1 Johan 5:20 - Caekäcai Kangthae (Lemi)

²⁰ Säthaw üng Cäpaw lä hini älawngpre-a ly kha mä-ai tea mänykaw saite py te vi dy. Tukätephüng-a Säthaw tätang tea mä-ai lä mäny haw ö te vi. Mä-ai lä äni üng Cäpaw Isu Khrista hai bungtä awng te phüng-a, vaihi mä-ai lä Säthaw tätang hai bungtä awng ö te by vi. Hini lä Säthaw tätang vi. Äni lawngtä xyng ni khimi ce tea dungtäsa kähing py haw te kae.

Asang Khongso New Testament

²⁰ Sithaw Capa loa angzoh boah moa Sithaw tangtang to panoek hanah thaihkophaih ih to ang paek boah pongah Sithaw tangtang to panoek o. Aicae loa Sithaw tangtang thungah oh o pongah a Capa Jesuh Khrih thungah to oh o. Anih loa Sithaw tangtang hoi dungtasawk hinghaih ni.

1 Johan 5:20 ပူးပေါင်းရင်းမြစ်များ

Mathai 13:11

Isu ma äni ce tea “Säthaw ma pre pyng saite phüng ho saite na nang ce tea mäny hai dy. Tungaila khimi kälang na tea lä mäny hai y.

Luka 21:15

Ätephüng-a mei nädylä nang ce tea nang ma ce üng bälungkae-i na ma e haw y hethang kai ma bälungkähae hai älo na py ai mang.

Luka 24:45

Tudylä Caekäcai lo na tea mäny haw hethang äni ce tea thui mäcai pa vi dy.

Johan 1:18

Ämi la Säthaw bung nung vai te y. Tungaila Pä-ai üng äteng-a awng saite Äcäpaw lawngtä xyng ma Säthaw bung khimi ce tea mäny hai pa te vi.

Johan 10:30

Pä-ai hai Kai lä bungtä kae vi” näkha näpa.

Johan 14:20

Kai aetha haile te käni-a, kai Pä-ai tea awng ea nang ce lä kai tea awng te kätyng kai la nang ce tea awng näte nang ce mäny ö ai mang.

Johan 14:23

Isu ma “Kai tea bälung aevaw saite khimi na lä, kai üng angtu lo tängai ö vi ai. Kai üng Pä-ai lä äni tea bälung aevaw vi ai. Pä-ai hai kai ni lä äni ce hai mangtä awng ai.

Johan 14:6

Isu ma “Kai lä lolang vi. Älo mitang hai Hing saite la vi. Pä-ai tea tyng rung khytä ly haw saite lolang lä Kai ma qaitä kae.

Johan 14:9

Isu ma “Philip ä, Kai lä nang ce hai mangtä awng te qae vi dy. Nang ce lä vaihi khytä, Kai bung mae te y vi rawng mei. Kai bung nung saite khimi lä Kai üng Pä-ai bung nung te by kae dy. Kai üng Pä-ai bung kai ce tea mätü näkha ätephüng-a nang lä thui te mei.”

Johan 15:4

Kai lä nang ce hai aesui jawjaw. Kai lä nang ce hai aesui jawjaw ai mang. Cäpje cangpre lä äkung hai aesui y dylä äthai aethai haw y. Äkung hai aesui ea ni äthai aethai haw te kae. Nang ce la kai tea aesui y dylä äte la sa haw y lyng.

Johan 17:14

Nang üng älo äni ce tähang Kai py pa vi dy. Älawng üng khimi na ma äni ce tea esäre pa ö vi. Ätephüng-a mei nädylä, Kai älawngpre hai aesui y te kätyng, äni ce la älawngpre hai aesui ö y.

Johan 17:25

Käcüng saite Pä-ai ä, Nang bung älawngpre üng khimi na ma mäny ö y. Tungaila Kai lä Nang bung mäny vi. Hini äkähui na lä Kai bung Pä-ai, Nang, ma mätaw näte mäny ö by dy.

Johan 17:3

Dungtäsa hing saite näte lä Säthaw tätang lawngtä xyng tea mäny te hai, Nang, Säthaw, ma mätaw saite Kai, Isu Khrista, bung mäny te tea näte vi.

Johan 20:28

Thawmae ma “Kai üng Areng, kai üng Säthaw” näkha näpa.

Johan 8:42

Isu ma “Säthaw lä nang ce üng Pä-ai vi dylä nang ce lä Kai tea bälung aevaw ö vi ai. Kai lä Säthaw te mang üng ly kha vaihi hi-a awng te kae be. Kai ma üng aely ngai te kätyng-a ly te y lyng. Säthaw ma Kai bung mätaw te kae vi.

