1 Korin 1:30 - Caekäcai Kangthae (Lemi)

³⁰ Säthaw ma sa te phüng-a, nang ce lä Isu Khrista hai bungtä lawng ö vi dy. Säthaw lä Khrista bung mä-ai tähang bälunghae hai hethang sa te vi dy. Äni hai-a Säthaw ma mä-ai tea khimi käcüng-a dawng te vi. Äni hai-a mä-ai bung lä khimi käcai-a lawng hai vi dy. Äni lä mä-ai üng hunghö sa jawjaw y hethang bälawi te vi dy.

Asang Khongso New Testament

³⁰ To-e Sithaw mah nangcae to Khrih Jesuh hoiah angpaehsak ah oh boah moa Sithaw mah Khrih to aicae ciinghaih iah oh hanah a sak boah. Anih ranghoiah aicae loa Sithaw hoiah angdaeh o boah moa; aicae loa Sithaw ih kami kacai ah oh boah moa kaloih kami ah oh o boah.

1 Korin 1:30 ပူးပေါင်းရင်းမြစ်များ

Mathai 1:21

Äni lä cäpaw lawngtä aepeng ai. Nang lä Äni tea ‘Isu’ näkha ämüng mäthi ba. Ätephüng-a mei nädylä Äni lä Äma üng khimi na bung hunghö thung üng aeqang vi ai” näkha näpa.

Luka 11:49

Hini phüng-a Säthaw lä äma üng bälungkähae hai-a ‘Kai ma Isrelae khimi na tea buisaw na hai angtawtha na bung mätaw vi ai. Isrelae khimi na ma buisaw phütä na tea, mätangca-a sa pa. Buisaw kälang na tea la bädü pa vi ai’ näpa.

Luka 21:15

Ätephüng-a mei nädylä nang ce tea nang ma ce üng bälungkae-i na ma e haw y hethang kai ma bälungkähae hai älo na py ai mang.

Johan 1:18

Ämi la Säthaw bung nung vai te y. Tungaila Pä-ai üng äteng-a awng saite Äcäpaw lawngtä xyng ma Säthaw bung khimi ce tea mäny hai pa te vi.

Johan 14:6

Isu ma “Kai lä lolang vi. Älo mitang hai Hing saite la vi. Pä-ai tea tyng rung khytä ly haw saite lolang lä Kai ma qaitä kae.

Johan 17:26

Pä-ai, Nang, bung Kai ma äni ce tea mäny hai pyng te vi dy. Hini qawng-a cang y mäny hai jawjaw vi ai rawng. Nang ma Kai tea bälung aevaw saite lä, äni ce tea awng by. Kai la äni ce hai aesui by ai” näkha näpa.

Johan 17:8

Kai tea Nang ma thui saite angthang Kai lä äni ce tea thui pa kha äni ce lä tängai ö dy. Kai lä Nang ma te üng ly te mäny khü kha Pä-ai, Nang, ma Kai bung mätaw näte äni ce lä yng ö dy.

Johan 8:12

Tukha Isu ma khimipui na tea “Kai lä älawngpre khimi ce üng kaevang vi. Kai leithung hui saite na lä manila käving thung-a ly y dy lyng. Äni ce lä kähing py saite kaevang dang ö vi ai” näkha näpa.

Angtawtha 26:18

Nang lä ceng kälang khimi na üng ämi tea aevang hai pa he kae. Äni ce bung käving thung üng hai kaevang mang-a aekö hai lawi. Tukha Setan angra üng haidae thung üng hai Säthaw te mang-a, tyng hai hethang kae. Äni ce lä kai tea yng te phüng-a, Säthaw ma äni ce üng hunghö na bälawi pa ai. Säthaw ma re saite khimi na thung-a, awng haw hethang mityng py ai. Hini kä aelawng hethang kai lä nang bung mätaw te vi.’

Pawlae ma Rom märü üng kangkawng tähang tärü saite cae 1:17

Säthaw lä mä-ai tea makä sa kha khimi käcüng-a mäthi ai mei näte Angthang Kähawi hai mätü te vi. Honi lä angcü üng hai kangkhüng khytä yng saite hai-a dang te vi. Caekäcai thung-a, “Khimi käcüng lawngtä lä yng saite hai-a dungtäsa hing ai” näkha awng vi.

Pawlae ma Rom märü üng kangkawng tähang tärü saite cae 11:36

Areng lä äte angxynlyng na tea sa te vi. Angxynlyng na la äni phüng-a awng te kae. Angxynlyng na la äni tähang awng te kae vi. Säthaw üng phung-ang lä dungtäsa awng jawjaw sy. Amen.

