1 Johan 5:7 - Caekäcai Kangthae (Lemi)

⁷ Isu üng mitang khaw saite angthang tea mä-ai mäny haw hethang thui saite äsäny äthungtä awng vi.

Asang Khongso New Testament

⁷ Saksi kangdoehaihkung thumto a oh:

1 Johan 5:7 ပူးပေါင်းရင်းမြစ်များ

Mathai 17:5

Tungaila Peterae lä hini lo kä thui te thüng-a khö angnüng kanglung lä tho kha äni ce tea bu pa dy. Tukha khö angnüng thung mang tho te ätüng lä “Hini lä kai ma bälung aevaw saite Kai üng Cäpaw vi. Äni lä kai tea anghawtho hai te vi. Äni üng älo tängai ö” näkha näpa.

Mathai 18:16

Tungaila äni lä nang üng älo tängai y dylä, Khristen kangkawng thung üng äpy ka pa. Caekäcai thung üng tärü te kätyng äni lä tämang vi näkha nang thui he ngai dylä, sasi lawng ne lawng thungtä awng he kae.

Mathai 28:19

Tukätephüng-a nang ce lä ly ö kha pre angxynlyng na üng khimi na bung kai üng äkähui-a aelawng hai ö. Äni ce tea Pä-ai, Cäpaw hai Muilaw Käcai ämüng hai-a baptismae py pa ö.

Johan 1:1

Angcü-a ma älo awng. Honi älo lä Säthaw hai mangtä awng te vi. Honi älo la Säthaw äma vi dy.

Johan 10:30

Pä-ai hai Kai lä bungtä kae vi” näkha näpa.

Johan 12:28

Pä-ai ä, nang üng ämüng lä phung-ang aetüng sy.” Käni mang üng ätüng lä “Kai lä phung-ang aetüng te vi dy. Tupyng-a phung-ang lä aetüng be ai rawng” näkha thui pa.

Johan 14:17

Äni lä Säthaw phüng mitang-a aetüng pa saite Muilaw Käcai vi. Älawng üng khimi na lä honi Muilaw Käcai bung bälung thung-a mäkung haw y. Nung y kha äni bung mäny ö y. Tungaila nang ce üng bälung thung-a hini Muilaw Käcai awng jawjaw te phüng-a, nang ce lä äni bung mäny te vi.

Johan 15:26

“Säbawng te Kung Muilaw Käcai bung nang ce tähang Kai ma mätaw ai. Hini Muilaw Käcai lä Säthaw phüng mitang khaw-a thui ai. Äni lä Pä-ai te üng ly kha Kai phüng thui pa ai mang.

Johan 5:26

Pä-ai tea hing saite äkung awng te kätyng Kai, Äcäpaw, tea la honi hing saite äkung Pä-ai ma py te vi dy.

Johan 8:18

Kai lä Kai ma üng phüng thui te lawngtä kha Kai bung mätaw saite Pä-ai lä Kai phüng thui saite äkälang lawngtä vi” näkha näpa.

Johan 8:54

Isu ma “Kai lä Kai ma tea tämö khai te kae dylä, Kai üng tämö khai saite lä aetütü kae dy. Kai üng Pä-ai lä Kai tea tämö khai te vi. Äni tea nang ce üng Säthaw näkha nä ö te vi.

Angtawtha 2:33

Säthaw ma Isu bung äma üng bangtang mang-a khai kha Äpä-ai ma aedo saite Muilaw Käcai tea äni lä dang vi dy. Nang ce vaihi nung kha thai saite lä Areng ma mä-ai tea py saite äni üng lasawng vi.

Angtawtha 5:32

Kai ce lä hini phüng na nung khe kha thui haw saite na vi. Muilaw Käcai la khimi ce tea mätü vi. Säthaw lä äma üng älo tängai saite na tea äma üng Muilaw Käcai py te vi” näpa.

2 Korin 13:14

Areng Isu Khrista üng tähang kähawi, Säthaw üng bälung aevaw saite hai Muilaw Käcai üng aede saite lä nang ce angxynlyng na hai mangtä awng sy.

1 Johan 1:1

Angcü üng hai awng kha kähing py saite älo phüng kai ce ma nang ce tähang tärü ö te vi. Honi tea kai ce lä thai kha ämi hai kheng ea nung haw kha äkö hai aela khe ö saite vi.

1 Johan 5:6

Isu Khrista lä hini älawngpre-a ly kha Johan ma äni tea tui hai baptismae py pa vi dy. Isu lä tui hai baptismae la te cang y, honi pyng-a Isu Khrista üng dü saite kätü-a, äthi tho te vi. Honi na lä tüngkhaw vi näkha Muilaw Käcai lä mä-ai tea mätü pa te vi. Ätephüng-a mei nädylä Muilaw Käcai lä khimi ce tea mitang khaw saite tea mätü jawjaw te vi.

1 Johan 5:8

Muilaw Käcai ma mä-ai hai älo aepe kha Johan lä Isu tea tui hai baptismae py ea Isu üng dü te kätü-a lä äthi tho te vi. Honi kätyng Muilaw Käcai, tui lä hai äthi äsäny-a aelawng kha honi äthungtä na lä mä-ai tea mätü saite mangtä kae.

Lokphong 19:13

Äni üng aelawng saite kä-o käsa lä äthi aebi mang te vi. Äni üng ämüng lä, “Säthaw üng Älo vi” näpa.