1 Korin 1:5 - Caekäcai Kangthae (Lemi)

⁵ Nang ce lä Khrista hai bungtä te phüng-a, Säthaw lä nang ce tea ngai saite angxynlyng na cungrü-a py pyng te vi dy. Säthaw lä nang ce tea äma üng Angthang Kähawi khimi kälang na tea thuikaw saite hai bälunghae saite angxynlyng na py te vi dy.

Asang Khongso New Testament

⁵ Kawmawtiah Khrih hoiah angpaehhaih ranghoiah tiboih boih ah nangraeng o boah, lokthuihhaih boiboih hoi panoekhaih boiboih ah doeh nangraeng o.

1 Korin 1:5 ပူးပေါင်းရင်းမြစ်များ

Angtawtha 2:4

Tukha Muilaw Käcai ma äni ce angxynlyng tea rui hai pa vi dy. Muilaw Käcai ma älo aepe hai te kätyng-a, äni ce lä älo amäjy cawngkhang na hai aepe ö vi dy.

Pawlae ma Rom märü üng kangkawng tähang tärü saite cae 11:12

Judae khimi na üng hunghö sa saite phüng-a, älawngpre-a awng saite khimi kälang na tea tähang kähawi na dang hai mang ö te vi. Judae khimi na sa tämang te phüng-a, Säthaw lä ceng kälang na tea tähang kähawi na py mang te vi. Tudylä Säthaw ma re saite Judae khimi angxynlyng na yng te kätü-a, hini qawng-a cang y khimi angxynlyng na lä tähang kähawi dang ö rae vi ai.

Pawlae ma Rom märü üng kangkawng tähang tärü saite cae 15:14

Kai üng kangby jä-ai na ä, nang ce lä hawi saite na hai bälunghae saite angxynlyng na awng näte kai lä ae-y khü te vi. Nang ce lä nang ma ce tingtawi aemätu haw ö te vi.

Pawlae ma Rom märü üng kangkawng tähang tärü saite cae 15:4

Jangni-a Caekäcai thung-a tärü saite angxynlyng na lä mä-ai tea mätu hethang vi. Hokä dylä Caekäcai thung-a tärü saite na lä mä-ai tea änawngsa hai te hai aethaw py te vi. Tukätephüng-a mä-ai lä aethang khai haw ö te vi.

1 Korin 12:10

Muilaw Käcai ma khimi lawngtä tea cangxei saite na sa hethang haidae py vi dy. Kälang lawngtä tea lä buisaw lo thuikaw saite py vi. Kälang tea lä äni ma Muilaw Käcai üng haidae hai-a khimi lawngtä ma kälu sa te, y dylä Setan üng haidae hai-a kälu sa te tea mäny haw hethang sakaw saite py vi dy. Khimi lawngtä tea lä äni ma mäny haw y saite lo cawngkhang aepe hethang thuikaw saite py, äkälang lawngtä tea lä äni ma khimi ce thaikaw haw hethang mäny haw y saite lo cawngkhang aepe tea thui mäcai haile kaw saite py vi dy.

1 Korin 12:8

Muilaw Käcai ma khimi lawngtä tea lä bälungkähae hai thuikaw saite py vi dy. Lawngtä tea lä äni ma mänykaw saite hai Säthaw üng Angthang Kähawi thuikaw saite py te vi dy.

1 Korin 13:2

Kai lä buisaw lo thui haw te läsy, Säthaw üng ho saite lo angxynlyng na tea mänykaw te läsy, bälunghae saite angxynlyng na awng te läsy, me anghung na tea mäthuija haw te khytä yng te awng ngaila, kai üng kangby jä-ai na tea bälung aevaw y dylä, kai lä aetütü kae.

1 Korin 13:8

Bälung aevaw saite khimi lä dungtäsa bälung aevaw haw te vi. Tungaila buisaw lo thuikaw saite na, mäny haw y saite lo thuikaw saite na hai mänykaw saite angxynlyng na lä khimi ce ma tawng ö y vi ai dy.

1 Korin 14:26

Kangby jä-ai na ä, kai thui hethang ngai te lä hini vi. Nang ce lä Säthaw tea cäphaw hethang mangtä aecö te kätü-a, lawngtä lä ae-awi thui, lawngtä lä Säthaw lo mätu, lawngtä lä äma tea Säthaw ma aetüng hai saite phüng thui, lawngtä lä mäny haw y saite lo hai angthang thui kha lawngtä ma lä mäny haw y saite lo tea thui mäcai pa te vi. Hini sakaw saite angxynlyng na lä kangkawng tea säbawng hethang tawng he kae.