Pawlae ma Rom märü üng kangkawng tähang tärü saite cae 12:5

Honi kätyng-a mä-ai lä aetawng y saite khimi awng mang ö ngaila, Khrista tea lä bungtä te phüng-a, mä-ai angxynlyng na lä ätabung haetä üng aesui saite kaepreng na vi.

Pawlae ma Rom märü üng kangkawng tähang tärü saite cae 16:11

Judae ceng Herodion hai Areng tea yng saite kangby jä-ai Nakhisa hai äni ingthung üng yng saite khimi tea la cibai sa te lo thui pa.

Pawlae ma Rom märü üng kangkawng tähang tärü saite cae 16:7

Kai hai mangtä thawng thung-a pä-ung saite Judae ceng thung üng Andronicus hai Junia ni tea la cibai sa te lo thui pa jo. Änini lä angtawtha saite na näkha ämüng aethang hawi te vi. Kai qawng-a angcüky Khristen lawng hawi saite khimi na vi.

Pawlae ma Rom märü üng kangkawng tähang tärü saite cae 4:25

Mä-ai üng hunghö tähang Säthaw ma Isu bung lä dü hethang a pa te vi. Säthaw lä mä-ai üng hunghö bälawi kha khimi käcüng-a awng haw hethang Khrista bung kädü thung üng mäning haile pa te vi dy.

Pawlae ma Rom märü üng kangkawng tähang tärü saite cae 4:6

Sanphrang Davidae la “Kälu sa y käla Säthaw ma khimi käcüng näkha mäthi saite khimi lawngtä lä tähang hawi te vi” näte tea thui te vi.

Pawlae ma Rom märü üng kangkawng tähang tärü saite cae 5:19

Khimi lawngtä ma lä Säthaw üng lo tängai y te phüng-a, khimi angxynlyng na lä hunghö sa saite na lawng ö te vi dy. Honi kätyng khimi lawngtä ma Säthaw üng lo tängai te phüng-a, Säthaw lä khimi angxynlyng na tea lä khimi käcüng-a mäthi pa vi ai.

Pawlae ma Rom märü üng kangkawng tähang tärü saite cae 5:21

Tukha khimi angxynlyng na tea lä hunghö ma pyng kha dü hethang kae te kätyng, Säthaw üng tähang kähawi ma la pyng te vi dy. Honi hai-a khimi angxynlyng na tea lä Säthaw ma äma üng maw-a khimi käcüng-a mäthi kha mä-ai üng Areng Isu Khrista hai-a dungtäsa kähing py pa vi dy.

Pawlae ma Rom märü üng kangkawng tähang tärü saite cae 8:1

Vaihi Isu Khrista hai bungtä awng saite khimi lä Säthaw ma dengpy pa y vi dy.

Pawlae ma Rom märü üng kangkawng tähang tärü saite cae 8:23

Säthaw üng sa saite qaitä hangsung te cang y, Säthaw lä äma angcü üng lasawng kätyng Muilaw Käcai mä-ai tea py kha mä-ai la reng ö te by vi. Säthaw lä mä-ai bung äma üng caw nade na-a mäthi kha äma üng älo aedo te kätyng mä-ai üng ätabung kangthae py hethang mä-ai lä aering ö te vi.

Pawlae ma Rom märü üng kangkawng tähang tärü saite cae 8:9

Tungaila Säthaw üng Muilaw Käcai lä nang ce thung-a awng dylä, nang ce tea lä ngaiphi tüng y saite ma pyng te y vi. Muilaw Käcai lä nang ce tea pyng te vi. Khrista üng Muilaw Käcai awng y saite khimi lä Khrista hai aesui ö te y.

1 Korin 1:2

Korin märü-a awng saite Säthaw üng kangkawng, Säthaw ma Isu Khrista hai-a cai hai kha Säthaw üng khimi käcai-a Isu Khrista hai bungtä mäthi saite nang ce tea hini cae kai lä tärü te vi. Mityng qütä mä-ai üng Areng Isu Khrista tea cäphaw saite khimi angxynlyng na tähang hini kätyng sa te vi. Khrista lä äni ce hai mä-ai üng Areng vi.

1 Korin 1:24

Tungaila Säthaw lä Judae khimi phütä na hai ceng kälang khimi phütä na tea äma üng khimi na lawng hethang re pyng vi dy. Hini khimi ce lä Khrista üng Angthang thai kha yng te kätü-a, Säthaw üng haidae hai bälunghae saite lä Khrista vi näte tea äni ce lä mäny ö vi dy.

1 Korin 12:18

Tungaila Säthaw lä mä-ai üng ätabung tea kaepreng awng mang saite na hai sa pyng te vi dy. Äni lä hini kaepreng angxynlyng na tea äma üng ngai saite kätyng sa rüng pa te vi dy.

1 Korin 12:27

Nang ce lä Khrista üng ätabung vi. Nang ma ce thung üng khimi qütä lä honi ätabung üng kaepreng haetä lawng qi te vi.

