1 Korin 1:1 - Caekäcai Kangthae (Lemi)

¹ Hini cae lä kai, Pawlae, hai mä-ai üng yng saite kangby jä-ai Sothene ni ma nang ce tea tha saite vi. Isu Khrista üng angtawtha lawng hai hethang Säthaw lä äma aely kängai kätyng-a kai bung re vi dy.

Asang Khongso New Testament

¹ Khrih Jesuh ih tamtoeh ah oh hanah Sithaw koehhaih ih hoiah kawk ih kai Paul hoi kamnauk Sosthenes mah,

1 Korin 1:1 ပူးပေါင်းရင်းမြစ်များ

Luka 6:13

Kädang khö aevang ea lä äkähui na tea ka pa. Tukha äni ce thung üng khimi lawng hawlai netä na bung re kha äni ce tea “Angtawtha na” näkha mäthi pa vi.

Johan 15:16

Nang ce ma kai bung re te y. Kai ma nang ce bung re te kae. Nang ce ly kha äthai aethai mang hethang kai lä mätaw te vi. Nang ce lä aekang jawjaw saite äthai na äthai he kae. Tupyng-a kai üng ämüng hai-a, nang ce mäkai saite angxynlyng na lä Pä-ai ma py ai mang.

Johan 20:21

Tupyng-a Isu ma thui pa haile te lä “Nang ce tea awngneng te awng sy. Pä-ai ma kai bung mätaw te kätyng-a, nang ce bung la kai mätaw te vi dy” näkha näpa.

Angtawtha 1:15

Kätü käni qae saite kätü-a, Isu tea Yng saite khimi lawng cungvai kuisytä na lä aekäcö ö kha awng ea Peterae lä aedaw kha älo thui pa dy.

Angtawtha 18:17

Äni ce lä Judae na üng ingkäcai mätawngky Sothene bung ne kha älo cei saite mityng-a bo pa ö vi. Tungaila Kalio lä honi sa saite tea dawngcang y käla awng pa vi.

Angtawtha 22:21

Tupyng-a Areng ma ‘Ly lawi. Mityng kähanglaw-a awng saite ceng kälang khimi na tea nang bung kai mätaw ai’ näkha thui vi” näpa.

Pawlae ma Rom märü üng kangkawng tähang tärü saite cae 1:1

Hini lä Khrista Isu üng mawsawng Pawlae te üng cae vi. Säthaw lä äma üng Angthang Kähawi thui hethang ka kha kai bung angtawtha-a re te vi dy.

Pawlae ma Rom märü üng kangkawng tähang tärü saite cae 1:10

Säthaw üng aely hai-a kai lä nang ce tea ly haw hethang älang aepä-awng he Säthaw tea aetang te vi dy.

Pawlae ma Rom märü üng kangkawng tähang tärü saite cae 1:5

Honi Areng hai-a Säthaw ma kai lä Khrista tähang mawsawng sa kha angtawtha lawng hai hethang tähang kähawi py te vi dy. Ceng angxynlyng üng khimi na lä yng kha tängai ö hethang Säthaw lä kai tea Angthang Kähawi thui hai te vi.

1 Korin 15:9

Kai lä angtawtha na thung-a aely lengky y saite lawngtä vi. Kai lä Säthaw üng kangkawng tea mätangbälai hai te phüng-a, kai tea lä angtawtha näkha mäthi hethang mäteng ma aeteng te y.

1 Korin 3:9

Kai ni lä Säthaw üng kälu tea sa saite kangby jä-ai na vi. Nang ce la Säthaw üng lai kätyng vi. Nang ce lä Säthaw üng Ingkäcai kätyng by vi.

2 Korin 1:1

Hini cae lä kai, Pawlae hai mä-ai üng kangby Timothe te üng tha te vi. Säthaw lä äma üng aely kängai hai-a, kai bung Khrista Isu üng angtawtha lawng hethang re vi dy. Kai lä Korin märü-a awng saite Säthaw üng kangkawng hai Käri pre-a awng saite Säthaw üng khimi käcai angxynlyng na tea hini cae tärü te vi.

2 Korin 11:5

Nang ce ma aesangky te kätyng mäthi saite angtawtha na lä kai qawng-a aesangky vi näkha kai lä aedawng te y vi.

2 Korin 12:12

Kai lä nang ce hai mangtä awng saite kätü-a, angtawtha lawngtä üng äsäny lä cangxei saite hai kamarae na tea änawngsa te hai sa pyng te vi dy.

2 Korin 8:5

Äni ce lä kai ce üng aethang khai saite qawng-a cang y sa ö vi dy. Angcüky-a äni ce lä Areng tea äma ce bung ae-a pyng-a, Säthaw üng aely kätyng kai ce tea la äma ce ma ae-a ö te by vi dy.

Galati 1:1

Hini lä kai, Pawlae, ma tärü te cae vi. Kai lä angtawtha lawngtä vi. Kai bung lä khimi ce üng aenae hai khimi ce ma angtawtha hethang mätaw te y. Isu Khrista hai kädü thung üng äma bung mätha haile pa saite mä-ai üng Pä-ai Säthaw ma kai bung lä mätaw te kae vi.

Ephesi 1:1

Kai, Pawlae, ma Ephesi märü-a awng saite Säthaw üng khimi na tea cae tärü te dy. Isu Khrista üng angtawtha lawngtä-a khai hethang lä Säthaw üng aely kängai vi. Nang ce lä Isu Khrista hai bungtä awng kha äni tea yng ö jawjaw saite na vi.

Ephesi 4:11

Hini Areng lä äma üng kangkawng na tea sakaw saite cawngkhang na py pa te vi. Äni lä khimi phütä na tea angtawtha na-a lawng hethang sakaw saite na py kha kälang phütä na tea lä buisaw na-a lawng hethang sakaw saite na py pa te by vi. Phütä na tea lä Angthang Kähawi thui hethang sakaw saite na py pa te vi. Kälang phütä na tea lä yng saite na bung rui kha mätu hethang sakaw saite na py pa vi dy.

Kolosa 1:1

Hini lä kai, Pawlae, ma tärü saite cae vi. Säthaw ma re te phüng-a, kai lä Isu Khrista üng angtawtha lawngtä vi. Kai lä mä-ai üng kangby Timothe hai mangtä hi-a awng hawi te vi. Kai ni ma nang ce tea kawng te lo thui hawi te dy ba.

1 Timote 1:1

Mä-ai aethang khai saite Isu Khrista hai Aeqangkung Säthaw üng särilo hai-a, Isu Khrista üng angtawtha kai, Pawlae, ma hini cae tärü te vi.

1 Timote 2:7

Honi phüng-a Säthaw lä ceng kälang na tea yng saite hai älo mitang phüng-a angthang thui hethang angtawtha-a kai bung re te vi. Kai thui saite lä lo mitang vi. Kaeling y lyng.

2 Timote 1:1

Hini cae lä kai, Pawlae, te üng vi. Säthaw lä äma ma üng kängai-a Isu Khrista üng angtawtha-a lawng hai hethang kai bung re te vi dy. Isu Khrista tea yng saite khimi na tea lä dungtäsa hing saite py hethang Säthaw ma älo aedo saite phüng thui hethang kai bung mätaw te vi dy.