1 Korin 8:11

Hini kangby jä-ai tähang Khrista lä dü pa te vi dy. Tungaila äni üng yng saite lä aethawdi te phüng-a, nang ce üng mänykaw saite ma äni üng yng saite tea lä täphra vi ai.

2 Korin 4:6

Säthaw ma, “Käving thung-a kaevang awng sy” näkha thui vi dy. Hini Säthaw lä mä-ai üng bälung na thung-a la äni üng kaevang aevang hai te vi dy. Tukätephüng-a Isu Khrista üng mimai-a mä-ai lä Säthaw üng phung-ang tea nung kha mäny haw ö te vi.

2 Korin 6:10

Kai ce lä bälungsi ngaila, anghawtho haw ö jawjaw te vi. Kai ce lä tangkae awng y ngaila, khimi awng mang saite na tea Säthaw üng tähang kähawi tha haw ö te vi. Kai ce lä äte haetä la awng ö y ngaila, Säthaw lä kai ce tea äte angxynlyng na py te vi dy.

2 Korin 8:7

Nang ce lä tengxyng y äte angxynlyng na-a tawngnang ö vi. Nang ce üng yng saite, älo thuikaw saite, mänykaw saite, säbawng he ngai saite bälung hai kai ce tea bälung aevaw saite na awng ö vi dy. Tukätephüng-a nang ce lä hini bälung aevaw saite üng kälu tähang bäsai y käla py hai hethang kai ce lä ngai hai ö te vi.

2 Korin 9:11

Areng lä nang ce tea älang cawngkhang-a tawngnang hai ö ai. Tudylä nang ce lä kätü qütä-a bäsai y käla py haw ö te vi. Kai ce te mang hai-a nang ce üng py saite na khimi ce ma dang te kätü-a, äni ce lä Säthaw tea kawng te lo thui ö ai.

Ephesi 1:17

Kai lä mä-ai üng Areng Isu Khrista üng Säthaw, phung-ang aesang saite Pä-ai, tea aetang te vi. Nang ce tea Muilaw Käcai üng bälunghae saite hai täphawng saite py hethang äni tea kai lä aetang te vi. Nang ce lä äni tea mäny ö rae ai mang.

Ephesi 2:7

Ätephüng-a mei nädylä äni lä vaimaw mang üng khimi na tea Säthaw üng tähang kähawi leng bärai saite mäteng ma mätü haw hethang tähang vi. Säthaw üng tähang kähawi lä äte kälang angxynlyng na qawng-a lengky te vi. Äni lä mä-ai hai Isu Khrista tea bungtä bälawng te hai-a äma üng tähang kähawi leng bärai saite mä-ai tea mätü te vi dy.

Ephesi 3:8

Kai lä Säthaw üng khimi angxynlyng na thung-a aely leng y ky saite lawngtä vi. Tungaila Säthaw lä ceng kälang na tea Khrista üng tengxyng y tawngnang saite phüng thui hethang kai tea tähang kähawi py te vi dy. Hini Khrista üng tengxyng y tawngnang saite phüng lä khimi ce ma thaikaw saite qawng-a hawiky te vi.

Ephesi 6:19

Kai tähang la aetang pa jo ba. Säthaw üng ho saite Angthang Kähawi tea mäny hai hethang hai kai lä ri y käla ma thui te kätü qütä-a, Säthaw ma kai tea py te aebäla saite lo thui haw hethang aetang pa ö jo.

Filipi 1:9

Nang ce üng bälung aevaw saite hai bälungkähae hai kätüng mäny saite thung-a ryng rae ryng rae hethang tähang kai lä aetang te vi.

Kolosa 2:3

Säthaw lä ho saite bälungkähae hai ävang käting angthang tea Khrista ma nang ce tea mänykaw hai te vi.

Kolosa 3:10

Nang ce lä vaihi khimi kangthae-a aelawng ö te vi dy. Säthaw lä nang ce üng äthung-a kähawi aeme aeqa saite na mäkung kha äma üng ämaw äcae hai aetawng rung khytä sa te vi dy. Tukätephüng-a nang ce lä äni bung tätang khaw-a mäny ö ai.

Jako 3:13

Nang ce thung-a bälunghae saite lä ämi mei. Mänykaw saite lä ämi mei. Nang ce lä hawi saite kähing hai mätü hethang kae. Nang ce lä aemäneng kha hawi saite kälu na hai bälunghae saite mätü ö.

2 Piter 3:18

Tudylä mä-ai üng Aeqangkung Areng Isu Khrista üng tähang kähawi tea mänykaw rae kha äni bung mäny rae hethang aethawsa ö. Areng tea phung-ang käleng lä vai üng hai dungtäsa awng jawjaw sy. Amen.