1 Korin 12:8

Muilaw Käcai ma khimi lawngtä tea lä bälungkähae hai thuikaw saite py vi dy. Lawngtä tea lä äni ma mänykaw saite hai Säthaw üng Angthang Kähawi thuikaw saite py te vi dy.

1 Korin 4:15

Nang ce tea Khristen särae na awng mang ö ngaila, nang ce tea lä Pä-ai lawngtä xyng awng te vi. Nang ce lä Isu Khrista hai bungtä awng te phüng-a, kai lä nang ce üng Pä-ai-a lawng vi dy. Ätephüng-a mei nädylä, nang ce tea Angthang Kähawi angcüky thui pa saite lä kai vi.

1 Korin 6:11

Angcü üng hai ma nang ce thung üng khimi phütä lä honi kätyng käsi na sa ö te vi. Tungaila Säthaw lä nang ce üng hunghö na tea bäse pang kha cai hai te vi. Areng Isu Khrista hai Säthaw üng Muilaw hai-a nang ce lä Säthaw üng maw-a khimi käcüng-a lawng ö vi dy.

2 Korin 12:2

Leithung üng khösäning hawlai bälitä-a aesangky saite Känipre thung-a Säthaw ma nähaija pa saite Khrista üng äkähui lawngtä bung kai lä mäny vi. Säthaw ma äni üng ätabung tea aesangky saite Känipre-a nähaija te mei y dylä, äsämai mätü te mei näte kai lä mäny y ngaila Säthaw lä mäny te vi.

2 Korin 4:6

Säthaw ma, “Käving thung-a kaevang awng sy” näkha thui vi dy. Hini Säthaw lä mä-ai üng bälung na thung-a la äni üng kaevang aevang hai te vi dy. Tukätephüng-a Isu Khrista üng mimai-a mä-ai lä Säthaw üng phung-ang tea nung kha mäny haw ö te vi.

Galati 1:4

Mä-ai üng Pä-ai Säthaw aely kängai-a mä-ai üng hunghö sa te phüng-a, Isu Khrista lä dü pa te vi dy. Hini hai-a käsi kaedawng saite hai kähawi y sa saite khimi na kätyng awng y hethang äni lä mä-ai bung aeqang te vi.

Galati 3:13

Khrista lä mä-ai tähang angsawi lawi te hai-a, Ubädi üng angsawi lawi te üng mä-ai bung lä äni ma bälawi pa te vi dy. Hini phüng Caekäcai thung-a tärü te lä, “Thinglang qawng-a täheng kha mädü pa saite khimi qütä lä Säthaw üng angsawi lawi saite vi” näkha awng te vi.

Ephesi 1:10

Khai rüng saite kätü tyng khaw tea äni ma Känipre-a hai älawngpre-a awng saite angxynlyng na tea lä Khrista üng aenae täkui-a mangtä khai ö ai näsaite lä äni üng mawlang kaedawng vi.

Ephesi 1:14

Mä-ai lä Muilaw Käcai bung dang te phüng-a, Säthaw lä äma älo aedo saite kähawi na py ai näte mä-ai lä mäny haw khaw ai. Säthaw lä äma üng khimi lawng saite mä-ai bung aeqang king hethang kätü-a, äni lä mä-ai tea tähang kähawi na py king vi ai. Säthaw lä leng bärai te phüng-a äni tea mä-ai lä bälaw ö si.

Ephesi 1:7

Isu Khrista üng dü saite hai äthi phüng-a Säthaw lä mä-ai üng hunghö na bälawi kha mä-ai bung lawi hai te vi dy. Säthaw üng tähang kähawi lä tengxyng y leng bärai vi. Äni lä tähang kähawi hai-a mä-ai tea bälung kähae py kha äte angxynlyng na tea mäny hai king te vi dy.

Ephesi 2:10

Säthaw lä mä-ai bung khimi kangthae kätyng-a sa te vi dy. Mä-ai lä hawi saite kälu na sa hethang Isu Khrista hai bungtä-a lawng hai te vi. Honi hawi saite kälu na lä jangni-a Säthaw üng mawlang kaedawng kätyng sa te vi dy.

Ephesi 4:30

Säthaw üng Muilaw Käcai tea lä bälungsi hai ö hang. Säthaw lä Muilaw Käcai py te hai-a nang ce tea äsäny sa te vi. Hini äsäny hai kangkhüng üng käni-a nang ce bung Säthaw lä cungrü-a aeqang vi ai näte mätü te by vi.

Ephesi 5:26

Mä-ai tea cai hai hethang Khrista lä hikä sa te vi dy. Tui hai-a mäse te kätyng-a Säthaw üng lo hai Khrista lä kangkawng tea mäcai te by vi dy.

