1 Johan 5:8 - Caekäcai Kangthae (Lemi)

⁸ Muilaw Käcai ma mä-ai hai älo aepe kha Johan lä Isu tea tui hai baptismae py ea Isu üng dü te kätü-a lä äthi tho te vi. Honi kätyng Muilaw Käcai, tui lä hai äthi äsäny-a aelawng kha honi äthungtä na lä mä-ai tea mätü saite mangtä kae.

Asang Khongso New Testament

⁸ tonawk loa Pakhra, tui, hoi thii ah oh moa hi thumtonawk mah saksi kang van rip to a paek o.

1 Johan 5:8 ပူးပေါင်းရင်းမြစ်များ

Mathai 28:19

Tukätephüng-a nang ce lä ly ö kha pre angxynlyng na üng khimi na bung kai üng äkähui-a aelawng hai ö. Äni ce tea Pä-ai, Cäpaw hai Muilaw Käcai ämüng hai-a baptismae py pa ö.

Marka 14:56

Ätete lo tho mang saite na ma lä aesyng y te sasi na hai ma Isu tea käsi thui pa ö dy. Tungaila äni ce üng tho saite älo na lä aedü pa ö y.

Johan 15:26

“Säbawng te Kung Muilaw Käcai bung nang ce tähang Kai ma mätaw ai. Hini Muilaw Käcai lä Säthaw phüng mitang khaw-a thui ai. Äni lä Pä-ai te üng ly kha Kai phüng thui pa ai mang.

Johan 19:34

Tungaila reisae lawngtä ma Isu üng mäna-a täri hai thung kha qengtäma äthi hai tui lä tho pa vi dy.

Angtawtha 15:15

Caekäcai thung-a buisaw na üng thui saite älo na lä hini phüng hai aetawng te by vi.

Pawlae ma Rom märü üng kangkawng tähang tärü saite cae 8:16

Mä-ai lä Säthaw üng caw nade na vi näsaite tea Säthaw üng Muilaw lä mä-ai üng muilaw hai mangtä sasi mätü te vi.

2 Korin 1:22

Tukha mä-ai lä Säthaw hai aesui vi näte mätü hethang äni lä mä-ai üng bälung thung-a Muilaw Käcai py kha mä-ai tea äsäny sa pa vi dy. Hini aedo saite lo lä khawngdüng-a Säthaw ma mä-ai tea py khaw hethang awng saite tähang kähawi na vi.

Hebrai 13:12

Hini phüng-a Isu lä äma üng äthi khekhe hai-a khimi ce üng hunghö tea mäcai hai hethang märü üng hawngkhae kätho ärang mang-a dü te by vi dy.

Hebrai 6:4

Mä-ai ma üng yng saite na khaisö te khimi na tea lä ae-ui hai hethang nähai haw y lyng. Äni ce lä Säthaw üng kaevang-a awng vai kha Säthaw üng pyng saite hing te kangthae tea mäteng pyng ö te vi dy. Äni ce hai yng saite khimi kälang na tea lä Säthaw ma Muilaw Käcai mangtä py ö te vi dy.

1 Piter 3:21

Hini tui lä baptismae phüng tea thui te äsäny vi dy. Vaihi Säthaw ma nang ce tea lä baptismae hai-a aeqang te vi. Baptismae üng tui lä nang ce üng ätabung üng pawprae saite na tea mäse te y. Nang ce lä baptismae la te hai käsi kähawi mäny saite bälung käcai hai-a Säthaw tea älo aedo ö te vi. Honi baptismae phüng-a Isu Khrista üng aetha haile tyng saite hai-a Säthaw lä mä-ai bung aeqang te vi.

1 Johan 5:9

Mä-ai lä khimi ce üng thui saite angthang na tea thai kha yng ö saite na vi. Tungaila Säthaw üng thui saite angthang lä honi qawng-a lengky vi. Ätephüng-a mei nädylä Säthaw lä äma üng Cäpaw phüng thui khe te phüng-a vi.