpaw, ly haile te kätü-a lä honi kätyng awng by vi ai.

Pawlae ma Rom märü üng kangkawng tähang tärü saite cae 8:19

Säthaw ma sa saite käni, älawng hai khöteng täki angxynlyng lä Säthaw ma aetüng hethang äma üng caw nade na tea tengxyng y aedawng rawng ö te vi.

Pawlae ma Rom märü üng kangkawng tähang tärü saite cae 8:23

Säthaw üng sa saite qaitä hangsung te cang y, Säthaw lä äma angcü üng lasawng kätyng Muilaw Käcai mä-ai tea py kha mä-ai la reng ö te by vi. Säthaw lä mä-ai bung äma üng caw nade na-a mäthi kha äma üng älo aedo te kätyng mä-ai üng ätabung kangthae py hethang mä-ai lä aering ö te vi.

1 Korin 4:5

Tukätephüng-a Säthaw ma khai saite kätü tyng y te kälang-a lä, khimi ce tea tärae cei ö hang. Areng tyng haile te kätü-a, ämi lä kähawi-a sa mei, sa y mei, näte Areng ma thui vi ai. Äni lä käving thung-a ho saite na kaevang-a täphawng vi ai. Areng ma khimi ce lä äma ce üng bälung thung-a dawng saite na khimi qütä tea mäny hai vi ai. Honi kätü-a, Säthaw lä khimi qütä tea äma ce hai aeteng khaw te kätyng bälaw qi pa vi ai.

2 Korin 12:13

Kai lä nang ce tea kangkawng kälang na üng aely leng y te kätyng dawng te vi mei. Kai ma üng aely ngai saite na phüng-a, nang ce tea kai lä bälungbi hai y lyng. Hini xyngtä phüng-a nang ce lä kangkawng kälang na hai aetawng te y. Hini kätyng nang ce tea kai üng sa tämang saite tea lä bälawi ö ba.

Galati 5:5

Khrista tea yng te hai-a, Säthaw lä cüng te vi näkha aedawng te lä mä-ai lä Muilaw Käcai phüng-a aethang khai ö te vi.

Filipi 3:20

Tungaila mä-ai lä Känipre üng khimi na vi. Känipre mang mä-ai üng Aeqangkung Isu Khrista ly haile be ai näte tea aethang khai te hai aering ö te vi.

Kolosa 3:4

Nang ce üng hing saite langdüng lä Khrista vi. Äni lä älawngpre-a ly haile te kätü-a, nang ce la äni üng phung-ang dang kha äni hai mangtä tho ö by ai.

1 Thesalon 1:10

Tukha nang ce lä Säthaw ma kädü thung üng mätha haile pa saite Äcäpaw Isu Khrista lä Känipre mang üng cäqa haile tyng ai te tea aering hethang phüng khimi qütä ma thui ö vi dy. Isu Khrista ly haile tea lä Säthaw üng kädawtho saite thung üng mä-ai bung Äni ma aelawi hai pa vi ai.

2 Thesalon 1:7

Tukha nang ce hai kai ce mangtä vaihi mätang bälai saite khimi na tea lä Säthaw ma säbawng ai. Hini na lä Areng Isu Khrista Känipre mang üng ly haile be te kätü-a, tyng khaw vi ai. Äni üng haidae awng saite angtawtha na lä Äma hai mangtä maibälai hai tho ö ai.

2 Timote 4:8

Kai lä kawng te hai äni üng lo tängai te phüng-a vaihi Säthaw ma kai tähang ävang käting khai rüng pa vi dy. Khimi angxynlyng na tea kätüng-a tärae cei saite Areng lä äma ly haile te honi Käni-a lä kai tea hini ävang käting py ai. Kai ma qaitä tea py hethang kae y. Äma ly haile te kätü tea aethang khai te hai aering saite khimi angxynlyng na tea la ävang käting py pa ö by ai.

Titas 2:13

Mä-ai lä hikä awng te thüng-a, mä-ai tea kawng hai saite aethang khai te tea aering ö te vi. Honi lä mä-ai üng kaesangky Säthaw hai Aeqangkung Isu Khrista lä äma üng phung-ang hai aetüng ai te tea vi.

Hebrai 9:28

Honi kätyng täthei Khrista lä khimi awng mang te na üng hunghö na tea mäcai hethang äma tea äma löci mawi kätyng-a qengtä aesa pa vi dy. Äni lä äbaeni tyng haile tyng vi ai. Honi kätü-a äni lä khimi ce üng hunghö na hai aesui kha äte la sa pa y dy lyng. Tungaila äni tea aering saite na bung lä äni ma aeqang pa vi ai mang.

1 Piter 1:13

Tukätephüng-a nang ma ce tea aeküng kha kälu tähang nang ma ce üng bälung kaedawng na tea lä aerü rüng ö lawi. Isu Khrista ly haile te kätü-a, nang ce tea tähang kähawi py ai näte nang ce lä cungrü-a aethang khai jawjaw ö lawi.

1 Piter 4:13

Tungaila Khrista üng mätang bälai saite thung-a, nang ce lä qa te phüng-a, anghawtho ö ba. Tudylä Khrista üng phung-ang täphawng te kätü-a, nang ce lä anghawtho rae haw ö vi ai.

1 Piter 5:4

Beram rui te kung kälengky Khrista ly haile te kätü-a, nang ce lä phung-ang leng bärai saite ävang käting dang ö ai. Hini üng ang saite lä manila aemai y vi ai.

2 Piter 3:12

Nang ce lä Khrista ly haile te käni tea aering kha honi käni tyng dawde hethang aethawsa ö. Honi käni-a Säthaw lä khösang tea mai hai täphra vi ai. Hini mai üng käbi hai-a khösang üng käni, law hai tengpaw na lä qawng ö vi ai.

1 Johan 3:2

Kai üng bälung aevaw saite rawijae na ä, vaihi mä-ai lä Säthaw üng caw nade na ö vi. Tungaila vaimaw mang-a mä-ai lä ätemakä aelawng ai mei näte mäny ö te y rawng. Tungaila Khrista tyng haile te kätü-a, mä-ai lä äma kätyng aelawng ai näte mä-ai lä mäny ö te vi. Ätephüng-a mei nädylä äni üng tätang khaw lawng saite tea mä-ai lä nung ö ai.

Judae 1:21

Mä-ai üng Areng Isu Khrista üng bäheng saite phüng-a, nang ce tea dungtäsa hing saite dang hethang nang ce ma aering te kätü-a Säthaw üng bäheng saite thung-a awng ö ba.