Filipi 3:9

Tukha kai lä äni hai bungtä cung bawi-a awng haw hethang vi. Kai lä Ubädi lo tängai te hai-a kai ma tea khimi käcüng-a bälawng te y vi. Khrista tea yng te hai-a kai lä khimi käcüng-a aelawng te kae. Honi cüng saite lä kai lä Isu tea yng te phüng-a, Säthaw ma kai tea py saite kae vi.

Kolosa 1:14

Äma üng Cäpaw tähang hai-a mä-ai üng hunghö na bälawi kha Setan üng haidae thung üng mä-ai bung Säthaw ma kätho te vi dy.

Kolosa 3:16

Khrista üng lo angthang tea kätü qütä aedawng ö ba. Nang ce lä lawngtä tea lawngtä Khrista üng Angthang aemätu kha bälunghae saite angxynlyng na hai aemäcü ö. Nang ce üng bälung mäke angxynlyng na hai Säthaw tea Sam ae-awi na, Säthaw tea bälaw saite ae-awi na, Säthaw üng Angthang hai ae-awi na thui kha kawng ö lawi.

1 Thesalon 5:23

Awngneng te käpy Kung, Säthaw, lä nang ce te üng hing saite tea cai hai kha cungrü hai king vi ai. Mä-ai üng Areng Isu Khrista ly haile tyng te kätü khytä, nang ce tea cy y hethang Säthaw lä nang ce üng bälung hai hing saite ätabung na tea kähawi-a rui hethang kai lä aetang te vi.

Titas 2:14

Äni lä mä-ai bung hunghö angxynlyng na üng aelawi hethang hai, äma üng khimi käcai hai khimi khekhe-a bälawng pa hethang vi dy. Tukha ätete kähawi sa hai hethang dawng khü saite na aelawng hai hethang äma ma mä-ai tähang aepy te vi dy.

Hebrai 9:12

Äni lä sobei na, raebawi na üng äthi na hai-a kung te y lyng. Tungaila äni lä Mityng Käcaiky-a äma üng äthi khekhe hai nähai kha mä-ai tea dungtäsa aeqang hethang qengtäma kung te vi dy.

Jako 1:5

Nang ce thung üng bälung kähae ngai saite khimi lä Säthaw tea mäkai sy. Säthaw lä khimi qütä tea cy y käla mäsai y te hai py khaw ai.

1 Piter 1:2

Jangni üng hai ma Pä-ai Säthaw lä nang ce bung mäny kha re ea Äma üng Muilaw Käcai ma nang ce tea cai hai te vi dy. Tukätephüng-a nang ce lä Isu Khrista üng lo tängai kha äma üng äthi hai-a nang ce lä cai ö te vi dy. Säthaw ma nang ce tea lä tähang kähawi hai awngneng saite cungrü-a py sy.

2 Piter 1:1

Hini cae lä Isu Khrista üng mawsawng hai angtawtha lawng saite, kai, Simon Peterae, te üng vi. Kai lä Säthaw hai mä-ai üng Aeqangkung Isu Khrista üng cüng saite hai-a kai ce kätyng yng te ävang käting dang saite na tea cae tärü te vi.

1 Johan 5:6

Isu Khrista lä hini älawngpre-a ly kha Johan ma äni tea tui hai baptismae py pa vi dy. Isu lä tui hai baptismae la te cang y, honi pyng-a Isu Khrista üng dü saite kätü-a, äthi tho te vi. Honi na lä tüngkhaw vi näkha Muilaw Käcai lä mä-ai tea mätü pa te vi. Ätephüng-a mei nädylä Muilaw Käcai lä khimi ce tea mitang khaw saite tea mätü jawjaw te vi.

Lokphong 14:4

Honi khimi na lä nawngmädi na hai täkübäjang sa ö y saite na vi. Äni ce lä äma ce tea pawprae y hethang sädi khai ö te vi. Äni ce lä Beram Caw ly saite mityng qütä-a hui ö vi. Äni ce bung Säthaw lä khimi ceng angxynlyng na thung üng kätho haile pa ö te vi dy. Äni ce lä Säthaw hai Beram Caw hai aesui saite na vi. Äni ce lä angcü üng ae saite cawbi cawthai na Säthaw hai Beram Caw tea a pyng saite na kätyng vi dy.

Lokphong 5:9

Tukha äni ce lä ae-awi kangthae thui ö vi dy. “Nang lä honi cae ang-yng la hethang hai, cakhi saite dengki na tea täphra hethang aeteng khaw vi. Ätephüng-a mei nädylä, khimi ce lä nang bung bädü kha nang üng löci aesa saite hai ceng qütä, älo cawngkhang aepe saite qütä, älawng qawng üng pre qütä awng saite na üng khimi na bung lä Säthaw tähang rang vi dy.