1 Korin 1:2 - Caekäcai Kangthae (Lemi)

² Korin märü-a awng saite Säthaw üng kangkawng, Säthaw ma Isu Khrista hai-a cai hai kha Säthaw üng khimi käcai-a Isu Khrista hai bungtä mäthi saite nang ce tea hini cae kai lä tärü te vi. Mityng qütä mä-ai üng Areng Isu Khrista tea cäphaw saite khimi angxynlyng na tähang hini kätyng sa te vi. Khrista lä äni ce hai mä-ai üng Areng vi.

Asang Khongso New Testament

² Korin vang ih kaom Sithaw ih Khrihca kangkom hoi, Khrih Jesuh hoiah angpaehhaih ranghoiah angmah ih kami ah kaom Sithaw ih kami kacai ah oh hanah kawk ih kami boiboih hoi, angmahcae Angraeng hoi aicae Angraeng Jesuh Khrih ka bok hmuenh kruekah kaom kami boiboih khaeah ca kang pat o.

1 Korin 1:2 ပူးပေါင်းရင်းမြစ်များ

Angtawtha 10:36

Säthaw lä Isrelae khimi na tea mäny hai te angthang phüng, nang ce lä thai ö vi dy. Äte angxynlyng na üng Areng-a bälawng saite Isu Khrista lä khimi angxynlyng na tähang sa saite hai-a, mä-ai lä Säthaw hai aede haw vi dy. Honi lä Angthang Kähawi vi dy.

Angtawtha 15:9

Säthaw lä äni ce bung mä-ai hai täphü kha khai te y. Äni ce lä Isu tea yng te phüng-a, äni ce üng bälung la caiping vi dy.

Angtawtha 18:1

Tupyng-a Pawlae lä Athen märü üng tho kha Korin märü-a tyng vi.

Angtawtha 22:16

Tukätephüng-a äte tea aering kha awng te mei. Aetha kha baptismae la lawi. Nang üng hunghö na aelawi hethang Areng tea aetang lawi’ näkha näpa.

Angtawtha 26:18

Nang lä ceng kälang khimi na üng ämi tea aevang hai pa he kae. Äni ce bung käving thung üng hai kaevang mang-a aekö hai lawi. Tukha Setan angra üng haidae thung üng hai Säthaw te mang-a, tyng hai hethang kae. Äni ce lä kai tea yng te phüng-a, Säthaw ma äni ce üng hunghö na bälawi pa ai. Säthaw ma re saite khimi na thung-a, awng haw hethang mityng py ai. Hini kä aelawng hethang kai lä nang bung mätaw te vi.’

Angtawtha 9:13

Anania ma “Areng ä, äni lä Jerusalem märü üng käyng khimi na tea sakälö khü vi näte hai äni üng phüng khimi angxynlyng na ma, thui te lä kai thai vi.

Angtawtha 9:14

Tukha Areng tea Yng saite khimi angxynlyng na bung ne hethang mäthykung käleng na te üng aenae dang pyng saite khimi vi” näkha näpa.

Angtawtha 9:21

Äni üng älo thai saite khimi angxynlyng na lä cangxei ö phi vi dy. Äni ce ma “Hini khimi lä Jerusalem märü üng Isu tea Yng saite khimi na bung bädü saite khimi y mei. Hini mityng üng käyng na bung ne kha mäthykung käleng na tea nähai hethang äni lä ly te y vi mei.”

Pawlae ma Rom märü üng kangkawng tähang tärü saite cae 1:7

Säthaw ma bälung aevaw kha äma üng khimi na khe khe-a lawng hai hethang re saite Rom märü üng nang ce tea kai lä cae tärü te vi. Mä-ai üng Pä-ai Säthaw hai Areng Isu Khrista ma nang ce tea tähang kähawi hai awngneng saite py sy.