Angtawtha 20:28

Tukätephüng-a nang ce lä mä-ai ma ce tea sädi hai awng ö. Muilaw Käcai ma nang ce tähang a saite kangkawng tea kähawi-a rui ö. Beram rui saite Kung ma beram rui te kätyng nang ce lä, Säthaw üng kangkawng tea kähawi-a, rui kha kheng ö. Ätephüng-a mei na dylä, Säthaw lä äma üng Cäpaw thi hai-a honi kangkawng bung rang te vi.

Pawlae ma Rom märü üng kangkawng tähang tärü saite cae 9:5

Äni ce lä ämüng aethang saite Hebrai kangsi kangjaw na üng kaepreng na vi. Khrista la khimi lawng te kätü-a, Isrelae khimi kätyng-a aepeng te vi. Äte angxynlyng na pyng saite Säthaw tea lä khimi ce ma dungtäsa bälaw hai ö sy. Amen.

1 Korin 1:30

Säthaw ma sa te phüng-a, nang ce lä Isu Khrista hai bungtä lawng ö vi dy. Säthaw lä Khrista bung mä-ai tähang bälunghae hai hethang sa te vi dy. Äni hai-a Säthaw ma mä-ai tea khimi käcüng-a dawng te vi. Äni hai-a mä-ai bung lä khimi käcai-a lawng hai vi dy. Äni lä mä-ai üng hunghö sa jawjaw y hethang bälawi te vi dy.

2 Korin 4:6

Säthaw ma, “Käving thung-a kaevang awng sy” näkha thui vi dy. Hini Säthaw lä mä-ai üng bälung na thung-a la äni üng kaevang aevang hai te vi dy. Tukätephüng-a Isu Khrista üng mimai-a mä-ai lä Säthaw üng phung-ang tea nung kha mäny haw ö te vi.

2 Korin 5:17

Khrista hai bungtä awng saite khimi qütä lä, khimi kangthae-a lawng vi dy. Älang kangrüng kätyng hing saite na lä aemai king vi dy. Älang kälang kangthae-a hing saite lä tyng te vi dy.

Ephesi 3:18

Nang ce lä, Säthaw üng khimi angxynlyng na hai mangtä, Khrista üng bälung aevaw saite käthu käcawng, kaesang, käka hai kähanglaw na tea mäny te haidae awng haw ö hethang kai lä aetang te vi.

Filipi 3:9

Tukha kai lä äni hai bungtä cung bawi-a awng haw hethang vi. Kai lä Ubädi lo tängai te hai-a kai ma tea khimi käcüng-a bälawng te y vi. Khrista tea yng te hai-a kai lä khimi käcüng-a aelawng te kae. Honi cüng saite lä kai lä Isu tea yng te phüng-a, Säthaw ma kai tea py saite kae vi.

1 Timote 3:16

Ho ea khai saite na tea Säthaw ma mä-ai tea täphawng saite na lä cangxei hethang hawi bärai vi. Honi tea ämi ma eja haw y lyng. Khrista lä khimi cüngtang-a aelawng vi dy. Muilaw Käcai hai-a mä-ai tea Isu lä Säthaw üng Cäpaw tätang vi näkha mätü vi dy. Äni bung lä Känipre angtawtha na ma nung ö vi dy. Äni üng angtawtha na lä äni üng phüng ceng qütä na tea thui ö te vi dy. Hini älawngpre mityng qütä üng khimi na lä Äni tea yng ö dy. Säthaw ma Äni bung lä Känipre-a nähaija vi dy.

Titas 2:13

Mä-ai lä hikä awng te thüng-a, mä-ai tea kawng hai saite aethang khai te tea aering ö te vi. Honi lä mä-ai üng kaesangky Säthaw hai Aeqangkung Isu Khrista lä äma üng phung-ang hai aetüng ai te tea vi.

Hebrai 1:8

Tungaila Äcäpaw phüng äni ma thui te lä, “Säthaw ä, nang üng pyng saite pre lä dungtäsa awng jawjaw vi ai. Nang lä nang ma üng khimi na tea cüng saite hai pyng te vi.

1 Johan 2:23

Äcäpaw bung aephae saite kung lä Äpä-ai hai bungtä awng haw y lyng. Isu lä Säthaw üng Cäpaw näkha cüngpra-a thui dylä äni lä mä-ai üng Pä-ai Säthaw hai bungtä kae vi dy.