Pawlae ma Rom märü üng kangkawng tähang tärü saite cae 10:12

Judae khimi na hai ceng kälang na lä äte la lang te awng y. Säthaw lä khimi angxynlyng na üng Areng mangtä vi te phüng-a, aetang saite qütä na tea lä Äni ma tengxyng y tähang kähawi py pa te vi.

Pawlae ma Rom märü üng kangkawng tähang tärü saite cae 3:22

Isu Khrista tea yng saite hai-a Säthaw lä Khrista tea yng saite khimi angxynlyng na bung cüng hai te vi dy. Judae khimi na hai ceng kälang na tea Säthaw üng maw-a cüng hai hethang lä älang kälang awng te y.

Pawlae ma Rom märü üng kangkawng tähang tärü saite cae 8:28

Säthaw tea bälung aevaw kha Säthaw lä äma üng mawlang kaedawng kätyng ka saite khimi ce tähang Säthaw ma äte angxynlyng na kähawi-a sa pa te tea mä-ai lä mäny ö vi.

1 Korin 1:30

Säthaw ma sa te phüng-a, nang ce lä Isu Khrista hai bungtä lawng ö vi dy. Säthaw lä Khrista bung mä-ai tähang bälunghae hai hethang sa te vi dy. Äni hai-a Säthaw ma mä-ai tea khimi käcüng-a dawng te vi. Äni hai-a mä-ai bung lä khimi käcai-a lawng hai vi dy. Äni lä mä-ai üng hunghö sa jawjaw y hethang bälawi te vi dy.

1 Korin 10:32

Nang ce lä Judae khimi na, Ceng kälang na, Khristen kangkawng üng khimi na ma hunghö sa hai y hethang-a awng ö ba.

1 Korin 12:27

Nang ce lä Khrista üng ätabung vi. Nang ma ce thung üng khimi qütä lä honi ätabung üng kaepreng haetä lawng qi te vi.

1 Korin 8:6

Tungaila mä-ai tähang lä Säthaw lawngtä xyng kha äni lä mä-ai üng Pä-ai vi. Äni lä äte angxynlyng na tea sa vi dy. Äni tähang mä-ai lä hing ö te vi. Mä-ai tähang Areng lawngtä xyng awng kha äni lä mä-ai üng Areng Isu Khrista vi. Säthaw lä äte angxynlyng na tea äni hai-a sa vi dy. Äni hai-a mä-ai lä Säthaw tähang hing ö te vi.

2 Korin 1:1

Hini cae lä kai, Pawlae hai mä-ai üng kangby Timothe te üng tha te vi. Säthaw lä äma üng aely kängai hai-a, kai bung Khrista Isu üng angtawtha lawng hethang re vi dy. Kai lä Korin märü-a awng saite Säthaw üng kangkawng hai Käri pre-a awng saite Säthaw üng khimi käcai angxynlyng na tea hini cae tärü te vi.

2 Korin 4:5

Kai ce lä kai ma ce üng phüng na tea thui ö te y. Kai ce lä “Isu Khrista lä khimi angxynlyng na üng Areng vi näte hai kai ce lä Isu hai-a nang ce üng mawsawng na lawng ö vi” näte thui ö te vi.

Galati 1:2

Kai hai hi-a awng saite yng te khimi angxynlyng na ma Kalatia khö üng kangkawng na tea kawng te lo thui ö te vi.

Ephesi 5:26

Mä-ai tea cai hai hethang Khrista lä hikä sa te vi dy. Tui hai-a mäse te kätyng-a Säthaw üng lo hai Khrista lä kangkawng tea mäcai te by vi dy.

1 Thesalon 1:1

Hini cae lä kai, Pawlae, ma Thesalonika märü üng Areng Isu Khrista hai mä-ai üng Pä-ai Säthaw yng saite khimi na tea tärü te vi. Kai hai mangtä awng saite Saila ni Timothe ma la nang ce tea ämaw aedawng te lo thui hawi by dy. Säthaw ma nang ce tea tähang kähawi hai awngneng saite py sy.

1 Thesalon 4:7

Säthaw lä känyng he kähawi-a hing hai hethang mä-ai bung ka te y. Käcai ping-a hing hethang ka te vi dy.

2 Thesalon 1:1

Hini cae lä kai, Pawlae, ma Thesalonika märü üng Areng Isu Khrista hai mä-ai üng Pä-ai Säthaw tea yng saite khimi na tea tärü te vi. Kai hai mangtä awng saite Saila hai Timothe ni la nang ce tea aedawng te lo thui hawi by dy.

1 Timote 2:8

Kai lä Säthaw tea cäphaw hethang aeting saite mityng qütä üng nawngmäcaw na tea käcai-a awng kha aetang hethang äkö na täryng hai hethang ngai te vi. Äni ce lä kädawtho y käla lawng lawngtä aejaw aemang y hethang kae.

1 Timote 3:15

Ätephüng-a mei nädylä kai qae mai dylä, Säthaw üng engthung khaw lawng saite kangkawng-a, yng saite na makä sa kha awng ö ai mei näte nang tea mäny hai hethang kai lä ngai te vi. Ing aeling hai aenyng nae lä ing tea ca hai te vi. Honi kätyng kangkawng lä Säthaw üng älo mitang ma cakhi hai te vi dy.

2 Timote 1:9

Säthaw lä mä-ai bung aeqang kha käcai-a hing hethang ka te vi dy. Äni lä mä-ai üng kähawi sa saite na phüng-a ka te y lyng. Äma ma üng mawlang kaedawng hai tähang kähawi phüng-a vi. Älawng sa y te kälang-a ma, Säthaw lä äma üng tähang kähawi mä-ai tea mätü hethang Isu Khrista bung mätaw te hai-a sa rüng te vi dy.

2 Timote 2:19

Tungaila Säthaw tea yng khü te khimi na üng yng saite lä ingkäleng haetä üng aenyng nae ca te kätyng cakhi te vi. Säthaw üng tärü saite na lä “Areng lä äma tea yng saite khimi na bung mäny vi” näte hai “Khimi lawngtä ma kai lä Areng leithung hui te vi näkha thui dylä, käsi sa saite tea khaisö hethang kae te vi” näte awng vi.

2 Timote 2:22

Nang lä särai anglaw na sa hethang ngaiphi tüng y saite na tea aehi ba. Bälung käcai hai Areng tea cäphaw saite khimi na hai mangtä cüng saite, yng saite, bälung aevaw saite, awngneng saite awng hethang aethawsa ba.

Hebrai 10:10

Säthaw üng aely kängai kätyng Isu Khrista lä äma üng ätabung tea qengtä löci aesa saite hai-a mä-ai üng hunghö na mäcai te vi dy.

Hebrai 13:12

Hini phüng-a Isu lä äma üng äthi khekhe hai-a khimi ce üng hunghö tea mäcai hai hethang märü üng hawngkhae kätho ärang mang-a dü te by vi dy.

Hebrai 2:11

Isu lä khimi ce bung äma ce üng hunghö na tea mäcai pa te vi. Äni hai äni ma mäcai saite angxynlyng na üng Äpä-ai lä lawngtä kae. Tukätephüng-a Isu lä äni ce tea äma üng kangby hai ticaw na näkha ka hethang aejae y.

Judae 1:1

Kai, Judae, Isu Khrista üng mawsawng hai Jaeko üng kangby ma hini cae tärü dy. Mä-ai üng Pä-ai Säthaw ma re ea äma üng bälung aevaw saite thung-a awng kha Isu Khrista ma aedung hai saite khimi angxynlyng na tea hini cae tärü te vi.

Lokphong 19:16

Äni üng kä-o käsa hai äphai qawng-a tärü saite ämüng lä, “Sanphrang na üng Sanphrang, areng na üng Areng” näkha awng vi.