1 Johan 2:24

Angcü üng hai thai saite angthang na tea nang ce lä nang ma ce üng bälung thung-a aedawng khü ö ba. Honi angthang tea bälung thung-a khaimy dylä, nang ce lä Äcäpaw ni Äpä-ai hai bungtä-a lawng jawjaw ö vi ai.

1 Johan 2:6

Mä-ai lä Säthaw hai bungtä awng dylä Isu Khrista kätyng awng hethang kae.

1 Johan 4:14

Mä-ai üng Pä-ai Säthaw lä hunghö ma pyng saite khimi qütä tähang Äcäpaw bung Aeqangkung kätyng hini älawngpre-a mätaw saite tea nung kha mä-ai lä thui ö te vi.

1 Johan 4:16

Tukha Säthaw ma mä-ai bung bälung aevaw saite tea mä-ai lä mäny khe kha yng ö te vi. Säthaw lä bälung aevaw saite Kung vi. Khimi lawngtä ma Säthaw hai khimi kälang na tea bälung aevaw jawjaw dylä Säthaw hai bungtä äni lä awng te vi. Säthaw la äni hai bungtä awng te by vi.

1 Johan 4:2

Khimi lawngtä ma Säthaw üng Muilaw hai thui saite tea lä hini kätyng mäny haw te vi. Isu Khrista lä hini älawngpre üng khimi-a aelawng vi dy näkha thui saite khimi lä Säthaw üng Muilaw hai thui te vi.

1 Johan 5:1

Isu lä Mesia näkha yng saite khimi qütä na lä Säthaw üng caw nade na vi. Äpä-ai bung bälung aevaw saite khimi qütä lä äcaw na tea la bälung aevaw ö bawi te by vi.

1 Johan 5:15

Mä-ai mäkai saite angxynlyng na tea Säthaw lä tängai vi näte mäny dylä, mäkai saite angxynlyng na Äni lä mä-ai tea py ai näsaite tea mä-ai lä mäny ö khü vi.

1 Johan 5:18

Säthaw üng caw nade na lä hunghö tea sa jawjaw y te mä-ai lä mäny ö te vi. Säthaw üng Cäpaw lä äni ce bung aedung hai pa te phüng-a Setan lä honi khimi tea käsi sa haw y lyng.

1 Johan 5:5

Älawngpre üng hawi y saite na tea bäja saite lä ämi mei. Isu lä Säthaw üng Cäpaw vi näkha yng saite khimi xyngtä ni hini älawngpre üng hawi y saite na tea bäja haw te kae.

Lokphong 15:3

Äni ce lä, Säthaw üng mawsawng Mosi üng ae-awi hai Beram caw üng ae-awi tea thui ö te vi. Äni ce ma, “Äte angxynlyng na sa haw saite Areng Säthaw ä, nang sa saite na lä tengxyng y leng kha cangxei hethang hawi bärai vi. Pre angxynlyng na khimi ce üng Sanphrang ä, nang üng älang na lä mitang khaw kha cüng bärai vi näkha khimi qütä ma nung haw te vi.

Lokphong 19:11

Tupyng-a Känipre aepä-awng te tea kai lä nung kha ho-a lä Cäphö Kanglung metä awng vi. Honi qawng-a aedang saite üng ämüng lä Yng cakhi saite hai lo mitang vi. Äni üng tärae cei te hai täre tea aety saite na lä tüngkhaw vi.

Lokphong 3:14

“Leodikia kangkawng üng Känipre angtawtha tea hini kätyng cae tärü ba. “Hini lä Cakhi kha mitang khü-a sasi tho saite üng älo na vi. Äni üng ämüng lä Amen näkha mäthi te vi. Äni lä Säthaw ma sa saite angxynlyng na üng langdüng vi.

Lokphong 3:7

“Philadelphia kangkawng üng Känipre angtawtha tea hini kätyng cae tärü ba. “Hini lä käcai hai lo mitang-a awng saite Kung te üng älo na vi. Äni tea lä sanphrang Davidae üng aenae näsaite kätho saw awng vi. Honi saw hai pä-awng saite kätho tea lä, ämi ma la aekhae haw y. Aekhae saite kätho tea lä, ämi la pä-awng haw y lyng.

Lokphong 6:10

Honi na lä, “Lengky saite Areng ä, nang lä cai saite hai ae-y nae hawiky saite Kung vi. Nang ma kai ce bung bädü saite älawng qawng-a awng saite khimi na tea tärae cei kha dengpy hethang lä matangtä qae ai rawng mei” näkha ätüng käleng hai hang ö vi dy.